住家菜 (柯士甸道)

营业中

休息中

老公突然話好想食咕嚕肉，呢d咁複雜嘅嘢食我梗係唔識整，但又唔想同佢去d又多味精又濃味既餐廳食。朋友介紹住家菜既小菜都唔錯，所以星期六下午同老公去試下～雖然佐敦地鐵站係近d，我同老公係尖沙咀拍拖慢慢行去其實都好近好大個招牌好易搵到一睇已經見到鮮雜果咕嚕肉座位好寬闊 俾我地坐窗邊四人卡位天氣好好 好鍾意自然光商務套餐有好多選擇 $68 包白飯、靚湯同糖水， 老公當然要選擇鮮雜果咕嚕肉我就揀左是日午餐 - 日式野菜肥牛 $48 包白飯、湯同糖水鮮淮山赤扁豆湯好夠熱 飲完唔會好口渴 唔覺有味精👍🏻日式野菜肥牛好味 好適合我 唔會太濃味鮮雜果咕嚕肉即叫即做 好香脆 有黑提子、菠蘿、火龍果同蕃茄仔做配菜酸酸甜甜好味道我食晒啲飯餸之後已經好滿足 所以最後叫餐廳上一碗糖水 唔好浪費陳皮紅豆沙 (應該有d西米露)老公話好味 好香陳皮味 又唔會太甜留咗幾啖俾我食 又真係ok喎 最怕果d甜到漏既糖水老公話下次想食小菜可以再來住家菜

佐敦住家菜的沙拉骨水準不錯, 推薦! 中午找女友吃飯時, 他的同事阿姐說附近有間美味的餐廳叫住家菜可以當飯堂. 因此便和女友走去試試才回 office 繼續工作.幸運地，剛好有一台食客離開, 我們坐下後便點了一份商務套餐和是日午餐. 商務午餐的選擇十分之多, 大概有五十多種可以挑選。我 order 了沙拉骨, 而女友餐則是叫了北菇杞子炆雞. 每個餐都有跟絲苗白飯, 是日住家湯和糖水. 今天的靚湯是番茄薯仔黃豆湯. 說真，這裡的食物確是好味，沙拉骨的醬汁濃度也很夠. 上桌時我可以用餐刀把肉切開, 內裏熱氣騰騰, 而且更保留些少肉汁. 整體來說這個沙拉骨我會讚好呢. 而另外的那份北菇杞子炆雞也是美味, 炆雞本身十分鬆軟, 旁邊的香菇味令我覺得很滿足.整體說，這裡的食物都在大多港式餐廳的水準以上，而且餐廳內的環境都很整潔。雖然今晚只是普普通通的午餐, 原本只是隨意找間餐廳, 不過卻出奇地感到驚喜呢.

午市套餐有兩種，是日午餐每日轉換，商務套餐則款式極多，花多眼亂。有選擇困難的我們，請店員介紹，他卻沒有推介，唯有合上眼隨機指一個。蕃茄薯仔黃豆湯是日午餐上菜特別快。湯很大碗，蕃茄味為主，味道幾清，沒有味精。湯很稀，吃不到薯仔，反而不會太飽。內有很多煲腍的黃豆。蒸魚是日的蒸魚是麵豉蒸黃花魚，細細條，剛熟，肉幾嫩。上面有少少麵豉和薑絲，帶來適量的調味。這是其中一道老媽拿手的菜，在這裡找到家的味道。不過黃金魚多骨，吃起來沒有啖啖肉的盡量。白飯不算香，但濕度控制得宜，一粒一粒的，夠乾身。偏硬，伴餸菜剛好。鐵板鳳陽豆腐這道亂點的豆腐沒有點錯。鐵板上，醬汁在上枱後仍然冒起一個接一個氣泡，起碼維持了幾分鐘。豆腐炸得表面微韌，中間的硬豆腐少少嚡口，我向來都喜歡硬豆腐多於滑溜溜的軟豆腐，喜歡它黃豆味又濃又重。醬汁帶點沙嗲味，跟豆腐很夾。還有蘿蔔、洋蔥和冬菇，全部都沾滿醬汁，相當惹味。不介意卡路里的話，醬汁用來伴飯更好吃。Like Facebook送一碟菜。菜心新鮮清甜，灼得恰到好處，咬下去很爽。腐竹薏米是日糖水。煲得濃厚，證明落足薏米。見不到腐竹的蹤影，卻啖啖都是濃郁的腐竹味。有不少薏米沉底，口感不俗。

環境企理 而且佔地大 最有特色係牆身掛有好多木製菜牌 驟眼睇都有至少三十個 即係有起碼三十道菜俾你揀！一坐底老闆已急不及待介紹餐廳最新優惠 只要like fb page就送自家老火湯一煲！湯超足料 有雞腳 豆 豬肉 陳皮等等 飲落有屋企味道 呢種無味噌既湯係餐廳賣少見少了！飲多碗都唔怕口渴鮮什果咕嚕肉絕無取巧 除左常見菠蘿外 仲有提子 蕃茄仔 火龍果 洋蔥做配料 多達五種！咕嚕肉已去骨 啖啖肉 味帶甜酸 無油膩感 味道到位 配白飯一流瑤柱肉鬆蒸水蛋水蛋蒸得好靚 表面光滑無取巧 水蛋絕對有瑤柱同肉鬆 蛋嫰滑 入口即溶最後仲有是日糖水送 南瓜西米露 真係有一絲絲南瓜係裡面！誠意之作

朋友相約我放工後,到他公司附近食晚飯,就來到 住家菜 食。 朋友選依個原因是貪餸菜少油冇味精。 店裝潢非常別緻,地方寬敞,座位有圓台及卡位選擇。** 最後,選了3餸及1煲湯** 【住家老火湯】 $50 (煲) 是日湯是蘋果雪梨豬骨湯,湯料十足,而且味道清甜滋潤,想不到一煲約八碗,非常抵飲。**【花膠海参煲 (北菇)】 $113 這花膠吸收北菇醬汁, 好入味,口感爽口, 有些嚼頭, 而海参嫩滑爽口彈牙, 非常好食滿足。**【魷魚馬蹄蒸肉餅】 $75 食起來軟腍鬆化香滑, 吃著有粒粒魷魚及馬蹄有好正口感, 同飯一起食, 非常好味!**【御膳豆腐】 $75 鹹蛋入豆腐更添美味, 香氣馥郁帶鹹甜, 入口有軟嫩綿滑口感豐富, 是佐飯不錯選擇。****食完飯仲有糖水送 最後送上是日糖水,就是馬蹄露,入口更清甜爽香,配上滑滑腐竹,滋潤又美味。朋友選依個是不錯,好有家的感覺。因這店煮餸菜沒落味精, 所以食後不怕要飲好多水呢!

爸爸生日飯，苦惱一段時間，因為爸爸唔喜歡外出食飯，因為有味精。Openrice搜尋到住家菜，食家都留言餸菜沒味精味，於是決定去試試。平日晚上的住家菜都很滿座，侍應姐姐雖然好忙，依然不停為客人添茶。 一行四人總共吃了一湯及五碟餸：-眉豆花生雞腳湯-這是餐廳送的，但依然足料和夠分量，而且真的沒味精味！沙拉骨- 甜酸度剛剛好，肉夠咬口蜆介鯪魚球-有蜆介汁的餐廳買少見少，重拾兒時回憶，爸爸最滿意的一碟，一個人獨食正粒栗子砵砵雞-火喉恰到好處，栗子炆到香噴噴蒸魚(西曹)-第一次嚐試，魚不會腥，魚身夠彈牙西蘭花花枝片-西蘭花夠新鮮，不會炒得過淋身，花枝片亦非常彈牙!吃到十分飽，本來想埋單，侍應姐姐話還有甜品送上，南瓜西米露-南瓜味非常香濃，好想再食一碗！爸爸非常滿意住家菜手勢，而家價錢夠親民，仲話下次要再幫襯。

今日唔太舒服，很想念媽媽煮的菜，所以決定食中菜，知道附近有呢間叫住家菜既中餐館，就決定試一試係咪有住家既味道！一坐底就見到呢個宣傳，當然唔執輸，立刻share！一煲有成8-10碗咁多，所以我們只要2碗，以免浪費。老火湯（免費）以為免費會好細碗，點個好大碗，老火湯好飲又夠火喉！正沙爹肥牛粉絲煲（$82）味道好濃郁，又好大煲，肥牛粉絲都好多好足料！咸魚蒸肉餅（$72）肉餅好嫩好淋，夾埋咸魚既咸香恰度好處！豆豉鯪魚炒油麥菜（$72）呢樣我前日幾已經想食，好正，同我阿媽炒既有幾分相似，果然有家既味道！食完仲有糖水送（蛋花馬蹄露），清甜好味！仲要一讚就係職員好有禮，反應又好迅速，上菜速度好快，座位又舒適，好岩一家大細來吃啊！

柯士甸道在尖沙咀同佐敦的交界，一向都多嘢食。今次就比一間轉角位的餐廳吸引到，主要係因為店名令人感覺好有親切感。細看之下，午市快餐亦只係$50有找，仲送老火靚湯。行上去望一望，環境都唔錯。原來除咗幾款午市套餐外，亦有較為多選擇的商務套餐。除咗小炒，即有蒸點和煲仔菜。點餐後，店員馬上送來老火靚湯。確係真材實料，而且一滴味精都冇，迅速被我飲清光。我重口味地點左沙嗲肥牛煲，上枱份量非常唔野少，滿滿的一煲。肥牛份量超級多，而且好入味。青椒的味道都幾突出，夠晒惹味。朋友就點左福建蒸蛋，係幾得意的組合。好似福建炒飯的汁底，但就配上滑溜的蒸蛋。飽餐過後仲有糖水，夠晒滋潤又養生。

由於老公仔非常喜愛飲湯～ 所以喺呢個咋暖還寒嘅天氣裏面 作為一個完美嘅老婆仔決定帶老公出去飲靚湯如果正常叫一煲湯需要50大元點知原來like一like facebook就已經送一大煲～ 真係非常抵！ 而且湯水清甜滋潤～湯色清澈！！飲完仲唔會口渴 果然係媽媽的味道認住大路有個牌轉入去就得㗎啦～～由於最近想補下身所以叫咗黑糯米酒雞 一個字！！補！！！有濃濃嘅紅棗藥材同埋黑糯米酒味～ 而且甜絲絲的！不會因為添加了黑糯米酒而帶有苦味 雞肉保持肉質嫩滑 入味 值得推介鹹味適中而且西蘭花爽脆～ 上面的鹹蛋黃攞嚟送飯簡直一流 好足料嘅一個煲~ 海參同花膠分別接近有5舊之多！ 配埋冬菇把三種配料炆得非常入味 ！而且彈牙有口感好味第一次食呢一個菜！平時喺出邊 都好少有~ 裏面除咗豆腐之外原來仲有冬菇增添咗不同的口感！ 而且上面的芡汁恰到好處～ 既可以保持琵琶豆腐的口感！ 亦可以為清淡的豆腐增加味覺的享受牛柳鮮嫩多汁～ 而且入口鬆化 無需多講夥記麻煩加多碗飯 侍應姐姐主動送上的紅豆沙 煲到起曬沙而且甜度適中～暖笠笠好好味

一個人離鄉別井一段時間，最掛住既一定係屋企人同住家菜。老朋友去左澳洲工幹好幾年，今年難得抽到時間回港聚聚舊，佢話好掛住香港既小菜同埋我既拿手菜😳。我👩🏻‍🍳暫時唔得閒大顯身手住😂，今晚帶佢黎食依間好有水準既住家菜。 之前帶爸媽黎過，清淡少油冇味精一致讚好👍🏼。-餐廳食物選擇都好多😆選擇困難症既我地好難揀呢🤯最後叫左住家老火湯，三款小菜-🌟住家老火湯 老朋友去左外國多年，佢話成日飲西湯飲到怕超級掛住老火湯！佢話估唔到咁大碗呢！！😳$20 超抵 湯好清甜夠火喉，有赤小豆、冬瓜、豬骨、瘦肉等等材料今晚天氣凍凍地，飲一碗老火湯夠哂滋補養生-🌟避風塘中蝦中蝦炸至金黃殼脆而不焦蝦🦐大隻新鮮啖啖肉，嫩口不老避風塘炒蝦既精華，除左大隻既蝦之外，香辣既炸蒜都係重點呢 夠哂惹味 送飯一流-🌟蜜醬豬柳燒嘩！估唔到用鐵板上一上台香噴噴鐵板上可以保持食物既溫度豬柳口感偏向煙韌薰滿蜜汁既豬柳，甜甜地都幾開胃-🌟金銀蛋時蔬有幾款菜可以選 e.g菜心、娃娃菜等等我地揀左油麥菜菜既嫩綠又新鮮，份量都多加埋咸蛋皮蛋，很香口呢平時係其他餐廳食依款小菜，多數會加肉碎依間餐廳反而加磨菇片呢更為清淡更岩我地口味👍🏼-🎁仲有糖水送

住家菜主打日常住家小炒，款式繁多。店內大枱細枱俱備，適合兩小口共膳，小家庭進餐，甚至幾個家庭一齊做節。餐廳每日均有是日例湯，而這些例湯都真材實料，絕非粗製濫造的味精湯，我們兩人點了一煲沙參玉竹煲豬骨，一煲可以有六七碗湯，還有湯渣，一家人都夠飲，但對兩人就有點太多。黃金蝦的蝦絕無欺場，大大隻有咬口有蝦味，蝦殼沾滿鹹蛋黃，香味四溢，入口惹味黑糯米酒雞有濃濃酒香，但不嗆口，雞件嫩滑，調味得宜，送飯一流琵琶豆腐做到外脆內軟，味道不錯其實每碟餸菜的份量都不少，我們兩人點了三個菜，吃得很飽，如果一家大細來，多點幾個菜一起品嘗，相信更加滋味！

今日去尖沙咀、佐敦一帶團拜，晏晝周圍搵嘢食醫肚，經過柯士甸道見到這間小菜館，個名好吸引，給我們「家」的感覺，於是入去幫襯。「西芹腰果雞丁」炒得約好味，各款材料比例適中，唔會只有幾粒雞丁。「鮮雜果咕嚕肉」這到小菜好好味， 十分開胃，第一次食用水果炒嘅咕嚕肉，好有新鮮感。雜果包括：火龍果、提子、菠蘿等。有兩個值得大讚位：第一，用咗新鮮菠蘿，感覺到誠意。第二，咕嚕肉用咗靚豬肉，肉質好林，又不會好似坊間一般咕嚕肉只有炸漿，食唔到肉。或者只有骨，無肉。而且全部咕嚕肉都冇骨。非常有誠意。「羅漢果菜乾湯」標榜冇味精，無添加嘅住家湯，真材實料，好好味， 好溫暖的一個住家湯。「喳咋糖水」套餐包甜品，今期係喳咋糖水，好少有機會食到有椰絲的喳咋。椰絲會提高成本，所以坊間一般嘅喳咋都冇咩料。這個糖水值得讚。雖然今日是新年假期，但見餐廳內有不少食客，而且大部份都是熟客，就知道這餐廳應該是鄰近好多住客嘅飯堂。惠顧時，如果上Facebook like佢哋個page再share ,午市可以免費獲贈一碟油菜。晚市就有靚湯一煲。餐廳內提供BB櫈。

香港係美食匯聚既地方，身為香港人點可以唔食住家菜呢？日日牛扒壽司悶唔悶呀？悶就啱啦！呢間住家菜係佐敦站一出行幾分鐘就到，又近鬧市，極方便呀！呢到既咸蛋蒸肉餅唔錯架！肉質幾嫩，又唔會咸得濟🤤🤤食得中菜又點少得雞呢？呢碟雞賣$60，價廉物美！雞肉嫩口，唔鐘意雞皮唔想太肥就記得整走佢啦嚟到今餐重頭戲 - 石班！啲魚肉唔會蒸到太老，又無乜腥味😋😋食中菜又點可以無金銀蛋時蔬呀？呢到既金銀蛋係好足料架！一

平時放工屋企無飯食但又想平平地食中菜大多數都會揀去茶餐廳⋯不過近排發現呢間餐廳令我一想食中菜都會去呢到！呢間住家菜唔算好難搵！而且都好近尖沙咀/佐敦果邊～裝飾方面都會以簡單為主～有個板就主要列哂今日最新鮮既菜同推介菜比客人參考～食物方面揀左個老火湯👍🏻我地叫左一碗但已經夠分4個小碗👍🏻湯料十足～味道好濃～但完全唔係平時茶餐廳果啲列牌味精湯😆另外仲叫左個金莎蟹肉西蘭花～上面個蟹肉汁好正～用咸蛋黃加蟹肉呢個perfect match煮成～配左西蘭花超正～當然唔少得咕嚕肉😍😍😍呢到既咕嚕肉係用啲水果整～啲酸甜味係由啲水果本身既酸甜味整成既～～味道係唔同啲最後叫埋個竹筒鮑魚雞粒炒飯～呢個飯好香～而且唔會剩係得啲飯 鮑魚同雞粒既份量都好多～BTW佢地仲會附送埋中式糖水架！整體黎講呢間餐廳真係好唔錯 食物質素不錯！真正實料用心整👍🏻

跟同事前往位於尖沙咀的住家菜吃午飯餐，從麗斯中心旁邊樓梯步上住家菜的門口, 推開玻璃門, 看見這裡的佈置很中式, 一個個木製的菜牌吊掛在牆上裝飾頗為特別。 午市時間, 這裡有是日午餐及商務套餐, 是日午餐有五款選擇天天不同, 商務套餐就有超過六十款可供選擇。菜心炒牛肉(配以切炒菜心牛肉塊蘿蔔塊及蒜蓉汁等)，十分有鑊氣呢。另外再叫多碟咕嚕肉(配以茄汁鮮茄洋蔥塊炒咕嚕豬肉等)，食落非常可口酸甜，以及清潤滾熱辣的豬骨湯。最後, 還有一個甜品蛋花馬蹄露給大家吃得開開心心, 回工作地方再拚博過。