伊賀日本燒肉料理 (已結業)

同寶貝慶祝紀念日，本身期望唔太高，無諗過竟然會有咁多款式，仲有刺身船做頭盤，真係好正，唯一美中不足係架船太大架，好阻枱面，哈哈，肉類都好正，係餐牌見到一樣好特別既食物，叫火山蛋，好奇叫左一啲黎食，又幾得意，好似湯丸咁，燒燒下仲爆開流啲芝麻出黎，唔知係唔係燒得太耐呢，感覺好硬，口感麻麻，不過都可以一試，幾好玩😂😂最估唔到竟然有我最鍾意食既雞泡魚乾，超好味，食到停唔到口，不停叫黎燒，食過咁多間燒肉，暫時只發現呢間有雞泡魚乾食雖然飲品要加錢，但任飲都可以，其餘大致上都無問題，服務態度，食物，坐得舒服，值得再黎食。最後仲有雪糕食，埋單五百幾蚊，同出面食差唔多價錢