低調高手大街小食

营业中

休息中

【黃金雞蛋仔🐣】HKD29呢排好興黃金乜乜，有唔少菜式小食甜品都加入左咸蛋，又幾新穎喎🤤 連呢間都推出左黃金雞蛋仔！呢間咁出名唔洗點介紹啦🍳 原味雞蛋仔一向高水準，估唔到咸蛋味一樣咁正！熱辣辣散發咸蛋香氣👃🏻🌀 雞蛋仔外內脆軟，食到粒粒嘅咸蛋😍 味道香濃不錯喔會食到停唔到口👍🏻 美中不足有啲有好多咸蛋粒，有啲又無，平均啲會更好。食原味食到厭嘅不妨試下新口味😋

作為一個雞蛋仔嘅愛好者，點可以唔食下「低調高手」呢搭一日叮叮慢活一下，黎到筲箕灣，點可以錯過一黎就當然要叫個「原味雞蛋仔」、「格仔餅」試晒佢啦🕵🏼‍♂️格仔餅比較快、5分鐘左右就到手喇。花生醬開得太稀，油味比較重，砂糖唔覺有，外脆唔覺得，內軟就還做得到，但整體黎講比較失望😞算了，都係期待一下雞蛋仔大約30分鐘左右，雞蛋仔到手，極速影相就開始食嘩！脆係脆嘅，不過好輕飄飄，蛋香味唔突出，比龍X好一啲囉叫做。諗唔到點形容，反正好失望

筲箕灣有條東大街埋藏好多小店～其中呢間《低調高手大街小食》一直bookmark 左，但都冇時間去，今次食完已經成為我東大街掃街必食首選😻！/🔸黃金格仔餅格仔餅都係即叫即製，送到手個陣重係熱辣辣😚，絕對值得等一下！格仔餅蛋香充足，外層微脆，內裡鬆軟，加入花生醬、砂糖及煉奶重有鋪滿激多鹹蛋黃碎，好足料呀！鹹蛋控必食😛！店員重會細心問格仔餅要唔要分半，同朋友開心share咁就可以減少邪惡感🤣！

飲茶㩒飛仔，我就試得多，只系想買個雞蛋仔姐都要㩒飛仔，我真係第一次試，而且仲要等起碼半小時。因為我地之前有大約二十底雞蛋仔未做起😞😞⋯⋯而且這間鋪只買二種食物：雞蛋仔和夾餅🧐🧐⋯⋯在等待的當中，大家真的好似小學雞默默地等。終於等了四十五分⋯⋯🤪🤪⋯⋯「熱立立」，紙袋有好多細孔，是用來散氣，免雞蛋仔變軟。保持住脆口口感！拿上手，無「濕立立」，好乾身，但咬落去，原來入面有一層軟綿綿的蛋漿！好特別，好有蛋味道，原味！$20一底。價錢都合理。原來他們的雞蛋仔有好多款色：五味人生系列：士多啤梨，朱古力，辣椒🌶️😱，黃金。真的五花八門。而夾仔餅味道亦是。最後用十全美食來形容。

之前看過很多人說黃金雞蛋仔很好吃，所以與男朋友一起到來嘗試，所有雞蛋仔和格仔餅都是即叫即做的！很有蛋香和熱辣辣的，黃金雞蛋仔很好吃，但是黃金格仔餅很鹹建議大家可以嘗試黃金雞蛋仔。

講到筲箕灣小食，低調高手一定榜上有名。黎到已經好多人等緊，我地一早鎖定食黃金格仔餅！等左接近15分鐘終於有。見到好靚，有蛋香。咬落好脆，蛋黃味同格仔餅餅皮好平衡，格仔餅整體厚度又夠，三四啖已經忍不住食晒。係正嘅，不過的確有啲貴同等得耐。

同朋友嚟東大街搵食，叫咗一份雞蛋仔，一份夾餅share。雞蛋仔外層香脆，蛋味香濃，內裡餡料煙韌。夾餅醬料充足，不過有啲太腍。.📍筲箕灣東大街76A號B3號舖地下🚇港鐵筲箕灣站 B2 出口, 步行約1分鐘..#下午茶 #雞蛋仔 #夾餅 #東大街 #筲箕灣 #香港好去處 #shaukeiwanfood #hkeat #hkgreatfood #hkfood #hkfoodlover #hkfoodie #hkfoodstagram #hkigfood #hkcafe #foodlover #hktravel #hkeats #hkfoodshare #hkstyle #hkfood #hkfoodlover #hkfoodie #hkfoodstagram #hkfoodblogger #hkfoodblog #hkigfood #hkig #hkeats #香港美食

一直以來都係這一區的人氣名店有好多唔同既明星都有同佢合作過最誇張好似係同謝大廚合作過搞雞蛋仔大會得到多方認証既大師級雞蛋仔北角個間會係旅遊客食比較多,黎到東大街呢間就99%都係本地人幫襯所有雞蛋仔都係落單後即時製作,排個20分鐘就正常的呢度既雞蛋仔做到外層脆口,入面係中空軟綿,呢種質感係最好食既蛋味同甜味都岩岩好,唔會太甜有原味雞蛋仔,辣肉腸雞蛋仔,咸蛋黃雞蛋仔 原味$20,格仔餅同價辣肉雞蛋仔$32,黃金就$30不過我係原味支持者~#低調高手大街小食 #東大街 #香港美食 #雞蛋仔 

呢日嚟到筲箕灣去朋友屋企玩，所以順便出東大街果邊出口試下嗰間好出名嘅低調高手大街小食。由於得自己一丁友，所以剩係試到一樣野，我就一定會揀原味雞蛋仔🥚，要成$20一底，格仔餅都一樣，如果係其他味更貴...。都幾多人排隊，好彩佢嘅雞蛋仔係即整，如果現成就ready的話都唔方好得去邊🤣。等咗15分鐘到啦就有得食，都唔算太耐。雞蛋仔都香嘅，但未到好誇張。食落就外皮好脆嘅，脆到餅乾咁，但雞蛋仔就好空心下，所以食唔到內軟嘅感覺。佢未好食到令我可以自己KO一底😶。Overall普普通通。總括嚟講，我覺得只係一底即整同比平日脆啲嘅雞蛋仔，好普通唔會令我好難忘或者覺得下次經過一定要食。加上成$20都幾貴@@，而且我覺得佢個名都幾自大，調返轉就差唔多😏。

Egg Bubbles, a famous street food in Hong Kong.Crispy outside and soft inside 🤤😋.Can you taste the extra rich egg flavor?

This is a food hunting trip with my friends in Shau Ki Wan and this snack shop is our first stop.We know that this snack shop is famous for their egg waffles. I am a fans of egg waffles and this indeed a good one. The egg waffles is crispy and not too sweet. Truly a master of egg waffles

今日行完龍脊，經過低調高手大街小食發現冇人排隊，當然第一時間去買雞蛋仔食啦！還記得第一次幫襯嘅時候，舖頭前面係有一大堆人等緊雞蛋仔，當日應該等左起碼40分鐘才等倒，因為每一底雞蛋仔嘅製作時間大約要5分至10分鐘。之前食過，覺得雞蛋仔有蛋味，而且外脆內軟，非常好味。果然今次再食，水準仍能保持，雞蛋仔外脆內軟，非常有蛋味，路過筲箕灣東大街嘅朋友絕對要試。溫馨提示：需要有心理準備，需要排好耐隊味道：92.34/100

呢間野真係奇貌不揚！坦白講，驟眼睇佢門面真係唔覺得佢可以整出咁好味嘅格仔餅！佢哋裝修係一啲花巧嘅地方都冇，所以真係靠佢嘅真材實料去吸引香港人去食呢個咁地道嘅香港格仔餅！/格仔餅整完出嚟係十分之香脆同埋熱辣辣！入面嘅醬料好足！滿滿嘅花生醬、牛油、煉奶、砂糖！雖然個組合10分之邪惡，但係亦都係無懈可擊！/如果就咁拎住,嗰啲滿滿既醬好容易就流晒落底，所以呢一定要平放慢慢去食，將手維持喺水平嘅狀態就最fit啦！/溫馨提示: 等候時間頗長，等既人極多，要有心理準備先好去！#

黎到筲箕灣, 不得不黎朝聖一下!同哥兩個人叫左格仔餅同埋原味雞蛋仔, order時, 店員問食住等定一次過, 又會問要唔要切開格餅, 夠晒貼心!👍原來食住等係order 完立即有格仔餅食住先咁解。蛋香皮脆, 可惜嫌d餡少左d, 落d 糖口感會更佳。公眾假期都預左要等, 走去南安里搵涼茶中和下, 來回返到黎30分鐘, 都仲未到... 最後由落單到拎得, 等左40分鐘。都真係無令我地失望, 脆卜卜不在講, 蛋味濃同埋中間亦唔係空心，令阿哥一改對街邊小食定義。不過一底$20 + 40分鐘等候, 貴左少少

佢依家一啲都唔再低調啦，出名到全港的人都識佢🤫！不過佢係我覺得全港最好食嘅雞蛋仔！🤪1️⃣原味雞蛋仔 $19 佢嘅雞蛋仔粒粒都好肥美，而且好脹卜卜🐽蛋香充斥着成條街，雞蛋仔的外皮又熱又脆口，熱到出煙🔥𥚃面就整到岩岩熟🥧，質地軟熟，唔會好濕整到果雞蛋仔淋哂，同時又保留到d濕氣，唔似其他空心的咁食空氣🌬！佢仲要有少少醎醎地嘅味，煙煙靭靭，食完會覺得俾幸福同滿足的感覺包圍住🥰🙆🏻‍♀️美味指數:7.23/10