倫哥尊尚火鍋私房菜 (已結業)

餐廳座位夠多，但又唔會坐得迫，而且每張枱既一邊坐位都有梳化，人多的話仲有卡位和獨立房間，仲有電視睇忝，服務質素方面都唔錯，有足夠員工，只要舉手搵店員都好快有人過黎幫忙。講返食物，先上雞煲比我地享用，雞肉唔會因為攪拌時整到好多碎骨，即係冇用到冰鮮雞，唔錯。另外有豬皮/牛柏葉/魷魚，可以放埋落去撈勻，吸左雞煲既醬汁，更加好食。豆腐/雲耳都係前菜小色，幾開胃。跟住一人一隻鮑魚/蟶子，雖然size未必好大隻，但平民價錢都有海鮮食確認超值，而且兩者都煮得好惹味。刺身，蝦係最不能錯過，大隻又膠質，口感有漿住漿住果種感覺，真係好新鮮。揀好鴛鴦湯底鍋之後，馬上送到枱上，見到鍋既扶手位係大大個龍頭，好有氣派。環游海鮮盤，眾多海鮮色澤都好鮮艷，而蟹係最正，因為有好多蟹膏，龍躉魚都好食，無骨啖啖肉。打邊爐食牛肉先至爽，今次揀左牛頸脊，肥瘦均勻，口感軟淋。仲有食埋其他配料，韭菜餃重韭菜味，夠足料，仲有點左d蔬菜食，健康d。甜品係黑糖冰涼粉，都係每位一碗，口感同涼粉一樣，但賣相好靚，晶瑩通透，打完邊爐食返d涼浸浸既野，真係成個人爽晒。汽水都係任飲。

女友話之前食過倫哥好正，帶我去試試上到嚟，發現好大，全層都係佢嘅，好多vip房，下次夠人數book間房，有自己私人空間，開個私人party坐低後先送上一人一份蠔皇扣原隻鮑魚配花膠同埋蒜蓉粉絲蒸扇貝蠔皇扣鮑魚配花膠-鮑魚煙韌入味，花膠亦不錯蒜蓉粉絲蒸扇貝-都幾大隻，蒜蓉味很重，但沒有蓋過扇貝的鮮味，而粉絲更吸收了兩者的精華之後送上按人頭份量的刺身，有甜蝦，三文魚腩，帶子，八爪點，北寄貝，全部都好新鮮雞煲超好食，因為唔食辣，所以叫左唔辣，已經超好美，店員話要煮多八分鐘，每兩分鐘就炒d雞一次，以防燶，隔離抬叫大辣炒起來極香，比我哋唔辣的更香食完雞煲可以轉火鍋，不過雞煲係任添，記住食到夠先轉火鍋，我哋叫左豬骨牛乳湯底，好足料，有兩舊大大的豬骨第一轉配料不用寫，店員會自動送上，先有海鮮拼盤，再有丸，餃同牛頸脊左起：牛丸，年糕魚蛋，雲吞，九菜餃牛頸脊雖然不太肥，但肥瘦均勻，所以食落香滑，令人感到有想食多d眼感覺餐牌內，其實仲有其他配料可以點，保證你一定可以食飽最後還有甜品附送，因為我哋太飽，所以無要到

一上到去基本满座，幸运有book定位。未食已經聞到個場好香，越聞越餓。首先上左d鲍鱼花胶刺身做前菜，又大舊又新鮮。個雞煲要自己幾分鐘搞一次，搞到熟先食，但係個侍應講到有d復雜有d亂。好食，唔够食仲可以任添。食到7成飽就叫佢上個邊爐填埋果3成。最後仲有碟涼粉做甜品順便降下火。不過環境嘈杂，張枱又大，好難同朋友盡興吹水

成日聽朋友講到幾好食，自己終於黎試喇，一坐底就上左兩來款小食俾我地，又唔馬虎喎，好入味！餐廳係提供半任食海鮮火鍋套餐，其中整好左嘅原隻蠔皇扣鮑魚同粉絲蒸扇貝都好深刻，覺得好好食，無諗過食火鍋會食到呢d野，仲要係高質，鮑魚同花膠煮得好軟身。仲有魚生，之前都食過有d餐廳會提供，但質素實在…好彩呢度無令我地失望！好入正題食雞煲，分量超多，好野味，醬汁好夠味，個份香辣做得好出色。店員都好貼心教我地點炒個雞煲，上黎嘅時候係未熟曬，由我地自己炒就可以食到最新鮮！D朋友最推介就係佢d海鮮，話好新鮮，的確如此，而且好大隻，擺盤又靚，的確難得，簡單地配番芫茜皮蛋湯底都已經好夠味，可以食番原材料鮮味！另外一定要提佢d牛，肥瘦分佈同厚薄都控制得好好，又幼嫩又夠牛味！最後仲有冰粉做甜品，涼透心呀～

大大個店名牌匾，設計以中國風格。飲品主要係各式汽水和果汁，居然見到有五花茶任飲，我都拎左壼，清熱氣最岩。入座後每位會奉上一隻蟶子和鮑魚，蟶子用蒜蓉粉絲蒸，好香而且冇沙粒，鮑魚則煮得入味，口感爽口。前菜豆腐磚，好滑，配胡麻醬係最夾。前菜刺身拼盤，共有5款，樣樣都好新鮮，帶子係最好食，厚肉大隻，食落軟綿綿咁。開始上雞煲，少辣，目測應該有一隻雞份量，煮熟後煙霧瀰漫，熱辣辣好好食，雞肉夠嫩唔鞋口。食完雞煲開始打邊爐，一邊蕃茄湯底，一邊麻辣湯底，麻辣雖然好多辣椒同埋好深紅色，但唔算好辣，岩香港人口味。主角海鮮拼盤出場喇，有8款時令新鮮海鮮，而且所有貝殼類海產都冇沙粒，處理得乾淨。配料，各式丸類當中，最推介沙律丸，口感彈牙味道又甜甜地，響鈴係必食之選，浸落湯底索晒d味道。墨汁墨魚滑，好彈牙，都係我最喜愛之一。哩個牛頸脊真係不得了，脂肪比例較少，所以食落肉味較重，而且冇筋口感唔會過韌。

無論咩季節，男朋友都係咁鍾意打邊爐。男人專一係好事😅。 每逢假日同佢拍拖出街食飯，十次有九次都係打邊爐。今晚我地黎倫哥新開佐敦分店食雞煲、海鮮、火鍋，好多配料任叫任食好鬼正。餐廳地方頗大，坐位數目都多,但唔會有逼狹感。安排座位後，職員細心解說今晚上菜的豐富流程，好令人期待。另外，餐廳的餐碟有特色，印上一些令人回心微笑既字句。-1️⃣先黎冷盤前菜: 黑木耳黑木耳酸酸甜甜夠爽口都頗大碟，份量都多2️⃣麻醬豆腐豆腐鮮嫩，簡單地配上麻醬，清新又健康-3️⃣鮑魚花膠炆得夠入味；花膠抵厚身，正！4️⃣蒜容粉絲蒸蟶子十分爽口-5️⃣刺身拼盤驚喜一浪接一浪；刺身有厚切三文魚、甜美鮮帶子、爽口北極貝、多膏甜美的赤海蝦。-6️⃣惹味雞煲可有辣度選擇，我揀左少少辣職員指導要每隔兩分鐘用大木匙攪一次雞煲防「癡底」。大約8分鐘可以食得。 不過我們常常唔記得睇時間😅，但職員好好，會主動出手幫客人的。一打開煲蓋，就噴到香噴噴既麻辣香。雞件數量多，花椒八角味好入味。雞肉入口嫩滑富彈性，冇雪味。食到一半，加埋爽口既牛柏葉、豬皮及魷魚，好豐富！雞煲唔夠食，可以再免費添加。雖然好好味，但都係要留肚食火鍋呢。-7️⃣打邊爐食完雞煲，可選擇湯底打邊爐我地

天氣涼涼地，朋友即係話要去打邊爐。一向都知【倫哥】超爆場，嚟到真係全場滿座，唔訂位真係冇得食架！ 記住一定要訂位呀！ 睇個餐牌都知陣容鼎盛，食落就知超大份量！麻辣小食係木耳，冰凍爽口。胡麻豆腐。蒸蟶子。花膠鮑魚，炆得入味又養顏。雪櫃飲品同五花茶都係任飲，五花茶微甜又好飲。刺身：蝦、北寄貝、三文魚、八爪魚‥‥‥ 最好食係帶子。雞煲可以揀唔同辣度，揀左BB辣，惹味得嚟又唔會太辣。中途可以加入牛栢葉、水魷及豬皮一齊煮「嗦」吓味，可惜牛栢葉、水魷份量好少。食完雞煲揀湯底打邊爐，鴛鴦湯底唔駛加錢。環球海鮮拼盤樣樣新鮮，有好多仲可以encore，任食紙有架。二人份量但蟹得半隻，唔知點分。好少見到咁肥美嘅蟶子。牛頸脊有雪花紋，牛肉味特別濃，但每人只有三四片，唔多夠喉。雲吞拼水餃、黑松露手打黑白蝦滑、 蔬菜籃，響鈴係低鹽少油，魚皮更加係即炸，熱辣辣夠鬆脆。甜品係黑糖冰粉，食完喉嚨好舒服。其實好多朋友食過都話超飽，叫我留定肚。 我已經一早留左肚，但事實係：食完 「非任食項目」我已經gg，一樣 「任食項目」我都叫唔到囉，份量真係超大，定係我個肚仔太細！？

好喜歡食任食尤其是呢一間佢可以滿足到我食刺身食雞煲打邊爐嘅唔同願望，而且仲會有湯、甜品、熟食。每人都會有鮑魚同埋花膠，比較喜歡鮑魚好爽口之餘旁邊嘅醬汁都幾好食。另外佢到咗會想上刺身拼盤，份量啱啱好，會有甜蝦，三文魚，帶子，8抓魚。另外呢一度嘅雞煲真係好出色，店員亦都興致勃勃咁同我地介紹，仲會配上牛柏葉豬皮魷魚等待我哋係中段時間落去。我哋選擇咗溫泉雞湯底，配上冬瓜可以飲咗少少湯再食雞，再去打邊爐個湯底都好鮮甜。總會有海鮮拼盤，雖然果任食但係本身比嘅材料都非常新鮮，每日都會有時令嘅海鮮確保佢哋都係新鮮。而今日我哋就有最鍾意食嘅蟹！牛頸脊肉質鮮嫩而且牛味重，其他打邊爐嘅材料都係飲食雖然我哋冇叫到好多。最後仲有甜品送上同埋佢哋啲汽水都係任飲。

趁天氣突然涼一涼，即刻約朋友去佐敦倫哥打一打邊爐 🔥我覺得去倫哥打邊爐最特別係佢其實唔止邊爐，仲有好多其他嘢食，好似我哋今次打邊爐之前就先食咗刺身拼盤、芝麻醬豆腐、花膠鮑魚、蒜蓉蒸象拔蚌，真係未入正題都已經飽咗三之一 食完啲前菜，我哋就開始食雞煲！雞煲好惹味，而且份量好多，我哋兩個人都唔係好食得晒 每一次食雞煲其實都感覺有啲複雜，又要煮幾多分鐘又要搞一搞，搞完又要等多佢煮幾多分鐘又要搞一搞，好彩餐廳嘅侍應都好take care我哋，雖然我哋都有計住時，但每一次侍應見到我哋要動手佢都會offer幫我哋手，又會提我哋啲嘢食食得，抵讚 👍🏻食完雞煲就開始打邊爐！有四款湯底可以揀，我哋揀咗北海道3.6牛乳豬骨鍋，入面真係有幾舊豬骨 ，好香牛奶味👍🏻個套餐本身跟一堆火鍋配料，海鮮拼盤有齊魚、蝦、蟹、象拔蚌、蜆、蟶子 🐟🦐🦀，海鮮好新鮮，鮮甜，不過記得唔好煮太耐其他打邊爐唔少得嘅肥牛、響鈴、丸、餃、菜都有如果都係唔夠就仲可以追加，大部份都可以任食最後仲要有埋甜品，甜甜地，呢餐就真係勁飽喇 😋

星期日晚行過佐敦搵食見到個哥哥仔派傳單, 好豐富好多款式, 又見到寫住倫哥, 以前食過有保證, 所以就試下這間新開的分店。8點坐滿人, 例牌自助去拎飲品, 又整下調味醬油, 職員做野好快手~ 唔使等就拎了前菜小食又問埋雞煲、湯底花膠鮑魚做前菜, 食完包我上位鮑魚算大隻, 而且炆過都唔"老, 花膠入晒味, 口感重膠質。小食是木耳同四季豆, 唔算辣, 食完開胃立即有雞煲食!雞煲要每2分鐘開一次再攪下, 攪了幾次8分鐘後就食得, 雞肉一熟即食剛剛好! 很嫩, 份量也挺多, 啱晒鐘意食雞煲的我!雞煲食到一半就把豬皮魷魚放入去煮幾分鐘就食得, 因為雞煲煮了一會就收晒水味道越煮越濃, 所以放了豬皮魷魚後就中和晒, 而且好快入味!!忘記了還有剌身拼盆及蒜蓉扇貝!很新鮮, 剌身帶子食落是鮮甜的, 扇貝是熱上的, 粉絲吸收曨精華!食完雞煲換了一煲新的芫茜皮蛋湯, 是我最近的首選湯底, 鐘意佢清D同清熱下~職員又陸逐把其他套餐配料上枱, 有蔬菜藍、海鮮盆、蝦滑同牛頸脊肉!!!!!!!!特別是我食了個貴妃蚌好鮮甜!! 龍躉片也不錯, 食完再點!!牛肉一睇就知正!! 肥瘦分佈平均, 如果分量多D就正!!!其實

想食港式邊爐的話，我會首選倫哥。7點幾黎到，幾乎座無虚席！好彩個場夠晒大，好快就被安排入座了。飲品任飲的，除咗常見的幾款汽水之外，仲有唔少味道嘅菜同埋韓式飲品可以揀，夠晒多選擇！先來的是兩道頭盤，涼拌木耳同埋麻醬豆腐，兩碟都好清新開胃！第三道上的刺身，係港式邊爐必備的刺身拼盤！有赤海蝦、帶子、北寄貝、八爪魚同埋三文魚。赤海蝦勁大隻，肉質結實甜美，正到爆！其他四款都好鮮甜可口！之後到上熱盤，有名貴的花膠鮑魚，兩樣食材都炆到好腍好入味，港人至愛！蒜蓉粉絲蒸蚌仔，蚌肉爽口鮮甜！雞煲來了，兩個人都上咁大煲，真係超級大份！店員建議每兩分鐘炒一次，然後就較細一格火力，我哋就開始計時等食喇⋯⋯點知兩分鐘之後，店員就主動走埋黎幫我哋炒同埋調較火力！之後每隔兩分鐘左右，店員都過黎幫我哋炒一炒，會全程有人Serve，正！炒咗四次，終於有得食！雞肉入味，麻得過癮！雞肉仲要帶少少黃油，夠香夠肥美之餘仲一啲都唔鞋，真係唔錯！食咗大半兜雞，店員幫我哋落埋豬皮同水魷落去一齊炒，味度同平時街邊檔嗰啲豬皮水魷一樣咁惹味，夠晒港式！食完雞煲再打邊爐，我哋揀咗牛乳豬骨湯底，營養豐富又夠清甜，貪佢唔會搶咗食材嘅原味！手切肥牛

（倫哥私房菜）其於佐敦的店近日開張，一於約朋友去試一試。小食係麻辣鳯爪，不過，實在興趣吾大，因為已經比其他菜式吸引左。係雞煲上之前，先有魚生拼盤同蒸海鮮打頭陣，好多款式而且充滿心思準備，包括有鮑魚，花膠，扇貝等等，陣容超級鼎盛，吃得遍地奢華。主菜雞煲，店員好詳細講解做法，我地因為怕辣就點左少辣。煮食時間就比較耐，但出黎效果就超乎想像，味道香濃帶有一點點麻辣。仲可以將豬皮同魷魚一齊煮，吸收雞煲香濃醬汁。食完雞煲，店員換上左個豬骨火鍋湯。大大舊豬骨去煲湯，非常足料。未開食，已經飲左兩碗湯。牛脊肉，好新鮮，仲要好多塊，好飽肚。海鮮可以任加，其中值得推薦墨魚滑，好有鮮味。有黑，白兩款。甜品係冰粉，好好食，入面有青提子乾去調味。如果吾係太飽，我會食多幾碗。

兩老退休後經常去旅行，成日留低我同個妹食自己🥺 今日心血來潮好想打邊爐，就捉左呀妹試下屋企附近倫哥既海鮮火鍋套餐！地方非常寬敞，一入到門口已經好多人，好熱鬧。一坐低，呀姐就俾左碟前菜，酸酸辣辣好開胃！食完就有刺身，種類都幾多，而且頗新鮮。食完刺身有驚喜！竟然有鮑魚同花膠食，第一次打邊爐有呢d野食🤣之後就上雞煲啦！好大煲！唔敢要太辣，小辣已經好惹味，食到呢到，已經有小小飽😆終於到左我最想既打邊爐！海蝦新鮮，肉質彈牙，最特別有平時少見既鑽石蜆同刀貝蜆，仲有象拔蚌bb添。食完海鮮就到牛啦，好重牛肉味，肥瘦比例岩岩好。最終就有各種蔬菜，餃同手打丸。食到呢到，我真係好飽！甜品係透明既涼粉！大食既朋友可以試下呢個套餐，物超所值。

今晚好友生日, 佢想食好D, 所以帶佢黎倫哥尊尚火鍋私房菜, 可以食刺身、雞煲仲打埋邊爐~一開始，先黎盤刺身，入面有三文魚、蝦、帶子、北寄貝、八爪魚等。。。全部都好迎鮮～之後個雞煲就黎喇，每兩分鐘要攪拌一次以防黐底 ，一共要攪四次，雞就會全熟，食落好嫩滑，唔錯！另外，可以將牛栢葉、魷魚、豬皮一齊煮落個雞煲度，食落好美味、可口~花膠鮑魚都好正，鮑魚彈牙入味，花膠超多又爽口～～之後就揀鴛鴦鍋，我地揀左蕃茄薯仔湯底同芫茜皮蛋湯底，清清地可以突出海鮮既鮮味～～海鮮超級豐富，有龍蝦、甜蝦、 蟶子大蜆、龍躉片、魷魚、新鮮蝦滑、墨魚滑等等，真心鮮甜！仲有其他配菜，eg. 蔬菜籃、豆腐、粟米 etc.另外, 打邊爐當然要食牛肉啦，我地叫左牛脊背，油脂分佈均勻， 牛味重又唔肥膩，正！食到呢度已經好飽，諗住埋單時，仲送個甜品涼粉，滑溜都爆，like !!overall 價錢合理，仲食到咁多好野，下次可以帶埋屋企人試下！

呢間私房菜好特別，一開始係食炒雞煲先嘅，雞嘅份量好多，同埋好入味，四個人食啱啱好，食完雞煲之後就會轉做打邊爐，仲可以自己揀湯底，我就揀咗個蕃茄薯仔湯底，同埋啲牛好新鮮，唔會有雪藏味，仲有魚生食添！