伊賀日本燒肉料理 (已結業)

一間日本鐵板燒同刺身既放題星期一至四 258蚊一位 再加30 蚊可以任飲非酒精飲品食物種類勁多 可以用ipad落單 全部分哂種類 十分方便刺身有三文魚 甜蝦 帶子 螺片 飽片 八爪魚 北寄貝 等等 全部新鮮 又大件 尤其係甜蝦同帶子 必點熟食有勁多 除左有基本既炸物 天婦羅同一d 日本食物例如炒雜菜 粟米， 冷麵之外(因為食唔到甘多 只點燒烤)仲有好多燒烤食物 最正最推介就係肉類好似超有肉質既牛肉粒 ,油脂分佈平均既牛頸肉，豬肉五花腩，牛排骨 , 辛雞翼等等 特別既仲有肥既豬豚肉粒 同薄切羊脾都係必食之選。而另外 海鮮都好正 有肥美多汁既扇貝 八爪魚 魷魚 大大隻海蝦 青口等等 食番多幾隻 都回本如果想再食d好味d既海鮮好似鮑魚， 蠔， 或者一d靚d既肉 同日本酒 啤酒之類 就可以喺ipad再點。整體黎講around 300 一人 唔算平 但性價比正常。 值得去一試

與鍾意日本文化的好友去吃日式燒肉放題, 網上看到這間環境幾舒服所以就來了, 內裡全部都是卡位, 隔著的 partition也比平常高, 大家都會有空間感, 唔怕傾計, 感覺舒服!!這裡另一特點是用pad去點菜, 全電子化, 又唔驚搵唔到侍應, 又可以慳紙, 唔錯!! 看到款式都幾多, 基本上大部份東西可以點, 價錢為$0的就可以揀選入購物車, 但有些如海膽有寫價錢的, 大家就睇清楚係咪點, 因為右上角可以睇點過的單, 自己點過什麼一目了然~~~伊賀刺身頭盤~~~一坐下先來刺身船, 這不用叫, 每枱都會有, 因為少吃生野所以交由朋友主理, 但望上去個色澤都幾靚, 我仲取了片三文魚及帶子放係爐燒, 哈哈!! 我覺得兩款都幾新鮮, 而且吃入口幾滑的感覺~~~仲有榮螺都幾好食, 幾有彈牙感覺!!伊賀盛合拼盤~~~這個也是不用叫的, 坐下便會奉上的燒肉拼盤, 豬牛的不同部份基本上都有, 大家可以先燒來吃, 覺得邊樣唔錯就再encore~~眼看肉質紋理都唔錯, 有些沒醬料, 有些已醃過了, 不同款式口味一次奉上!! 個人較鍾意牛小排同豬頸肉, 前者肉質唔錯易入口, 後者夠爽同有彈力, 也醃製過,

Happy Friday來到酒吧林立的赫德道，我們的happy hour不是酒，是燒肉+刺身~ 😁晚市放題分2個時段: 6pm-8pm 及 8pm-10pm。我們選了8點時段，一進場就已經全場滿座。星期五六／公眾假期及前夕收費$298/位，加$30可任飲無酒精飲品，加$50定$60可任飲啤酒添~我們被安排坐在吧枱，可以看到師傅準備壽司／刺身的過程。坐下不久，先來個刺身船頭盤及燒肉盛合拼盤，種類大曬冷。刺身蠻新鮮，尤其三文魚夠肥美、蝦夠爽嫩。放題竟然包括三文魚籽軍艦。平時幾十蚊一客，這𥚃可以任食，當然要試試。三文魚籽不過不失，味道尚鮮，在口中卜卜脆的口感不俗。紫菜蠻脆口；壽司飯亦夠軟熟，若醋味重一點更好。餐廳跟上科技潮流，tablet點菜。除了任食的燒物／刺身／壽司外，要另外加錢的都明確表示，非常清晰。燒肉都蠻新鮮，肉質蠻軟熟。小妹最愛的是伊賀一口牛。bite szie不止易吃，也易燒。輕輕一烤就做到外脆內軟的juicy口感。大部分豬肉都預先醃好，不用點醬也夠味。師傅很貼心，把雞翼開半。除了方便燒，更方便食。還有我最愛的台灣腸。細細份，方便share又免得浪費。除了燒肉，還有不少任食海鮮

星期日，訓到王朝八晏，起身已是下午，換好衫同mr. monster出去行街食飯拍拖拖。知道佢鐘意食放題，一早Book左八點食日本野=)上到尼環境算好好 日式裝修，座位好大唔會覺得逼，台與台之間有屏風隔開 唔洗俾人眼望望！仲有露台，鍾意炭爐可以出去燒。落單係用tab落 唔洗用紙 所以幾環保 又無乜漏單 正！行街行到一身汗上到尼緊係要先下火！先叫野飲，$30蚊任飲烏龍茶、荔枝茶、檸檬茶、蘋果茶、冬瓜茶、Asahi，同店員講聲就可以響Tab度落單。我必飲至愛冬瓜茶♡♡單都未落，先上一個豪華刺身船，好浮誇！我中意！！而且好少可見到厚到哩個地步既三文魚，油脂比例適中，極之有誠意，蝦好大隻 啖啖肉爽口彈牙 鮮味十足！食幾啖野飲就到埋，算係好快。邊食邊飲就梗係唔好停繼續點埋燒物，可能程序啱啱好，食完刺身飲埋野基本上已經唔會覺得熱，可以開始燒野，每個爐都有抽氣 唔錯唔錯，唔會好大油煙。想翻本，燒野緊係要燒海鮮仲要唔洗加錢，先尼大大隻帶子同燒虎蝦，燒完唔縮水。再尼一口牛，記得落燒汁，燒完唔會乾，些少油份，入口即溶！食左肥脷野係時候食番d蔬菜中和下，兩種size既菇菇，一樣加燒汁燒，仲有燒菠蘿、一口薯等等

有食友介紹伊賀日式燒肉都幾好食, 放題一個價錢可以任食. 見好耐都冇食過日式燒肉放題, 就約咗假期前夕品嚐, 就算食夜少少第二日唔使一早起身返工.假期前夕整條赫德道都人山人海, 好不容易才入到電梯上餐廳, 幸好一早已訂位, 因為晚餐時段已滿.餐廳有分室內同室外位, 大熱天時梗係坐室內, 除非食煙. 安坐後侍應已送上刺身船、日式小食同各類燒肉, 咁樣做有好有唔好, 好就係好快有得食, 又可以每樣試少少, 唔好就係唔想食某種嘢機於唔好浪費食物被迫食埋.食完送上嘅食物就開始用pad落單. 用pad落單比用紙環保得多, 又有相睇, 加減又方便, 售罄又容易更新.刺身比第一輪刺身船質素更高, 三文魚、帶子、甜蝦都新鮮軟滑有彈性.壽司估唔到質素都唔錯, 壽司包得細細件, 三文魚籽咬落脆卜卜又唔腥. 火灸燒加上沙律醬有少少甜味.燒海鮮以鯖魚最好食, 燒得皮脆肉嫩, 其他如大蝦同帶子好難睇出係唔係全熟, 結果燒得有點過熟.燒菠蘿清甜多汁, 好食到叫咗三次.炸物新觧炸起, 幾款炸物如大蝦、生蠔、芝士年糕、榴槤都外脆內嫩, 有點驚喜.今晚日式燒肉反而冇點燒過肉食, 但日式燒肉以外食物都做得唔錯.最後埋單時

好友生日, 知她最喜歡食日本菜, 本想請她去壽司店或居酒屋, 但知她一定會錫住我荷包, 點菜時必定就住就住, 所以揀了請她去食放題, 任點任食, 那麼就可以吃得更開懷, 要讓她再吃得豐富一點, 揀了一間有埋燒烤, 絕對可滿足這位壽星女。對The Hart一點也不陌生, 之前吃烤雞、日式火鍋也在這裏, 所以今次不用搵路, 可以好放心, 哈! 今晚揀了一間位於三樓的日式燒肉料理放題, 一出升降機門便看到搶眼的燈光招牌。走進店內, 先見到一個大圓形的用餐區, 客人坐在外面, 而師傅們則站在中央烹調製作。再行入裡面, 以木屏風間了多張二至四人卡座, 亦有六至八人的大長枱, 位置頗多, 可容納不少客人。話明有燒烤, 當然每枱也設有烤爐和抽煙筒, 抽風系統也不錯, 沒有令全身油煙味。晚巿放題分兩個時段, 星期一至四6:00-8:00pm 成人收費 ($228+10%), 而8:00-10:00pm成人收費為 ($258+10%), 我倆都不想吃得太夜, 故揀了早段, 此段時間客人數量不算多, 可清靜一點邊吃邊傾, 岩晒! 餐店又先進又環保, 以IPAD取代一疊疊的單菜紙仔, 用起來相當方便, 而且

朋友在面書看到限時2人同行1人半價優惠，晚市半價只需HK$114，見地點就腳，而且價錢吸引，所以決定試試。 餐廳是用平板餐牌，每款食物均圖文並茂的展示出來，除了印有價錢的需要另加收費，其實的全部都是任點任食。 入座後刺身船就送上來，內裏有甜蝦、螺肉、三文魚、元貝、八爪魚及北寄貝。其實刺身船內的刺身全都是無料的，不夠的話可以再點，個人認為元貝厚肉得來又夠鮮味，而三文挺肥美，螺肉爽口，八爪魚有咬口。 由於不太清楚上菜速度的關係，所以我們隨意的點了多款牛肉及海鮮來吃。不過，出奇地，這裏上菜速度極快，基本上下單後不到一分鐘，餸菜便會送齊。 在多款燒肉中，個人最欣常牛仔骨及一口牛肉粒，牛仔骨的脂肪比例平均，而且呈雪花紋理，經燒烤後脂肪及油份都被迫出來了，所以入口時變得不太肥膩，還帶有一股濃郁的脂香味道。而一口牛肉肉質細嫰，脂肪不算多，味道甘香，一口一粒的相火當滋味。 另外，我還點了原隻帆立貝及伊賀虎蝦，不過，由於海鮮較難燒熟，幸好原隻帆立貝內放了牛油粒，所以我們就把虎蝦放在貝殼上，由它們一同燒熟吧~說實，個人認為牛油香味早已把帆立貝的鮮甜遮過，不過，味道還是不錯的，而虎蝦的口感超讚，入口爽彈帶

是日屋企人生日，為左同佢慶祝，我地黎左位於尖沙咀赫德道既伊賀日本燒肉料理食晚飯。其實以往只做日式放題既餐廳，近年都加入埋燒肉既元素，吸引多D人黎食，亦都可以乘機加價。餐廳既通風系統做得都幾好，入到去唔會話好大煙咁，間格方面都會唔錯，令到客人有一定程度既私隱。先講食物，同好多放題餐廳一樣，坐低後好快就送上剌身船一隻，等你地可以試下有咩鍾意食，再以之後再點，同時間，亦都可以配合到好多香港人鍾意「相機食先」呢個習慣。魚生都算新鮮，我地仲叫左足足3轉。咁多種類入面，甜蝦同三文魚最鮮甜，賣相亦都好靚，顏色鮮艷，三文魚切得好厚，甜蝦都啖啖肉，蟹棒亦都好爽口，完全唔似係平野，非常滿足。同剌身一樣，入座時都會送上拼盤一碟，咩都有D咁，咁之後你地鍾意食咩就叫咩。肉類醃得都算入味，食起黎唔會好油，最值得一讚既係連雞翼都有食2款咁多，仲會碎上，女仕們就唔怕食到無儀態啦。腸仔方面都好好味，唔係只係俾雞肉腸你，可惜真係切得太細份，唔係好夠喉。蟹籽沙律方面，食落好清新，蟹籽分量都好多，沙律醬又唔會太多，唔錯。前菜方面，自己一向都好喜歡食，味道好好，非常開胃，八爪魚仲要好大隻，至於螺肉，如果可以辣多少少就更加好啦，

同寶貝慶祝紀念日，本身期望唔太高，無諗過竟然會有咁多款式，仲有刺身船做頭盤，真係好正，唯一美中不足係架船太大架，好阻枱面，哈哈，肉類都好正，係餐牌見到一樣好特別既食物，叫火山蛋，好奇叫左一啲黎食，又幾得意，好似湯丸咁，燒燒下仲爆開流啲芝麻出黎，唔知係唔係燒得太耐呢，感覺好硬，口感麻麻，不過都可以一試，幾好玩😂😂最估唔到竟然有我最鍾意食既雞泡魚乾，超好味，食到停唔到口，不停叫黎燒，食過咁多間燒肉，暫時只發現呢間有雞泡魚乾食雖然飲品要加錢，但任飲都可以，其餘大致上都無問題，服務態度，食物，坐得舒服，值得再黎食。最後仲有雪糕食，埋單五百幾蚊，同出面食差唔多價錢

最近同朋友兩個人都好想食日式燒肉，在眾多主打日式燒肉為名既餐廳內，伊賀睇相片看似相當吸引，但實際上??試過先知，中伏~有幾伏??以食物質素來講，是不值得依個價錢，我們是平日時段一至四，8時入，平均每人三百幾但在食物質素來說，由燒肉，海鮮燒野菜，炸物，刺身，壽司，算是多選擇的但以燒烤做主打~燒肉及海鮮的質素 都是十分差，燒肉餐牌上既名好聽，但食落是好普通，沒有特別只有特別質素差的海鮮花支片入口冇味，肉質霉爛，吊筒，青口冇味只有青魚正常刺身，壽司普通野，不過不是主打，就算了唯一得杯雪糕可以平伏我失望的心情，唉！

有時行過都會見到伊賀有個牌放係街到，睇見佢D Lunch Set都多選擇又唔係好貴。今日lunch就去左食啦，上到去冇咩人，好多位。見佢既lunch都可以食放題，但係一個鐘又點樣可以食燒烤放題呢都係食個lunch Set算啦~魚生飯就真係好細碗，男仔就一定唔夠飽。刺身每款都有兩件包括三文魚、鮑片、八爪魚、蟹柳和一隻甜蝦。甜蝦同帶子都算鮮甜，三文魚都肥美。飯就加得太多醋，好勁醋味。食完之後同朋友講呢間餐廳先知道原來佢地Lunch Set係包咗飲品同沙津架，但係我食個陣係冇俾過我同埋話我知係有飲品囉一個set$58突然覺得好唔抵呀

跟姊妹們每月一聚,大家都認定我是食家,所以每次都由我來選餐廳~ 我的姊妹食量驚人而且是食肉獸,日式燒肉放題就最合適不過~這家餐廳有很多卡位, 空間感尚算足夠, 樓底亦算高, 跟朋友聊天亦不用嗌破喉嚨,作為gathering 既地方也不錯講番食物先, 點餐是用Ipad 環保又方便, 上餐速度都算快, 我地張枱長時間都方滿食物每張枱都會送一隻刺身船,最吸引係一板滿滿既海膽同埋刺身蝦!挺新鮮!其他刺身就不過不失啦食完刺身,大家都開了胃,開turbo了!炸物是推介食物之一, 炸粉香脆不太厚,炸芝士年糕和炸蝦是必食的)友人極力推介炸榴槤,說真材實料,榴槤味香濃!由於我不好榴槤,所以不知味道如何,但至少我知道味道真的很濃,因為我跟她是對角坐,但都聞到陣陣榴槤味…燒肉方面,選擇不少,有五花肉,牛小排,牛舌,牛肋肉,牛柳粒,牛仔骨,豬頸肉,裡肌肉…其中比較出色既有五花肉和牛小排,我地encore左三次!!!最後,竟然有Movenpick 雪糕送,仲有我大愛既雲呢嗱味,有好多雲呢嗱籽,非常香滑!

平日下午吃放題是一件很奢侈的事吧！今天剛巧放假和朋友要去上堂，於是先來到尖沙咀吃個豐富的午餐。很多餐廳其實午市也未必會做放題，始終少一點客人冒著下午飯氣攻心的風險來吃吧。這裡是用平板電腦來點單，當我還在查看餐單之際，店員已奉上刺身船，由於我們得 2 人用餐，刺身船看起來少了氣勢，刺身船有帶子，三文魚腩，北寄貝，甜蝦，螺肉和八爪魚，當中以三文魚腩最令人有 encore 的衝動。當我還在點選刺身時，店員又奉上豬牛雞的燒肉拼盤由於我們先吃刺身，所以暫時冷落了這拼盤，刺身整體而言是挺鮮味的。只是手卷和鰻魚壽司有點失準，手卷的紫菜不夠脆，而鰻魚壽司魚肉結實，略嫌醬汁不足。炸物就不過不失，炸而不膩。只是點的明明是三文魚頭湯，卻來了一個普通的麵豉湯。於是我們正式開始烤肉了。牛肉味道香濃，肉汁豐富，吃了很多款式，總是不知道應該追加那款才是剛才吃過好味的，哈哈因為牛肉比較出色，豬肉吃起來就欠一點點，於是我們又再點牛肉。反而海鮮類有驚喜，扇貝，海蝦和魷魚質素不錯，最喜歡的是加上燒菠蘿，是我不停追加的食物之一。單骨雞翼和雞泡魚乾惹味開胃，來一杯清酒更佳。為了感覺健康一點，我們象徵式也點了些蔬菜菇菌。最後送上

父親節諗住食放題吾洗煩見呢間既評價唔錯就試下啦點知中曬伏………服務員service 都唔錯但落單基本上你落一張單有十件裡面有五件要問先會俾番你未到既嘢你肉既質素簡直係"佳寶" 既質素…全部都係無味既要自己落調味先會有味刺身不過不失吾算新鮮最後唯一既安慰就係有movenpick 雪糕食****我諗佢既好評應該都係自己人寫既