住家菜 (柯士甸道)

营业中

休息中

很久沒飲湯水，見這店標榜 "屋企 feel 無味精、清淡少油、住家靚湯"，正合我心意  ^_^ 一於到這店晚餐。遠處已看見招牌，不難找 晚上六時已很多人；店內的裝修簡約，很有住家 feel。店內貼了很多與這店溝通的方法，如：可在食評發表意見，讓他們令食物保持水準；但最令我欣賞是有「包伙食」服務，可惜我工作地方不在這附近 -_-我們點了廚師推介的「鮮什果咕嚕肉」，仲有「咸魚茸煎肉餅」、「鮑魚雞粒竹筒飯」及老火湯。老火湯，我們只叫了一位份量，但已足夠兩人飲用 湯料足，無味精，好飲！但熱辣辣會更好 ^_<鮮什果咕嚕肉，真的有很多什果，咕嚕肉外脆內嫩，酸酸甜甜很開胃！這碟咸魚茸煎肉餅，真的要推介，煎得很香口，但又少油 鮑魚雞粒竹筒飯，飯不油膩，有很多鮑魚及雞粒，好味！食得飽飽，仲有糖水送，腐竹薏米糖水，很特別，味道不錯！

朋友在尖沙咀工作，老馬識途，傍晚時分帶了我們二人到柯士甸道的「住家菜」吃飯，並強調不是一般享受；且看看如何。女侍應推介食肆的住家靚湯：「羅漢果菜乾豬踭」。一碗湯量足夠三人飲用，湯水清甜，菜乾吃下無渣，豬踭肉腍。當晚天氣寒冷，熱湯潤喉補肺。小菜先後上枱。「鮮什果咕嚕肉」配料充足，鮮什果包括火龍果、提子、菠蘿、車厘茄和洋蔥；咕嚕肉泡得外脆內嫩而不滯，伴料更能中和肉的濃味。「乳香粗齋菜煲」包羅萬有，既有草菇、冬菇和鮮菇、又有紅棗、雲耳、豆腐卜、津白和粉絲；南乳味香配上八種材料，十分惹味。「清蒸沙巴龍躉」熱辣辣端上桌，魚肉鮮甜嫩滑，不得了，我們吃得津津有味。一湯四餸後，送上「喳咋」這個甜品；甜度適中，暖胃，完滿結尾。「住家菜」標榜「屋企feel」，靚湯無味精，小菜清淡少油，真的名副其實。諸君外出晚膳，又想心响家裡、嘴嚐家味，不用多想了！

✔這間菜館之前同事也有光顧，感覺不錯，所以邀請我們一同到這裡午餐。這天來到門面已經很多客人在等候，未幾被安排入座，中菜館裝修簡約優雅，入口靠左是一排窗口位，不過對街是馬路及建築物景觀，沒有可欣賞的景物，所以坐在那個位置的分別不大。✔午市提供了「是日午餐」五款，另外提供的「商務套餐」選擇性更多，兩者相差$20，我們各人按自己喜好選了不同的套餐。✔套餐很豐富，包括了白飯、例湯及糖水，我很欣賞那碗「羅漢果菜乾湯」，標榜無味精，飲得喉嚨很舒服，羅漢果配菜乾是妙絕的配搭，對近來寒冷的天氣有滋潤的感覺。✔蒸魚魚肉蒸得剛好離肉，配上炸菜的蒸法，魚肉十分入味，是一道送飯好菜，不錯。✔沙爹肥牛粉絲煲有紅椒、青椒及洋蔥的配料，加上肥牛及粉絲，陣容滿滿，惹味滿分，是值得推薦的一道菜。✔最後，食埋甜品喳咋確實為是日午餐寫上滿意句號。中菜館提供的午餐性價比高，我們已將此菜館納入再食名單，相約下次再來光顧。

平時甚少在家吃飯的我, 與朋友行街經過尖沙咀柯士甸道遠遠看到麗斯中心地下有個大大招牌寫著“住家菜”, 即想起很久沒食住家菜了, 於是便決定在這裡吃午餐，餐牌有唔同菜式，見有是日例湯及糖水供享用‚知道飯不夠也可以加添, 老闆的細心, 用料足, 無味精, 因此有很多捧埸客喜在這裡用餐及訂餐。​栗米班塊, 香甜的栗米汁加上脆炸班塊, 食落啖啖肉, 一點班塊的腥味都沒有, 用來餸飯真是一流, 無論大人細老都會喜歡。​薑蔥霸皇王雞, 雞蒸到剛熟恰到好處, 肉質非常嫩滑, 還有一陣陣薑蔥油爆的味道, 令人吃得份外滋味。

去完外地旅行數天，回港後特別想食中菜，所以相約朋友派手信食飯的餐廳第一時間諗到位於尖沙咀佐敦一帶的「住家菜」。地點十分方便，就在佐敦地鐵D出口行不到五分鐘！適合放工約朋友呢！老火湯～羅漢果菜乾豬骨湯返左一日工加上天氣乾燥，當然要來碗老火湯！老火湯十分清甜，沒有多餘的油脂，羅漢果的甘香令喉嚨十分舒服，得到100%的滋潤呢！鮮什果咕嚕肉～看見樣子已經胃口大開，用多種水果炒在一起，十分清新！而且豬肉一點也不老，外脆內鬆軟！酸酸甜甜十分開胃！鐵板蒜爆牛柳粒～又是另一個出式小菜，洋蔥爆得香口，每口牛柳粒都充滿蒜香味！牛柳十分腍，一點也不會過火！白飯～很多餐廳的飯也會太硬身，這個軟硬度剛剛好！就像家中媽媽煲的米飯一樣！喳咋糖水～最後還附上糖水，糖水用料十足，不會過甜，為是日晚飯劃上完美句點呢！老火湯出色，小菜十分有鑊氣，加上食完後沒有一點口渴的感覺，可見沒有味精，全是師傅的真功夫！值得再次光顧呢！😆😆

吃過珍饈百味﹑多國美食，但最能打動人的還是一碗熱湯。在忙碌的工作周，終於抽到時間外出午膳，我們便到朋友推介的「住家菜」，試試是否真的有家的味道。 午市提供是日午餐($48)及商務午餐($68)，商務午餐的主菜選擇多，兩種午餐都是 糖水] 經典組合。 羅漢果菜乾湯　一飲已經覺得好感動，有羅漢果的甜味，感覺滋潤，而且更有豐富湯渣：豬骨和菜乾！只有媽媽煲的湯水才會那麼足料﹑少油，光是這碗湯已經值得encore！ 小妹偏好酸酸甜甜的菜，今餐點了鎮江排骨排骨肉嫩，醬汁開胃可口細細粒，一口一件，欲罷不能！ 要飽肚感但想吃少點肉，因此點了紅燒斑腩斑腩皮脆肉厚。 甜品喳咋不會過甜，每一羹都吃到多種豆豆，足料程度與羅漢果菜乾湯相呼應！ 埋單時才知道不用加一服務費！價廉物美，當然不少人慕名而來，我們離開時(1點15分左右)，店外已有七八人等位，真慶幸我們早到省卻輪候時間！

係尖沙咀想食一餐又平,又抵食嘅午餐,真係好困難,只系平均58蚊，有湯，有飯，有餸，有糖水，標榜著冇味精嘅老火例湯真係算幾合理。節瓜章魚豬骨湯：好足料好夠熱飲完之後冇頸渴冬菜蒸鱸魚：條魚好新鮮蒸嘅時間剛剛好豉油 ，香蔥，冬菜，好惹味翠玉瓜炒肉片:好有鑊氣份量足夠服務態度：好有禮貌出餐時都好快好細心介紹每一道菜總結:平時冇乜時間系屋企食住家飯嘅我， 可以有啖湯水飲下 ，加上系尖沙咀返工要唸食啲咩真系好困難,再加上當你一個人去食飯，呢個都系一個好選擇。

喺尖沙咀放工，天寒地凍，同同事揾野食，經過從前是食川菜的餐廳，變左做小炒餐廳，見唔駛排隊，就走左入去試下！入面環境闊落，有大檯有細檯，一圍12 人檯都有，而且都幾乾淨！餸茶選擇眾多，餐廳牆身都掛滿左推介的菜式，每樣我都想試下，不過兩個人都食唔到幾多，唯有叫幾個餸試下，估唔到d 餸咁快嚟到！招牌亞嫲雞，雞滑，味道香，似鼓油雞，又似芝麻雞，非常好食！西芹雞柳是同事的 飛佛 , 佢去邊都要試下，一放落檯已聞到好香，好有鑊氣，雞柳經油泡過，特別香口！蒜蓉炒菜心，賣相精緻，菜心也甜，不會太多油！ 好味！咸魚煎肉餅，是晚最令我同同事食指大動的菜式，第一口食落似午餐肉，不過又無午餐肉的肥，咸香味適中，沒有搶去肉餅的味道！而且煎得很香口，非常好食！ 其實2 個人食左4 個菜，都已經很飽，不過建議大家留返少少空間，餐廳有免費糖水供應，千祈唔好以為係送就一定唔會好得去邊，待應話每天晚上都會轉唔同款式，今晚就有南瓜西米露，南瓜味濃，很滑，甜度適中，啱晒我！4個高質小炒，埋單290蚊，在尖沙咀區嚟講，實屬難得，令人驚喜，有機會必定再次光顧！

今曰同K先生去咗佐敦地鐵站附近嘅住家菜食飯。我地點咗三餸一湯，湯係合掌瓜雪耳豬骨湯，個湯好足料，真係好以屋企平日飲開的味道。三餸有沙拉骨，黃金蝦同鮮腐竹蝦乾時菜，各有特色。個沙拉骨都真係完全冇肥肉，好味。而個黃金蝦就炸到卜卜脆，而且每一隻蝦都大大隻，我同K先生都食到眼甘甘。另外鮮腐竹蝦乾時蔬，我哋叫咗個油麥菜。整得好好食，無味精又清淡，很健康。食完還有糖水送，味道不錯。呢度小菜款式很多選擇，下次同屋企人試下其他款。

老師從英國回來，當然帶她吃沒有味精又好吃的中菜，她比較喜歡吃家常小菜，聽朋友介紹這間不錯，於是，帶老師來試試😻😻😻在面書上載住家菜的食物照片/合照，仲可以獲得湯券添😻今天的老火湯是南瓜陳皮紅蘿蔔煲豬肉湯，碗底有湯渣可吃，勁足料，味道同屋企媽咪老火湯，不相伯仲😋，正👍🏻咸魚煎肉餅：啖啖咸魚茸，但又不會太咸，咸魚與肉餅的比例啱啱好，煎得很香口，好味😻蒜茸炒菜芯：菜芯炒得剛剛好，有些酒樓/餐廳的菜莖好硬不易吃，這𥚃煮得好易吃。豉油煎中蝦：中蝦夠大隻又新鮮，豉油調味很好，蝦肉鮮味彈牙👍🏻👍🏻👍🏻如果您阿媽去了旅行，無飯開而您又唔想煮飯，真係要嚟依度試下😻😻😻

今日同朋友嚟到尖沙咀，行過經過呢一間鋪頭，餐廳嘅名係住家菜，令我哋都諗起成日出街食，都想食返下一啲住家味道!!!我覺得你一道菜真係好值得推介，洋蔥鐵板牛柳，味道非常之香，亦都好好食，送飯簡直係一流！另外我哋都叫咗滑蛋蝦仁，同樣係好經典嘅菜式，材料十足，有好多蝦，滑蛋亦都非常之好食！！另外我哋仲叫咗腐乳小白菜，食得好多肉嘅時候，最好就係有啲菜中和下，今晚食物嘅質素好高質，我哋都食得好開心！仲有一個住家靚湯，冇得彈！

平時食得太多西餐，今次朋友希我過黎試下呢間中菜。牆身掛住左D餸名牌，好得意好有特色。佢主打無味精，清淡少油，款式都好有住家FEEL。落左單，歎住茶黎等食。金銀蛋，可以配其他菜，我選左油麥菜。呢個餸唔會太鹹，啱啱好。呢個蜜糖豬扒真係超好食，甜甜地，豬扒咬落去啖啖肉，豬扒厚身得黎一D都唔韌，我地食唔停。面豉豆腐斑腩煲非常多汁，班腩軟硬適中，完成食唔到雪味。豆腐就滑得黎仄夾起都唔會散。甘好餸，唔係點食飯既我都要叫碗白飯食下。

喜歡煮家菜全層有兩排玻璃窗，樓底夠高夠光猛，中午嚟食晏心情都好D。佢哋是日午餐至係$48，不過我通常會俾多廿蚊揀佢哋嘅商務套餐，因為選擇多，有成63款小菜揀，即叫即煮。今日飲佢哋嘅屋企靚湯係蕃茄薯仔黃豆湯，無加味噌，九成九似我屋企自己㷛，自從識得嚟住家菜食，我真係少㷛湯好多😅粟子炆雞煲，熱騰騰上枱，D雞同配料仲跳緊舞咁，咋咋聲，冬天食㷛仔就可以keep住D餸唔會咁快凍；不過今次喊左D，攪到我食哂碗絲苗白飯，好飽😓好彩糖水係放向另外一個胃，佢嘅糖水都係我期待嘅一部份，今日係腐竹薏米，甜度啱啱好，偏少少熱飲，真係舒服。埋單免收加一，放低$68就走得。

今日想食清啲，等紅綠燈過馬路時見到對面商場二樓好大個招牌寫住＂住家菜＂，即刻入去食個晏，大估唔到喺佐敦居然可以食到個抵食午餐，$48已經有湯丶主菜丶白飯再加埋甜品，今日喺蕃茄薯仔黃豆豬骨湯，熱辣辣，名符其實嘅住家湯一樣，主菜叫左蒸魚，上枱時又係熱辣辣，佢哋加左啲麵豉醤喺條蒸魚上面，再淋啲豉油喺週邊，真喺原汁原味，好有屋企feel, 之後仲有好好味既薏米白果腐竹糖水做甜品，我個人喜歡唔係好甜嘅甜品，佢嘅甜度對我嚟講就啱啱好，入口好舒服，加上佢地落地大玻璃可以望到外面，成個人感覺好舒服唷。

相信很多人都喜歡食住家飯，奈何個個都要返工，有幾多個有工人姐姐喺企吖偶爾給我發現佐敦有這“住家菜”，茶餐廳價錢，酒樓水準，但不含味精，難過怪今天只是星期二，閒日都咁多人啦簡簡單單，一張點菜單，實惠是日例湯是最抵的，一煲都只係$50。今晚係南北杏合掌瓜雪耳豬骨湯!湯料十足，豬骨都夠腍，證明夠火候清甜，潤喉栗子雞煲，份量真不少，栗子洋蔥特別索味，我食得最多雞先走油，皮香肉嫩北菇花膠海蔘煲，呢煲真係好嘢呀，自己煮都吾少錢呢！花膠都海蔘都有五六舊花膠厚大，入口黏黏的好重骨膠原， 識貨嘅我梗係知道呢幾隻花膠都唔少錢啦冬菇都係厚肉， 真係一啲都唔慳仲有海參。。。真係吾少嘢，呢個係煲都係$113，咁多靚料，真係好抵食蟹肉桂花炒素翅， 蟹肉同蛋白撈埋一齊炒，賣相好靚，食落口好滑，好香，送飯真係一流食完仲有糖水送，健康有益嘅麥米粥三餸一湯，400蚊有找單身寡老自己嚟，叫一個餸一個白飯，勁有住家飯feel, 好過去快餐店啦