備長

营业中

休息中

事發系剛剛今日（19/8 星期四晚上 10:00) , 我地4個女仔，當埋單時候，我拎轉櫈背，發現我既long champ 手袋表面、連手挽部分痴笠笠，再望下櫈背都有痴笠笠既汁，我既時用手抹抹確認系咩黎、成手都系痴笠笠 ，我哋就叫男職員問過究竟，好有可能系上菜（串燒）時滴下來既汁。男職員話要諗下點樣解決，佢就開出第一個offer , 話比$500 清潔費用、我當時都五知比乜反應、只係想入洗手間洗手。出嚟時間，佢再行埋黎、開出第二個offer, 比$500 清潔費之外，extra 再比七折。仲話已經發生，希望大家可以拎到一個舒服嘅位解決。最後我都覺得ok, 就出左張有七折嘅單。但又冇比$500 清潔費。之後我地4人起身問佢，佢就反口話已經比左七折，減左四佰幾蚊，就冇洗潔費了。大大個男人，竟然為咗$500 反口。我又唔係屈佢，系佢自己開既offer, 如果系既，我又點會五要清潔費、要七折（減$4xx) 呢！我轉身便走了。我以後不會再去呢間服務超差既餐廳，不知所謂。希望呢個post, 你哋負責人見到啦⋯⋯

幾日前去到銅鑼灣，突然想食日本燒烤，在鬧市中，發現這間店舖。雖然店舖不算大，但服務員非常熱誠有禮，食物質素都很好。燒明太子雞翼，雞翼去骨後，將雞肉混合明太子釀入雞翼中間，有少少微辣，很冶味。鹽燒日本鯖魚，燒得很好，保留魚汁，而且魚非常肥美，香口。燒紐西蘭羊扒，5成熟，剛剛好，肉質鮮嫩有肉味。炒什菜，不油膩，不太咸，椰菜很新鮮，非常好味。三文魚茶漬飯，湯底加入芥末，味道很特別，好好味。還有燒三文魚飯團，燒完的飯團，外面燒得脆卜卜，似飯焦，好特別。

最近心情有一點複雜，人大了回望過去種種，對未來不禁充斥著忐忑，但願一切如人願，人人都過得安好，所有朋友都健康開心渡過以後每一天。從小對物慾的需求已很小，一直過著簡單不愁兩餐的生活，想不到長大後的世界截然不同，既無法上車，也只能周旋在那微薄的薪金去糊口。對於現況別無他求，香港人畢竟已比很多人來得幸福，我們還是可把握小時光去稍微輕鬆，即藉使用今天收到的消費卷，享受食物從而獲得壓力䆁放的愉快感，就不單單只是裹腹了。地方一貫和式木系設計，餐牌上類別也多，燒物沙律主食甜品都不缺，已能滿足我是夜的期待。免費的前菜是爽口的青菜條，脆而沒菜黃，在等晚餐的同時，先清一下喉嚨。溫泉旦牛油果🥑沙律菜爽脆清甜，牛油果成熟到剛剛好，入口軟糯，口感細緻，拌一拌一刺即破的溫泉旦，就是最天然健康的調味，充滿豐富的蛋白質，又平衡到多日下來少菜多肉的生活，實在份外煥然一新，不複雜卻怡人。尤其加了大量胡蔴醬，味道濃縮，寧舍惹味。牛肉稻庭烏冬烏冬有咬口，彈彈的質地，份量大方，一個女生吃會好充足。牛肉沒煮得過熟，軟熟柔軟，吃時一點都不『鞋』不老。湯頭香噴噴，帶有牛肉和海苔味，好喝(⁎⁍̴̛ᴗ⁍̴̛⁎)令人飲了大半碗，暖胃又低卡，滿足的

今日同朋友去銅鑼灣食飯，book咗呢間叫「備長」嘅日本餐廳嚟試吓！餐廳主打串燒，大部分都可以就咁叫一串，非常flexible！我哋兩個人就叫咗以下呢幾款嚟試試：牛舌厚切（$58）：牛舌好爽脆：茄子（$19）日本小甜薯 （$25）日本秋葵（$32日本芝士年糕（$25）：燒嘅芝士年糕冇平時炸嘅芝士年糕咁熱氣同油膩，但都外脆內軟同有流心效果，我同朋友都好鍾意！粟米（$44）：粟米至少要兩串，即係一條粟米燒明太子飯團（$35）：呢個好特別，之前我同朋友都未食過，食落外面係好似飯焦咁好香脆牛肉稻庭烏冬（$88）

今日同媽咪去銅鑼灣行街，夜晚就去一間樓上嘅日式料理食晚餐。坐低就有一啲前菜，蘿蔔、生菜等等。媽咪一睇個Menu就比美國安格斯肉眼照燒吸引咗，我哋就叫咗200 grams試吓，八成熟。都幾好味喎，牛肉同脂肪分布清晰，肉汁豐富，入口即溶。再叫咗兩串荔枝豬肉卷，同埋日本小甜薯。估唔到荔枝煮熟咗配豬肉卷嘅呢一個配搭係咁好，荔枝嘅甜味同埋汁，同豬肉好配合。再叫咗個海膽海鮮炒飯，海膽香同飯香撲鼻，海鮮料亦豐富。最後，追加多一個西京銀雪魚，肉質非常柔嫩，再加上沙律醬，一熱一涷嘅衝擊，十分享受。

朋友一直非常推薦這間的串燒，所以行完街便來醫肚。 樓上居酒屋，環境和氣氛都不錯，交通又方便果然值得推薦。鹽燒雞翼先來串鹽燒雞翼，雞翼少油脆皮，十分惹味，作為啤酒佐菜，簡直一流!煙肉蠔卷蠔肉鮮甜肥美，卷上煙肉的蠔，兩種油脂同時散發，甘香撲鼻，互不搶去各自獨特的味道，大讚!黑白胡麻炸多春魚用黑白芝麻包裹著多春魚還是第一次嘗試，黑白 芝麻香脆可口，但太多芝麻了，略為搶去多春魚的味道，但喜歡芝麻香的人，絕對會是最愛!海膽海鮮炒飯 海膽夠新鮮，不腥不苦，還有帶子、魷魚等海鮮 做配料， 炒飯大大碟，夠飽肚。明太子燒飯團燒飯團的外層是卜卜脆的飯焦，口感香脆特別， 但幾考牙力，喜歡吃飯焦的人一定要嘗試!

如果身在銅鑼灣想嘗嘗串燒，備長絕對是不二之選😋👍🏼先上場的是鵝肝多士。鵝肝一上桌就油香四溢，肥美到不行。放進口中，香嫩的鵝肝配上烘脆的麵包底，在口中融化開，最適合我這嗜油份子😂吃串燒，大腸真的不可少。豬大腸一層脆口，一層煙韌，一層層疊加一齊，十分過癮，而且大火逼乾外層，不會過分油膩。愛吃日式串燒的朋友都會認得它，月見免治雞肉棒。雞肉實在，不會入口即散，外層香烤後，甚具風味。配上濃濃的「月見」，味道更顯層次。柚子芥末墨魚頭，柚子味濃，十分清香。芥末味不算很濃，始終和吃壽司不同，不過已足以調味。墨魚頭和兩者的味道配搭略嫌複雜，不過值得一讚的是墨魚的火候剛好，保持爽口之餘，亦保持了墨魚的濕潤。鰻魚串也不用多介紹了，除了好吃，就是好吃。另外還有豚肉荔枝串，荔枝肉厚實，用豚肉包裹，酸甜和肉香平衡得恰到好處。最後點了一款主食，海膽和牛炒飯。海膽新鮮，頗為鮮甜，整體不俗。如果大家有預算，想品嘗高質的串燒，絕對值得一試！

近排冇得去旅行，時不時掛住日本居酒屋嘅串燒今次同朋友搵到依間評價唔錯，決定嚟試一試店內嘅裝修以和風為主，有bar枱，氣氛幾好店員都好熱心介紹食品同飲品，有幾款特別深刻，真係好好食！荔枝豬肉卷 $33豬肉片包住清甜濃郁果香嘅荔枝，配搭出清新而不膩既味道，一試難忘柚子芥末墨魚鬚 $36清新爽口嘅柚子芥末配上口感爽脆嘅墨魚鬚，咀嚼既同時，一邊感受爽口墨魚鬚，一邊滲透住淡淡柚子清新燒厚切牛舌 $58油脂豐郁既牛舌經燒烤既手法，香氣撲鼻而且味道豐富既牛舌味道配上厚厚的肉質，絕對不會令人失望。自家制免治雞肉棒（付温泉蛋）$42免治雞肉滲雜雞肉軟骨做成的雞肉棒一邊燒烤一邊再用日式燒汁掃上表面，令雞肉棒份外入味，最後食前再在外圍沾上雞蛋汁，燒汁雞肉加軟骨既口感，再配上香滑蛋汁，味道層次十分豐富而且十分滿足。一口炸芝士 $52燒飯團 $35銀鱈魚 $48豬頸肉 $26柚子清酒 $58熱情果梳打 $40

💚BICHO備長💚溫泉蛋牛油果沙律小編唔知點解好中意食，其實就只係好正常嘅牛油果+沙律菜+半熟蛋+芝麻醬😂😂但係就係中意食。明太子雞翼&鹽燒雞翼雞翼完冇雪藏味，外皮岩岩好有微焦，肉嫩。兩個都係正常。荔枝豬肉卷配搭新鮮。豬肉配上荔枝，大大減低豬肉嘅油膩感，再加上荔枝烤過之後嘅香甜，味道會幾特別。美國安格斯牛柳小編見要成78蚊，諗住會係一碟安格斯牛柳，但係點知上到黎係一串3粒牛柳，個下驚訝咗嘅。不過肉質嫩，都大舊，5成就真係5成左右，味道正常。汁燒魷魚筒正常。魷魚爽口彈牙，醬汁少甜。佢有薑用配喺一邊，可以自行選擇加定唔加，小編就覺得唔加好食啲。辛辣炸雞小編大愛。一定一定要趁熱食，雖然凍咗都好食，但係熱食好食勁多。外脆內嫩，juicy。完全無骨，啖啖肉。小編唔太食得辣，但係覺得呢個辣可接受，成件事好惹味，好好食。海膽海鮮炒飯小編另推呢個。海鮮炒飯比想像中好食唔少，仲要估唔到個飯做得幾好食。炒飯吸哂海鮮味，炒得乾身又夠鑊氣，所以個飯好香。連小編呢個唔中意食飯嘅，都食咗幾碗。海膽正常，不過唔鮮甜，但係勝在有唔少海膽。炒飯有魷魚、帶子、蜆仔、墨魚仔等等，完全係落足料。簡單嚟講，就係正常價錢正常質素

去咗依間串燒店食。都預咗貴㗎喇串燒。西冷牛串。好有牛味油香。唔靭。豬頸肉串。燒到好香口。牛舌串。不錯。燒魷魚。唔點汁。完全無味。燒得唔夠乾身。多春魚。唔肥美。無肉食。明太子雞翼。辣辣哋。香口嘅。不錯。雞軟骨。都可以。梳打。荔枝味。正常。蔬菜串。好似完全無調過味。食到原味道。茄子翠玉瓜有少少花臣。有啲味。和牛炒飯。微量肉。都炒得香口嘅。ok。燒蠔。味噌同蟹子味。蟹子有食蟹子沙律嘅味。蠔夠大隻肥美。正。清酒煮蜆。有大隻又有細隻。睇你好唔好彩。無沙。酒味幾濃。正。鵝肝多士。好大舊。但入面唔夠熱。未逼到鵝肝嘅香味出嚟。可惜。總結。有好味都有伏味。同勁貴。性價比低。份量都好少。大食仔女叫多兩碟飯打底啦。

又是一個忙碌的星期，經過了無數的死線後終於到星期五。為了好好慶祝，特別約了朋友吃餐好，享受這個小週末。備長位於銅鑼灣澳門逸園中心，從地鐵站出發不用兩分鐘便到，地點方便就腳。疫情關係餐廳也十分貼心，安排了膠板作為分隔，而且枱與枱之間有足夠距離，令我們吃得安心。我們一行2人點了幾樣不同菜一起互相分享。柚子芥末墨魚鬚(⭐⭐⭐⭐💢)墨魚鬚燒得爽口彈牙，配上柚子芥末汁，味道酸酸辣辣，令人十分開胃，作為前菜一流。舞茸豬肉捲(⭐⭐⭐⭐💢)創新特別的一種串燒，舞茸菇是日本公認的健康食物，配上微微燒燶的豬肉，吃起來層次感豐富。牛舌(⭐⭐⭐⭐💢)牛脷是厚切的，吃起來鬆軟而且多汁，肉味濃郁，簡單的配合海鹽已經十分好吃。白鱔(⭐⭐⭐⭐💢)之前在日本名古屋吃過燒鰻魚，一試難忘，想不到回到香港也能吃到那種味道。 鰻魚是預先起了骨的，肉質肥美可口，油脂感十分豐富，外皮燒得有點香脆，配上麵豉醬汁，味道更為豐富。汁燒白菌(⭐⭐⭐⭐💢)燒白菌一串有三粒。白菌本身味道較淡，配上燒汁就最適合不過。 海膽海鮮炒飯(⭐⭐⭐⭐💢)最後叫了一個炒飯，有點澱粉質才飽肚的。雖然材料簡單，但卻體現出師傅的巧手工藝。炒飯是用日本珍珠米，上面

很久沒有食日式串燒，今天跟朋友去了銅鑼灣「備長」試下。餐廳細細但都預留了一個大區域作燒烤之用，座在BAR 台前可以看到師傅用心製作的串燒，而且香味會令你更肚餓。日本和牛稻庭烏冬非常肚餓的情況下叫了個日本和牛稻庭烏冬，想不到一試愛上。稻庭烏冬幼滑細膩，輕輕一吸就從舌尖滑到喉嚨裡，非常爽口。而湯底是木魚濃湯，非常FRESH，日本和牛輕輕滾熟，未算是入口即融但也十分軟滑。燒豬頸肉, 明太子雞亦及燒銀雪魚燒豬頸肉用了肥瘦適中的部分，香口又惹味。明太子雞亦出奇地易咬，咬一口雞亦入面是雞肉及明太子，小許辛辣。燒銀雪魚燒得剛好，肉汁保留在魚肉內不會乾。汁燒魷魚筒汁燒魷魚筒用秘制日式照燒汁燒制而成，令味道極之香濃，帶有些少甜味 魷魚口感彈牙，無論口感或者是味道都係一絕令人回味無窮。芝士年糕芝士年糕是一個我也非常喜歡的菜式，比起在家中煎炸，我覺得用日式網燒最能突出其味道。外層白香脆，內層軟滑加上拉絲芝士，非常滿足。

有時想去食串燒，但每串動輒幾十蚊，埋單一個人閑閑哋幾百蚊，都真係不便宜。嗰日約朋友去銅鑼灣lunch，上網見到備長嘅lunch set只係$98至$178 ，除咗前菜、湯、主菜、飲品之外，仲有自選串燒三串。淨係睇份量都已經覺得好抵食，所以就決定去試吓。前菜係雜菜沙律同埋中華沙律，味道不過不失。主菜我哋分別叫咗安格斯牛肉薄燒，同埋香煎鵝肝飯。牛肉燒得恰到好處，有少少肉汁，唔會太乾，內裡包裹住蔥花，中和牛肉嘅油膩感之餘，亦令牛肉多一份清香。鵝肝飯份量不少，絕對係唔吝嗇食材，但卻不大食到鵝肝嘅油香，只係有油膩嘅感覺。始終咁嘅價錢，好難俾到高質素嘅鵝肝出黎，呢點都可以理解嘅。反而作為配菜嘅冬菇，可能吸收左鵝肝嘅油分，加埋醬油去炒，要黎送飯真係冇得頂。自選串燒我哋揀咗：牛肋骨 - 味道不錯，但略嫌有筋。豬頸肉 - 香脆，有油香，不錯。鹽燒雞翼 - 皮脆，內有肉汁，非常好食。多春魚 - 魚皮燒得香，完全冇燒燶或者爆肚，魚籽卜卜脆。冬菇 - 入面仲好濕潤，一啲都唔會燒到乾爭爭。總括黎講，食物唔算十分出色，但以咁嘅價錢喺銅鑼灣食到咁多嘢，仲要有三串串燒，真係非常抵食！最大問題反而係唔夠冷氣，同埋燈光太

見到呢間好評幾誇張，諗住請朋友食生日飯應該唔錯，食完之後我地都覺得冇下次。水準一般，唔算好難食既，但同好食有距離，茶漬飯似白粥😹燒牛幾un全熟咁濟，魷魚un 到直情放棄咗，性價比低。員工服務態度唔錯。只係想留個真實既評語，我覺得幾大落差。

黎到銅鑼灣，美食多籮籮🤣經朋友推介下，先知道原來有一間居酒屋咁近銅鑼灣地鐵站😁😆今晚一於黎試下佢！睇吓點解佢可以由咁多美食之中脫穎而出❤️-餐廳環境唔算好大🙈但正正因為咁就覺得好有私人空間，座位與座位之間距離唔會太近😆加上燈光昏暗，食落更有味道😋我獲安排嘅位置仲可以睇住店員整串燒😍-1.荔枝豬肉卷 $33 一串9.5/10呢到嘅串燒係每款2串起叫，即叫即燒😍坐係到聞到啲香味都流哂口水🤤呢個荔枝豬肉好好食呀👍🏻荔枝嘅甜味帶出豬肉嘅香味，荔枝同豬肉又唔搶左大家嘅味道❤️-2.豚之大腸 $32一串 9/10豚之大腸其實係豬大腸，不過將佢地切到細細舊🤣師傅燒得剛剛好🤤每一舊食落去都好脆身，加上蜜糖黎燒，好香口，好似食薯片咁😋-3.自家製免治雞肉棒（附溫泉蛋）$42一串 8.5/10見佢個名好特別咁😍即管叫黎試下🤣果然黎到係好特別吖🙏🏻免治雞肉中間夾住軟骨，令到串燒軟硬嘅口感都有🤤溫泉蛋配上日式豉油，鹹鹹地又有蛋香，必點👍🏻-4.溫泉蛋牛油果沙律🥗 $68呢個沙律用料唔慳👍🏻牛油果有好多，每啖都有，而且牛油果唔會太生，軟硬適中😍整體沙律都好高質👍🏻-5.茶漬飯（三文魚）$44 8.5/44如果怕食串