今助 (已結業)

被門面的大大Display櫃吸引了晚上來到今助吃日本菜 (First Time)被安排到二人卡座 很有私人空間感而且坐位很寬敞太肚餓既關係已經叫到成張枱都係野..有刺身、鰻魚飯、小食等..當中一提鰻魚飯個汁好怪~~ 同我想像中有出入~ 上茶時會跟d木魚絲同埋(忘記了)叫左壽司拼盤, 用料都算新觧,不過就比較細件.. 味道都ok!推介炸雞軟骨粒.. 唔會太油同太粉~ 今助~~門面.. 值得一提係店入面的環境都帶有日本風味,而在門口帶位的員工是穿著日本和服+木"劇"價錢上覺得都係中下水平

星期一lunch 時段的今助不需等位，下午1 時walk in 可即入坐。Lunch set 有多款選擇，從menu 看來，每一款的份量都不少。今次點了一個壽司天婦羅烏冬套餐。套餐有5件壽司，一碗天婦羅烏冬，一客紅白蘿蔔前菜。壽司都頗新鮮，特別是帶子刺身壽司，非常美味。天婦羅烏冬略嫌太乾，如果多點汁會更好，天婦羅可能是較早前炸好，不夠熱不夠脆。天婦羅算多，有兩隻蝦跟兩件炸日本年糕，味道尚可。紅白蘿蔔前菜有驚喜，值得一讚。

一行7人食午餐，睇個樣同裝修唔錯，但食物品質唔掂, 烏冬太淋，壽司飯好難食，天婦羅太油及無味，係個帶子刺身比較好。是次用餐差不多每人$100，日本菜黎講唔算貴，但係唔好食，唔會再幫襯

係沙田新城市行街, 食飯就一定係多餐廳選擇, 要咩國家咩菜式都有。會揀入呢間就係被佢個玻璃櫃吸引到!見到都已經流哂口水!有飯定食, 又有火鍋, 又有魚生飯!價錢都寫哂出黎, 見唔係好貴, 就試下啦!環境佈置得好日式, 枱都算闊, 不過就無咩位放袋。Menu有哂圖, 唔驚係玻璃櫃睇完叫唔番黎食!呢間真係好多定食種類, 有冷烏, 炸物, 魚生飯, 咩都有!咁多款真係好難揀!最後我揀冷烏冬加七彩魚生飯!配菜係白蘿蔔, 淡淡地味, 感覺清新。冷烏冬個汁係自己加蔥, 薑粒, 芝麻,烏冬做得唔錯, 非常彈牙, 而且溫度剛好, 係冬天食都唔覺太凍!魚生飯個飯唔係一般白飯, 係有漬物加冬菇片, 加埋新鮮魚生, 爽口青瓜粒, 口應豐富, 鮮而不膩, 唔錯!朋友叫左蛋撈烏冬加壽司定食, 朋友話魚生好新鮮, 值得推介!一人大約要90幾蚊到, 以呢個唔錯既質素, 叫抵食!如果大家行開沙田, 值得去試一試!

11.5.2013生日飯(15) - 我懷念的沙田新城市廣場, 一個我曾經十分熟悉的地方. 曾有一段時間, 每個星期總有兩至三日到沙田的補習社補習, 後來, 沙田也成為那時候的拍拖勝地. 但自從搬離大埔以後, 沙田對我來說, 已變得有點遠. 而時至今日, 這個商場也被很多新店進駐, 和以前我熟悉的那個有Kalm's, HMV的商場, 已經相距甚遠. 在現時的沙田新城市廣場內, 餐廳食肆都集中在高層位置. 因此, 只一心來吃午餐的我, 就要慢慢找找怎樣用最快的方去, 到達位於七樓的今助. 老實說, 我也不知多少年沒有在這商場吃飯了. 聽好友說, 這間今助很抵食, 時常都有人排隊等位, 幸好這天時間尚早, 只等了五分鐘, 就可入座. 一踏進餐廳內, 就感到十分舒適. 檯與檯之間的空間很足夠, 可保障食客私隱, 食客就可開懷地和朋友們聊天喇. 餐牌很精美, 內裡選擇也很多, 在花多眼亂之下, 我們就叫一客魚生飯定食及一客烏冬定食一齊share.豚肉辣麵豉撈烏冬彩花魚生飯定食($82)的樣子十分吸引. 既有香辣惹味的烏冬, 又有七彩豔麗的魚生飯, 應先吃哪一樣呢? 那當然先吃彩花魚生飯喇, 趁

沙田新城市廣場有很多食肆，但很多都是連所店，於是揀這間市面上少見嘅餐廳。這間餐廳主要食烏冬、鍋物、天婦羅、壽司及定食，選擇都幾多，但無set lunch.昆布烏冬＋天婦羅＋五目飯定食：老實說，烏冬很普通，無口感，無麵粉味，不過未至於難食。昆布比餐牌圖片少好多（雖然我明白圖片只供參考...）。天婦羅油較多，材料普通。我最喜歡五目飯，其實冇乜味道，不過有牛蒡丶冬菇等有口感的材料，我鍾意！牛肉鍋烏冬：普普通通雖然食物真係好普通，但以呢個價錢，坐得舒服，食物又唔太差，叫做OK啦。

食過幾次呢間野, 無得BOOK位, 只得WALK-IN。 12:00先可以叫野食, 早叫都要等。 大約得左5-8分鐘, D 野食就到。 今次點左個刺身、壽司、天婦羅、麵豉湯、日式蕃薯餐, 呢個餐都要$11x, 都幾貴下。 麵豉湯一般 (無咩料可以食)、三文魚刺身新鮮 (爽厚)、其他刺身一般。壽司"呃"得好實, 細細舊, 一啖一舊, 正。 天婦羅太油, 炸粉唔太厚。日式蕃薯無咩味, 所以無食晒。

壽司併盤(竹)御膳 $108共有款壽司蛋: 甜甜的，不是那種剛煎好的香味撲鼻蛋香，這就是日式甜蛋了吞拿魚，魚立魚，三文魚: 沒有什麼特別，薄薄一片的魚，味道較淡帶子: 稍有點鮮甜味，帶子味十足鰻魚: 普普通通一塊鰻魚甜蝦: 說甜蝦味道自然是甜蝦味十足魷魚: 味道也是較淡的魚生蒸蛋蛋香味要十足，再加上要滑滑的蛋，才算合格，這個合格了而且少有地一隻蝦，蝦肉沒有煮過熟麵豉湯有很多豆腐皮，又有紅白蘿蔔粒及日本蒻壽司併盤(松)御膳 $138吞拿魚，魚立魚，三文魚: 沒有什麼特帶子: 稍有點鮮甜味，帶子味十足鰻魚: 普普通通一塊鰻魚以上5 款與套餐 (竹)一樣海膽: 個人很喜歡海膽，覺得味道還是可以，並不太腥或者什麼糞味魚子:不錯，不是至咸味的魚子蟹肉沙律: 普通的環境: 非週末的晚上人多等位服務: 一般，沒有令人留下深刻的印象

小弟第1篇食評,多多指教 之後會一直寫落去!點解選擇今助黎做開始?唔係佢特別出色,只係一直儲埋左好多食物相,好想開始!首先,星期日新城市到處滿座,上openrice正好見到今助又未食過,攞左2人飛等左接近一個鐘入座我是對這裡有期望的,MENU印得都幾靚點左2個SET,上菜時間幾快,10分鐘就開餐第1個SET, 第1口食件鰻魚覺得幾好,有爽的感覺食塊三文魚刺身都可以,有鮮味加左唔少分不過鰻魚飯D飯就一般,因為比較乾唔夠汁,汁亦冇包圍D飯撈烏冬唔掂...奇怪左係好苦! 汁是苦的,最後食剩左蒸蛋普普通通第2個SET,壽司上場!但係...唔掂我其實幾鍾意食日本野,食過好多壽司,今次的不合格外觀飯上的魚生冇光澤,已經令人失望,食落去亦冇驚喜,鮮度只係尚可飯係最大的問題..一夾就散!!仲散過惠康的壽司...D飯粒就當然成碟都係了蒸蛋比鰻魚飯SET大D,有隻大蝦在上面,都係冇味的總括而言,我認為2人OVER $200的價錢應該得到更好,所以我最多比OK(其實係俾鰻魚的)

叫左三文魚壽司, 自製豆腐, 三色烏東便當.三文魚壽司味道正常, 不過舊飯好散, 一夾就散左…自製豆腐其實係有個爐, 上菜果時d豆腐係未煮好ge, 之後好似大邊爐咁有個火煮住. 成個set水入面有豆腐, 菇, 菜. 出面有一樽豉油(味道較淡), 再有三個配菜, 蔥, 木魚絲, 同埋一個晤知咩絲, haha~ 食晤出…其實呢, 係玩下lo… 泡住豆腐ge 湯係清水, 個豆腐完全靠d豉油同配菜比味. 晤特別好食, 普普通通. 晤貪玩就晤好叫呢個…三色烏東便當有好多野, 昆布湯烏東, 山芋撈烏東, 蘿蔔蓉冷烏東, 彩花魚生飯, 燉蛋.烏東: 質地好有咬口, 好煙韌! 手打烏東是也. 仲要每條都好長~~昆布湯烏東: 昆布碎好夠味, 湯上面仲有一粒粒脆米, 加埋落烏東+湯一齊食喔, 落去好香口, 好味~山芋撈烏東: 山芋其實無咩味…豉油撈烏東, 有點太鹹, 不過係咁多個烏東入面係最煙韌ge~蘿蔔蓉冷烏東: 呢個比較似普通ge凍烏東. 蘿蔔蓉+薑+蔥+芝麻+冷麵汁. 味道幾好~彩花魚生飯: 有三文魚, 油甘魚, 青瓜, 蛋, 吞拿魚, 三文魚籽, 帶子. 顏色絢麗, 味道亦好好~ 正!燉蛋: 好滑

好耐之前已經想試下呢間 , 不過因為每次去到冒時候真係好多人 , 一睇就知道要等好耐 , 所以一直都無試過, 今次特登6點頭就去搵定位 , 可能因為係星期6 , 都等左15min以上, 可想呢間都幾受歡迎 佢呢間都幾特別 , 好多都係一set set , 睇落都算幾吸引 , 最後點左個set係有生蠔煲(有生蠔,有菜)個湯都幾香濃 , 不過我覺得d蠔細隻左小小, 同張相真係幾有出入, 所以有d失望, 不過整體都ok!我最鏜意係佢個天婦羅 ,隻蝦真係好味, 感覺都幾新鮮價錢就不平不算貴喇, 畢竟選擇都幾多 , 都係幾唔算既選擇

轉眼間，又來到大二的終結。其實，時間流逝的速度真令人吃驚。這樣子一年又過去，說真的，昨天從試場步出來的刹那，除了感到考完3小時的Cost Accounting手快要斷下來外，3個月的悠長假期來了，夢寐以求的Sem Break，要興奮了嗎﹖倒沒有，心裏只有萬般的感慨，大學生涯... 經已過了大半，從剛開始Major Accounting時誰都不認識，到今天身邊一群戰友，每次碰面，總是先關心對心的『Chur』況，然後互相勉勵﹑互相打氣。這樣衝著，又來到人生最後一個暑假從來不好學，久不久也會埋怨説不想上學，但回想過去十餘年，上學，其實真的很快樂。沒想到還有一年，大家都將投身社會，到Big4﹑Ibank 涯世界，想到這兒，心有點酸溜溜，因為工作後便很難再聚首﹑再有共同話題可聊個半天。大二的結束，暑假的開始，正因實習生活還未啟程，有幾天空閒，便相約母親大人共享午膳。這位美女，在學期中被我冷落了，但亦不忘烹調好吃的給我充電，而我就像大爺般只埋頭苦幹着自己的事務等人待侯，這陣了真的辛苦妳了。是天不想走太遠，到新城市廣場逛逛看有什麼好吃，發現在沙田混了多年都未嘗過今助，每次經過都總是人頭湧湧，適逢周日

今日行到沙田依間試食~~環境OK! 等位都唔算耐, 2人位就細左D~~1. 蒲燒鰻魚飯定食 $90賣相唔錯幾吸引, 但食落就唔多得...鰻魚 - 比較林,有梅感覺! 唔太LIKE~~鰻魚汁 - 唔似鰻魚汁, 好淡冇乜味~~鰻魚青瓜小食 - 凍食的. 酸酸地好醒胃~~2.今肋燒魚定食 $75刺身 - 幾新鮮, 三文魚 / 甜蝦 / 帶子 三樣都好鮮味. 夠濃味~~燒鯖魚 - 一般水準略為油左D~~湯烏冬 - 烏冬唔易林, 幾好~~尚算合格 , 如果再來食試其他野~~

Lunch Set No.9 定食包括三文魚和魚籽飯、昆布烏冬5塊三文魚頗新鮮肥美魚籽不會腥飯加了野菌、芝麻、魚乾仔~ 有誠意~昆布湯烏冬又滑又彈牙，美中不足是... 只得2片魚蛋... 好慘咁... 多dd餸就好啦~不過對女生來說，一個定食又飯又烏冬，份量很大，所以物有所值午市不算多人，不用等位，環境算清靜，侍應有禮

附近上班，最開心中午可以食今助，出發前先用app取票，來到等一會兒就可以了。第二次來，食的和上次一樣，是午餐18號，雜錦刺身飯加辣炒豚肉烏冬 ($82+10%)。看上去份量頗大，其實也不是，我每次都食得乾乾淨淨。豚肉炒烏冬：豚肉超級惹味，韓式微辣，都有幾大片；我覺得烏冬真的高水準，有咬口又入味，一條都不剩。雜錦刺身：看上去很大碗，其實碗是淺淺的，所以加上烏冬是飽飽的又不會吃剩。刺身粒有三文魚、吞拿魚、劍魚、魚子，熟蛋和生蝦，和白飯絕對合理比例 (個人認為幾粒魚生一匙飯為合理，不夠刺身送飯為不合理)，而且相當新鮮，看到相片又想食了。小碟前菜兩次都是芽菜，醃製過的，非常開胃，實在錦上添花。每次食完都會滿足的離開。