佳記麵家 (已結業)

佳記係正我公司附近，所以經常來幫襯。坦白講，每次來佳記我都會點同一款食品－－筋腩麵多青！一直以來都喜歡吃麵檔的腩麵，記憶中咁大個人只對兩間麵檔的腩麵激節讚賞，其一係旺角好景商場旁窄巷搭起的檔攤，因為十多二十年前在附近讀書而經常幫襯，最喜歡它炆得極度香濃入味的牛腩，可惜此檔早已結業，而另一家就是佳記了。佳記的牛腩說起來沒有記憶裡好景那檔美味，但跟其他香港麵檔比較，我覺得它絕對是最好味的。腩麵的湯底非常重要，只有好湯底才能襯托出牛腩的美味，佳記的腩麵湯底絕對夠惹味，但我不建議大家喝湯，偶爾一兩匙還好，多喝始終不健康。五花腩炆得很入味，濃香得來又夠稔，咬起來鬆化而腩坑的texture很有咬口，諗起都想食返碗，Good！不過，除左腩麵外，我試過這裡的雲吞麵和魚旦麵就只一般，尤其魚旦很渣，試過一次以後都唔會再試。但呢度的牛腩絕對要試試！

雲吞麵ok, 豬手同五香牛腩幾正, 行過可以一試, 不過....老闆娘唔剃腳毛.... >.<

除左雲吞同水餃，呢度既墨魚丸都係好野，真係實實在在，一個字，正！麵質方面有時好正，有時又普通d（當然，都唔會難食），唔知點解．．．

腩河扣底...自從九記之後, 好似對五香牛腩失咗興趣, 今日hangover口淡淡想食啲濃味既野, 行吓行吓行到呢度五香牛筋腩蚊得好入味好稔又夠濃夠香, 好在又有啲坑位... 好彩扣底,因為扣咗先啱啱夠湯... 不過好味, 仲令我對五香牛腩有番興趣好! 下次試佢豬手同哩腩

(6/6)　　剛起床的的阿華，看到Lola睡在沙發上，如常懶洋洋地看那一堆哭哭啼啼的愛情劇。阿華睡眼惺忪，伸懶腰地說：「你又看這等劇呀？真的好看嗎？我有點餓，有甚麼可以吃？」Lola煞有介事地回應：「你們男人怎會明白天方地老，愛恨交纏的情節，Amy、Donna也很喜歡看，他們的男友也會陪她們一起看，但你卻剛剛相反。」此時他無可奈可地說：「算我不明白。你餓嗎？」Lola說：「我想看完這最後數集先，劇情緊湊，男主角……」她朗朗上口地講述劇情，阿華提不起甚麼興趣，還開始覺得有點乏味。阿華等了又等，看見Lola瞪眼地望著螢光幕，原想與她同往赤柱午餐，一同享受日光浴的意欲也消失了，只好到附近買了雲吞撈麵，牛腩撈麵作午餐。　　正當阿華吃得津津有味，喃喃自語：「佳記的雲吞撈麵，雲吞的豬肉香味，麵質爽勁，猶其是那碗大地魚湯，相當美味。」此時Lola大聲嚷著：「為何今天的牛腩不是坑腩？」阿華忍氣吞聲地說：「我一時忘記了要坑腩，腩件還是一樣美味呢。」Lola忿忿不平地說：「當然不是一樣，你看這數件腩件頗硬。以前吃牛腩麵，你都會很細心替我點坑腩麵，還不特止，你還會替我點油菜，我有時覺得你不太著緊我。」接著L

可能唔識食啦,食唔出有乜好特別又唔算平...搬左黎一排, 食過兩次, 唔食喇

行過好多次都無開, sunday 唔開, saturday 收4點... 成日摸門釘... 今日終於都等倒啦... 發覺而傢啲傳媒有個通病, 一見舊店就胡亂吹噓一番,捧到天上有地下無咁...環境麻麻...摺枱...啲麵係幾彈, 食到尾都仲彈... 啲湯係幾甜, 不過無乜蝦子味... 雲吞... ok 啦... 唔係好食倒蝦味...係ok, 不過唔係無敵... 行過食無妨, 專登去唔使 渣華道潤記個蝦子麵好佢一截, 好似仲平一蚊, 地方又好啲...

雖然響附近工作,但好少午市食,因為好多人,如果外賣返到公司d麵又會淋晒,想舒服d食,6點零後少人, 尋晚見未夠鐘返學,便叫碗淨雲吞加支裝cream soda(支裝好似夠氣d),雲吞有8粒,蝦同豬肉一半半,平均水準!

都有成3 個幾月冇幫襯，估唔到士別3 月，令我刮目相看。今次叫了水餃麵加菜，水餃隻隻飽滿，但應該係入貨，不是自己包。餡料有豬肉、蝦肉、甘筍絲、木耳絲和筍絲，帶點麻油香，皮幾滑；不過今次唔記得要粗麵，幼麵好似橡筋咁有勁，都幾難咬開，而且頗重鹼水味。埋單竟然要$20，再望一望餐裨，水餃、魚蛋等麵原來$16 加到$17，一年加兩次，會不會有點過份呢？

每次係公司做到把幾火，都會去佳記食個麵冷靜下。係則魚涌區做野三年幾，幫趁佳記只係近呢一年既事。一間唔起眼既小店，裝修仲保持住上世紀七八十年代既格局，之前每次行過，都係直行直過，唔知幾時幫趁過一次，自始之後就愛上呢間小店。佳記呢類橫街窄巷既小店，做既都係熟客生意，食物之外，更有一分老香港人情味。當然，佳記既食物質數都唔差，麵既水準一流，有麵香，無鹼水味，爽身有咬口，我至愛係豬手撈麵，豬手入味，豬手汁用來撈麵更係一流，或者牛腩撈麵都唔錯。我胃口比較大，一般都會叫多個淨雲吞，雲吞水準OK，唔同其他一味猛加雪藏蝦，件頭雖然細，但豬肉蝦肉平均，用台灣話講，可以話係「古早味」既港式雲吞。每當係公司做得唔開心壓力大或者做到好累，佳記都係我既避風港，坐係小店內，同阿姐一齊睇下電視吹下水，食個麵做晚餐，可以幫我放鬆心情，等我返OFFICE再搏殺過。唯一「唔滿意」既，係近排物價加得太勁，佳記都要加價。但係一個水準一流既雲吞+豬手撈麵都係三十左右，相比o的郁下過幾百蚊仲要食到一肚氣既懶高級餐廳，佳記既價錢其實相當合理。

6月15日，16:10在旺角回程時，心思思到這裡來碗竹壓麵。下午時段人不多，要了雲吞麵。麵底：並不太幼，鹼水味極重。雲吞：中粒，皮厚，並不細緻，幸而蝦和肉比例均勻。最後要了支細可樂，可能是心理作用，比裝夠氣、夠味。有點失望而回的感覺。

下雨的晚上，街道冷冷清清，無意中經過這間有不少好評的舊麵店，便入去試了一碟牛腩撈麵($24)。幼麵的質地爽口彈牙，亦沒有鹼水味。牛腩主要是肥軟部分，也頗腍滑。不過嫌其腩汁及湯都偏咸。

20-1-2007 1544最後一次星期六開工，之前同同事係「轉彎對面」食完碗爽腩河唔夠飽，趁他們走曬，要做既事又要等佢做完先可行下一步，走落黎呼吸兼醫肚。公司搬黎附近後，選擇少得多，雖則仍可以偷多至1個鐘去遠少少搵好野食，始終有點唔同，係變左就變左。自小至現在家教甚嚴兼極窮困，不知人間美食，一間老字號的麵店就係幾個舖位，我真係幾膚淺兼無知呢！很久冇食過豬手，就黎豬手撈，豬手係炆，有皮有肥有肉兼有骨，炆得入口兼有少少豬油所帶出的淋牙香，不錯，麵是自家製的竹昇麵，入口幾乎沒有鹼水起，比起永華麵家好十萬九千倍得多，汁及油剛剛好蓋過麵，寫得相當滿意，差點想再來一個。埋單23蚊，食飯時間只想食碗麵既話，唔好睇佢up up dup dup，必有驚喜。現附上粗相乙張，映得唔好，請見諒。

既有豬油，無謂花巧，簡單的來碟薑蔥撈麵。煮麵、篩水、落油加上煮過的薑蔥，分半鐘有得食，動作簡單利落。篩水夠肉緊，碟底沒多餘水漬，加了豬油，麵質多添油潤濃郁的感覺，薑蔥過水後味道特出而爽身。麵是手打竹昇麵，「頂胃」又實淨。味道方面沒有問題，問題是撈來撈去都撈不出樣子，大概是麵的體積太大、太重身，感覺怪得很。身邊一位老伯問有無薑蔥撈麵，無的話就唔要撈麵，大概是薑蔥同豬油最合襯，真有性格。吃畢，只有濃而油膩之感，卻察覺不到豬油肥美甘香，大概是不夠熱的關係吧。

以前常到這裡午膳，食牛筋水餃撈．但早前有一次覺得ｄ麵好似差咗ｄ所以無嚟一排．今日心血來潮嚟食咗個水餃鼓油撈麵，發覺回復以前水準：水餃好味，裡面有Ｄ木耳豐富咗個口感；而麵就真係水準作：夠彈牙，冇梘水味，個人覺得比灣仔永華更正，絶對值得一試．個人喜歡用鼓油撈麵因嫌坊間ｄ所謂蠔油只得咸味，但呢到嘅蠔油其實都唔錯，試得過．總括嚟講，絶對值得推介．