你妳 (運通洋樓) (已結業)

今日去左位於荃灣嘅你妳，店鋪以木系裝修為主，感覺尚算舒適，不過檯與檯之間嘅空間較窄，出入都需要小心。餐廳主打台灣菜同埋手工芋泥，近年除左紫薯非常受歡迎之外，芋泥都係大熱之選。鍾意食芋頭嘅人肯定無法抗拒芋泥嘅魅力，濃濃嘅芋頭味道再加上奶油一樣嘅滑順，真係非常吸引。🔸肉鬆芋泥吐司芋泥吐司應該係呢間餐廳嘅皇牌食品。芋泥口感順滑，配上肉鬆味道鹹鹹地，都幾夾。🔸仙草2號仙草芋圓有幾款可以選擇，而我揀左嘅仙草2號嘅餡料就包括三色芋圓、包餡芋圓、小丸子、紅豆，味道偏淡唔會太甜。芋圓口感煙韌，仙草份量都幾多。下午茶送飲品、小食❗️餐廳進餐時間限時一小時