令和鍋物酒場

营业中

休息中

呢間日式居酒屋有好多唔同種類既酒飲....係超多, 多到一個點~~另外食物方面選擇都唔少呀...野菜豆腐盤+壽喜燒配料都算多......壽喜燒甜甜地幾好味........A5日本黑毛和牛 200G和牛甘香, 牛味濃, 淋得黎有口感燒茄子好少見會去埋皮~方便食......不過可能要功夫, 上枱時凍凍地~~~~~~~鹽燒大蝦係大隻既...但燒得有D乾.....$88一隻好似貴左少少~叫做試過啦.........

今晚和C慶祝生日，大家都想食日本嘢，咁就揀左令和，呢間居酒屋非常旺場，我們揀左早段時間唔想同人迫，真係好爆場呀。店子佈置十分日系, 氣氛很好, 令人非常放鬆。平日滴酒不沾的我, 今晚為了慶祝好友生日也破例飲番2杯, 而確實酒不但可以提昇食物的味道, 而且還令氣氛更美好全場日本清酒半價, 超抵！ 經店員介紹叫了一支美丈夫氣泡柚子酒$ 255 ~柚子味濃郁, 因為只有6%酒精成份,所以酒味不算濃, 反而非常易入口, 很清新和開胃。首先食左個五色刺身盤 $188先 ~有帆立貝、石蝦、吞拿魚、油甘魚和三文魚。石蝦非常大隻, 爽甜又彈牙, 油甘魚 肉質柔軟、充滿魚油香氣、吞拿魚魚味濃郁，帆立貝肉質嫩滑鮮甜 , 很不錯。二人前包括梅$488, 竹$588和松$688三款，和C慶生,當要食豐富一些, 所以揀了松二人前, 包是日沙律,前菜兩款 ,雜錦天婦羅 ,石燒日本和牛(150g )海鮮鍋物和鍋物雜炊 。豆腐沙律~豆腐很滑嫩，上面有少許和蟹籽及海葡萄、加車厘茄、配胡麻醬，酸酸甜甜,又清新, 又開胃。前菜(任選兩款) ~和牛他他丼~和牛他他油脂豐富, 又腍又軟, 牛味香濃, 上面鋪上黑松露和葱碎, 很

疫情期間黎到呢間日本餐廳食飯.....成餐飯期間餐廳都好少人喎~餐牌好多野食選擇...又好多唔同種類既酒揀乳酸燒酎梳打 $48乳酸+酒味道唔係好夾, 一般般~荔枝乳酸梳打 $28呢杯好味D~乳酸酸酸甜甜, 荔枝味又濃, 好fresh野菜豆腐盤+壽喜燒 A5日本黑毛和牛 $258A5日本黑毛和牛油脂均勻, 肉質幼嫩....野菜豆腐盤份量都幾足~銀雪魚西京燒 $118一貫銀雪魚既嫩滑口感日本黑毛和牛串 $38黑毛和牛肉質軟腍....什菌牛油錫紙燒 $48上枱唔算好熱~牛油味可以再濃少少~~呢餐飯有D不愉快感覺....正所謂錯就要認.....冇理由將錯誤推落顧客道然後要顧客承擔~

令和居酒屋應該算是黃店之中最有名的一間,因為香港的居酒屋我都不怎麼留意,卻有聽過此店,曾經在街上收過傳單呢~今次難得來到試試,其實非常期待,因為有好多正評,而且未在香港試過居酒屋~~~先來一個整體的評價。選擇了2人套餐,因為感覺會很划算,而且不用選擇吃什麼,剛好9點後入座,加錢4X元有任飲指定的啤酒梅酒和清酒。在任飲方面確實是好抵飲,但當晚其實店內大約6-7成入座率,我想嘗試加酒,叫了店員3次才願意,等了超過半小時,覺得店員都只顧聊天和集中在某些區域工作,都不想理采我們這一邊。食物方面,味道其實不算太差,但有一個好大的問題,就是上菜的次序相當奇怪及快速。下完單之後,幾分鐘就會先上美國安格斯牛肉和豆腐,任飲的酒其次。每隔幾分鐘就上串燒,天婦羅,炸雞;然後又上海鮮盤,突然又上前菜的和牛他他,最後才上飯團。我覺得上菜速度快不是問題(雖然居酒屋通常都會預計要等),但明顯有部分的食物都是預先做好,直接拿出來給客人。應該是按照菜單的次序上會比較好,這次我卻覺得是好奇怪的次序,可能是我未見過?想加酒又無人理,但卻會瘋狂上菜,我想慢慢品酒的同時,大部分菜都已經冷掉,叫我如何是好?前菜2款:1. 豆腐

今晚去放工去了令和居酒屋，位於旺角，入到去店員為我們量體溫，然後坐下。餐廳環境舒服，座位都唔會好迫的感覺，而且店務員都很有禮，略略講解一下有什麼推介給我們試試😊😊有前菜日本椰菜，好清甜可口😋點左套餐兩個人都夠食👍🏻👍🏻而且都幾低食一一介紹一下～是日沙律凍蕃茄豆腐，上層仲有沖繩特產海葡萄。什綿天婦羅炸漿做得剛好，唔會太厚，另有蕃薯、南瓜、茄子、蝦、秋葵等。石焼日本和牛（150g）有店員幫我地即場燒埋，和牛油脂分佈平均，肉質幼嫩多肉汁，好邪惡。

第一次黎試，都叫左好多野食。燒肉好好食， 牛肉質素幾好亦幾抵食！安格斯扒非常juicy，澳洲同日本和牛入口果陣油香好正！炸雞略為太乾。串燒方面，牛舌同雞串燒拼盤都好香口可以encore! 不過飲品同服務方面，真心要改善下！乳酸梳打飲唔到可爾必思既味道，每杯果味梳打都落重糖漿，我同朋友既野飲全部都超甜！ 第二round叫野食又漏單，叫左個燒油甘魚頭，等左多耐之後叫跟一跟單，先行埋黎同我地無落到單，仲要無哂！果下真係好失望！ 希望你地會好好改善下飲品質素、漏單同服務質素既情況！

雖然肺炎疫情未退，但亦無損我地沖出去食好野既心。今次就去下高質居酒屋，補償一下去唔到日本食好野既肚腩。叫左一個set,包左燒牛加海鮮鍋。頭盤係一碟椰菜加醋，唔好睇少呢道菜，入口超甜，又新鮮。食到索索聲，加埋酸醋就岩岩好。食日本野點可以少左酒。呢杯自家製梅酒，啖啖梅子酒香，以威士忌調製，實屬不俗。食個新鮮芝豆佐下口，正!仲有一個豆腐蕃茄，過下口癮。加左芝麻醬，係幾開胃。食日本野當然唔少得刺身，每款都好新鮮，厚切絕不欺場。最喜歡油甘魚刺身，充滿一浸油脂，口感非常好。餐前小食呢個唐揚雞真係不得了，一啲都唔厚粉，而且雞肉嫩滑。加埋沙律醬真係一流。燒日本和牛，有人燒埋比我地，唔怕燒濃。口感軟嫩唔韌，油脂適中，香味撲鼻。最後當然唔少得個主菜海鮮鍋，大大隻帶子，蟹腳，生蠔同蜆。海鮮無沙又甜又新鮮，個鍋仲要有大量蔬菜，點會食唔飽呢？最後呢杯檸檬汁蝶豆花就來個美好總結，清清我地既喉嚨，不過就甜左啲。

Very good Japanese’s food at relatively low price. Many choice of different kind of wine, especially sake. Sashimi is very fresh, I like uni so much. The uni here is so fresh , big in size n very sweet. N if you like cod fish, u must take a try , they make it in Japanese way n it’s so smooth and sweet in taste. 💯 Highly recommend.

疫情終於緩和番啲就係時候出動懲罰黃店啦耶同事之前瘋狂推薦令和鍋物酒場所以訂位試下寶酒造島根香印葡萄酒餐廳做緊第二分店開幕祝賀全場超過百款日本清酒全部半價咁抵緊係要叫番枝黎試先啦；熟成燒酎選用島根縣產香印提子釀製入口香甜而且酒精濃度相對較低幾啱女仔或者平時唔太飲酒嘅試菠蘿梳打餐廳另外都有多種無酒精飲品提供不過基本上都係梳打或者汽水雜錦天婦羅三隻蝦天婦羅以及四款蔬菜炸物包括番薯南瓜以及茄子同粟米芯；天婦羅金黃香脆而且漿粉輕薄唔會太過油膩一人前石板燒 - 日本A5和牛 (200 g)日本和牛油脂豐腴甘香同時油花紋理細密餐廳職員可以代勞燒肉而且動作熟練服務滿分和牛肉質細緻軟嫩而且脂肪交雜簡單配搭岩鹽已經好正另加二十五蚊可以追加蟹膏飯以及野菜沙律同埋味噌湯日本黑毛和牛鍋燒烏冬黑毛和牛肉質柔嫩緊緻而且湯鍋肉香濃重配搭烏冬彈軟滑順唔錯香辣吞拿魚爆丼吞拿魚肉選用赤身油脂量少肉質相對濃香鮮甜配搭辣醬微辛刺激角切雜錦魚生爆丼角切雜錦魚生混夾青瓜以及蟹籽感覺清爽輕盈

好耐冇出旺角，難得黎就試下新野～朋友想食日本野就揀左呢間一齊去試小編呢日好想食沙律，叫左個番茄沙律。啲蔬菜都好新鮮，個底係切片大番茄，好抵食🤣我地叫左兩款刺身～好新鮮，厚度適中，正魚生類我地仲叫左個丼食材新鮮，好味，不過面頭吞拿魚多啲就會更好食完生冷野都想食返啲熱野，我地就叫左個石板燒～呢度有幾種揀，除左我地叫呢隻，仲有日本和牛同其他品種。侍應會幫我地燒埋，話比我地聽燒幾耐會係咩狀況，等我地依返自己喜好而夾起，好服務我地叫左酒飲，當然要叫返啲串燒食下，叫左多春魚～啲魚都好肥美，燒嘅時間都好，唔會太燇，啱哂小編口囅呢度好多清酒賣！花多眼亂最後我地都係揀返啲比較有名嘅牌子，打穩陣牌侍應隨即拎啲雪凍左嘅清酒酒杯比我地呢度環境唔錯，裝潢都都好和式，幾有feel

疫情影響之下已經半年冇去過日本，唯有四出搵日式餐廳以解相思之情😫令和餐廳裝修同氣氛方面做得好似日本，而且驟眼睇餐牌價錢偏平，亦都係佢爆場嘅原因我同朋友要咗個和風蕃茄沙律，幾清新開胃之後就嚟刺身：帆立貝（$72）同油甘魚（$27）帆立貝質素唔錯，幾甜同鮮味油甘魚嘅價錢同質素就更抵食，好唔錯入到舖頭聞到好香燒肉味，我哋都要左個澳洲M6和牛石板燒嚟過吓癮150克嘅澳洲M6和牛只係$148店員會用牛油抹上石版先，之後再幫我地燒一面跟住客人就可以根據自己想食嘅生熟度再控制燒嘅時間好靚呀150克兩人食每人都有三大片，有得玩有得食，都幾抵免治吞拿魚腩爆丼，吞拿魚腩油份都幾充足，舖喺飯面都幾華麗面頭仲有少少飯素，食落層次感又多咗由於新店開張嘅關係全場清酒半價，我地就要咗支獺祭，甜甜地好有果香，係好啱女仔/初嚐清酒嘅人飲點咗酒就自然想嗌啲小食我地追加咗鹽燒雞翼同燒多春魚，咸咸香香下酒一流❤️最後仲要咗個茶漬飯，其實係茶漬燒飯團嚟嘅由於飯團燒過有少少焦香，又有多一番風味，$30好抵整體嚟講唔錯，餐廳氣氛好好，服務好快，菜單選擇都幾豐富，價錢亦親民，酒嘅選擇仲好多，值得一試👏🏻

好友約吃晚飯為我慶生，來了近期開業的令和鍋物酒場，收到風為慶祝這居酒屋第二家分店開幕，全場清酒5折，正價食品8折，十分吸引!先來支清酒。餐前喝一點，為味蕾作好準備 !美丈夫氣泡柚子酒$ 255 (5折)~這清酒果味甘甜，齒頰留香，酒精成份只有6%，很易入口，清新的柚子味加上氣泡，可增進食慾，一喝難忘!五色刺身盤 $188 (8折) ~帆立貝、石蝦、吞拿魚、油甘魚、三文魚各三件，油甘魚嫩滑帶甘香，吞拿魚魚味濃郁，帆立貝味道鮮甜。鍋物有分四人及二人套餐。二人前包括松、竹、梅、三款，價錢由$488至$688不等，我們點了$688 的"松"套餐。食物份量大，非富。是日沙律~豆腐幼滑，豆香濃郁，鋪上蟹籽及海葡萄、車厘茄、加胡麻醬，酸酸甜甜，是很開胃的配搭!前菜(任選兩款) ~和牛他他丼，兩大片和牛上面鋪了配料和香葱、夠特色。日式炸雞金黃香脆，雞肉嫩滑，蘸點蛋黃醬更好。雜錦天婦羅~包括大蝦、 矮瓜、秋葵、南瓜。外皮酥脆，內裡鮮嫩濕潤。石燒日本和牛(150 g)~有服務員代勞，親自在餐桌上為我們燒和牛，份量相當多，牛味濃郁!海鮮鍋物~阿拉斯加長腳蟹很長，肉質鮮甜。廣島蠔爽滑、扇貝和蜆都很鮮甜。鍋物什

適逢居酒屋分店新張之喜全店所有清酒都有半價優惠趁優惠之際 馬上選一瓶天女の舞 純米吟醸與友人小酌一番.天女の舞 純米吟醸是伊藤出產的鈿女系列之一背後蘊藏著一段日本神話.據說天照大神的弟弟 須佐之男命經常到處搗亂 氣得天照大神把自己關在岩戶失去了光源 世界頓時陷入黑暗大群神明在岩戶外聚集苦等天照大神出關但都不獲垂聽剛巧在岩戶外跳舞的鈿女取悅了苦等多時的眾神令大家發出歡快的笑聲天照大神不禁好奇 探出頭來逮到機會的天手力雄神趁機將天照大神拉出來令世界終於回復了光明.鈿女系列以貴為「昭和の名水百選」的智積養水釀成智積養水水質清澄 釀出來的酒也甘香甜美非常適合女士品嚐.居酒屋的菜色非常豐富串燒與炸物都非常美味但最驚人的是 A4和牛壽喜燒只要價二百多元而且牛肉的質素也絕不馬夫雖然及不上日本店家的水準但仍然能夠嘗到入口即溶的美味實在令人驚喜

冇得去日本又使乜驚，今日去咗間同日本餐廳無疑既鍋物酒場。無論氣氛同埋環境都係一絕。仲加咗好多本地嘅元素，牆壁有好多鼓舞嘅字句。酒係同朋友相聚嘅時候必定會叫嘅飲品。竟然有半價⋯實在係太開心飲多幾支都唔怕。一嚟到會送上日本嘅生菜， 爽口清甜。叫咗一盤串燒拼盤 有8串 $138 有大蔥豚肉卷 手羽 燒雞皮 雞軟骨 秋葵金菇肥牛卷 大蔥 煙肉車厘茄。燒蜜整體係正常質素。另外叫咗一串燒牛舌，牛舌彈牙厚身，如果調味再香口啲會更佳。日本和牛野菜豆腐鍋 $258一上枱嘅時候對於牛肉嘅質素有點兒震驚。花紋好靚，果然係和牛。分量亦都比想像之中多，幾個人食都夠share。牛肉味香濃。蔬菜煲入邊有粉絲，吸晒湯底嘅精華之後彈牙又好食。作為牛魔王當然唔會放過佢嘅石版牛。150g有六塊。好適合鍾意食重油脂牛既朋友。食完之後會有少少濟嘅感覺。呢個時候，我會食返幾塊一開始嘅前菜日式生菜。朋友另外在叫咗飲品。碟豆花嘅飲品真係好靚，酸酸地檸檬香味為主，一啲都唔甜，好鍾意。提子乳酸，整體都唔算甜，都幾好飲。

#令和鍋物酒場 (旺角)新開張優惠多多。清酒有半價⋯氣氛嘅感染底下我哋都叫左一枝。無苦咪仲帶有少少甜味。飲清酒揀杯嘅時候就最開心🥳啲杯仔真係好靚隻隻都唔一樣。#串燒拼盤 8串 $138抵食之選。有雞翼、雞皮、雞軟骨、秋葵、大蔥豚肉卷、金菇肥牛卷、大蔥、煙肉車厘茄。大蔥真係超級重口味，好香🤣。大大盤，擺放得又靚，一大班人一齊share就最啱啦。A5日本和牛野菜豆腐鍋 $258牛肉有成200g 咁多，感覺上食極都食唔完。和牛油花好靚，入口有微溶感。蔬菜好新鮮，肥膩嘅牛肉配清淡嘅蔬菜，大家之間取得平衡。#日本A5和牛 分重量有唔同價錢我哋揀咗150g $188分量出乎意料地多。有6大方塊。店員會幫你放上石板到燒，由於油脂好多嘅關係，超級彈油，燒時係要小心啲。呢個牛肉直頭可以做到入口即溶，牛肉既油脂味喺口中爆發。