伊呂波燒肉 (已結業)

星期六晚突然好想食烧肉，但又唔想等位。搏一搏打去伊吕波睇下有冇位。点知星期六晚都竟然有位。去到个埸都系坐得一半，有d 担心呢间餐厅今日黎食放题，佢有分＄298 52品同＄398 60 品。男友中意食既野多数都系＄298 52品到有齐哂。今日就食住＄298 先。宜家都几自助既形式，自己将食物编号抄系张纸上面比侍应。出餐都快，个炉都够热。绝对够哂时间食到回本。为左节省时间，我地通常都会叫d 熟食打下底，一路食一路烧。唔好谂住熟食，唔系佢地招牌野就会求求其其。我其实几欣赏佢地好有日本料理一丝不苟既精神。海鲜煎饼系热辣辣上枱，食得出系即叫即煎，仲要系慢火煎到外脆内软。八爪鱼丸 粒粒都有八爪鱼系入面，而且个粉开得好幼细，同街边果d “日式“八爪鱼丸争9条街。连炆牛肉呢个日本家庭料理，佢都有加入日本芋丝，真系跟足日本传统做法。天妇罗个粉浆厚薄岩岩好，油温都控制得好好，颜色好均匀。比好多日式放题做得好好多，不过宜家见呢间有以前咁有名既高级烧肉店要做埋放题，我宜家拎佢同d 放题餐厅，感觉有d 唏嘘无奈。讲返d 肉 ，非常靓仔，冇将货就价，同正价食既肉水准依旧，油花分布好平均，肉汁好丰富，大部分既肉都有盐味或酱油味可以拣。就连牛舌都有得任食，不过＄298 只包薄切牛舌，要食厚切既就要叫＄398。最推介牛里脊同牛胸外膜，肉嫩多汁，超满足！就算系薄切既牛排肉都唔会容易烧到干争争，一样咁juicy！烧到个网焦左，请侍应换网手脚都好快手纯熟，而且换几多个网都唔使另外收费，有d 烧肉店只包换一次网，再换要收费…真系有点儿…不过食烧肉唔包野饮，呢样就有d 扫兴。如果可以加钱包埋野饮就更加好喇。…查看更多

🍍食放题贵精不贵多一向系菠萝仔嘅格言，想当年伊吕波都算系日式高级烧肉店，都要$600-$800/位，面对越开越多🇯🇵日式烧肉店同埋🇰🇷韩国烧肉嘅冲击，近年伊吕波都要推出晚市放题提升竞争力嚟到铜锣湾伊吕波食烧肉放题，52品$298、64品$398，第一次食伊吕波嘅放题先试吓初级版52品先啦！-52品包括🐮牛肉、🐷豚肉、🐔鸡肉、内脏、海鲜、前菜、烧蔬菜、沙律、一品料理同汤，饮品不包括在内！⭐️推介：塩烧牛舌、牛排肉连骨、牛里脊肉、塩烧厚切五花腩、贝拼盘、露笋-总结：食物质素不过不失、可以一试，冇漏单。贴心地有围巾唔会整到自己件衫、而且食完唔会成身烧肉味👍🏻…查看更多

今日和家人去了铜锣湾伊吕波吃烧用，他们有晚市放题，$298/52品及$398/60品，限时90分钟。$298餐：烧肉有牛肉、豚肉、鸡肉及内脏，牛肉有盐烧牛舌，牛排肉，牛里脊肉。猪肉有盐烧厚赐猪五花篮猪颈肉鸡俾肉鸡翼牛为牛大肠。另外还有海鲜：杂锦串烧、红虾、鱿鱼，串烧响螺、贝类拼盘⋯等。蔬菜类也有任点任食：有烧牛油菇、粟米、南瓜、芦笋、鸡髀菇、茄子，前菜有枝豆、生椰菜、泡菜、牛舌配有子胡椒。也有各种沙律，如蔬菜沙律、凯撒沙律！豆腐沙律和牛舌沙律。有饭面和汤，今次试咗蔬菜汤和海草汤。超饱！…查看更多

一次愉快既用餐经验肉品质好好，种类多，上菜快店员服务非常好，又亲切介绍点样落单好抵食，食完成身都无烧肉味平时食其他烧肉都会有好大既烧肉味，但今次一啲都无成个环境都坐得好舒服，吾会好逼…查看更多

一放工饿饿哋，就同同事仔喺铜锣湾觅食。无意中行咗去渣甸中心，成栋都系食肆，好多选择。同事仔因为心情不佳所以拣咗去食豪啲，就拣伊吕波。众所周知，呢间日式烧肉都系主力贵价日本靓牛肉，一入去已经做好心理准备要好贵，点知一坐低见到个烧肉放题5牌，即刻放心晒。放题有两款，我哋拣咗$298包52种食物选择，嗱，唔包嘢饮，净系有杯茶。不过又包饮汤啵，最后我哋都无加钱叫嘢饮。落柯打系写落张memo 纸度，都几随心嘅。一落咗单佢就即刻开著个炉预热。食物方面，主打牛里脊肉同牛舌好好食，肉质好juicy，其他可以少叫啲啲。😁尤其是系贝壳类，唔新鲜成盘都有沙的。总括嚟讲，食品质素好好，除肉类外，菜嘅种类都好多，连泡菜都有，如果可以包一罐饮品就更好。…查看更多