伊呂波燒肉 (已結業)

5 of us booked a table for lunch on WED.This is the 4th/5th time I went there but just wanted to share my same thoughts as the previous 2 comments that food is OK, but service is not good.Not sure if you noticed some waitresses are young ladies while the other one or two are relatively older. The younger ladies are impatient and "black face-ed" us often.So perhaps this is something that they should look at to improve.

「收費電視飲食節目」及一些朋友也曾推介過此「燒肉店」，今天便慕名一試。我們中午十二時來到，入店後向店員示意兩位，他們立刻問有沒有訂位。由於我們沒有訂位，他們便問可否在一時前埋單，當然沒有問題。入坐後看看餐牌，套餐的選擇約有十數款，價錢由八十五至一百六十五元，另每客套餐也附上「白飯、泡菜、蒸蛋及綠茶雪糕」。我們點了一客「伊呂波套餐」($85.00)，內容有「牛肉/雞肉/豚肉+ 天婦羅+ 刺身」，另一客則點了「嚴選燒肉定食」($165.00)，內容有「精選日本產和牛牛排肉、上等牛排肉及牛肋條」及「沙律」。先來的是「伊呂波套餐」，「套餐牛肉」的脂肪較少，燒起來不太搶火，薄薄的肉身，只要燒一會便可上碟。先放入醬油內，再放在白飯上，跟白飯一起吃，感覺不錯。「套餐牛肉」的肉味不算豐富，但就十分焾。此牛肉是八十五元貨色，心想「嚴選定食」的牛肉相信會好一點吧。但原來此想法是錯誤的，因為「嚴選牛肉」的脂肪較多，要花多點時間來燒，搶火程度亦十分利害。燒好後放入醬汁內，放入口時發覺其脂肪多得來又不甘香，肉味又不夠，甚至比起「套餐牛肉」更少。其後繼續嘗試其餘的「嚴選牛肉」，但情況也是差不多。套餐內除了牛肉，還

毫無疑問，這裡是很旺場的。星期三訂星期六下午吃飯，得知星期五/六/日晚也滿座，而星期六下午原本有位，來到時又說要搭檯。問要等多久才不用搭檯？侍應說不知道。當然，可以說「不知道」的，代表這裡是勁旺場，不做閣下的生意也沒有所謂。環境方面，這裡是不錯的。簡單的日式佈置，感覺很舒服。午市套餐選擇不少，來得這裡，當然首選是燒肉，就要了「伊呂波定食」及「嚴選燒肉定食」各一。價錢方面，前者85蚊，後者165蚊，配套大同小異，分別只在供應的肉類，後者真的是「嚴選」的。先來菜沙律，是簡單的生菜加蕃茄，配上酸度幾高的沙律油，很醒胃；茶蒸蛋也很滑溜，有蛋香，配料齊備，有菇有蝦有雞肉有銀杏，還不忘放了蟹柳在內的；刺身放在一個盛滿碎冰的闊口玻璃杯上，賣相很好。刺身有魷魚、吞拿、白身魚及三文，新鮮程度卻是意料之外的好，以燒肉店的標準來說，是相當不錯的了；天婦羅也是不錯，計有茄子、蕃薯、蝦等，炸得不算油膩，吃落亦正宗，想不到也不錯。未開爐前，坐下來覺得偏涼，開火爐肉，溫度就剛剛好。當品質最好的開始吃起，上肋骨肉﹝Nakaochi Karube﹞切成一粒粒骰子模樣，四面略燒一下，肥美腍滑，真的有入口即溶的口感，肉質上

舊年結婚周年在北海道食烤和牛, 今年無出外, 老公選了這裡又在烤一烤!二人首先叫了特上牛併盤, $410, 四種牛肉連牛舌, 最好食都係牛舌, 每樣都有約6件, 價錢合理!烤雜菜(雞骴菇, 南瓜, 洋蔥, 蘆筍....六種), $70, 只有菇係食得, 其他太乾)烤鱈場蟹腳, $180, 好好味, 好juicy!雜錦菜, $50, 五種包括芽菜, 菠菜, 類似泡菜, 唔辣!梅酒, $38, 一酒味都無...似汽水!整體服務唔錯, 環境都坐得舒服, 其實價錢係合理, 因為野幾新鮮, 老公燒烤技術唔錯...好味!

當然也是看過"呀蘇"介紹才識這店,去吃之前亦都上來這裏看一看評語....今次吃了海鮮盤/HKD$250(虎蝦1隻/帶子1隻一開二/一隻清酒煮蜆/細蚌1隻一開二/三文魚腩2條/魷魚4塊)和牛/HKD320(8塊)牛肋條/HKD230(6塊)柚子胡椒牛側胸/HKD150(6塊)黑豚汁燒豬肉/HKD80泡菜盤/HKD50燒酒凍飲/HKD120(300ML)大埤油/HKD32細埤酒/HKD28加10%SERVICE CHARGE海鮮盤個人來說,散叫喜歡的好過叫一個MIX海鮮盤,不過想試多種的話,一叫無妨..因目有網友話吃完肚痛,所以都係燒熟一點,最好吃反而是三文魚腩和燒魷魚,燒脆一點...送酒一流.和牛果然和傳說中好吃..入口即溶,燒的時候已見油溶化,勁正....網友介紹的上牛排肉,一早買哂...於是叫另外一隻牛肋條....本人同老公都覺得呢隻好吃過和牛,因為多油之餘,肉厚,咬落去有口感,很軟很正...返之和牛雖然入口即溶,不過油比例太多...柚子牛側胸,沒有柚子味,牛味重一點..不過肉質很嫩...油份小...雖然沒有之前2隻牛咁正..不過都好好味.黑豚汁燒豬肉,附有蔥...燒肉的時候放蔥一起

又係經過阿蘇發功既店鋪，不過今次似乎係想點石成金，基本上，主餐牌冇註明用和牛，祇有另一張Menu 指明用和牛，價錢大概230~380 一份，淨肉100g 左右，餐湯，白飯，甜品乜都唔包，如果唔另加個白飯，睇怕食三份肉都未飽，以肉質而論尚算ok，不過以小弟對和牛經驗而言，祇屬於中下價貨，油份有餘，肉味不足，肥廋不均勻，四條友叫左三款唔同肉類，另加一個肉類拼盤，連四個白飯，四隻帶子同三杯無酒精類飲品，連加一及小費合共兩千銀落樓，抵唔抵則見人見智，以小弟黎講，四條友楂住兩千銀應該有更多好選擇。侍應very nice，禮貌同笑容都有，而又以女侍應比男侍應較熟手，問男侍應一份肉份量有幾多？解釋左半日先講到大約100g，問女侍應是日甜品拼盤係乜？則如數家珍咁清楚逐款講，仲講明邉款會比較偏甜，感覺上細心又專業；地方亦寬敞，分成多間獨立房間，需要服務先按侍應鐘，適當時候又識得入黎添茶收碟，非常適合二人世界又者同朋友舒舒服服咁食餐晚飯。

睇左蘇施黃既介紹, 今日老公生日, 專登早幾日book位, 點知7:30去到, 得番張門口位俾我地坐, 同個姐姐講, 乜咁早book 都係坐呢d位, 佢話入面坐滿晒, 無法...叫左:燒豬頸肉厚切和牛雜菇燒三文魚飯團燒牛舌味道ok, 牛舌同和牛係好食, 但又未至於非常好食, 其他一般其實最主要係想講俾大家聽, 我同我老公返到屋企即刻肚痛爭廁所, 每人兩次, 特徵仲要一樣, 齋x水埋單共830... 換黎咁既下場, 老公話下次請都唔會再去, 生日飯搞成咁, 好難忘

在凌亂的渣甸坊內隱藏了一間很多好評的燒肉店，知道我家的小熊熊很愛吃燒肉，於是便相约熊媽媽、熊爸爸、PP熊來這裡開餐。由熊姐姐發辦點菜，先來一個海鮮肉類併盤($330)及肉類併盤($410)。推介肉類併盤，可一次過吃多款牛肉，每款都鮮嫩多汁，最好吃的是上牛排骨肉，我們還追加了一客($230元/7件)。我們亦試了最貴的那款和牛，但一眾認為沒上牛排骨肉好吃。海鮮類都有水準，但始终不及肉類吸引，另外必吃的還有鹽燒厚切牛脷，爽度適中，肉味濃郁。吃罷，熊熊家族所有成員都thumbs up!

今晚父母揀去這店試下. 我們都是食牛的愛好者. 今晚我們可以叫牛的不同部份食餐飽了. 坐低後一直無人理我地, 直到我們點菜時, "咁" 個制叫店員, 佢地先有人來落單. 叫了和牛, 牛排骨上肉, 牛排骨肉, 牛舌, 西冷牛扒. 刺身叫了牛刺身, 吞拿魚腩, 金倉魚腩. 父母喜歡紅酒, 點了一支阿根庭的. 跟住又要了一支西班牙的. 我們向店員要求了給我們一些荼, 可是等了很久, 都是沒有茶. 直到我們再催促, 店員才送上茶. 開酒的店員似乎不太熟識開紅酒, 要請其他店員幫手開. 坐位舒服, 同其他坐位分隔開的, 仲有衫架可以掛起外套. 可是燈光太光, 好多射燈, 加上冷氣不夠, 所以都幾熱下. 仲有四個人先得一個餐牌, 一點都不方便大家想商量下叫咩菜都有點難度. 刺身很新鮮, 不過在其他店食的牛肉刺身都有汁點的, 可是這裡就叫我們只係點wasabi 食. 這點不太好呢. 因為其他店的汁加入了蔥蒜, 野味好多呢. 其他的燒肉, 當然最好食的是$450 一客的和牛, 入口即溶. 其他的牛排骨肉, 牛排骨上肉, 牛舌, 兩款的西冷牛肉都好新鮮好好味. 之

其實我10月嘅時候已經去過一次, 但係無時間上嚟寫, 剛剛今個星期一又去多次, 真係好好味! 佢d牛全部都係和牛, 我最欣賞個牛舌,厚身,又爽, 其他如牛脊, 通通都好好味, 全部叫鹽燒,唔需要再加任何調味料, 正! 加埋d蔥絲簡直係無得頂呀. 雖然消費破貴, 但係d食物係值得嘅, 唔好以為貴就易有位呀,我7點幾去到已經差不多滿座喇, 所以記得訂位!

叫了一個$120的牛肋骨午餐，牛肉是正合我意的長條狀，這個形狀才能最表達牛肋骨的味道，牛肉沒怎麼醃過，只有輕微醬油，單論燒肉，是合格有餘。然而其他跟SET的食物質素卻是吃過眾多日式料理店中至弱的一家，先說茶碗蒸，沒蛋香沒味道表面全是泡泡，像家裡煮的多過像外面菜館吃到的；蕎麥麵，寫就是蕎麥麵，一看，奇怪，怎麼會鬈的？一啖，根本就是明星麵。加單，見有一獨立MENU上有和牛，先問和牛那裡來的，侍應查探回來後告之是鹿兒島，沒寫多重，照叫，跟著才被告知，除了那個下欄外LUNCH全部冇貨，唯有在主MENU加單一個$130和牛牛舌。味道不怎麼樣，有咬口，但不及南美的牛舌。順帶一提的是，爐是電爐，不會搶火，但味道當然更加不及明火的炭爐甚至是GAS壚。本地日式燒肉店，水準始終比韓式的爭得太遠。

上星期同男友及一眾友人到此歡聚,首次惠顧, 有以下評語:- 和牛食二百幾蚊已經好好質素,唔係好使食到$450嗰隻- 牛脷($200嗰種)好得, $130嗰隻可以唔使食- 燒蜆(其實係有個bowl裝住清酒煮)滑到不得了- 招呼無問題, 間隔幾有privacy- 加2樽720ml sake,滿足滿足!整體屬高水平, 唯獨價錢真係唔平,但如果同和幸比, 我就一定充去呢間!

吃，跟愛情一樣，也講緣份。儘管刻意經營，但欠缺了緣份這魔法，一切，也會落得擦身而過…妳說，要一嚐日式燒肉這不再新鮮的玩意。可是這店檯是緊張得很，訂下了位，也只能享用個半小時。看着餐牌上那剛解禁的和牛，絕色天香，每個部位，也是豐脂，在盤算着點什麽，也經已是樂不可支。我點了一瓶冰凍的大吟釀，邊呷着，邊看書，邊在期待因公事姍姍來遲的妳。彬彬有禮的侍者，端上了兩客日式蒸蛋，也未有一嚐。辛口順滑的大吟釀，給我幹掉了大半，也未見妳的影踪。待者溫婉的在提醒我那快逝的光陰，我知，跟那和牛佳麗的距離，是越來越遠…然後，收到了冒失的妳那找錯店的詭異來電。那刻，我想，和牛美人，我們可沒緣份了！緣份錯失，未有失落，賣了單，又往找下一段緣份去了。

下大雨的星期六, 即將遠行, 點都要留下來打點, 等到文迪過海先收工, 係滂沱大雨中叮過來. 來到時已經掛上預備中的牌子, 幸好最後店方都讓我們入內, 值得一讚, 唔係鐵板一塊.揀了一個伊呂波套餐, 一個燒肉定食.伊呂波套餐$85: 8分, 包括飯+ 烏冬/冷麵+ 肉+ 沙律+ 湯. 飯係海鮮飯, 天婦羅飯, 同蔥吞拿魚飯三揀一, 要了天婦羅飯, 其實碗飯份量係比較細, 天婦羅係熱辣辣的, 都唔係炸得好油, 不錯. 係牛尾湯烏冬同迷你冷麵當中揀了烏冬, 個湯底幾正, 帶牛尾味道, 幾濃郁, 烏冬吸收了牛尾味, 都幾爽口.係豬牛雞中揀了雞, 留番燒肉定食大份點的要牛. 雞肉醃得好入味, 個醬汁跟其他日烤相似, 都係不太濃烈, 沒有韓烤的霸道, 但係已經足夠, 烤完的肉仲保留點點肉味. 午市特價餐, 肉當然唔算好靚, 但也收貨.成個餐的份量不太大, 男生們應該唔夠食.燒肉定食$80: 8分, 牛肉+ 泡菜+ 雜菜+ 沙律+ 白飯+ 湯, 點解有泡菜的出現? 好像韓烤一般. 而且係同雜菜放係同一個碗入面, 比較怪怪的. 牛肉幾靚, 肉質也不錯, 雖然唔係乜野和牛, 但係入口無渣, 醃得惹味,

I\'d lunch there in May. It is around $70 per head. Portion is enough for a guy. Wide range of choice and pretty delicious. Clean and comfortable environment.Will definitly go back (but not in Summer time).