何蘭正

营业中

休息中

之前都有去 #何蘭正食個晚餐，發現佢哋嘅炸物質素好高,超記得佢哋嘅雞翼好好食‼️今次就試咗佢哋嘅lunch，依然出色like!唔係剩係得個樣打卡㗎，食物質素都好高！😍🍝乾燒明蝦式爆炒海虎蝦球，北海道刺身級帶子(五成熟)配 金不煥櫻花蝦飲管意粉 佢哋嘅海鮮係超新鮮，蝦肉爽口🦐，帶子肉質結實！仲令成碟意粉充滿海鮮味😋！配料有紫洋蔥同秘製酸菜，酸菜嘅味道好濃 ，豐富咗意粉嘅味😚！btw 佢哋係用飲管意粉， 中間係通心㗎，面質偏硬，幾優咬口！💕🍔蔥燒龍躉石班魚柳，辛奇沙律，飛魚籽千島汁 漢堡包 配 薯條原本以為佢哋嘅魚柳係平時食開嗰啲炸魚柳，原來係新鮮連皮嘅龍躉石班魚柳🐟！ 而且仲要係大大條🙀！睇到已經開心😍！佢嘅魚皮厚仲要係蔥燒， 啲魚油香出晒嚟呀！感覺好似食咗好多OMEGA 3 落肚🤭🤭🤭! 另外佢哋嗰千島汁係加咗飛魚子㗎!令口感更加豐富同惹味！要比likelike👍👍🍰煨蕃薯焦糖燉蛋 / 牛油厚多士 / 綜合野莓 / 薑味柚子果醬(2位用)不得了🙀🙀呢個甜品係必食推介🌟!佢哋嘅多士烘得厚實而且非常鬆脆😻，沾上綿密嘅焦糖燉蛋，真係好食到 wow 一聲‼️非常深刻！😭😭雖然食完兩個主菜都已經好飽

早排已經留意到呢一間港式fusion菜，今次趁着朋友生日到訪，入到去特別鍾意佢成個玩味嘅裝修枱局，好適合一大班朋友聚會💃🏻嗌咗一份澳洲牛臉肉漢堡包 ($158)🐮 牛肉漢堡扒嘅份量好多，而且用沙嗲醬幾特別，大啡菇亦夠香，成個包食落去唔會太膩得嚟幾有特色🤍薯條粗切，都炸得香口，上面仲加咗少少辣粉調味🍟 呢個朋友幾鍾意🤎另一個就嗌咗伊比利亞叉燒”扒”漢堡包($168)🐷 鍾意佢夾咗啲糖漬蘿蔔、洋蔥同蕃茄、生菜，菜嘅份量好多令佢個包食落唔會好膩😝太陽蛋煎得靚，但係叉燒偏肥，加埋叉燒冇燶邊，食落去叉燒個蜜糖汁嘅味係有，但就冇食緊叉燒嘅感覺，反而似茶餐廳豬扒包🙈呢個相對有啲失望😢沙律就正常發揮啦🤪另外都欣賞佢哋嘅侍應服務殷勤，環境幾舒服😌 本身就係衝住佢個叉燒而嚟，所以因為咁有少少失望🫠 不過佢成個環境氣氛係唔錯嘅，如果同朋友想搵個地方吹下水都唔錯的👌🏻

何蘭正 Ho Lan Jeng😏 相信大家都聽過依間餐廳😜 今次我就尊程黎到訪 睇下食物質素係點先🤣 入到餐廳 店員好有禮貌咁同我地打招呼同埋帶位👍🏽🍀24小時慢烤伊比利亞叉燒飯依碟菜式嘅材料好多 有慢烤叉燒🐖 日本溫泉蛋🥚 豬油撈飯 同埋韓國紫菜😛 慢烤叉燒表面做到少少焦燶 有光澤 肉質好淋身 好多汁😍 溫泉蛋嘅火候同時間控制得好好 一吉穿即刻流晒出黎♨️ 將所有材料撈埋一齊食 口感同味道嘅層次感更佳🤩🍀香煎澳洲牛臉肉漢堡配薯條漢堡包皮烤至表面乾身脆口 咬落口感吾會太硬🍔 香煎澳洲牛臉肉好香口 味道幾濃 口感嚼勁🐮 配埋金菇菜 椰菜嘅爽口🥬 層次感豐富💛 加埋少少嘅沙爹醬 味道更加突出😋 薯條係粗薯黎 香脆可口🍟🍀咸梅西瓜沙冰真係由西瓜榨出黎 所以飲嘅時候有西瓜蓉🍧 加埋咸梅粉 攪拌之後再飲 好有消暑解熱嘅感覺🤣 咁熱嘅天氣飲返杯降下溫真係一流👍🏽

🍜香煎帶子、虎蝦球配烏冬💰$（失了憶）🍳黑松露賓尼迪蛋｜伊比利亞叉燒（假日限定）💰$168☕️Cappuccino💰$（失了憶）.⚡️主打本土懷舊風嘅 @holjeng_ ，由裝橫、Menu到色調都充滿住玩味色彩，尤其喜歡佢地採光度十足嘅落地玻璃🌞同充滿情懷嘅霓虹燈設計💡無論日頭定夜晚黎食，都各有不同嘅風味🥢🍻.⚡️🍜香煎帶子、虎蝦球配烏冬醬汁出色，翠玉瓜、粟米仔有特別烘烤過🔥帶子鮮嫩香口，烏冬亦彈牙爽滑，非常不錯😌.⚡️小女子更喜歡🍳叉燒班蘭迪蛋，雖說係班蘭迪蛋，但其實係半熟蛋🥚熟度剛好蛋味濃郁，叉燒肥瘦得宜，仲要係小女子最喜歡嘅厚切🥹食落超爆滿足(˶‾᷄ ⁻̫ ‾᷅˵)

佢個裝修超特別，一入到去已經令我眼前一亮，非常吸引到我嘅眼球👀幾鍾意佢嘅裝修同環境好有特色，中西合璧嘅感覺不過依間餐廳最重要來講係嘢食，我好欣賞佢嘅嘢飲，好有創意，今次我叫咗椰青龍井冷泡茶，一飲落去好友椰青味，成個感覺好清新，啱晒夏天飲😛另外一杯叫咗焙茶朱古力latte，呢個又係好特別，焙茶有一種少少苦味，但係配上朱古力啱啱好！另外我哋叫咗我法國蟹肉忌廉薯蓉配花雕汁，呢個值得推薦！佢可以分開食，首先可以試吓就咁食蟹肉忌廉薯蓉，之後先再試吓配合埋花雕汁一齊食，一食落去好香花雕味！然後啖啖蟹肉好滿足，再加上佢個薯蓉好細滑，整體感覺好滿意！🤩酸菜虎蝦北海道半刺身帶子稻庭烏冬，呢個味道好特別，感覺係用心製作，將中式同西式合併，食落好重蝦味，我鍾意🥰另外一疊係慢煮雞胸配豬肋骨，呢個啱晒一啲健身需要食雞胸嘅朋友，因為佢嘅雞胸係好滑，識落完全唔覺得自己食緊雞胸肉，好味呀🥳

成日碌IG都見到好多人過嚟食嘢影相打卡今日喺中環 順便過嚟到試下😋呢間餐廳主打fusion 菜式法式薯蓉配上蟹肉😋一食落口真係嘩咗出聲薯蓉好香滑 松葉蟹肉分量超多鋪到成碗都係 每啖都有松葉蟹鮮甜美 加埋花雕雞油 估唔到係咁夾叉燒愛好者梗係叫咗24小時慢煮伊比利亞叉燒配日本溫泉蛋紅洋蔥漬 叉燒肥瘦均勻 表面燒到微燶充滿焦香 香蔥豬油撈飯 完全唔覺得油淋淋 唔會食到成口油吉穿埋日本溫泉蛋撈嚟食 加分個人口味 如果加埋少少辣味道會更加豐富（好似韓式拌飯咁）大火煎封台灣龍膽石班魚柳配蒸石磨陳村粉石斑魚柳煎得夠香 美中不足係陳村粉黐埋咗一舊 可能我影相影得耐咗🥲但努力啲分翻開索返啲海鮮汁都好正下次我一定會即到即食🥲🥲

之前已經成日都見到有人過嚟打卡，一直都好想嚟，今日終於有時間過黎中環到訪一下！呢間餐廳主打fusion菜式。前菜我叫咗蟹肉薯蓉，真係冇諗過蟹肉同薯蓉呢個combination 原來又幾夾喎🤤主菜就試咗24小時慢烤叉燒飯，同埋蝦球帶子炒烏冬。10分推介佢嘅叉燒飯，啲半肥瘦叉燒煮得好淋，脂肪同埋肉的比例又好平均，推介👍👍另外佢啲嘢飲都非常有特色，除咗有好多唔同種類嘅啤酒選擇之外，仲有好多款中式cocktail，有邊個諗到原來我叫個杯係芝麻花生湯圓的whiskey cocktail喎，味道都好好，10分有驚喜😋👍✨大家黎到記得要同鬼佬涼茶既霓虹燈打卡啦💕

又去中環食好西😍餐廳位置位於蘭桂坊，很容易就可以找到。餐廳佔二樓全層，地方非常大，位置也很充足～看到餐廳有幾多特別的菜式和飲品! 頭盤➡️法式薯蓉配上蟹肉，🦀🦀蟹肉入面加入了花雕酒，吃時可以先分開來吃，然後再混合來吃! 有兩種不同的口感和味道😍薯蓉質感幼滑，非常不錯～主菜一道➡️ 24小時慢烤伊比利亞叉燒豬油撈飯，用的是日本米，配日本溫泉蛋和韓國紫菜。雖然是豬油撈飯，但沒有*吃油*的那種罪惡感，而中間有我最愛的溫泉蛋，建議把所有配料混合蛋漿一起吃😋😋而重點的叉燒的確很嫩易入口， 如果外皮可以燒的更脆更香口大點就完美啦～另一道主菜叫今日是當天主打之一➡️酸菜燴海虎蝦🦐配北海道刺身帶子稻庭烏冬，聽名字看賣相，很難想似這個中日味道是怎樣。而烏冬的汁底很足，是濃味！當中帶子5成熟唔會過老，配上酸菜意想不到很夾，味道很特別，裏面的櫻花蝦更增加了味道的層次。我很喜歡這一道，可是這是是日精選，不是每天都有喔。最後推介一下🍉咸梅西瓜沙冰，整杯都是新鮮西瓜打製，面頭加了話梅粉～特別消暑解渴！而它們的雲呢拿棕樹糖冰咖啡🧉，整糖冰都是用香濃咖啡製成，飲時店員會即場倒入熱奶，將整粒咖啡冰融入底層的雲呢拿，好友心經嘅

放工後黎呢間餐廳食飯 好彩online book 左位 Walk-in 要等一個鐘或以上🫢7點鐘黎到餐廳已經好多張枱有客人餐廳風格係酒吧同餐廳融合，播著輕快歌曲🎼大多數枱都係高枱，餐廳四周都有用唔到方式寫出餐廳名《何蘭正》，設計特別。野食方面算係fusion菜，叫左慢煮叉燒飯，叉燒肉汁豐富，有咬口而不會overcook ，果然係招牌菜👍🏻黑松露薯條脆口，加上特別的醬汁，令你覺得與別不同甜品方面推介腐乳焦糖燉蛋配多士。多士十分脆口，意想不到係腐乳與crème brûlée 融合度係令人驚訝😎總結無論環境、服務同食物質素都好好👍🏻👍🏻👍🏻

特別鍾意入面嘅「鬼佬涼茶」霓虹燈牌💛🧡睇個名就知道有唔同嘅手工啤同埋特色啤酒點咗杯幾啱女士嘅「蜜月沖繩-香檸苦瓜蜂蜜啤」🍻ℍ𝕠𝕟𝕖𝕪 𝕄𝕠𝕠𝕟 𝕊𝕙𝕚𝕜𝕦𝕨𝕒𝕤𝕒 𝔹𝕚𝕥𝕥𝕖𝕣 𝕄𝕖𝕝𝕠𝕟 𝕄𝕖𝕒𝕕 香甜清新、檸檬🍋味比較重、又一點苦澀味真係好似人生百態🤓法式幼滑薯蓉/ 松葉🦀蟹肉/ 雞油花鵰三合一嘅頭盤🍴真係好創新第一次食到薯蓉混合松葉蟹肉同埋花雕雞油唔會好似平時咁膩百里香煎三黃雞胸、喇沙烤杜洛克豬肋骨配炸美國新薯及蟹籽甜酸汁一個主菜有雞又有豬可以試到兩種唔同嘅主食特別稱讚豬肋骨個sauce🤤另外蟹籽甜酸汁都好出色美極煎封龍躉魚柳、胡麻醬漬淡瓜、焦糖醬油茄汁漢堡包 配薯條第一次食魚柳漢堡🍔焦糖醬油茄汁真係好有層次啱晒啲鍾意試新口味嘅朋友仔成個環境都好Chill週末同班friend落嚟飲吓嘢傾吓計都好舒服🥰

係LKF附近發現隔離有一間好有香港懷舊特色餐廳 個霓虹招牌好突 成個環境都好Chill 週末同班friend落嚟飲吓嘢傾吓計 食飽飽 仲可以落返轉LKF兜個圈特別鍾意入面嘅「鬼佬涼茶」霓虹燈牌 ❤💚🤍睇個名就知道有唔同嘅手工啤同埋特色啤酒點咗杯甜甜嘅手工啤🍻 蜜月沖繩 - 香檸苦瓜蜂蜜啤 ℍ𝕠𝕟𝕖𝕪 𝕄𝕠𝕠𝕟 𝕊𝕙𝕚𝕜𝕦𝕨𝕒𝕤𝕒 𝔹𝕚𝕥𝕥𝕖𝕣 𝕄𝕖𝕝𝕠𝕟 𝕄𝕖𝕒𝕕 🍋 檸檬味比較重 又一點苦澀味 都幾開胃本來我仲怕會有苦瓜味 好彩唔太出姐🦀 法式幼滑薯蓉/ 松葉蟹肉/ 雞油花鵰三合一嘅頭盤 薯蓉混合松葉蟹肉同埋花雕雞油唔會好似平時咁膩 而且好特別🐔 百里香煎三黃雞胸、喇沙烤杜洛克豬肋骨 🐷配炸美國新薯及蟹籽甜酸汁一個主菜有雞又有豬可以試到兩種唔同嘅主食 個豬肋骨sauce🍔 美極煎封龍躉魚柳、胡麻醬漬淡瓜、焦糖醬油茄汁漢堡包 配薯條魚柳漢堡配焦糖醬油茄汁 幾創新 啱晒啲鍾意試新口味嘅朋友仔 📍 中環雲咸街29號東方有色大廈2樓

之前已經聽過何蘭正 呢間fushion菜餐廳，佢地重返中環之日，就係我初嘗之時啦！🤤今次同German撐枱腳，一踏入餐廳好似穿越左去懷舊香港🇭🇰但又有好一班玩得好hyper嘅員工，霓虹燈加油筒高枱，連裝修同氣氛都有強烈對比，襯得上「fushion」呢個字📸打卡一流既然何蘭正係sell特別，咁我就揀啲最意想不到嘅配搭菜式黎試啦！🥢涼拌水煮風本地鮮魷 配 迷你水牛芝士，泰國柚子肉及老油條一碟菜有4種味道，海帶嘅甜襯柚子嘅微酸🌶鮮魷嘅辣油同辣醬爭先散發出辣味🦑聽落雖然九唔搭八，其實係大膽嘅諗法，Starter酸甜辣配搭得好恰當，每一啖都有5種口感，開胃到我地將所有碟清得乾乾淨淨🥢火灸大西洋天使紅蝦 配 荷蘭超甜迷你小蕃茄，涼拌西瓜，山西陳醋士多啤梨汁擺盤令我哇左聲😍好似藝術品一樣閃令令又有銀箔。天使紅蝦好大隻充滿肉汁🦐絕對同街外小蝦一碟冇得比。呢個前菜係平淡得黎好有驚喜😱意想不到陳醋可以令士多啤梨汁變得清甜🍓而且西瓜放最底被醬汁浸泡住🍉食嘅時候酸酸甜甜超級夾，好想問店員可唔可以要多碟西瓜清乾淨醬汁。🥢酸！麻！辣！爽！金湯酸菜煮紐西蘭鑽石蜆 配粗紅薯粉，老鼠耳，吸汁飛龍頭蜆同酸辣紅薯粉都分別成

｡✩*:ﾟ･⑅*॰¨̮♡何蘭正主打fushion菜~ 有好多意想不到會咁夾嘅combination 而且定期會轉menu .ᐟ.ᐟ今次係2訪何蘭正~ 建議大家預早book位📱同book第一輪18:30 .ᐟ.ᐟ當日8:15到餐廳有幾款熱門菜式已經賣晒了 .ᐟ.ᐟ 2訪覺得招牌叉燒飯冇第一次咁驚艷 但都好好食🤌🏻🤤 ⊶⊷⊶⊷⊶⊷⋆⊶⊷⊶⊷⊶⊶⊷⊶⊷⊶⊷⋆⊶⊷⊶⊷⊶•͈౿•͈ 24小時慢煮伊比利亞叉燒配溫泉蛋｜紅洋蔥漬｜香噴噴香蔥豬油撈飯 $188 (4.2/5)呢個絕對係何蘭正嘅必食之選.ᐟ.ᐟ半肥瘦叉燒嘅肉質嫩滑🐖 有少少燶邊 散發淡淡玫瑰露嘅香味🥀 很不錯.ᐟ.ᐟ但叉燒冇我第一次食嘅時候咁軟淋>< 而溫泉蛋撈埋醬油飯🍚令珍珠米更順滑更易入口~齋食個飯已經好滿足 仲有啲紅洋蔥漬 可以解膩.ᐟ.ᐟ👍🏻⊶⊷⊶⊷⊶⊶⊷⊶⊶⊶⊷⊶⊷⊶⊷⋆⊶⊷⊶⊷⊶ ⊷⊶•͈౿•͈ 先炆後煎澳洲和牛臉配濃香沙嗲汁｜櫻花蝦炒苦瓜片及煎腸粉$188 (3.8/5)去到嘅時候太晏冇晒想食嘅鑽石蜆🥲所以揀咗呢款~ 因為從來冇喺其他餐廳見過呢個combination .ᐟ.ᐟ 和牛臉好香牛味而且十分軟淋🥩 腸粉外層

👧🏻生日時朋友帶咗佢去一直都想試嘅何蘭正，又真係好蘭正🤪即刻介紹下當日食咗咩先！🌟 24小時慢烤伊比利亞叉燒 第一碟就係HLJ最Signature嘅叉燒豬油撈飯！叉燒燒得焦香，有陣陣焦糖香味，豬肉質感軟腍。豬油撈飯當然夠香，成個飯都唔算太油膩碟底都唔會太油，值得一讚👍🏻。以上呢兩個食材就偏中式，但配埋日式溫泉蛋、大豆芽、紫菜、酸薑，真係唔肯定自己係未食緊韓式拌飯。🌟中國白腐乳 法國白芝士焦糖燉蛋全餐飯最驚豔嘅菜式絕對係呢個白腐乳+白芝士Creme Brulee！雖然兩款芝士Mix咸甜交雜好得意，就算平時唔太鍾意腐乳嘅👧🏻都覺得幾易入口。另一重點係附上嘅牛油厚多士，超香牛油味🧈+麵包極鬆軟，撕開仲要一絲絲，攞嚟點無花果醬/Creme Brulee一流！🌟芝麻花生湯丸好Fusion嘅Cocktail，如果大家係花生🥜嘅Fans的話，抱歉要令你失望🙍。面層係花生味Foam，味道有啲似咸花生，花生味唔算濃郁，用小丸子點下啲奶泡幾得意。而Base就係黑芝麻+Whiskey🥃，味道似淡味芝麻Baileys，對黑芝麻控嚟講唔太夠喉，不過成個組合係幾得意。🌟HLJ 7th Anniversary Be

知道何蘭正呢間食店咁耐都未去試，而今次舊同學聚會咁啱就係附近，咁冇得唔試啦。Book位嘅時候都已經幾full, 職員都好friendly 同好有禮貌，提醒左幾次係得返某d位置可以坐。我地一行四條友已經係條街到行到身水身汗，大約4點左右就到左餐廳，到嘅時候職員帶位去到一個由6個油桶組成嘅枱加高櫈，初初係唔慣咁坐，但坐耐小小又可以對住個畫左龍鳳圖案嘅窗加neon light logo，重可以望住窗出面嘅十字路口都原來幾有feel, 場內除左我地，好似都冇咩人坐高櫈，坐高咁望住成個場簡直好似有江湖大佬風範一樣。好喇，大家坐底左先叫左幾杯嘢飲chill下先，天氣實在太熱。飲沙冰簡直係沙漠嘅清泉，重要係西瓜沙冰..真係搞唔掂，飲落小小咸原來咸梅同西瓜又幾夾，58蚊就俾到你靈魂嘅需要。蜜糖桂花cocktail 又係幾新鮮嘅味道，輕輕地嘅gin夾埋蜜糖桂花嘅香甜，係小清新嘅感覺! 呢到嘅手工啤實在係太太太多選擇! 有Tap 有bottle, 其實好隨心揀左隻@hongkongwhistle嘅小蜜蜂，甜甜甘甘，呢個下午時間飲就最正。重點黎喇.. 呢到嘅薯條係我本人心目中嘅排行榜佔榜首位置。薯條食嘅時候