住家菜 (柯士甸道)

营业中

休息中

嚟到住家菜食住家菜，又點可以唔整返碗湯飲，咁先似係屋企食飯㗎嗎😂唔記得叫咩湯，其實我都唔知係乜湯，因為係朋友叫，但飲落的確幾好飲，飲得出係冇味精，有d似阿媽煲既感覺，但當然仲差d啦，而且佢d味比較淡。清清地暖下胃先。阿嫲雞唔熱唔凍，似係煮完攤到室溫先上菜，但雞肉幾嫩唔嚡，但食唔出係乜味😂中式牛柳，牛柳唔嚡唔韌，菜甫肉鬆煎蛋角，咬開入面仲有小小蛋汁😋蜜糖豬扒，蜜糖味欠奉，但豬扒軟淋仲有西蘭花斑片，魚香茄子，兩樣都正常。整體d小菜都唔錯，有小小家的味道。另外一提，服務幾好，會幫你分湯，會不時過嚟幫你換碟，問佢有冇wifi仲會同你講用iphone要連4次先得，又真係第4次先連到😂

食中餐都唔一定凈係第一時間諗起酒樓或者大排檔，呢間打著以住家菜為旗號既小菜館，都係一個唔錯既好選擇。呢度既菜式種類煮法多元之餘，最緊要就係大碟夾抵食，仲要係免收加一服務費。有時兩口子放左工唔想煮飯又想嘆幾味小菜同飲啖湯，都會黎幫襯下，勝在食幾次都未試勻晒，唔會黎黎去灼去果幾味!!!對上幾次太晏黎到想叫阿嫲雞都無緣沽清，今次早點來就叫到了。半隻雞既份量足夠3-4人食用，食落去味道有D似沙薑雞既風味，雞肉鮮嫩白滑幾入味，而且雞皮又唔會帶有一層厚厚既油脂，可以一試。點左兩款重口味既小菜，要叫返個不太膩既菜送飯，呢個蚧肉桂花炒素翅都可以試試。賣相同口感個人認為略似賽螃蟹，蛋白素翅蟹肉一齊炒，香滑清淡蚧子黃金蝦，呢個菜式製作既步驟都好多功夫，師傅第一步先把蝦腸清除，然後再加入咸蛋黃蓉炸香上碟，大大隻既蝦炸到金黃色超香脆，乾身之餘蝦穀仲包滿一層蛋黃既粒粒，雖然好邪惡但係就超惹味，勁正是日例湯係鯊魚骨响螺湯，人多既可以叫一煲SHARE，人少就可以叫一碗。雖然話就係一碗但實際分出黎有4飯碗既份量，真材實料兼無味精夠火喉，放工攰攰地飲返個滋補既湯人都精神D飯後仲免費送糖水俾你滋潤下，每次既款式都有機會唔

週末與家人飯聚，試了一間中菜館「住家菜」。店內雖沒有奢華的裝潢，但整潔舒適評分合格，餐桌擺位亦比預期闊落。全晚的菜餚大部份是常見的家常菜，首先送上是一煲「住家老火湯」：菜乾湯。湯汁味濃泛甜，火喉足，評分不俗。「阿嫲雞」是唯一需要預訂的菜餚，雞肉口感遠比預期嫩滑，十分出色，推介！「脆香琵琶豆腐」質感略實欠脆，只屬一般。「粟米斑塊」用上質優白滑的青衣柳，成品比很多酒家更佳，讚！ 「鮮什果咕嚕肉」同樣做得不錯，皮脆肉嫩，甜酸汁濃稠甜酸恰宜。唯一要投訴的地方，是什果芳蹤難見。「沙鍋魚雲煲」一向不為小編所好，眼見家人吃得津津有味，味道應該也不俗吧！「蛋白蟹肉西蘭花」汁醬略稠，不論蟹肉或西蘭花皆稍為乏味。 「豆豉鯪魚油墨菜」屬小編的「飛弗」菜款，用上現成的食材，雖外加手工價值不多，但就是喜歡。「喳咋」是餐廳送贈的甜品，豆品份量剛好，融入度高至部份「起沙」，味道佳。 「住家菜」沒有考究的用餐環境，菜餚的擺盤亦沒有賣弄花巧，只憑大廚的手藝，製作一系列家常小菜，成功贏得食客青睞。

今日約咗朋友聚餐，大家都好鐘意食小菜，於是就試下呢間位於柯士甸道嘅小菜館，聽講佢地嘅小菜好有家嘅感覺，仲無味精，真係難得，我地嗌咗六個餸一個湯，味道真係唔錯，推薦脆香琵琶豆腐，美味！

人大左之後，有時出街會多左想食中菜，今次去試一下家常小菜😋雜果配咕嚕肉 $72 👉🏻 除左平時最常見既菠蘿之外，仲有好多款水果 🍅🍇🍍 咕嚕肉無骨啖啖肉，皮薄多肉，配埋酸甜醬，送飯一流👍🏻蜜醬豬柳燒 $75 👉🏻 豬柳燒以鐵板送上，熱辣辣既食物係特別好味架！豬柳口感煙韌，甜甜既蜜汁好惹味😋三菇西蘭花 $78 👉🏻 三菇分別係冬菇、蘑菇同草菇。食左咁多肉梗係要清清地食翻蔬菜啦！老火湯 👉🏻 like facebook每人送一大碗🥣 個湯好足料，而且無味精又少油，好有家既感覺😍簡簡單單吃幾道小菜一樣咁開心。會再去光顧的👍🏻

平時阿囡放學之後通常都去飲茶，飲到都有啲悶同學仔媽咪就帶咗我去呢間食小菜，因為這間餐廳標榜沒有味精的！去到超多款小菜選擇由於午市時段仲可以揀商務套餐。首先跟餐個湯好好飲夠晒足料青紅蘿蔔豬骨湯。肥牛粉絲煲:好大碟,好多粉絲同牛肉。腿茸奶油津白:唔知係咪冇味精嘅關係食落去有啲淡味。金針雲耳蒸雞:雞好滑，味道很好👍🏻好有住家菜的感覺椒鹽腰果骨:雖然較細嚿，不過夠晒嘢未商務套餐＄68有是日例湯，小菜，白飯仲有糖水又坐得舒服CP值高，一定會再嚟

琴日N 生日， J 話就我食中菜即係呢，我都估到架啦。。。個門面都靚仔，中式 modern 裝修唔老土。好值得參考其實個湯係正，真材實料冇味精。隻雞係最好食。夠入味 岩岩好個 portion 有 d 細 本身唔太好依味正 本身隻蝦正 $104 買隻都接受到依個真係唔知乜黎 百靈姑怪怪的。又冇口感又咸又勁spicy我又係本身又係唔好依味都係個螺片夠鮮 但煮法係鮑汁就 over 左 同欠缺創意。整體都係 portion 太細 同太咸太 spicy

幾年前試過呢度既南瓜西米露一直念念不忘，今日特登出黎佐敦食lunch。可惜今日既糖水唔係南瓜西米露，不過聽講沙拉骨好好食，都入去試下啦！另外仲叫左個葡國雞。沙拉骨，原來唔係排骨，係帶骨豬扒。似係京都豬扒加沙律醬。味道份量都ok，正正常常。葡國雞原來係葡國雞翼⋯超級無敵淡，雞翼完全無味。勁失望！！食完同侍應反應啦，「佢話葡國雞係淡架，有落奶架嘛，唔會好咸架。」真係當我第一次食葡國雞⋯當我唔識煮野⋯無味既葡國雞我真係第一次食到。又唔係想博d咩⋯同鋪頭反映意見都係想佢改好，下次回頭再幫襯。連意見都唔願聽，就算有幾想食南瓜西米露，都唔會再黎！

老朋友食飯，一圍人搞手一早就book定大枱等我地，仲留定隻雞呢（多謝搞手）。位置係柯士甸道木球會對面，馬會旁，係地鐵站出都快嘅，仍方便嚟自新界港島九龍人走嘅路線。之前都想試，唔知幾時搬咗過黎呢頭。留咗張大枱俾我地，傾計都開心啲容易啲。價錢絕對唔係貴，同大排擋嘅差不多。（如果飲酒係有開瓶費100元）呢個就係預留嘅雞，味道濃咗小小，蓋過雞味，肉算滑。琵琶豆腐，可以，上菜時已經唔熱，豆腐成分唔多。京都肉排，超濃嘅汁（茄醬都幾多），肉都掛到汁，入味。鯪魚球，炸得幾可口，唔駛點嘢都ok。西蘭花班片，汁都夠，味道還好。湯水係送嘅，羅漢水，過甜，飲緊片糖水。老火湯係值得叫，我地十個人一煲，每人都分到2小碗。要說負責我地個枱嘅職員超趕時間放工，明明仲有起碼6，7枱都係剛剛開始食未幾，執枱唔阻你，但我地仲食緊湯水想傾多兩句都唔俾，全程態度麻麻，反正已經收哂碗，唔駛逼我地一齊同你放工吧。。。

住家菜，呢间位于佐敦嘅餐厅，真喺非常之实惠。住家菜，“屋企feel無味精，清淡少油、住家靚湯”先卑大家睇睇呢間鋪頭咩樣嘅位於二樓，顯得燈火輝煌。穿過透明玻璃門，沿著樓梯進入就到達住家菜餐廳啦。餐廳雖然有啲細，但喺非常之乾淨整潔。裡面嘅擺設喺咁樣嘅有咩特別嘅菜呢？我啲睇睇其實，住家菜主打嘅就喺清淡少油，滋補身體嘅各種家常美食。有各式各樣嘅小菜，各種唔同煮法嘅雞餐，蒸飯，牛肉豬肉，同埋海鮮。呢一次，我同朋友嗌咗鮮什果咕嚕肉，脆香琵琶豆腐，豉油皇中蝦，同埋蒸鱼。我最鐘意嘅就喺呢條蒸魚，蔥，辣椒，豉油等配料齊全，加埋鮮嫩可口嘅皖魚，真真喺超級無敵好食，蒸法亦都幾健康清淡。其它送都幾贊嘅，翠香琵琶豆腐口感佳，外酥裡嫩，香滑可口；鮮什果咕嚕肉則酸甜可口，什果新鮮，咕嚕肉酸甜滑嫩；至於豉油皇中蝦則中規中矩，將蝦味濃濃嘅展現出來，新炸嘅大蝦浸一浸豉油，都幾令人滿足。巨啲本身嘅亮點，靚湯，都喺經過長時間煮燉出富含營養，香濃不膩，確實喺滋補嘅好湯。今次就寫咁多先，實覺鐘意清淡養生食物嘅朋友來選擇呢間試一試！

太難食~相都無mood影!老火湯正常，乾䓤豆豉雞得幾舊，成碗都係乾䓤，仲要係濕既，全部打獻，我真係聞所未聞呢個餸係濕炒唔係乾炒! 欖菜四季豆又係咁，濕炒既，成碟都係獻，D豆淋patpat湯渣咁，垃圾!連我以前最鐘意食既鎮江骨都已經唔好食! 想當年第一間鋪係銅鑼灣時，呢個餸係超好味，宜家唔用大排骨用細骨排骨，成碟都係肉，我完全感受唔到食緊排骨! 以前炸到微脆，再用黑醋，糖回鍋翻煮， 宜家係求其走油就算數。 奶油津白用娃娃菜? 但餐牌明明寫奶油津白，夠胆死同我講根本係同一樣嘢，只係大細分別! 扼傻仔咩! 分別咪就係津白要慢慢炆，娃娃菜用2分鐘烚下就得，同埋娃娃菜成本更低囉！我估佢都係求其pat奶油上去就算! 好在問清楚冇叫到。總括來講，成餐飯除咗個湯，全部垃圾，粗制濫做，毫無誠意，衰過我自己係屋企求其煮! 同銅鑼灣伊利沙百大厦後街嗰個時期大相逕庭，我完全唔明點解其他食評大部分係好食? 送都唔食! 絕對不會再去!!!

作為一個香港人，無論係學生定係返緊工都好都最鍾意食屋企既餸。咁岩同朋友行開街見到住家菜呢個名就忍唔住入去試下。餐廳菜式選擇都算多，令我呢個選擇困難既人都花左一段時間先諗好嗌咩餸。我地嗌既第一味餸係沙巴龍躉。條魚唔腥而且少骨，令我呢個唔多食魚既人都會特登去食，而且啲豉油都幾好送飯。第二碟餸係鹹蛋蒸肉餅呢味每個屋企都會整既餸。豬肉半肥瘦唔會太乾。第三樣係金銀蛋時蔬，有唔同既菜揀，我地揀左娃娃菜，有啲炸蒜頭係度，香得黎又好食。最後一味係阿麻雞，可能係因為之前食得太多餸既關係，到呢度餸就唔係好食得落，不過雞肉好嫩，配搭佢既醬汁，都可以拎黎送飯。呢間餐廳有別於連鎖快餐店所標榜既屋企小菜，佢少油得黎無味精，食得健康啲。

呢間住家菜講到明話少油少鹽，無味精。行健康路線。吸引左我！所以決定帶我屋企人黎食得健康喇！！🤓上網睇到佢有個招牌菜，阿嫲雞 要留定。所以一早打左去留定半隻雞！🤓去到好彩有book位。已經full哂環境都ok..唔會話好逼like 佢facebook就送一大煲湯！都幾好喎！都好大煲，起碼有十碗湯。是日例湯係：花生雞腳湯。好足料，好濃郁，幾好飲！阿嫲雞 ：賣相幾靚。食落都真係唔錯。雞夠嫩肉。味道調味得岩岩好，鹹鹹地。幾惹味鹹蛋炸既大蝦！😻呢個好味。用鹹蛋黃炸出黎，食落特別香！！大蝦好彈牙！如果無殼既話就完美！竹筒飯：唔想食白飯咁dry,所以叫左呢個！又幾好味喎！同好有特色！望落以為好少，原來都有幾多碗！呢個抵叫最後仲送糖水！

而家外出愈注重飲食 會對三高食物格外留意！住家菜係其中一家有營食肆 我已經百試不厭！是日又再光顧 餐廳環境空間感充足 設計樸素 餐廳正做超抵優惠 like住家菜fb就可免費送一壺靚湯！湯料豐富 除左雞腳 仲有豆 陳皮 豬骨等等 所以味道到位 而且無味精又少油 真材實料 完全有家的味道及溫暖！（呢壺湯最少可供兩人飲4碗）超抵！雜果配咕嚕肉 - 雜果繁多 除左常見菠蘿外 仲有提子 火龍果 蕃茄仔等等 咕嚕肉無骨 皮薄多肉 酸度合適 拌飯一流瑤柱肉碎蒸水蛋 - 最簡單既菜式最考功夫 蒸蛋既滑又嫩 配上瑤柱同肉碎味後道更昇華 南瓜西米露- 餐廳包埋飯後甜品 非常有心 真係有南瓜絲架！

今晚約左三五好友食飯，因為友人病左，就揀左呢間住家菜試下。佢有兩個入口，一個可以搭lift，一個就行樓梯鋪面都寬闊，都乾乾淨淨的～一入坐，就俾佢個濕紙巾吸引到望左望跟住服務好好，見到我地拎住一袋二袋，就已經拎d椅俾我地擺低d袋，拎埋個袋套住我地d外套。仲好好笑容叫左7餸一湯，個湯係like facebook送既，埋單平均每人都係$115，超值！送既湯每人可以分到兩碗左右～好味，無味精既感覺（因為平時食完重味精野，本人會頭痛同埋舌底痺～）跟住係奶油津白！我的最愛也～～～係好好味道！但就不太喜歡加紅蘿蔔～再黎個榣柱竹筒炒飯，清清地，都唔錯，望上去好似好少，其實分到每人兩碗（5人計）然後係沙拉骨，味道都唔錯，咬落去唔會話肉質好實咁跟住就係佢既招牌雞！嫌有d油，但係係好食既，不過可以再滑d就好喇芘芭豆腐！外脆內滑～～友人好中意呢個☝🏾蛋黃味好香！再蒸一條多寶魚🤤最中意呢道菜，好香好滑整體來說係好滿意呀！服務好，菜又好味，又不時添茶又添水～推薦👍🏽👍🏽👍🏽