令和鍋物酒場

营业中

休息中

A4和牛石板燒必食，價錢相當合理，分量足枰，汁多肉厚，真係大件夾抵食。仲有芫茜控必叫的芫茜豬肉卷，及芫茜蓉Shabu shabu , 極濃芫茜蓉鍋底，平常的皮蛋芫茜湯底完全冇得flight , 個餐本身跟埋雞件、雜菜豆腐粉絲，一個人食包飽。再值得一提的是有百多種sake任君選擇，薰爽醇熟，包羅萬象有，價錢有平有貴，依家全部sake做緊50% off 半價，真係幾抵，美中不足的就係不能散叫，要支支清一晚不能試到幾支哈哈經理好介紹，第一次飲生酒非常爽。這個芫茜蓉 Shabu shabu , 芫茜控的你唔試會對唔住自己🤣🤣🤣

尖沙咀區有日系居酒屋🏮裝修好日式，又坐得舒服。我哋4個人坐到卡位，幾痕私人空間。餐牌好多野揀，有刺身、壽司🍣、魚生丼、燒物、串燒🍢、火鍋、小食等等。 一路飲酒🍶一路食，好正！▶️師傅發板$288呢個好抵食！超多刺身又新鮮！有赤貝、赤海蝦、三三魚、吞拿魚、油甘魚、八爪魚等。每款兩片，夠鮮又好豐富☺️▶️大蝦天婦羅$78新鮮炸，脆口熱辣辣！蝦都幾大隻！Yummy😋▶️黑毛和牛鍋燒烏冬$88我覺得呢個性價比超高！抵食！黑毛和牛充滿牛香，少少入口即溶感，好味！烏冬喺熱鍋內，好食！▶️ 鹽燒雞翼$22 串燒都幾好食！雞翼外皮脆脆地，有鹽燒香、一串兩小隻，幾好味😋▶️自家清酒🍶$38呢度嘅自家清酒好好飲，叫咗熱粉，而且味道夠香，要encore !

三五知己收工食餐好，一齊啤一啤～去左尖沙咀食好野！打開餐牌，即叫酒飲下先。有自家清酒及梅酒，價錢好抵，兩樣都叫咗。清酒同梅酒都係$38。係餐廳自家製，清酒酒味香，熱飲酒味更濃；凍飲就好爽！梅酒梅味同酒味都剛好，叫咗吞拿魚腩蓉丼$168， 吞拿魚腩蓉夠多，面上有蔥慈，撈飯一流！食落又凍又夠新鮮！另外，叫咗角切魚生丼$118，估唔到份量都幾多，而且角切魚生嘅種類都好多，夠肥美新鮮。啖啖魚生滿足感。仲有雞翼、天婦羅都好食串燒我地都叫咗。明太子雞肉棒$28 ，好香，又靚又好味😋雞腎串$28，爽口剛好，唔會硬！

尖沙咀嘅厚福街不嬲都好多嘢食，成條都係食街都唔知點揀好，不過今次朋友一早就book左令和鍋物酒場，唔使我哋慢慢揀。一入到去先上咗個前菜俾我哋，水果蕃茄，酸酸甜甜好新鮮涼爽，即刻舒緩咗身上嘅熱氣。如果係芫荽嘅粉絲一定要叫晒一頁嘅嘢試吓，雖然我哋幾個都唔係芫荽嘅愛好者，但係都唔抗拒，又難得嚟到可以試吓就叫咗個濃厚芫荽鍋啦。一送到上嚟真係比湯底個顏色震驚到，而且都有好濃烈嘅芫荽味散發係空氣當中，咁就當然要喺未落嘢之前試吓個湯底先啦，芫荽嘅味道比想像之中淡，仲有啲清甜，飲落喉嚨好舒服，雞肉蔬菜喺陸叔嘅過程都吸收晒個湯底，食落都有淡淡芫荽嘅味道，感覺上呢個打邊爐仲冇咁熱氣添。值得一提嘅係椰菜豆腐盤下面仲有紅薯粉，吸收晒個湯底真係特別好食，老實講芫荽湯底真係好少見，所以有機會真係要試吓。因為都想試吓依度嘅魚生所以就叫咗個角切魚生飯，咁就咩種類都可以試吓啦，每款魚肉都好新鮮同肥美，而且個份量都好多。池魚唐揚亦都即係炸魚仔，大概有隻手指咁長，炸起上嚟金黃色香噴噴，外皮好脆好薄，好適合飲酒嘅時候食。燒日本紅豆年糕，好軟糯好煙銀，配上紅豆甜甜地。芝麻雞翼外皮超級脆口，吹到連骨頭都想食埋，熱辣辣咁送上嚟咬落

今晚去尖沙咀食好西，去咗厚福街新開的令和鍋物酒場，需走上一層樓，地方幾大，食物款式多。點完菜飲杯先，金鑽鳳梨冰、芫荽鳳梨冰各一，主味是很香鳳梨味道，芫荽個杯同事有芫荽味，幾得意都好飲。服務很好，我自己倒瀉咗杯菠蘿汁，侍應生另俾一杯我，太好了！免費前菜番茄，酸酸甜甜咁。先食刺身，日本象拔蚌一隻拼大拖羅2片，唔駛$200抵食，十分之新鮮，蚌爽口，拖羅入口即溶極肥美。然後食串燒，向來知道薩摩雞好得，於是點了鹽燒蕯摩雞肉串、蕯摩赤雞尾串各一，望落去唔講唔知係雞尾，只覺得啲肉好嫩，又唔油又唔膩，第一次食雞尾唔食唔知咁好食。仲點了黑毛豬肋串，唔知係咪燒得，好肉質結實得多，優勝過平日在香港食嘅本地豬肉好多。鹽燒白鱔皮脆肉嫩很香口。燒冰火菠蘿極正，又香又多汁。一口燒番薯仔很甜。堂煮壽喜燒$398/份， A4和牛足250g克，大大塊有成六七件咁多，用甜豉油味林輕輕燒薄薄地的肉片， 上咗色仲靚，雖然有啲筋，依然嫩，之後加湯吃野菜豆腐盤。大蝦天婦羅

尖沙咀厚福街新開嘅日本鍋物酒場，今次同朋友嚟試吓，呢度嘅裝修非常之日式，入到你好有食日本料理嘅氣氛。食物選擇非常豐富，有燒物、魚生刺身、燒物，仲有好多不同飲品及清酒選擇。鰻魚天婦羅$100非常香口美味嘅前菜，鰻魚天婦羅好好味。令和玉子燒$42玉子燒本身係好難做得好食，呢個令和嘅招牌菜之一做得好好，既有玉子香味亦都做到嫩滑嘅口感，一讚。明太子醬免治雞肉棒大大支，新鮮燒起好好味，味道剛好唔會太鹹，亦食到明太子醬嘅美味。廚師發板四人刺身$528刺身非常新鮮，甜蝦及帆立貝還有拖羅全部都非常新鮮甜美，入口甘香令人難忘。鮮檸檬燒酌梳打$58令人一件難忘嘅特飲，檸檬香味配上日本燒酒味仲加埋梳打真係超正，而且賣相真係非常搶鏡。

記得細個時候好怕食芫荽，不知從何開始慢慢喜歡，甚至乎愛上了。有芫荽新菜式地方，我一定去試。今晚就來到一間日式居酒居，裝潢設計不錯，最重要係有我喜歡的芫荽。濃厚芫荽鍋 $268蕯摩赤雞 + 野菜豆腐盤嘩！青綠色一鍋，好靚！陣陣香氣撲鼻！雞件好嫩滑。野菜盤新鮮翠綠。整個鍋份量不少，足夠二，三人分享。A4日本黑毛和牛 $128M6澳洲和牛 $98追加了兩款和牛，質量非常好。軟腍有肉香，正！日式炸豆腐 $38又滑又香。大蝦天婦羅 $78漿衣薄薄脆口，蝦隻爽口。芫荽鳳梨冰 $48有芫荽香又有波蘿的甜，味道好夾，好特別！滿足到我啊！

繼續來點日本的感覺話說之前帶男朋友食過一次壽喜燒之後佢就1秒愛上左呢個味道之後成日就問我邊度仲有得食咁啱上網見到有人介紹咗趁着同男朋友一齊收早一於今日出尖沙咀試吓先原來宜家新店開張，仲有折扣優惠添6:30去到，人流並唔多，但係開始食下食下，餐廳越來越多人。見到店員主動同客人有主動溝通，氣氛唔錯。而裝修都做得幾好，感覺好有日本居酒屋風味堂煮A4和牛壽喜燒 和牛有成250g，性價比超高，帶有滿滿嘅油花，職員好細心咁樣幫我地燒埋，一路燒一路講解❤️和牛肉質嫩滑，油花入口即溶，壽喜燒湯底很甜及濃郁。再配上日本生雞蛋🥚簡直是絕配📸️當食完牛肉之後啲面就會提供一大盤蔬菜，就變成左壽喜燒火鍋。黎得居酒屋梗係要食下啲串燒啦鹽燒雞皮燒得都幾香口，但如果再脆口d會更好燒和牛舌 口感又香軟又爽口，嚼勁十足。一口番薯仔是迷你版番薯仔，連皮進食，口感香甜糯軟。刺身亦幾新鮮，赤貝入口質感爽脆的，透着淡淡的鮮甜來到居酒屋🏮不得不提梗係要飲返杯🍶現在全場所有清酒標榜半價，真係好抵飲

不知不覺已經到咗五月，話咁快2021就嚟過咗一半。假如從來未有疫情，我諗呢個時候我已身處外地周圍去周圍食，但現實嘅係大家依舊係被困住係香港。雖然旅行短期內都一定去唔成，但俾自己嘅舌頭同味蕾去旅行，喺香港絕對唔係難事。知道令和居酒屋喺尖沙咀有新分店，而且仲要upgrade咗做鍋物酒場，一向鐘意食日本菜嘅我當然唔執輸即刻約朋友去試吓。鹽味枝豆每當我品嚐日本料理嘅其中一個指定動作—一客枝豆打頭陣！食住枝豆再嚟一杯清酒做熱身，正式為一餐豐富嘅日式料理打開序幕。男山 特別純米清酒店入面嘅清酒琳狼滿目，除咗清酒之外都仲會有濁酒同梅酒。花多眼亂嘅情況下，店員為我地推介咗一款入口感覺偏Dry，酒味偏重嘅男山。師傅發板2人刺身CP 值極高嘅發板刺身，款式多而且樣樣皆精。當中有三文魚、油甘魚、真鯛、牡丹蝦、劍魚腩、章紅魚、八爪魚同埋海螺。以款式種類嚟睇已經感覺到餐廳非常有heart，刺身不論味道同肉質都非常新鮮！八款刺身中我極力推薦劍魚腩，食嘅時候記住唔需要點醬油，直接品嚐鮮味。魚身厚砌而且油脂分布平均，入口後慢慢融化，油脂味道帶住淡淡有如雲喱嗱味嘅微甜。而配以男山 清酒嘅味道偏向少甜，唔會搶哂刺身嘅鮮味

又一間值得無限翻啅嘅日式居酒屋小店餐廳隱身喺美食集結地厚褔街但由於非地舖關係而較難察覺穿過狹窄嘅門口瞬間有種踏進了日本傳統慶典般嘅錯覺五顏六色面具攤位與旗幟構成小小走廊直上一樓就抵達餐廳，裝修風格同樣日系𝙈𝙀𝙉𝙐／🌿濃厚芫茜鍋好吧，個人雖不至抗拒芫茜，但亦真心唔係芫茜。但不得不讚一讚個芫茜鍋，啖啖入口都飲到芫荽蓉嘅質感，證明湯底好足料！濃底濃厚得嚟又冇草腥味，反而好易入口，不過愈滾個芫茜味會愈少，大概係揮發作用吧？而配搭吧薩摩赤雞肉質嫩滑，同芫茜鍋出乎意料之外咁夾！／🌿櫻花蝦芫茜餅呢個好驚喜！香脆但完全唔油脆，芫茜味其至比湯底更嚟得直接同突出！／師傅發板二人前朋友推介必點呢度嘅師傅發板，一看餐廳價錢只需 HK$288，相當抵deal！六款時令刺身，當中最愛係劍魚腩，肥美重油份，比一般食到嘅劍魚腩油花更強。／一人前石板燒 日本A4和牛純綷淺嚐，叫咗200g，感覺份量比想像中多。大理石油花好吸睛靚，亦係點解日本和牛總令人欲罷不能。店員燒到兩邊熟透上枱，perfect池！／鹽燒牛舌 ＆ 鹽燒雞尾串追加咗兩款串燒，正常發揮，調味普通。

【瘋癲試食】｜令和🇯🇵🇯🇵一直都想試好耐架啦👀尖沙咀開左新既分店 終於可以落去踩下場啦😂 黎到尼間居酒屋 十居其九都係為左芫荽而黎😂😂眼見檯檯都係芫荽煲 我就非常❤️ 但當日朋友又唔係咁喜好 我唯有留返下次先大戰個芫荽鍋❤️‍🔥 今次就叫住個慢煮雞肉芫荽沙律先啦 尼個沙律真係夠哂清新😂 因為每啖都係食到荽味😂 一人獨享都係唔錯選擇🤪 店舖仲有勁多食物選擇 串燒 鍋物 刺身 樣樣都齊 實有幾款岩哂大家口味😍😍同日撞正同事既生日 我地就買左蛋糕上去慶祝 餐廳服務係好到幫我地搵碟另上個蛋糕 仲要有埋蛋糕刀俾你 尼下先勁有心 🥰我諗其他居酒屋肯定原盒俾番你自己搞就算

最近得知有間日式酒埸提供芫茜煱物，感覺特別便尊程去品嘗一番。食肆佈置充滿日本風情，牆上壁畫色彩繽紛；每當客人進入，餐廳卽時鑼鼓響起表示歡迎光臨，很有民族氣氛。濃厚芫茜鍋(薩摩赤雞鍋和野菜豆腐盤) $268綠悠悠一片好似成鍋青苔咁，好特別都係第一次試。隨鍋付薩摩赤雞鍋和野菜豆腐盤。 當湯滾起時芫茜味濃郁，就算放入雞件都仍覺它的清香。而雞件亦鮮甜嫩滑，份量足夠。M6澳州和牛(100gm) $98產自澳洲的和牛質素當然有保証啦！淥一淥就食得，嫩滑肥美。👍A4日本黑毛和牛(100gm) $128細緻油脂分佈平均，花紋似大理石；牛肉淋滑入囗卽溶。👍👍大蝦天婦羅 $78天婦羅要好食當然食材要新鮮，炸漿調校得宜不能太厚;而且卽炸卽食才能有鬆化鮮甜嘅效果。這度的蝦天婦羅正好做到這要求。日式炸豆腐 $38嫩滑得來還有四大件添。燒三文魚頭 $88三文魚油脂豐富燒完亦唔乾身和很香口。柚子乳酸梳打 $33芫為鳳梨冰 $48

今日女朋友生日叫住叫住話要食日本嘢慶祝一番所以特登就揀咗呢間充滿日本情懷嘅餐廳一坐低之後無論佢嘅裝修定係隔個頂佢個情調都似到十足去到日本一樣所以俾佢嘅裝修簡直俾晒100分滿分咁多淨係個誠意都已經十足因為女朋友10分鍾意食刺身所以我哋見到個Menu之後就選擇咗廚師拍板嘅二人前初頭都以為佢只係比四點或者五點嘅刺身我哋但係估唔到一上到枱之後原來佢嘅材料都非常之咁豐富唔單止有三文魚吞拿魚油甘魚甜蝦赤貝仲有金目鯛果然係廚先拍板而且每一款嘅刺身仲非常之咁新鮮食得出係爽口彈牙而且鮮味仲十足呢個廚師拍板嘅刺身簡直係令人眼前一亮十分之推介之後我就心思思叫咗一款我鍾意食嘅嘢就係黑豚大腸串通常朱太腸就會長得比較硬同埋難咬落口但呢度就處理得好好好容易就可以咬得難所以非常之咁好食而且仲會將博新嘅豬大腸烤得非常之咁香脆好似薯片咁正最後就叫多咗一款北海道魚干一夜燒咁樣整魚干嘅味道鹽干過咗一日之後就非常之濃郁而且唔會腥哼哼同埋乾咗一晚之後肉質非常之咁紮實而且燒得非常香脆魚又有10分豐富完全唔會令人失望最後再飲埋一杯青檸梳打完完全全非常之咁解渴

令和鍋物酒場旺角分店小妹食過幾次。覺得佢食物環境各方面都好唔錯👍🏻出到tst就順路試埋佢tst分店如何啦！店係二樓既，整個樓梯通道都非常日系。入到去仲有香港人最中意既卡位😂既刻勁開心！入坐每枱都送碟開胃小食。另外，食物種類都幾多，大胃王小妹又出動喇🤩小妹對壽喜燒係迷之喜愛🥰所以叫左堂煮壽喜燒。追加稻庭烏冬 & A5日本黑毛和牛自從係日本食過正宗既壽喜燒後返到香港成日都想再食。估唔到係令和食到近乎正宗既味道！😍佢嘅煮法同日本一樣，先係燒小小蔬菜然後再燒和牛同埋落醬汁🤤和牛大約燒20秒就夾出來沾埋蛋液就大功告成！骨肉勻稱既和牛，甜甜既壽喜燒汁滑捋捋既蛋液包裹住入口即化既牛🤩人間美味！食到咁上下店員就會問要唔要加湯轉火鍋一瞬間變成壽喜燒鍋🤤一鍋兩食nice！二人剌身(師傅發板)刺身種類算多！有三文魚、中吞拿魚、油甘魚、鯛魚等等足足有成七、八種🤩🤩托底嘅係一個厚厚既冰底可以保持刺身新鮮同埋涼爽嘅口感！每款刺身都好新鮮，特別欣賞海螺刺身真係好爽甜🤤份量又多，可以過足口癮鹽燒牛舌牛舌燒得岩岩好，唔會好硬用左少少黑椒同鹽黎調味👍🏻A4和牛肋根串 & 柚子鹽黑豚肉串牛肋根勁juicy 🤩本身以為口感係

之前去過旺角店， 得知尖沙咀也有開新店 當然要去光顧一下 尖沙咀店装修跟旺角不同， 他們需要上樓梯唷，韻兒覺得到達店内更有居酒屋氣氛. 前菜: 熊本有機凍蕃茄 十分開胃又juicy， 壽喜燒： 壽喜燒本身的是由比較甜， 可以帶動了牛的鮮味 他們家的牛肉紋路色澤十分美， 不像一般罐頭牛肉； 牛肉是入口即溶， 大家不妨可以試一試。 串燒： 師傅們燒到恰到好處，微微焦香又可以保留了肉汁。 燒茄子: 韻兒最愛 (＾∇＾)ﾉ♪他們家的茄子會把整條細心地分開，讓客人吃的時候只要夾起就可以放進口內，完全不需要再另外用刀 提提大家茄子需要趁熱吃〜(꒪꒳꒪)〜 大蝦天婦羅： 天婦羅是居酒屋必叫之選₍₍ ◝(　ﾟ∀ ﾟ )◟ ⁾⁾ 天婦羅的炸粉不宜太多不然會蓋過食物的味道 這裏的天婦羅 恰到好處不會蓋掩大蝦味 廚師發板（刺身） 我和男朋友也十分喜歡刺身， 然而不知道選擇什麼好就選擇了這個廚師發板 1試難忘它們家的刺身十分新鮮, 保留了刺身應有的味道。 喜歡吃日本料理的朋友不妨去朝聖一下令和鍋物酒場 尖沙咀厚福街9號豪華閣1樓