備長

营业中

休息中

海膽海鮮炒飯：鍾意食海膽嘅朋友就啱晒啦，依個飯上面有兩大舊海膽，炒飯火喉岩岩好日本芝士年糕：依個都幾得意即係外邊一塵遠都文俊年糕包住一對肉緊嘅芝士食落去少少鹹少少甜好似某牌子個芝士波波咁既味鹽燒雞翼：雞翼入味，肉質鮮嫩煙肉蠔卷：唔食生蠔既我，燒蠔就岩岩晒我 個搭配食落會比較乾身豬頸肉：佢係切成一條條狀，本身睇落我以為係豬皮黎，食落先知係豬頸肉一咬落去啲汁爆曬出嚟好正不過好肥浦燒鰻魚：即燒燒得好，逼晒啲味出黎 encore左柚子芥末魷魚鬚：少少辣，加埋柚子去中和番，幾得意牛肋骨：燒得好林，食落去好似牛肉乾咁，味道好濃好好味

機緣巧合找到這間餐廳的原因, 是因為在銅鑼灣看到一棟名字以澳門為首的大廈。選取備長這間餐廳的原因,是因為它名字貌似一名將軍的名字。 喜歡它的原因，是因為它帶來驚喜和優質的性價比。作為平民的我平常較少食日本串燒專門店， 但這間個人覺得絕對值得推介一下。選的菜色包括日本雞肝, 煙肉蠔卷,炸池魚仔, 炒雜菜， 雞骨豬肉腸同埋和牛炒飯。日本雞肝因為老婆對文字理解的問題， 她細聲說本身想叫雞腎的， 來到才發現是雞潤。 但我就吃得很滋味， 燒得充滿炭香， 吃下卻是軟滑而甘香的質感。醬汁是帶微甜的日本燒汁， 建議吃時可加預放在調味碟的 鹽粒， 增加提鮮。煙肉蠔卷一定要一口將整粒吞下， 才可以一滴不浪費飽滿的蠔汁， 蠔味香濃而且沒有任何腥味。 外層的煙肉燒得非常脆口帶鹹香， 配上蠔的新鮮非常搭配。炸池魚仔炸多春魚吃得多， 而炸池魚仔是沒有魚春仔的， 但卻帶來額外的軟滑和鮮味。 由魚肉魚骨魚鰭 的每一部分都炸至鬆脆， 配搭提供的甜麵豉醬更加完美。炒雜菜抵償吃過烤物和炸物罪疚感的贖罪菜式。鑊氣十足， 同樣份量亦十足。 只有用少少的鹽調味， 但由於蔬菜非常新鮮， 所以已經非常的好吃。雞骨豬肉腸老婆大讚的一款

因為地點實在太方便，今次是第二次光顧這家店了。週日傍晚相約了友人小聚，簡單點了些串燒和小吃。串燒店少不免會有點油煙味道，但再次到來覺得這裡的通風明顯改善了。一坐下店員就會端來醬料、熱茶和前菜，一小碟前菜有生椰菜，紅蘿蔔和青瓜條。點了一杯梅酒後，我們吃了四款串燒：牛舌厚切、白鱔、日本銀杏、日本青椒仔。牛舌調味足，帶有油脂香。白鱔亦很肥美，外皮燒得香脆可口。銀杏也不錯。另外點了一客雜錦天婦羅，大約有八件左右，包括三隻蝦和一些蔬菜件。天婦羅剛炸起，熱騰騰，很鬆脆。最後還吃了燒飯團，外表有微微金黃色的飯焦，內裡包了一小片的明太子，為飯團加上一點咸鮮味。是次晚餐每人消費約$220。

約好友食飯，朋友話想食串燒，便去了銅鑼灣的居酒屋。汁燒魷魚筒 - 原隻魷魚彈牙不韌，細心的已切好，更易點汁品嚐。日本芝士年糕 - 芝士年糕煙韌軟滑，中間芝士半流心，年糕的米香在口中慢慢滲出來，驚喜之選。免治雞肉捧 - 自家制的雞肉棒，加醬汁燒很惹味，伴上蛋味香濃的溫泉蛋，更富層次。茄子 - 簡單的燒茄子，厚身多汁。燒銀鱈魚乾 - 看似普通的銀鱈魚乾，其實把銀鱈魚的精華濃縮在魚乾裡，味道濃郁。海膽海鮮炒飯 - 海膽吸晴，拌勻炒飯後令整個飯更鮮味，還加入了扇貝粒、蜆肉、墨魚粒、蝦等，十分豐富，飯炒得乾身入味，份量亦多。

一早book咗銅鑼灣鬧市中嘅串燒居酒屋朋友知道有得食串燒煮後即刻準時收工門面已有型格路線Menu其實好多版子除咗串燒仲有炒飯炒麵類配醬方面就有鹽啦檸檬同埋味增醬 另加前菜$28一碟 驚油膩嘅朋友可以同串燒夾埋一齊食 感覺清新啲一口炸芝士 外脆內軟 流心芝士流出 同炸鮮奶口感好似🤩🤩豬頸肉肉串同明太子雞翼 全部都嫩滑多汁 雖然明太子嘅味唔係好出 但佢香脆嘅外皮令人窮追不捨燒銀雪魚成日都覺得燒到一舊好味嘅魚係好困難特別銀雪魚肉質易散 但係今次呢燒到恰好 魚肉幼滑有彈性味增味燒蠔同蟹子燒蠔兩款味道高低難分 但個人比較鍾意蟹子味 因為味增味偏濃有少少cover咗蠔本身嘅味三文魚燒飯團 燒得好金黃但略嫌調味不足最後試左雞大腿肉 直送大阪岩手雞真係唔同啲 嫩到好soothing 🤣🤣今次串燒體驗唔錯 下次要拉大隊再嚟戰鬥😁😁

今日有開心事要慶祝，放工就同朋友嚟咗呢間食串燒嘅餐廳。坐低每枱都有一份蔬菜要嚟點麵豉醬食。呢個麵豉醬偏甜，同蔬菜好夾，朋友超鐘意😂我哋嗌咗幾碟串燒share食。牛舌超級好食！師傅燒得真係啱啱好，肉質超腍，又有油香，調味適中，怕膩嘅話可以點少少檸檬汁解膩。明太子雞翼咬開係滿滿嘅明太子，入面仲應該係釀咗少少辣椒，增加咗刺激感，嗜辣嘅朋友一定要試。蘆筍豬肉卷又係好好食😋 蘆筍爽甜，咬開勁多汁，同豬肉嘅咸味又係好夾。煙肉蠔卷我亦都好鐘意，蠔肉飽滿，咬開冇異味，蠔味好濃，煙肉燒到邊位脆脆地咁，有外脆內軟嘅口感。食完肉類要食返啲清淡少少嘅蔬菜，炒雜菜一上枱果陣好驚喜，因為好太碟😂 洋蔥菇類都炒到入哂味，而椰菜就保持住爽口，好味😋最後加咗個海膽炒飯，海膽份量比我想像中多，海膽creamy冇怪味，炒飯粒粒分明，而且份量好多，雖然嗌得唔多野但兩個人都食到好飽😆餐廳氣氛唔錯，如果唔係聽日要返工，我哋會嗌少少酒精飲品慢慢食住串燒慢慢咁傾吓計，下次會揀週末嚟再試多啲其他食物😋

銅鑼灣真是食飯的熱門聖地，任何款式，菜色任君選擇！但是今天還是選擇了我媽咪的至愛～日本菜(居酒屋)！我覺得居酒屋很有日本文化的特色，提供高品質的食物外，還有特別的酒類供應，可以談天說地之餘，還可食出水準！我們點選了炸蝦天婦羅~炸蝦大大隻，炸得香脆，鮮味十足！串燒款式超多，要食很多次先可試完，今次我們也點算了很多試試，有銀鱈魚~超滑口感，厚身大大啖肉，魚皮有焦香，魚肉又很鮮甜好味！牛舌厚切~名副其實厚燒！口感一流！牛味弄得很是出色！䐁之大腸~很特別的菜色，其他地方完全沒有試過，燒得甘香，送酒佳品！豬頸肉~最驚喜難得带有肥肉，但又感覺剛剛好，食晒一串也覺不夠！浦燒鰻魚~滿帶鳗魚汁充滿味蕾，魚用夠肥美，必食之選！明太子雞翼~雞翼很飽滿，釀滿明太子，皮身香胞可口！鵝肝多士~今晚的冠軍人馬，鵝肝超滑嫰口，入口即溶之感，舆多士必是絕配之選呢！嘩嘩，今晚肚皮滿足到不得了！

已經成年幾沒有去過日本，今年能否去到日本也不敢奢望。每次掛念日本時，就會去食日本菜，幻想自己身在日本，安慰下自己的心靈！今次揀咗食日本串燒，餐廳位於銅鑼灣，地點方便！一坐下就會送上調味料和配菜，配菜清爽，開胃除此之外，餐廳有提供酒精消毒，在這疫情下，這一小步確實會令客人感覺安心又衛生。柚子芥末墨魚鬚$36平時我不是太喜歡芥末，但是這個柚子芥末係屬於重柚子味，感覺清新，不怕太油，墨魚鬚厚身，有咬口日本雞肝$28作為女仔，我都算喜歡吃內臟，雞肝補血對女仔好的！見到有日本雞肝，一定要試一試！雞肝不算大舊，但就是因為細細舊，所以邊位可以燒得焦脆，愛重口味人必叫！牛舌厚切$58每次食串燒一定會叫牛舌！！呢個牛舌係厚切，咬落啖啖肉，出面燒到有少少脆，入面夠淋同juicy ! 如果平啲，我會食好多串，不過我都明一分錢一分貨。雞皮男朋友至愛，就咁望都見到燒到乾脆！外面乾脆，食落滿滿的雞油香味！味噌燒蠔$45 隻燒得剛剛好，味噌醬燒到有點微脆，蠔的熟度剛剛好，一咬落口入面係好juicy ，不會燒過頭。蠔size 算大，好滿足，個人覺得味增醬份量可以少一點點，味道會更平衡上:豚之大腸$32大腸洗得夠乾淨，

收工同閨密係隔離sogo血拼完，一手都戰利品，佢就帶我嚟呢間居酒屋醫肚一坐低就送上前菜，有椰菜、青瓜條、紅蘿蔔條叫左食日串至愛既自家制免治雞肉棒(附溫泉蛋)，軟軟既雞肉棒沾上香濃蛋汁食真係絕配煙肉蠔卷最好味，煙肉唔係死鹹個種，蠔味好出明太子雞翼微辣，無骨雞翼啱哂懶人牛舌厚切食落有咬口之軟，肉汁滿滿柚子芥末墨魚鬚燒到啱啱好，唔會死韌海膽海鮮炒飯好吸引，有2大舊海膽鋪左係面，炒飯都多海鮮，飯粒炒得乾身夠味，一碟分到3小碗

係香港搵間好既居酒屋真係唔太容易，一係就限時食，一係就環境好嘈吵同迫夾，成日都係想食完就快d走，但係今次食呢間真係有日本既居酒屋感覺。早排唔知食咩，求其搵左間居酒屋，點知又好滿意喎。佢食物選擇都幾多元化，除左燒物，小食，仲有d飯麵類。我最欣賞佢地既燒物。處理得岩岩好，燒白鱔表面香脆，內裡肉質鮮嫩肥美，攪到我都再叫多幾串。免治雞軟骨棒又好高質，應該係自己整，唔似買番黎解凍再燒，有誠意。燒帶子水準亦好高，唔會燒到乾哂，size 又大。烏冬既分量十足，鰹魚湯好清甜，麵質爽口彈牙。環境唔係好華麗但係好舒服，唔會好迫又唔會好嘈，翻食指數100%啦，應該會成日約朋友黎😂

今天又來到我最喜愛的銅鑼灣覓食， 朋友想吃日式串燒， 所以我們選了這間食店 。甫坐下， 即被它的裝潢吸引 。我們被安排坐吧枱， 座位舒適。 看看餐牌，價錢比想像中便宜 ，我們首先點了露筍豬肉卷，豬肉經燒烤後沒有肥膩的感覺，蘆筍亦很新鮮。接著是我最喜愛的明太子雞翼， 真不是所有串燒店都有這道菜，雞翼內釀著帶點辛味的蟹子，非常惹味。再來個炸蝦天婦羅，可說是意外驚喜，炸得非常鬆脆可口，炸粉適中，加上蝦也很新鮮 ，所以是我們今晚最愛的菜式。朋友喜歡吃蠔，我們點了兩隻燒蠔， 一款是味噌，一款是蟹籽 ，各有特色，我吃的是味噌 ，鹹度適中，沒有蓋過蠔的鮮味，非常可口美味。最後還來個墨魚汁炒烏冬，可說是驚喜之作，沒想過烏冬內有很多配料 ，特別是魷魚，份量十足，單看餐牌還以為只是墨魚汁炒烏冬而已，但原來內有乾坤 ，配料十足。有美食怎可少得飲品呢?我們分別叫了一杯白櫻桃梳打和麒麟生啤，可說是佐酒的最佳配搭。

放工和朋友到銅鑼灣食日本菜。一坐下店員便送上熱茶及前菜條，蔬菜新鮮也很爽脆。接著是串燒雞軟骨，燒的脆口，雞肉卻很嫩滑。牛舌厚切，一送到香味撲鼻，厚切充滿肉汁，新鮮燒起即食更加好味。豬大腸，這個炭燒豬大腸外皮很脆，不會很油膩但也不會燒光所有油分，推介。柚子芥末墨魚鬚，墨魚鬚大大粒，配上柚子芥末搭配不錯。鹽燒日本鯖魚，上枱時炭燒魚皮焦香味，配上蘿蔔蓉及檸檬汁吃，喜愛。和牛炒飯，和牛配日本米炒飯，炒的粒粒分明。

位於銅鑼灣SOGO附近的一家樓上小店，長期保持一貫質素，這天又帶新朋友一試。雞泡魚乾有驚喜，容易咬開，不會燒得過乾，配一點沙律醬吃更惹味。牛舌入口爽嫩，調味得宜，厚切令口感更佳。雞肝軟腍，帶有雞肝本身的油脂，再配搭香濃醬汁，非常香口。雞心比雞肝口感較堅韌，愛吃內臟的不可錯過。豚之大腸名字很夢幻，帶一點點大腸獨有的微羶，吃下去讓人感到滿足。每次吃串燒都必點荔枝豬肉卷，荔枝燒過後口感煙韌，荔枝汁令串燒味道清新。煙肉蠔卷又是另一精彩的配搭，外層的煙肉燒得香脆，內裡包着的蠔鮮美又多汁。汁燒魷魚筒燒得軟嫩，配搭醬汁，另外可再加一點點七味粉，送酒一流。雜錦天婦羅有大蝦和各式蔬菜，適合和朋友一同分享。一份已有三隻大蝦，外層麵衣鬆趣，雖然是炸物但一點都不覺油膩，大蝦爽口彈牙。點了一杯熱情果梳打，吃肉配有氣飲品，暢快又解膩。

銅鑼灣既澳門逸園中心其實真係好多選擇朋友話想食日本野卒之揀左呢間備長入到去個環境都幾好我地選擇左坐bar枱好feel d一坐低想除口罩搵緊支洗手液消毒之際發現店好窩心錦準備好消毒產品每枱都有真係好鬼貼心之後我地就揀野食由於我地兩個都唔係好肚餓就決定叫一碗烏冬share 再叫串燒小食佢其實都有好多款式價錢都係一般居酒屋錦我地除左串燒加左個天婦羅其實好快野食就黎到首先係烏冬店員其實好貼心一早準備埋兩個碗仔比我地share我地叫左野菜烏冬個烏冬麵好彈牙湯底都幾好岩岩好之後就上串燒我覺得真係唔可以唔試佢地既串燒個銀雪魚好好好好好味個汁超惹味D肉又嫩滑八爪魚係有芥末我覺得給特別個豬肉蘆筍就一般般無乜特別反而個鹽燒雞翼有驚喜味道好好食唔係死咸仲要唔會乾得滯真心好味最後個天婦羅都好得新鮮熱辣又唔油最怕食天婦羅唔熱兼食到成口油呢個係唔會囉應該個炸漿做過功夫下次都會再同朋友黎傾下偈食下野

朋友想食日式串燒，於是我提議到銅鑼灣的備長！因爲好久之前食過一次這裏的日式串燒就一直念念不忘。餐廳員工有禮，而且餐廳所有食物都是即叫即燒，水準及質數都很高，價錢也很合理。餐廳員工首先為我們奉上熱茶和前菜。我們點了燒露荀，蘆筍豬肉卷，日式芝士年糕，鹽燒雞翼，海膽海鮮炒飯及抄野菜等等。首先這裏我非常推介的是鹽燒雞翼，我每次黎都會點！！！鹽燒雞翼燒得剛剛好，皮脆肉嫩，加上面頭少少的鹽味帶出整個鷄肉的鮮味，一試就停唔到口。燒露荀及蘆筍豬肉卷：豬肉薄薄一片包著新鮮的露荀，豬肉片的五花分佈平均嫩滑多汁，豬肉的 油份配上鮮甜的露荀味道剛剛好不會太油膩。露荀亦非常鮮甜，完全無渣。日式芝士年糕：這個日式年糕都是我非常喜歡的，脆脆的紫菜包著軟糯的年糕！食落去有少少薯香的味到，中間有流心的芝士！非常滿足。海膽海鮮炒飯：海膽海鮮炒飯用料非常豐富，包括有海膽，櫻花蝦，墨魚，蚬肉等等，炒飯炒至乾身米飯粒粒分明，非常鮮味。抄野菜非常抵食35-40蚊已經有大大碟！炒得非常惹味又清甜，我地兩個女仔好快就食曬。