伊呂波燒肉 (已結業)

12月5日, 菲菲比比的週月紀念~!! 難得今日係星期日, 可以襯lunch time去食個人人都讚好食兼lunch會抵過dinner嘅高質素日本烤肉伊呂波! 我地臨時臨急先book枱, 仲差唔多成2點幾先去到… 爭d過咗個午市無得食呀!::: 伊呂波定食 ::: $90第一次食樣樣都想試d~ 所以叫咗個又可以烤肉, 又有天婦羅同刺身食嘅伊呂波套餐!! 雖然係套餐, 但品質一d都唔馬虎! 先有d前菜漬物, 有d泡菜同芽菜漬, 味道開胃~ 刺身有三文魚, 魷魚同埋吞拿魚等… 全部都好新鮮! 烤肉方面我地揀咗牛肉, 醃料入味得嚟唔會搶去牛肉鮮味, 燒起上嚟比平時嘅日本烤肉嫩滑多汁~ oiishi~!! 主打嘅烤肉水準出色實屬意料之內, 估唔到嘅係佢地連天婦羅呢類炸物都算做得唔錯~ 什錦天婦羅有炸蝦、露筍、茄子、南瓜同番薯~ 天婦羅衣厚薄適中, 炸得都夠脆~ 不過就略嫌油咗d… 但食得出食材用料新鮮! 茶碗蒸蛋夠滑, 味道鮮甜~ 甜品雖然係簡簡單單一小球雲尼拿雪糕, 但從粒粒雲尼拿籽, 香甜軟滑嘅味道感覺到呢間餐廳對食物嘅要求同認真!::: 上牛排肉定食 ::: $120上牛排肉好似牛柳條咁

今晚約咗班同學嚟呢度慶祝J嘅生日，我哋book咗7：30，唔駛等就有座，環境不錯，招呼ok。我哋唔想諗，所以order咗三客迷你二人餐（360 each)，樣樣都有啲，包括大蝦，牛肉，牛舌，豬頸肉，豬肉，雞肉，菇，菜等，還有沙律，前菜和煎餅。前菜味道ok沙律酸酸哋少少辣，味道不錯。蝦頗大隻，雖不是游水蝦，但都幾新鮮，肉質爽口，味道不錯。牛肉有兩種，厚少少嗰種，好味啲。另一種就薄咗啲，但味道ok。牛舌好味。豬頸肉幾爽口，好味。豬肉肥肥哋，燒完後就唔覺得肥，可能燒哂啲油，不錯，雞肉OK。菇+菜煎餅很香脆，味道很好飯團冇諗咁好味，可能我唔識燒，攪到個底黑咗。

尋晚收工10點幾老公話要食燒肉，上咗盛八爆嗮...咁就第1次上咗伊呂波，但上到去個個樓面都唔安排位置俾人我哋1行4人，掛住拾枱，態度都好1般，初時重有點後悔過咗嚟。到嘢食到...生牛肉刺身(將梨條、生雞蛋1同攪拌）味道剛好又不盍過牛肉香、前菜叫咗粟米同露筍（冷盤有汁）但露荀燒1燒可去草青味、熟食燒銀鱈魚（比1般西京燒無咁甜，本人就麻麻...但過得去)、冷麵（麵身似蒟蒻..食咗咁多肉類食感覺Fresh)、碎牛肉石頭飯（不過不失）同蜆湯（1大碗湯兩粒蜆，用麵豉湯碗感覺會無咁寒酸)，自己燒就有牛拼盤（牛肩、牛胸腹、牛柳粒、和牛粒+薄切牛脷）蝦（1客兩大大隻）、厚切牛脷（好似薄切有味D)，全都不錯，改觀會再嚟，埋單2千頭，質數嚟講合理。

My mum and i always reserve a meal's quota for BBQ whenever we were in Tokyo - the beef there are always more sweet and more tender than those offered in Hong Kong. My mum always recalls how lovely the beef rib were in the restaurant in Shinjuku, as it is a taste not to be found in Hong Kong.Since my mum's birthday is in early February, clashing directly with the chinese new year, it is impossible to hold a table at any restaurant on the date of her birthday. Therefore, we opted for an early cel

今年的平安夜，就在這裡，與幾位食友度過，別以為鬼佬節日吃日本菜不用被迫叫套餐給「放血」，就包無衰，其實亦有些名氣店，不叫套餐的話亦設最低消費，這裡是一例，人頭計收五舊。撇開最底消費的問題，其實要吃好一點烤肉，一分錢一分貨，這裡的和牛質素甚高，而厚切牛舌就更是牛癡必叫的甘香美食，加上食友拿出靚酒助慶，這一夜還是盡慶的度過了，謝謝方大師的安排。

我d同事成日講伊呂波好好食..點好食...攪到我成日心思思終於約埋榮少去TRYTRY!!講返正題先有一點值得一讚因為我臨時改人數+有人隻腳整親行動唔方便,聽電話個人即刻幫我轉枱感覺真係好好!!!我們叫了4個餐(加大),有牛肉,牛柳,牛舌根,豬肉,仲有魚生跟,好豐富呀媽子話魚生細細件,夠新鮮又彈牙豬油表面肥膩,但燒完後香口非常,口感一流,牛肉就更加冇得頂榮少食到直樹母子但係個牛舌根就..就...就....真係不敢恭維喇.....唔......可能我地真係食唔慣啦還好仲有個天婦羅扳回一城香脆,爽甜,又唔油膩,抵讚食到熱熱地,仲有個雪糕,清清熱氣榮少話下次要同D同事再去食喎= =真係

一大班人食伊呂波........剩係桌面既野食.... 真係影10次相都影唔晒.......個餐牌幾乎俾我地叫勻咁濟......誇張到..... 張枱完全擺唔落.........所以影左幾張全景算數..... 專心食野.......因為限時呀....... !!刺身拼盤魚生全部大大塊.... 好鮮甜......吞拿魚.... 通常都唔好食..... 但這裡的居然甘香無比..... 一吃難忘......特上牛肉拼盤全部都好有牛肉味.... 牛胸膜爽爽地比較特別........海鮮拼盤樣樣都好新鮮.... 最難忘係個隻勁巨形的蝦......皇帝蟹腳嘩!! 呢個鮮甜無比.... 叫完再叫.... 食到停唔到口....... 雪芭桃味.... 感覺清新.... 好味.... !!巨峰乳酸飲品雖然$35一杯咁貴.... 都係好細杯.... 但就好好飲......

十月二十八日 (星期四)今日我們遠赴銅鑼灣,約了舊同事食午餐之前預訂了伊呂波其實選擇不多,來來去去都是豚肉牛肉雞肉較為特別的則有牛舌我們四個人,胡亂點了四個餐,旨在集齊所有肉類款式老公仔或者說得對我們只是食客,並不是廚師燒出來的肉一定不會太好,不過貪過癮,可以吃自己親手燒的,又是另一份樂趣不過這裡的肉類醃製的不錯燒後不用點醬也頗惹味不過"廚師"(即是我們)的功夫有待改進呢價錢方面則較為貴,而且肉類份量不太多(我們其實已經加大了)幸好有其他配菜搭救,否則我一定不夠飽~有說有笑,又過了一個午飯時間

週日下午，正在腦震盪去哪裡用午餐，太太忽然爆出伊呂波，即刻拍板！諗起想黎都有一段時間冇去伊呂波，立刻食指大動！訂枱兩點，但銅鑼灣真係好塞車，最終都要遲到十分鐘。兩點鐘的伊呂波，客人已走了大半，坐低即刻點菜︰燒肉定食($85)︰要了牛及雞，跟餐尚有蒸水蛋，前菜(芽菜、菠菜、泡菜)，湯及白飯。全部都好食！燒肉定食加吞拿魚飯($90)︰要了豬肉，另加一個吞拿魚飯。呢個餐其實同上面一樣，不過多了一碗吞拿魚飯，只係加多$5，好抵。吞拿魚飯絕不欺場，有四塊刺身及魚蓉！強烈推薦！之前都幫襯過幾次，經驗都唔錯，夜市就貴好多，每人起碼要$250以上，所以午餐真係好抵食。好滿足的一餐，之前塞車的悶氣全消！

生日要返學，放學都10點半，去到銅鑼灣無咩選擇了...最後選左伊呂波...去到全店無人，我地仲以為關門了...佢地比了一間房我地...環境不錯 我地點了個全和牛宴...有牛舌, 牛肩, 牛上排肉, 日本產和牛拼盤加2個白飯, 一份魚餅...和牛加白飯...非常美味！全部牛都好腍, 好有肉味, 好新鮮！對我來講牛肋骨肉較為油...但我老公話這些油是精華喎！記得要鹽燒的，才可以食到牛的味道總部來講，美味；環境不錯！

銅鑼灣同尖沙咀店都去過，覺得銅鑼灣店好啲，所以決定再嚟。Book 咗枱，早咗少少到，門口冇人...等咗一陣，終於有個黑口黑面o既侍應，帶我哋入去。同人share一張四人枱，好在唔算太迫。之前食過伊呂波餐，今次決定食豪啲啲，於是叫咗：牛胸外膜同和牛牛扒餐先嚟o既係麵豉湯、蒸蛋同泡菜麵豉湯ok，味道濃郁，豆腐仲幾滑添。蒸蛋繼續出色，多料又夠熱。真係同响日本食到o既差唔多~~泡菜就一般般啫。餐仲包魚生，冇祈望之下，都算唔錯，起碼夠新鮮。主角之一牛胸外膜，好夠牛肉味，唔需要點任何醬汁，已經好好食。和牛牛扒相對地冇咁有味，質地亦偏"淋"。勝在份量夠多...甜品係綠茶味雪糕，我覺得好奶同冇綠茶味，太太就兩樣都唔覺 食物質素保持高水準！不過，服務質素就跌咗唔少！

突然興起想食網燒，由於沒有訂位的關係，結果等位等了大約十分鐘。剛與友人happy hour完，酒後份外想吃濃味之物呢!!先來一客三文魚刺身...雖然在邊皮位置，可是仍然十分鮮嫩肥美!! 溫度亦剛好!! 讚!!再來一客特上牛肉拼盤...有牛舌、胸外膜、肉眼、牛里脊及西冷。拼盤的好處就是樣樣都有得試，壞處則是不大肯定自己吃的到底是什麼?! 除了可以肯定圖中右上角的是牛舌、右下角的是胸外膜之外，其他的我們都分得不太清楚!!不過，我與友人也一致地同意，下排中間的牛肉粒粒與左下角的牛肉片最為出色!! 肉質軟滑!! 爆juicy!! 我想應該是肉眼和牛里脊吧?!至於汁燒黑豚豬排肉...雖然外型有點像煙肉，可是當然比煙肉美味得多啦!! 味道很香很濃而且完全不韌!!最後來個海鮮拼盤...有帶子、大蝦、墨魚、三文魚、蟹與蜆。想不到最好吃的會是三文魚!! 網燒過後魚皮會變得又薄又脆!! 而且本來肥美的三文魚加熱過過滲出濃濃的魚油!! 就如小時候吃的"魚肝油"的味道一樣!! 有趣有趣!!而大蝦亦果然十分大隻!! 新鮮而且有膏，好味!!

我今日出左糧所以约左男朋友去伊間店食超正超豪既和牛燒肉，其實我男朋友非常鍾意食和牛，所以今日就决定去食等佢開心吓。我地叫左和牛燒肉定食、見到咁靚既和牛都無辨法去抗拒，Ｄ色澤咁鮮脂肪又咁平均，和牛肉味又夠濃、肉質非常鬆軟好甘香又多汁入口即溶、亦會跟埋泡菜、味噌湯夠濃、蒸蛋和冰淇淋或飲料、仲有四片刺身。刺身有兩片油甘魚同兩片三文魚全部都好新鮮，值得讚係油甘魚好夠彈性有鮮味。和牛舌亦有高水準又夠厚，脂肪分佈均勻，質感好有嚼勁，非常美味。魚生飯 - Ｄ魚生好新鮮仲有幾種魚生,日本既飯極正。最好既食物永遠留係最後本人極力推介就係汁燒特選牛里脊肉、見到Ｄ色澤咁鮮脂肪又咁平均就知道跟剛剛的兩款完全係唔同級數。一定要好小心將Ｄ牛里脊肉慢慢烤成金黃色就立刻連忙送入口，哇...這真的是日本和牛了。輕嚼幾口，已經在舌頭上化於無形，剩下就係油香好似係口到游黎游去。超级好食呀！絕對值回票價！！！

較少食燒肉，之前食過桐燒，印象麻麻，不太滿意。聽閒這裡不錯，摸個門釘兩次，睇黎人氣唔錯，今日再黎睇下有無位，哈，有位。店既格局間開一隔隔，私隱度幾高。一坐底，搵野飲，生啤清酒都有，食燒肉，要生啤，得一款七寶，唔洗選。前菜有酒盜，要了客。主打燒肉就先要個盛合，貪咩都有得食，小試牛刀；見有個秘製牛排骨肉，秘製野，又試下。海鮮無咩頭緒， 只要了麵鼓魷魚，店家推介琵琶蝦，要一份試下。酒盜係天勝食過後，一試難忘，這裡的內藏少了點，不過芝士夠香，仍是不錯的前菜。盛合有胸外膜、西冷、肉眼、里脊肉同埋牛舌，牛舌最好，軟腍，不過切得太薄；胸外膜入口即溶，好吃；里脊肉牛味十足；西冷切成方型，夠肥，燒耐點也是肥；肉眼就較為普通。店家介紹既琵琶蝦，生猛，肉夠嫩，成條蝦肉一夾就起哂身，很不錯的。麵鼓魷魚就無咩特別，新鮮魷魚是也。是夜特別的係個秘製牛排骨肉，用壺浸住上既秘製牛排骨肉，醃得不錯，牛排肉，牛味十足，軟腍，非常好吃的一款。之後追加牛柏業、牛肩肉同埋雞肝。牛柏業有點鬼異，唔係平時食開既賣相，食落爽身，加埋麵鼓醬，很惹味，燒牛柏業原來不錯，值得一試。牛肩肉食落有脂香，不錯的。雞肝水準還可以的。要點飯下肚，選

book左枱2000,去到唔使等位,食物全由女朋友發辦:1)三文魚刺身...厚薄適中,鮮甜可口,good^^2)唔記得咩野薄餅...ok好食,不過較為飽肚,除非下次去有4個人先會再order~~3)鰻魚飯團...未試過燒飯團,燒完d飯焦脆卜卜,但係就唔係好覺有鰻魚XD~~4)海解拼盤...樣樣都超新鮮,正到無朋友,must eat item^^5)和牛拼盤...另一必食之作,充滿油香,入口即溶,好回味呀^^多謝女朋友為我準備呢餐咁正既晚飯,thx^3^