俺流塩らーめん (新都會廣場)

营业中

休息中

今日一個人等男朋友，所以自己先行醫肚。12點幾過左葵芳搵野食，lunch 時段，勁多人排隊，佢門口已經用左排隊嘅水牌，分隔左三行。排滿人，見到都怕怕。所以去行左陣。過咗巔峰嘅lunch，我接近兩點鐘左右再行返轉頭，見到大約排五個人左右我就決定咗去排隊等。大約等左10分鐘左右有位可以入去啦。我點左一個黑蒜湯底嘅拉麵同埋炸雞一份。個湯底我覺得好好食唔錯我仲唔差唔多飲晒，但係個雞就一般般冇特別。黑蒜湯底湯底嘅拉麵，可以揀啲麵嘅軟硬度，要唔要蔥蒜等等， 我自由選擇因應自己個人口味。個面入邊仲有日本叉燒同埋流心蛋一隻。講到隻留心蛋，真係不得了，未咬落去已經感受到入邊充滿蛋漿，感受到入邊係空心，唔係熟左既實心。咬左一小口，就見到入邊啲蛋漿流出來。D staff 總要好細心，見到客人準備起身會提客人拎齊野，好彩有個男服務員哥哥提我，唔係我就留低左部iPad啦🙏🏻🙏🏻

成日都唔知呢間嘢叫咩名，次次經過都話下次要試下。今日終於試到喇。原來呢度出名嘅係鹽味湯底嘅拉麵，所以就決定試一試佢。個湯底睇落去好似冇乜顏色咁，點知原來佢個味道都幾濃郁。面底就冇得揀粗幼同硬度，但係呢隻麵嘅質感同味道都唔錯。不過嗰塊日式叉燒就差緊啲，唔係好夠林身，仲窿窿地。

今晚和老公撐枱腳，見到拉麵店竟然不用排隊，所以便到來吃。每次經過這間店，都見到好多人排隊，好想來試很久。我的辛辣拉麵味道不算太辣，叉燒不會很肥，不錯。老公的濃湯拉麵味道淡淡的，他說麵也很彈牙，不過不失。這裏的拉麵，可以自己加黑蒜蓉、柚子胡椒、梅子、辣油。老公說柚子胡椒的味道很清新，可以一試。我加了少許黑蒜油，味道不算很濃，但是都有蒜蓉的香。喜歡吃蒜蓉的人可以試吓。

新都會廣場大番新，加入左好多新食肆，日式拉面店係其中一間。今日午飯見排隊人數不多，就試一試有幾好味啦三個人各自叫左碗拉面 - 個人認為食拉面最緊要係個湯底！黑蒜熟成濃湯拉面，湯底最好味；俺流柚子拉面，湯底好清新，唔油膩，如果柚子味濃d會開心d, 不過就無左食拉面個種越濃味越好味嘅感覺; 辛辣鹽湯拉面，呢個湯都幾好味不過食落無咩層次感，好似普通辛辣面湯底。而拉面都可以選擇硬度，可以選擇要唔要蔥同埋筍。每碗拉面配有一隻流心蛋（一般）同埋一片叉燒（真係得一千零一塊），咁嘅價錢又有少少貴喔。我地另外仲叫左客炸雞，新鮮炸起，幾好味

今日我同我既小王子黎到新都會廣場搵野食，因為我地兩個都病病地，所以就決定食d清少少無甘熱氣既野，甘岩就見到有間拉麵店，甘我地就去左排隊。一入到去，環境都唔錯，我地一人叫左一碗拉麵，對我地即將黎到即拉麵抱住極高嘅期望，我地叫左一碗xx味噌拉麵同一碗xx鹽味拉麵，兩碗麵一黎到緊係要要試下頭啖湯啦，一試就不得了，我嗰碗味噌直頭係無味嫁，一田嗰d13蚊4包既麵豉湯仲重味過佢碗野十倍，甘可能有d中意食淡味啦，唯有自己加味，但係都唔係成碗麵得一千零一塊叉燒阿大佬，仲要兩碗都係得丁屎甘大塊既叉燒，就係面頭嗰塊，無其他餸嫁啦，孤寒到咁既地步既拉麵，仲要收加一，埋單180蚊，真係一定無下次之餘，仲要將我openrice既第一篇食評獻比佢，同時亦會記得下次食飯前開個openrice睇下各位前輩既食評，希望唔好再中伏

食豬骨湯底的拉麵像太過主流，所以今次揀左俺流柚子拉麵($72)，可惜我覺得非常一般。整體上整個拉麵都有淡淡柚子的味道，但湯底比較清淡。 配料方面溫泉蛋效果不錯。但叉燒只有一塊，亦比較細塊。今餐並不能完全填飽肚子，唯有下次試試其他拉麵鋪頭吧。

📢有驚喜嘅拉麵😋➖➖➖➖➖➖➖➖➖➖➖➖➖➖➖➖➖➖粉麵嚟講講除咗米線之外小編都好鍾意食拉麵🍜今日晚餐好早就嚟到食， 食完出到去發現出面都有好多人排隊😱#黑蒜油熟成濃湯拉麵 ($72)😋好味指數：(8/10)+$13追加叉燒🐖一嚟到已經聞到好香嘅黑蒜味🤤食落去黑蒜味都濃，不過唔會覺得太咸😋如果嫌黑蒜味唔重嘅話， 側邊有啲調味料，入面都黑蒜可以落咖😙重點係飲咗好多湯都唔口渴😍麵質同分量都ok，不過叉燒偏瘦只有一塊，完全唔夠喉囉🙄另外🥚夠晒流心🤤👍🏻.#明太子芝士燒餃子 ($38)😋好味指數：(7.5/10)一共有6件餃子😚好多時候食咗嘅芝士餃子都係裏面有芝士🧀不過呢款價錢就唔同啦，上面鋪滿咗厚厚嘅明太子同芝士一齊燒，食落去好重明太子味，而且芝士仲多到可以拉絲添😆不過餃子唔係好大隻， 皮都比較厚😢#橙味梳打 ($18)😋好味指數：(7/10)凡惠顧拉麵或丼物可以加十蚊換購汽水或梳打💁🏻飲落去嘅味道就係芬達再加多啲氣🍊.⭐溫馨小提示📌餃子記得襯熱食🔥唔係啲皮就會痴埋一齊同埋唔好食咖喇😘📌收加一服務費

咁大個人未食過咁難食嘅拉麵🤢...所有食材都係凍嘅😑...啲叉燒食落去感覺好似食緊柴皮咁😖，等同於湯渣嘅瘦肉一樣嘅感覺😭！仲有個炸雞同埋留流心蛋係極之難食，以後唔會再幫襯！😤😤

坐低咗先來一杯自來檸檬水，希望有安裝濾水器。等嘢食途中，有烏蠅係我面前飛過。上菜，半熟蛋冇醃製過，淡而無味。跟餐只有一塊叉燒，如要另加叉燒要加$38，但係加3塊我又食唔晒⋯⋯玉子大阪燒等於炸雞蛋，但是醬汁還可以。

湯底唔掂，價錢太貴，每款麵得一塊叉燒，加3塊要$38，即係食一款麵連加一最平要$100。埋單要出去埋，淨係喺屋傳菜，而且侍應太態一般，黑口黑面，咁為何要多我10%服務費呢？一d都唔值。😬😬

廣場裝修後嚟過，之前已經見倒呢間據聞東京幾高人氣的日本拉麵店，因為好多人排隊晚飯太多人，於是有日食晏來試，有約十人排隊。排隊時可以點菜。菜單上約有十多種拉麵，有日式叉燒 葱 餃子等另外再點，加錢有汽水。點了3號黑蒜油熟成濃湯拉麵。添水自助，有調味料如黑蒜，辣椒油，胡椒粉等等供調味當日坐無虛席，入座後大概十五分鐘後拉麵上菜。環境很整潔。拉麵的湯底嚐得出有蒜味，下過一番功夫，但味道很單一，不是一種令人留戀的味道。拉麵整體感覺很普通。。。沒有驚艷的感覺，很難令我食後讚不絕口。需要收10%加一服務費。因為下單及添水都是自助形式，所以不太覺得要付加一服務費

新都會新開了一間拉麵店，一人前來，食過很多次。湯底的味道很濃又夠熱。排隊的方法很有效率，在等位時，已經選定自己想食乜嘢，所以一坐低就可以落單。最欣賞佢有一些卡位，很適合成日單拖的我，幾乎每次都唔使點排隊。供應的清水有檸檬片，得清新，自助式加水，不求人。最近仲有八達通，埋單都很方便。變飯堂。

以前去葵芳 除左喺葵廣掃街之外 想食餐正餐都唔知食咩好 事關想食果啲都食厭曬😂 而新都會而加終於開多幾間新食肆😀😀😀 就好似呢間拉麵咁 雖然已經開左一陣子 而PPFood都食過幾次 但今次PP總算有新突破🤣 事關之前幾次都係俾佢嘅柚子湯底吸引住😌🙈 所以一直都冇試其他 今次就終於踏出第一步 食左呢碗俺流男盛拉麵（$88）佢有分熟成同辣揀 而PP就揀左熟成 其實今次揀呢個係因為見圖有叉燒、炸雞同蛋☺️ 係最豐富😚 而結論係唔錯 2件炸雞都算size適中 又冇雪藏味🤓 蛋都係流心的👍🏻 雖然冇話特別好食 但喺葵芳想止止拉麵癮 呢間係好選擇！

個人比較喜歡吃辣味湯底的拉麵，午飯時間十二點多到這裡人不多不用排隊。不過這裡的環境比較開揚，店舖有個區域與兩座扶手電梯共享位置，因此有些食客坐的位置是正好在扶手電梯的底下，可能會有點侷促感。而有些位置就正好在扶手電梯扶手位置的旁邊，周邊食客都會在來往的行人視線範圍內。儘管如此，這裡的拉麵個人覺得很不錯，湯底味道辛辣味不會重口味，吃叉燒會沾上放在桌面的梅子醬/柚子醬，喜歡軟拉麵。麵的份量剛剛好，而且點餐和上食物的時間都很迅速。已經來了好幾次了，附近的朋友想吃拉麵首選這家。

有一晚係葵芳新都會廣場搵食見到有間日式拉麵店大排長龍人群心態之下 排埋一份試下排左半個鐘左右就有位拉麵店叫俺流塩らーめん位於商場open area間出黎嘅地方 所以唔算大枱與枱之間較近同迫窄分別叫左一碗鹽湯拉麵同一碗濃湯拉麵餃子同一碟餃子拉麵麵質揀咗普通但係我同另一半都覺得好硬由於我本身唔鍾意硬身嘅拉麵成個味道會好影響左塊叉燒又比較乾所以我覺得唔好食湯底係正常嘅 鹽湯就會清啲另外餃子賣相都幾hea下形狀唔似餃子皮又厚 味道亦都唔好味真係越食越覺得點解出面會咁多人排隊係咪啲人都係見到人排我排嘅心理咋比較特別係依度有三款調味料可以自己任落梅子醬丶柚子胡椒丶黑蒜蓉不過我自己就覺得唔算係同啲拉麵小食味道夾環境氣氛： ★★★☆☆食物質素： ★★☆☆☆服務態度： ★★★☆☆