低調高手大街小食

营业中

休息中

其實，我是一個雞蛋仔控。我最喜歡是到香港不同的地方吃雞蛋仔，北角、紅磡等等的雞蛋仔我都想試過，始終還是覺得這一間是最好的。老闆製作雞蛋仔是是使用計時器的所以務求時間要非常精準。而且，老闆每一底的雞蛋仔也是用心製作的，沒有連鎖式的感覺。因為有些雞蛋仔知名後，變成連鎖式後，反而沒有當初小店的感覺，這是我感受最深的。所以，老闆這底雞蛋仔我吃的是回憶，也是味道。而且老闆充滿滿滿的人情味，我們在九龍那邊坐車過來吃，難得來到當然也要常常格仔餅，當然沒有令我失望。因為格仔餅外脆內軟，加上醬料滿滿的也是令我滿足！這次真是不枉此行呢！

筲箕灣東大街真係好多小店美食😽掃街一流👍🏻本身唔太鐘意食雞蛋仔🙈唔好食嘅雞蛋仔會好似食緊麵粉 無蛋香🤧不過呢間真係做得好出色 深得我歡心😀雞蛋仔即叫即製 所以要花少少時間等候🕒大家記得趁熱食 食落外脆內軟 仲好有蛋香😋😋雞蛋仔仲有好多口味揀 我個次就揀左原味喇😌

呢間係筲箕灣好出名嘅雞蛋仔店舖 難得去到筲箕灣一定要試下😋見到佢有鹹蛋黃呢個叫做黃金雞蛋仔既新口味 就買左一底試下啦😚由於係即叫即整 所以大概等左10分鐘先有得食 拎上手熱辣辣 但係比較淋身 唔夠外脆既感覺 食落每一粒都有好多鹹蛋餡料 幾好味 不過食哂一底都幾膩 相信下一次試番原味會好食d🙈

難得黎到箕簊灣，就黎試下馳名既雞蛋仔啦！幾年前食過一次，估唔到而家多左個新味—咸蛋黃味，店出面企滿晒人，真係好誇張lol佢個咸蛋黃味雞蛋仔賣29，原味就19。因為人多，雞蛋仔易share，我地就叫左一底原味，一底咸蛋黃味既雞蛋仔。大概等左一粒鐘，終於到我地，格仔餅條隊快好多，有啲後悔叫左雞蛋仔終於到手個下，咸蛋黃味都幾香，不過都僅止於此。兩種口味食左幾粒，大家一致認為，29太貴，亦都唔值得等，而且就算唔使等，都唔會想食下一次lol

去筲箕灣食完午餐，見到呢間小店好多人排隊，雖然好飽，但都忍唔住要排下，一底原味雞蛋仔要$19，好脆好食，但略嫌唔夠蛋香味。但脆的口感真係其他店做唔到的。繼續支持本土雞蛋仔。

今天約了 2 位朋友 12點柴灣吃午飯，聊到 3 點，只剩我們一枱沒走，有點不好意思，其中一個朋友提議去附近的東大街的著名雞蛋仔，未到就看到一般人排隊的排、等的等！買了一個原味$19、一個黃金$29，#200 號，等著、等著，原來等了半小時 ！店鋪面積很小，附近很多小麻雀飛來飛去，真懷疑會不會等雞蛋仔的適合的時候，會中頭獎 ！哈哈!原味$19 一餅也不算貴，最喜歡就是味道簡簡單單，沒有刺鼻的香油精，趁熱很快就吃完一餅，$29 咸蛋黃有蛋黃醬的味道，然後也有一點小小顆粒的咸蛋黃碎，味道不太突出 ！但吃得很開心 ！

低調高手賣雞仔同格仔餅，一直都幾出名，之前比電視報完之後就更加多人慕名而來，小編都係其中一份子。嗰時已經係幾年前，黎到朝聖，果然名不虛傳，雞蛋仔真係好好食，又足料。之後試埋格仔餅，都好食嘅，不過就同一般嘅差唔多，唔算太特別。之後小編間中都有去食雞蛋仔，但每次去都好似加左價咁。頭幾次加價都仲可以接受，不過之後成十八蚊底就真係唔太接受倒。如果比咁嘅價錢食到好好嘅雞蛋仔條氣都順D，但佢又價，又唔好食，退步左好多。啲料比少左好多，基本上都係食空氣，得個甜字，麵粉味已經唔香。而且等佢整都要好耐，有時要等成30分鐘以上。真係對佢地好失望，唔會想再食。

早有耳聞這間在 筲箕灣超有名氣的雞蛋仔店今天終於有機會試一試一去到已看到很多人在等候食物很不起眼的門面，小小的店內只有兩名員工好像只有4款食物賣原味雞蛋仔，黃金雞蛋仔，原味格仔餅及黃金格仔餅作為咸食星的子民，專程為咸蛋黃而來點了一份 黃金雞蛋仔及一份黃金格仔餅職員問我食先，我聽了幾次，才明白她的意思是一起上還是分開上都得。最先給我們的是黃金格仔餅看到了滿滿的砂糖及煉奶吃第一口其實跟普通格仔餅一樣多吃幾口，終於看到主角!!!!超滿超多的咸蛋黃一口咬下去，嗯。。咸蛋黃味被煉奶及糖蓋過，味道就跟奶黃飽一樣。我不太喜歡，難怪旁邊的人都只買雞蛋仔。推薦度 3分❤❤❤再來等了差不多20分鐘。。。終於來了黃金雞蛋仔拿起來已經感到完美的脆度，聞起來超香蛋黃味❤❤❤我啪了一顆，咬了一口裡面是這樣子的，一半是空心，另一半是滿滿咸蛋黃，這次雞蛋仔少了糖及煉奶的爭寵，咸蛋黃味道比較出，略勝媽咪雞蛋仔，可是覺得略嫌不夠咸。但脆度很夠，加了不少分推薦度 4分❤❤❤❤整體而言，29蚊一底有點少貴，但一試也無妨。

同朋友行完山，搭車落返筲箕灣。一落車大家就立即去低調高手排返個隊，拿飛仔。去到一如既往，充滿了人，排隊買的隊不算長，但等的人就好多。買完之後，問店員要等幾耐，佢話要等三十五分鐘左右，這都是預料之內的事。⋯⋯⋯⋯⋯三十五分鐘過後，熱騰騰的雞蛋仔終於拿到手啦！外脆内軟，又唔會太硬身，剛剛好，不枉我等左三十五分鐘啊！佢仲有好多唔同的味道選擇，有近期大熱的鹹蛋黃味的雞蛋仔，但價錢比較貴，所以下次等多幾個朋友的時候可以再來試，分擔下個價錢，開心分享！

今日和家人到筲箕灣吃團年飯，吃完團年飯之後經過這一家雞蛋仔的店舖很多人等候，身為雞蛋仔控的我又怎會錯過這個機會這間小店只買兩種小食，就是雞蛋仔和格仔餅，味道亦只有原味及黃金蛋黃味兩種。由於剛剛吃完晚飯不想那麼邪惡，所以只點了一份原味雞蛋仔。我買完的時候是八點，要等大約20個號碼。最後足足等了40分鐘才有，真是等太久了吧幸好拿上手是熱辣辣的咬下去外層非常鬆脆，但入面不夠飽滿，但都很鬆軟。味道是比外面的雞蛋仔好吃！但是若果要再等40分鐘才有得吃，那就不值得了

住在港島東，每次路過這間店門口必定有一堆人！今次夜麻麻，終於都可以食到！突然好想好想食格仔餅。不知是不是我太想吃格仔餅，我覺得好好吃，外面風很大，塊餅不算太熱，但外脆、裡面微軟，好吃！

叫咗一底雞蛋仔, 等咗半個鐘 ,畀我嘅 只係 得個殼嘅 雞蛋仔, 咬落去得咁空氣 ,好似食緊威化餅, 半個鐘等出嚟食到啲 得啖空氣嘅物體 ,實在太浪費我時間, 完全冇口感 亦都唔值呢個價錢, 份量太少 ,唔會再去幫襯.

事源最近係深圳商場求其叫左個咸蛋雞蛋仔，一試出奇地好食。係人都知低調高手無得輸，便決定有機會到筲箕灣就點一個咸蛋雞蛋仔。一睇 嘩嘩嘩～成廿九蚊（都好貴下）！！！唉，是但啦 就試試去==== 等了又等 等左半個鐘 ====熱辣辣 好熱 好熱既雞蛋仔出場喇～～睇落有d燶食落好脆但比起普通版較硬身（係咪咸蛋影響口感呢）咸蛋味好淡 似食緊普通雞蛋仔總括而言$29 底黃金雞蛋仔唔抵食，食返普通版好過（$19）本來期望個雞蛋仔會好好食好出色 點知.....可能期望太高了

剛剛去食完北角嘅雞蛋仔， 依家再嚟食筲箕灣嘅雞蛋仔。 其實好耐之前都嚟食過， 嗰時都冇咁多人排隊。 而家要食一嚿雞蛋仔要排差唔多四十分鐘。 真係等到我攞命。 如果我知道要等咁耐嘅話我一定唔食。講完排隊講下呢間雞蛋仔嘅味道， 只可以講一般。 冇咩特別令人驚喜， 相對要排咁耐隊我覺得性價比不值。雖然不過嗰間雞蛋仔大不如前， 但係最少唔使排隊慳番好多時間。不過我見到筲箕灣嗰間雞蛋仔長者及殘疾人士有優惠。 可以講係一間良心企業。 值得鼓勵。

今日去開筲箕灣，記起有一間朋友成日提起嘅雞蛋仔，諗住既然喺附近就去試吓，可能因為今日係平日，唔見有人龍，點左一份黃金雞蛋仔，等左約15分鐘，熱辣辣嘅雞蛋仔到手，今次點呢份黃金雞蛋仔，其實係雞蛋仔入邊有鹹蛋，所以食落去真係好香，又唔會有好樓嘅感覺，絕對係東大街數一數二嘅美食