令和鍋物酒場

营业中

休息中

今日係我哋嘅紀念日，決定帶BB食港女醉愛嘅凍冰冰生勾勾，無錯！就係日本野！！！令和係油尖旺區幾出名嘅黃店，當然要嚟懲罰下佢啦。我哋叫咗唔同嘅刺身、小食。大拖羅一份大拖$110得兩塊，不過絕對係對得住價錢嘅大拖，一啲根都冇，好似食緊生肉咁嘅感覺，肥美、軟熟、柔軟，一咬落去油脂爆發，入口即融，我哋即時對望心心眼，極有驚喜，要ENCORE！清酒生蠔生蠔就食得多，清酒生蠔真係第一次，生蠔勁肥美，大大粒、脹卜卜，就咁食應該好正，浸一浸生蠔，將生蠔嘅鮮味帶出，蠔味一下子係口腔爆發，係幾特別創新而又夾嘅食法。海膽海膽正常發揮，夠哂甜，食得出好新鮮。

旺角既「令和鍋物酒場」，小編一路都有去開自從知道原來係尖沙咀開左分店我又忍吾住去幫襯，比較下有咩吾同😂.尖沙咀分店，鋪位相對更大滿足返香港人對卡位嘅情意結位置更多，而且更闊落～至於環境佈置都係貫徹和式風格一入門，就Feel到濃濃既日本居酒屋氣氛🥳.【餐牌】.【莞茜白雞湯火鍋 $268】日式火鍋係自選組合形式先揀湯底，共有六款我地揀左最近爆紅嘅莞茜白雞湯😍跟住就揀肉類價錢亦係隨住呢六款而有所吾同架🙈小編推薦食莞茜湯底配雞肉就最Perfect!超濃郁嘅莞茜湯，聽店員介紹係用左1斤莞茜去炮製吾怪得知，一上枱就聞到勁香嘅莞茜香味啦🤣配上日本鹿兒島薩摩赤雞肉質嘅嫩滑程度比一樣雞更高同時肉味更濃厚每份火鍋附送埋野菜豆腐葛絲拼盤添💕.【鹽味昆布飯糰 $23】目測飯糰有一個拳頭咁大，好有份量👍熱辣辣又香噴噴嘅米飯咬落仲有昆布絲增添口感又帶點鹹香最後忍吾住再encore多隻🤣.【牛油果天婦羅 $58】牛油果天婦羅比較少見🙈外層炸粉薄脆，肉身軟滑.【鹽燒雞翼 $22】串燒系列都好值得一試😈特別係燒雞翼雞皮燒得香脆，去除多餘油膩雞肉嫩滑吾會嚡口，又帶點鹹香可以唧D檸檬汁落去增添食慾😋.【柚子乳酸梳打 $33

今日媽咪唔想煮飯，就去左尖沙咀搵野食，平時唔知去邊食就會去厚福街，勁多餐廳可以選擇，媽咪想食日本野，我就帶左佢去令和鍋物餐廳闊落，好多包廂式座位，坐得舒服，特別適合一家人/朋友聚會岩岩坐低餐廳就送左一碟漬物，唔仔細睇仲以為係三文魚生🤣但其實係番茄漬物，酸酸甜甜幾開胃媽咪唔係好食魚生所以今餐以熟食為主燒廣島生蠔($48) 冇咩腥味不過略嫌茄汁蓋過鮮味明太子醬免治雞肉棒($28)😍香脆的外皮加上軟骨的爽脆咬口，推薦！蒲燒鰻魚爆丼($118)超大份，肥美厚身，燒得岩岩好，日本米飯煮得不錯，粒粒分明甲羅燒（$118）即是用味噌調製過的蟹膏，蟹膏上面再加上少許鮮甜蟹肉，味道濃郁👍🏻特別鮮甜

無得去日本旅行，唯有搵間居酒屋頂頂癮先😅😅！收工去咗尖沙咀最多野食既厚福街，呢間《令和鍋物酒場》看似門口細細，但原來內裏充滿日本風格😍😍！一坐低已經有免費前菜小食👏👏充滿水份的凍蕃茄🍅，酸甜又醒胃！濃厚芫茜鍋 $268芫茜控既我，見到即落單😅，越煮越香濃，加入埋嫩滑雞件連湯底都覺鮮甜，最後落埋個野菜豆腐盤，每一啖都沾上芫茜香味，連醬油都不用加，已經好好味！雜錦魚生角切丼 $118滿滿的魚生，新鮮之餘，食落又夠厚實，加埋青瓜和玉子，口感大大提升😋😋！令和玉子燒 $42鮮檸檬威士忌梳打$58賣相已經嬴哂😄打咭一流，容易入口，越飲越有清新感，咁多檸檬🍋唔澀之餘，只飲到檸檬嘅清香👍🏻👍🏻！

佢個壽喜燒確實令人念念不忘！記得第一次喺旺角店食嘅時候真係驚艷得不得了，所以今次朋友一樣尖沙咀食飯就忍唔住係要來呢間。至於佢點解咁令我回味，絕對係因為佢牛嘅質素。雖然話A5和牛好多地方都有得食，但係要做到真係入口即溶而又唔唔係新鮮牛嘅話確實係有難度，但係呢度嘅壽喜燒肉所用嘅牛肉真係可以做到入口唔使咬太耐都得，但又不失牛味，很難得。一個二人份量嘅壽喜燒仲有一個蔬菜盤，份量都幾充足，基本上食完個受喜燒都飽咗一半。去居酒屋點可以唔叫下串燒同天婦羅，呢度嘅天婦羅同串燒全部新鮮燒出嚟，所以都算幾新鮮同埋唔會燒得太過火，會就一流。由於好想食飯嘅關係叫咗個吞拿魚腩魚生飯，呢個就有進步嘅空間，佢啲魚係OK嘅，但係賣相差少少。飲品方面叫咗一個普通日本酒，算係幾易入口，配肉類係好夾嘅，同朋友傾吓計坐下飲下酒呢度都不失為一個好地方。

雖然我唔係一個日本控，但我係超級鍾意食日本菜的！每當有選擇困難症食乜嘅時候，就總會去咗食日本菜的！係尖沙咀有數不勝數咁多嘅日本菜餐廳，而呢間 《令和鍋物酒場》嘅裝修，店內牆上嘅壁畫、門口嘅日本大鼓、掛在高高嘅日式紙燈籠等，就有種俾你去咗一轉日本嘅感覺！😝😝😝一入門口已經有店員帶位就坐，冇幾耐仲送上Welcome Food 凍蕃茄！今次我主要係想食刺身的，所以先點左一份廚師發板二人刺身，只係$288 有成八款不同刺身包括劍魚腩、油甘魚、帶子、赤貝、赤蝦、三文魚同八爪魚等！每樣刺身都好新鮮好肥美好鮮甜的，特別係劍魚腩，口感軟滑厚實，魚油滿滿，超級好食呀！燒物方面就點左白鱔、牛舌及多春魚！牛舌係必食推介，超級爽口彈牙，白鱔都唔錯！最後仲食埋日本黑毛和牛燒烏冬，啲牛肉好鮮嫩，勁想食都幾塊呀！仲嘆埋杯梅酒，真係超級享受呀！本來仲想叫埋燒鮑魚，可惜太飽嘅關係都係留返下次再嚟食啦！呢度嘅店員服務都唔錯的, 值得一讚！😁😁😁

其實令和之前已經去過一次旺角果間最近想食居酒屋又見佢多d優惠 所以就黎左tst呢間價錢同旺角果間差唔多 但加埋折扣就抵好多xdd成晚前後開左2枝清酒 清酒半價完之後比起自己出去買都係貴少少 可以接受既價錢野食方面成晚都叫左好多野 影唔哂 最深刻係幾樣野makase刺身拼盤 4人份 ~$600實際幾錢唔記得左 淨係記得每人大約150蚊左右呢個我覺得黎呢間令和係必叫 好難想像600蚊就有咁多既份量 每人每款刺身都可以有一切 而且都係厚切加而且用料新鮮 就算我係大食仔 呢盤刺身每款試一舊都已經滿足哂條刺身癮 黎到真係必叫和牛壽喜燒估唔到係香港居酒屋會食到煮法比較正宗既壽喜燒 佢地唔係就咁一個鍋物 而係真係拎個兜去到你個位到 落牛油再落和牛煎香再倒壽喜燒汁 燒哂咁多片最後先加哂d汁落去變鍋物 有專人服侍加本身用料靚 好難唔好食 另外之後我地仲加左個赤薩摩雞加左落去 呢個就打邊爐方式食都好好味 甚至有朋友覺得雞仲好食過和牛成晚前後都叫左唔少野 但都係正常水準無乜特別驚喜 不過呢個價錢(8折後)算係比起同區既居酒屋抵好多最後食左勁多野仲要唔少都係貴野 埋單都只係每人around 500 算抵但最大

尖沙咀厚福街呢間令和鍋物酒場環境非常舒服日式裝潢 座位闊落坐得好舒服食物選擇都有好多唔同款有刺身 小食 漬物 沙律 揚物 爐端燒 石板燒 壽喜燒 丼飯 最特別係仲有個芫茜系列芫茜迷下次可以嚟試下啦一坐低Staff就送上凍蕃茄凍凍地酸酸甜甜好開胃螢光魷魚漬 $48螢光魷魚爽口彈牙 魷魚沖漬味道鹹香 食落都幾肥美炙燒左口魚裙邊 $48左口魚裙邊炙燒咗之後好香 而且入口即溶 魚油味香濃鹽燒雞皮 $22鹽燒雞翼 $22鹽燒白鱔$48 燒物做得好唔錯 上枱熱辣辣外皮燒得好香脆 而且一啲都唔油膩雞皮好脆口 雞翼燒得外脆內嫩又夠juicy 調味啱啱好白鱔外皮脆卜卜好香口 鱔肉燒到好金黃 重保持到鱔嘅鮮味同埋爽口燒冰火菠蘿 $25菠蘿比想像中大舊 唔會酸咬落去爆曬汁 食完燒物食菠蘿解膩一流清酒生蠔 $38生蠔非常之厚肉肥美 海水味較淡 配埋清酒更加突出咗生蠔嘅清甜 雜錦天婦羅 $68呢個雜錦天婦羅非常豐富有 兩個大蝦天婦羅 南瓜天婦羅 番薯天婦羅 粟米天婦羅同埋秋葵天婦羅 天婦羅粉漿唔會太厚 令和刺身爆丼 $188呢個丼飯足足有7款刺身 有海膽 三文魚 拖羅蓉 帶子 油甘魚 北寄貝 同埋八爪魚非常之豐

係依度試咗好多新嘅菜式有衝擊我嘅芫荽特飲飲落真係好搞笑 一世人總要試一次再叫多個芫荽鍋 芫荽天婦羅感覺好清新 好新鮮 好似去咗街市咁😂個天婦羅真心讚好好食！好可惜個芫荽鍋嘅雞肉賣晒 只可以轉做牛但係其實勁唔襯 浪費咗日本和牛…不過都係試吓啫算啦…仲有叫咗刺身 串燒 還可以啦 串燒雞皮就好脆幾好食串燒菠蘿 都好好食 外面仲有糖衣脆既！飲品方面清酒有半價 前後都飲咗幾支 幾抵飲服務就非常之好 食燒牛仲會係面前燒埋俾你 成晚坐足幾個鐘都好舒服

以法式龍蝦湯做湯底打便爐你試過未？😍以法式龍蝦湯做湯底打便爐你試過未？😍你冇睇錯，真係龍蝦湯底，勁正😍😍😍😍勁鍾意打邊爐嘅我，會周圍試下唔同特色嘅打邊爐，呢日嚟到尖沙咀呢間叫做「令和鍋物酒場」試吓。餐廳環境比較暗，好有日本居酒屋嘅味道，有分開唔同嘅卡箱，每一枱都好有私隱度，卡箱就好光猛啦🥰睇睇餐牌，見到有好多唔同嘅湯底，最特別係有芫荽湯底，鍾意芫荽嘅一定會試。而我最鍾意食海鮮，梗係食龍蝦湯底啦，仲要寫住店長推薦喎。😍「龍蝦濃湯」係用鮮活龍蝦整㗎，第一啖已經鮮到不得了，連續飲咗幾碗湯，味道勁似法式龍蝦湯，又濃郁又鮮甜，超級正😍😍本身個餐「龍蝦濃湯」$358，包咗自選牛肉同埋野菜豆腐盤。我哋揀咗A4和牛，肉質細緻嫩滑，油脂分佈均勻。不過浸左落個龍蝦湯底之後，就被勁濃郁嘅龍蝦湯底掩蓋左和牛嘅味道，但我仍然很喜歡😍😍野菜豆腐盤正常份量當你擁有一個咁濃郁嘅龍蝦湯底，我哋二話不說都決定加單，叫多客稻庭烏冬，龍蝦湯稻庭烏冬，條條都吸晒龍蝦湯味，超級正😍😍😍食完嗰陣其實勁想打包埋個湯底🤣🤣🤣🤣「香蔥吞拿魚腩蓉丼」$168滿滿的吞拿魚腩蓉，十分澎湃，每一口都是魚脂濃香的滿足感。「清酒煮蜆」$68清酒經過

今日身處於厚福街突然之間想去居酒屋啤啤佢，令和自然係不二之選，猶記得去過佢地嘅旺角店，氣氛同環境都好有日本風味，就上嚟試吓。Suntory 三得利啤酒，嚟日式居酒屋梗係要嗌番杯日本啤酒爽皮吓啦，揀選咗日本三得利生啤酒，啤酒花嘅香氣迷人，口感輕快淡雅。三得利係一隻既能夠充分表現到啤酒花香，而又能夠喺綿密嘅泡沫之中表現出淡雅麥芽風味嘅一種啤酒。鮟鱇魚肝，無咗上次食鮟鱇魚肝嗰陣喺底下嘅日本醋，更能享受到魚肝獨特嘅香氣，配以面頭嘅醃漬蘿蔔蓉同香蔥，又係另一種享受。霜降和牛洋蔥沙律，估唔到個霜降和牛係生食嘅，足以證明餐廳對佢哋嘅牛肉品質相當有信心，生洋蔥同和牛嘅味道十分之夾，醬汁酸酸，十分開胃。明太子醬免治雞肉捧，廚師將免治雞肉棒燒得十分香脆， 免治雞肉不廢嚼勁，面頭嘅明太子醬起咗畫龍點睛嘅作用。汁燒白菌，簡單嘅白蘑菇串燒，掃上一抹日式醬汁，既可以品嘗到菇菌嘅清香，亦帶有醬油的香氣，簡單得嚟又好味。美國安格斯牛扒石板燒，美國安格斯牛扒塊塊厚切，店員會親身幫你燒埋，佢熟練地將個熟度控制喺五成上下，口感嫩滑，牛味香濃，安格斯喺石板燒上面油脂傾刻爆發，滋味滿足。

雖然我唔算係一個芫荽控，但成日見網上介紹好多唔同嘅芫荽食品都會想試下，知道令和有個芫荽Menu，貧友咁啱又係芫荽控，一於就約佢黎試下。令和嘅店面都幾大，我鍾意佢地嘅卡位前後加左竹簾相隔，私隱度較高。一坐底侍應會先黎每枱一碟前菜凍番茄，居酒屋一般哩類前菜雖然係default，不過都係要收費，但令和竟然唔洗額外收費!凍番茄涼涼地，酸得黎好fresh好清新。鮮檸檬燒酎梳打($58) - 梳打一上枱，每個人一定俾佢成呎長嘅鮮檸檬吸引左視線，超呃Like！另外，平時酒精飲品都會比較細杯，哩杯燒酎梳打就大大杯，一杯都夠飲，因為加左梳打，所以酒味唔會太重都易入口。檸檬係因為雪凍左所以先痴埋，飲到咁上下檸檬解凍左，就會開始跌出黎，哩個時候亦可以篤下啲檸檬，多啲檸檬酸味好fresh！芥末八爪魚($28) - 八爪魚芥末味啱啱好，唔會太嗆鼻，不過如果空口食會啲過鹹，比較適合用黎餸酒。鹽燒牛舌($48) - 牛舌咬落帶啲彈口，如果厚身少少更好，鹹鹹香香幾惹味。鹽燒白鱔($48) - 白鱔皮燒到脆脆地，肉質好結實帶啲彈口，必點！牛肉可樂餅($28) - 可樂餅比想像中大份，炸皮香脆得黎唔會太硬。甲羅燒($11

餐廳：令和鍋物酒場 (尖沙咀)地址：尖沙咀厚福街9號豪華閣1樓之前去過旺角嘅令和居酒屋🏮，諗返起佢哋嘅日式料理真喺津津有味🤤，最近經過尖沙咀厚福街見到豪華閣1樓開咗間分店，所以就同朋友嚟食個飯吹吓水呢間令和鍋物酒場卡位比較多，位置之間相對闊落，私隱度較好，成個空間都好有日式居酒屋嘅氛圍🇯🇵，最啱就係同朋友促膝詳談🫂。畢竟人大咗，能夠抽空出嚟同朋友相聚嘅機會少咗，真係要好好珍惜呢啲時間🥺我哋兩個人叫咗以下食物：✝️日本A4和牛(100g) $158✝️汁煮沖繩五花腩 $58✝️燒廣島生蠔 $48/2隻✝️大拖羅 $58/2切✝️燒明太子 $68✝️雜錦魚生角切丼 $118✝️鹽燒雞皮 $22/1串✝️鹽燒牛舌 $48/1串✝️日本黑毛和牛鍋燒烏冬 $88✝️鮮檸檬燒酌梳打 $58✝️金鑽鳳梨冰 $48坐定叫完嘢食先嚟咗個前菜蕃茄漬🍅，跟住就嚟咗兩杯嘢飲，我同朋友都被好大杯嘅飲品嚇親😂，至少都有700-800mL；杯燒酌梳打由接近二十塊嘅檸檬片重疊堆砌🍋，真係「嘩！」一聲，飲落好清新，有氣之餘仲有淡淡檸檬香；鳳梨冰香甜過癮🍍，大熱天時飲就最適合不過🌞依家做緊令和感恩祭🎊，原價$148兩件嘅大拖羅只需要$58就食

多得香港人嘅努力 近疫情慢慢緩和街道上嘅人流亦不似得前陣子時空虛各人期待與朋友和美食相見之心情 絕對可以理解難得與好友共聚 當然係搵一間坐得舒服嘅餐廳啦這間位於厚福街嘅 《令和鍋物酒場》坐嘅環境相當舒服 一個個嘅卡位雅座坐得舒適亦帶點私隱呢一間居酒屋 無論係食物定係酒嘅種類都相當廣有個款唔同種類嘅清酒 啤酒 威士忌特飲等總會搵到一款啱你口味嘅酒精開懷暢飲我就叫咗《 鮮檸檬燒灼梳打》諗住喺炎炎夏日之下可以更加清新refreshing 一上枱令人相當驚喜呢一杯檸檬燒灼用上咗成個檸檬飲起來清新又不至於太酸燒灼嘅酒精亦唔少 混埋梳打一齊就啱啱好呢度嘅刺身拼盤都好新鮮價錢相當之抵食$288 就能夠食到八款廚師發辦嘅刺身牡丹蝦甜美 油甘魚油份香濃 帶子爽口鮮甜配埋清酒一齊食真係 ichiban呢一款特色嘅日本前菜《酒盜芝士》酒盜係一款日本嘅發酵醬料由紅麴 豆瓣醬 等等 材料製成發酵過後帶有獨特嘅鹹香淋上芝士一齊食係一道非常好嘅佐酒小吃識欣賞嘅朋友一定會對其味道難以忘懷《 芫茜豚肉卷》 係鍾意芫茜朋友嘅恩物肥美嘅豚肉包裹住芫茜油香被芫茜吸收 相當美味《 鹽燒白鱔》 肉厚肥美《石燒澳洲M6和牛》和牛油

刺身點了師傅發板 $288/2人份量，店員稱會有7-9款刺身各2片，三文魚及八爪魚普通，帶子及蝦幾大隻，口感唔差，至於其他有鯛魚，油甘魚，劍魚等，都算厚切。青芥末是真芥末，不是太嗆，唔錯。另外點了炙燒左口魚裙邊 $48/6切，都幾大塊，我覺得炙燒後幾有油香，夾起易散（考筷子功！）入口溶化，但最後一片看得出無燒過...爐端燒點了鹽燒牛舌 $48/串，薩摩雞肉 $32/串，柚子鹽黑豚肉 $28/串，燒茄子 $48/條及燒冰火菠蘿 $25/4件。牛脷都夠腍，雞肉豚肉一般；茄子無味，加左木魚響面增加口感，但都需要點醬汁；菠蘿食得出浸過糖水，好似罐頭菠蘿咁，亦唔係好似燒過咁。點了份石板燒 - 美國安格斯扒 $168/250g，因坐吧枱位置淺窄，職員拿到附近位置幫忙燒熟。上枱八件牛肉望落唔似250g，平時出面食200g仲多過呢度咁。雖然燒到半熟，但因為有筋腱位，所以都唔易咬開，貪平選這個真的頗為失望。.因為新開張所以全單八折，連同一杯生啤及乳酸梳打特飲，二人埋單都食左700幾蚊。食物唔係好差，但唔算得上好食或出色，呢個折扣後的價錢都覺得唔抵。