令和鍋物酒場

营业中

休息中

佢個壽喜燒確實令人念念不忘！記得第一次喺旺角店食嘅時候真係驚艷得不得了，所以今次朋友一樣尖沙咀食飯就忍唔住係要來呢間。至於佢點解咁令我回味，絕對係因為佢牛嘅質素。雖然話A5和牛好多地方都有得食，但係要做到真係入口即溶而又唔唔係新鮮牛嘅話確實係有難度，但係呢度嘅壽喜燒肉所用嘅牛肉真係可以做到入口唔使咬太耐都得，但又不失牛味，很難得。一個二人份量嘅壽喜燒仲有一個蔬菜盤，份量都幾充足，基本上食完個受喜燒都飽咗一半。去居酒屋點可以唔叫下串燒同天婦羅，呢度嘅天婦羅同串燒全部新鮮燒出嚟，所以都算幾新鮮同埋唔會燒得太過火，會就一流。由於好想食飯嘅關係叫咗個吞拿魚腩魚生飯，呢個就有進步嘅空間，佢啲魚係OK嘅，但係賣相差少少。飲品方面叫咗一個普通日本酒，算係幾易入口，配肉類係好夾嘅，同朋友傾吓計坐下飲下酒呢度都不失為一個好地方。