今助 (已結業)

情人節剛好是新年, 可以同老公出街, 在沙田SHOPPING完就醫肚時間到... 因近來不能吃生冷野, 但又想好想食日本菜, 所以再來這裡...下午時間去到, 好多吉枱, 計埋我們只得3-4枱客......鰻魚Juicy, 鰻魚汁沾上飯甜甜地, 係絕配!!!烏冬煙煙韌韌 老公近呢幾個月都陪我唔食刺身, 辛苦了他..... 所以今次我提議佢食呢個定食, 乜都有啲....老公話刺身都OK燒牛肉望落個樣好以好乾, 原來都腍腍地, 好有牛肉味燒鯖魚都幾香幾滑天婦羅就冇乜特別食到黃昏, 有客人入來坐我們隔離, 但餐牌好似厚咁多, 原來係晚飯餐牌, 而家才知道午餐同晚餐係有分別, 一份定食/御膳係份量或款式都多好多!!

遊訪人多熙鬧的沙田新城市廣場，通常在平日時間都會選擇到今助來個午膳，主因是她的食物水準穩定、十居其九也不用輪候入座，加上她擁有自成一國的幽靜，一切一切怎能教筆者不愛上?近日天氣潮濕納悶，故真希望能吃得清淡一點點，下午三時許的今助內顧客較疏落，筆者與同行家人坐在六人的卡位座，斯斯然地翻看餐牌，發現當中有讚岐冷烏冬供應，胃口欠佳的情況下有感如獲至寶，故沒有猶豫太久便下了這決定。讚岐風素食冷烏冬迷你蒲燒鰻魚飯 HK$72望著剛端上桌的這一客定食，材料是樸實無華的，但筆者心中是喜悅的，常提到進食論心情，今天這個淡雅的選擇就是正中胃口。盛載冷烏冬器皿內舖放著以竹織成的墊子，由於烏冬煮熟後會再以冰水過冷河，這竹製墊子的用法就是一來可以隔走多餘水份、二來檼定烏冬位置，最後更有予人清爽的視覺效果。再者這個讚岐烏冬份量不少，每條麵條均發出閃閃光亮，面頭灑上了點點紫菜絲，在旁擺放著一杯鰹魚沾汁和配料，分別是葱花、柚子皮、芝麻和薑茸，聽聞四國人吃冷烏冬是認為越凍越美味的，急不及待夾起一小撮質地紮實煙韌的讚岐烏冬放入拌勻了材料的蘸汁中，較幼身的它能掛更多醬料。鮮香的鰹魚沾汁混合了薑茸、葱花與芝麻後，頓時有提

之前想嚟呢度食,等左好耐都無位~呢次提早攞位都要等左好耐..等左個零鐘~等位期間個職員叫我地去android market download新城巿個廣場個apps下次嚟食最好拎定位去~入到去我地四個人一人叫一樣野食,share來食我叫左個泡菜火鍋都唔錯,不過食唔泡菜食唔晒~之後食朋友個d野食都幾好味..上野食個速度都唔錯..d服務都ok..下次都會再來食過口...

黎過呢間餐廳幾次, 感覺良好. 食物同服務都幾好. 每次黎我都係揀番呢個御膳定食. 有一個茶碗蒸, 有一個魚生飯, 同埋一個湯烏冬. 茶碗蒸就一般啦, 唔會話特別好食. 魚生飯就比較吸引, 有帶子, 有三文魚子, 三文魚, 蟹肉, 同埋吞拿魚. 餐廳都幾認真地比好多配料, 所以成碗飯食到尾都叫做有料同飯一齊食. 烏冬都幾彈牙, 加上佢跟埋既芝麻同柚子絲, 食落去都幾清香. 建議大家6點半就去到會好d, 因為一過左呢段時間, 佢地就開始多人同埋要等位.價錢合理, 值得一試.

趕著參加友人的婚禮，匆匆的在沙田新城市廣場找吃的。今助人比較少，之前來過兩次都不錯，所以毫不猶疑就衝了入去。叫了個壽司拼盤據八件定食($88)和昆布烏冬加三文魚、魚子飯定食($88)。壽司毫無誠意，海膽和三文魚子壽司的紫菜已經散開，壽司飯感覺像生米一樣硬。除了鰻魚壽司因為塗上醬汁後看來有光澤，其餘看起來都不新鮮，有點倒胃。定食的烏冬又遲上，差不多都食完了。店員好像未睡醒，每個人看來都像靈魂開竅，不太起勁幫忙去追。另一個三文魚、魚子飯定食，賣相不錯。可是烏冬很硬，只有麵沒有肉，感覺很寡。三文魚和三文魚子飯混了芝麻、白飯魚、冬菇，無疑是豐富了白飯的口感和屠次，只是三文魚沒有三文魚的魚脂香，魚子也沒有魚油香，完全淡然無味。如果蒙著我雙眼，我一定辨不出自己在吃什麼。我想，我應該不會再來。

在悠閒的星期三下午，一行三人計劃到沙田新城市廣場研究購買何型號的相機和Q10產品，血拼前到了金助吃午飯增強體力。由於是平日關係，店內客人不多，穿著和服的女店員很快便安排我們入座闊落的卡位。餐桌上擺放著秋季限定燒秋刀魚卷的餐牌，但我們還是各自各地點了心頭好。一向都都是鰻魚愛好者，這個定食當然是不二之選。鰻魚用了關東的煮法，就是先蒸過才燒烤。老實說，看到店員送上一份鰻魚盒飯（鰻重，うなじゅう），當中包括前菜和湯烏冬，相當興奮。打開方形盒蓋，鰻魚飯的香氣撲鼻，洒上芝麻的鰻魚烤得焦黃、色澤油亮均勻，墊在鰻魚底的是珍珠米飯加上鰻魚醬油。先用筷子夾了一口鰻魚的份量，已感覺肉質烤得有多鬆軟，連同又香又滑的鰻魚皮放進咀裡，油脂甘香豐盈。再伴以燙口到不得了的米飯來中和口中濃郁又肥美的鰻魚，滋味無窮! 金助的燒鰻魚雖然不能媲美在東京嚐過以炭烤方式的鰻魚，皆因少了一份誘人炭香，但也不比其他高檔日式食店遜色。日本飲食文化就是將藝術與食材融和，講求藝術性和優雅感，追求造型上的美。看見眼前色彩繽紛的壽司和軍艦，果真賞心悅目，胃口突然好起來! 新鮮的壽司陣容包括：吞拿魚、章紅魚、三文魚、帶子、鰻魚、牡丹蝦、海膽和魚

今日遲咗出去食晏, 想食日本料理, 上到新城市七樓, 一點九, 人人都未食完, 三間日本餐廳, 只有呢間今助有位, 以前未幫襯過, 一於趁機會試下.午餐有個極厚餐牌, 價錢唔平, 揭來揭去,我因為餓過飢, 點了個烏東+壽司定食, 冇記錯係$65壽司有五六塊, 看上去顏色黯淡, 感覺唔多新鮮.烏東是乾撈式的, 有隻流心蛋鋪面, 墊底有啲冇乜味的汁醬, 大概係乾撈關係, 烏東咬落好硬, 其實唔係煮唔透咁,只不過是冇預期的柔軟彈牙, 我成世人好似未試過食唔哂一碗烏東的,今次都要放棄, 食剩一半, 真是no good.老公點的是鰻魚飯+烏東, 好似要$90佢可以能聽見我碗烏東唔掂, 驚會搶佢嗰碗湯烏東食, 所以好快就食完, 抺完咀仲話: 「你碗好硬咩, 我碗又幾軟喎. 」自私鬼輪到食鰻魚飯, 佢突然好體貼咁話: 「你唔夠飽, 不如食啲飯啦」仲好快手咁裝咗一細碗飯(當然冇餸的)俾我. 唓!啲飯係就係短身珍珠米, 但散收收, 完全冇黏性, 怪唔得咁好心俾我食啦試過就算了.

今助.是一間日本食物.食物選擇也多,有壽司.刺身,炸物.烏冬,都有.價錢由60多元至百多元不等,但餐不包飲品.環境都算大,有店內店外,當時客人有8成滿,但無壓迫感.而且寧靜,只是冷氣不足.而設計也有日本特色,環境不錯.服務,有禮.有多謝詞.落單.埋單.加茶也快.效率不俗.牛肉烏冬鍋.跟飯65元...加一後72元.首先吃飯.飯粒是珍珠米.粒粒分明.但有點鹹.應該加了鹽.找牛肉烏冬鍋的菜做餸,汁滲入飯後.相當好食.但飯份量不大.幾口就吃完.牛肉烏冬鍋:好處是保暖能力高.由頭到尾都熱辣辣.牛肉,肉味濃.有淡淡油脂香味.湯底,味道恰到好處.不會太鹹.亦有鮮味.至於生蛋黃較細,但蛋香味十足.熱力後白變了蛋花.味道更佳.烏冬粗身,吸湯.條條都熱辣辣,吸了鮮味.相當好食.埋單72元.我都滿意.我看刺身賣相都吸引.呢間店應有下次

再次黎到今助食野，有同事題議呢間，雖然上次經驗唔好，但係都比多次機會佢啦。意外地唔多人，居然唔使等位，仲坐到卡坐，餐牌轉左少少，多左幾個碗飯加烏冬嘅餐，六十幾蚊，平左！上次個menu一般價位七十至百幾。叫左納豆雜錦飯，雜錦有搞碎嘅三文同呑拿魚，秋葵豆粒，蘿蔔絲，冬菇絲，仲有隻生蛋。個味唔錯，無腥，整個飯無乜點落調味品，食到食材自身嘅味道，上面仲灑在芝麻，好香。烏冬煙韌，清湯，有少少天婦羅粒同蔥花，油不過都幾好味。納豆只吃了半碗，接受唔到個陣發烤味。雖然侍應依然係無笑容，但至少無黑面，而且主動湛水，有進步。

放假前夕要食好d!!!同老公去到沙田, 朋友昨晚食完叫好, 我即想去試!!!今助響新城市廣場入面, 是開放式, 無門口, 一去到就望哂入面!!!出面已經show 哂大部份set 餐模型, 好吸引!!一坐低好日式wor, 但剛好坐最外面, 旁邊有好人行來行去,又望住自己食飯, 坐入面會好好多!!侍應全部是女仔, 著和服,拖鞋,可惜d 女仔不是日本人!!!著和服不自在, 仲有d 唔方便!!撈烏冬味道怪, 唔合我地水口味, 鰻魚飯無汁,飯乾,不是一粒粒,而是一舊舊硬飯!!魚生ok,不過好細片!!牛肉鍋烏冬,超正, 個湯底濃郁, 隻生蛋即撈落烏冬食, 做左蛋花超好味!!牛肉淋, 又夠牛肉味!!魚生飯好好食, 多魚生, 不算細碗, 入面仲有驚喜, 竟然有醃左味既冬菇絲,混埋一齊食好夾wor!!!兩個set 餐有蒸蛋, 個蛋好滑, 好有味, 依樣好難做到,依度竟然做到甘滑,正!!

同朋友行完街, 唔知食咩好. 經過呢間叫今助既日本菜, 又唔駛等位. 所以就試下叫左個蔥吞拿魚飯配烏冬, 朋友叫左個鴨胸烏冬鍋吞拿魚份量好多, 味道都夠鮮甜~食左朋友一件鴨胸, 冇乜味~份量黎講, 一個定食絕對夠~地方環境都OK~ 但的確如果兩個人的話, 枱比較細~

比佢既食物櫃吸引~去咗食~D蠔有6粒~ 好味而不鮮甜~ 用GAS一路煲住黎食~ WOW~ 仲有飯&烏冬&魚生~YUMMY~湯底咸咗D~ 影響咗個烏冬整體味道, 天婦羅夠熱但略炸粉厚咗D~ 同埋用菇黎炸真係不好吃, 特別係炸金菇, 好似係炸粉咁2個餐份量可以3 PEOPLE TO EAT~ 別再點多2個小食, 好飽~細粒得濟, 食之無味咁~炸薯餅, 皮太厚~NOT GOOD~

好肚餓求其搵左間日本野食好中意佢d日本擺設我個餐...$115有1個咁既set都划算我最愛既鰻魚飯..好香好好味..相反烏冬因為加了白羅白碎有點苦同怪怪地好愛這個碗具..蒸蛋好香好滑

一間平常也有幫襯的餐廳, 價錢不便宜但食物總算OK吧. 可是.....今天晚上六時許一家三口到了餐廳, 不用等位, 坐下來不久還未點菜, 旁邊梳化座的客人埋單, 一個帶黑色幼髮箍的女侍應收拾枱面, 我便問她:"麻煩妳, 我想搬去這張梳化位."這個合理的要求, 立即令到這女侍的面口轉黑, 真的比"狼"轉得更快. 她沒有立即回應, 十數秒後大聲向她的同事說:"要~搬~枱~喎~"唉, 犯了錯誤仍不補鑊, 卻再犯另一錯誤. 過了兩三分鐘, 仍然沒人正式理會我的要求. 不准換枱的嗎, 妳說聲就好.結果我們自己搬吧, 反正只是3杯水和幾個餐牌.沒有下次了. 百多塊錢一個餐, 在沙田有很多選擇呢!

跟E先生到沙田，碰巧晚飯時間，順道就到了今助日本料理。Menu有各式各樣的御膳，有刺身、壽司、魚生飯、天婦羅、烏冬、涮涮鍋等，選擇頗多，而且價格大多只是百多元，很划算。 讚岐風撈烏冬蒲燒鰻魚飯御膳 $115突然想吃蒲燒鰻魚飯，就點了這個御膳，刺身、日式蒸蛋及麵豉湯，味道OK；蒲燒鰻魚飯熱騰騰、香噴噴，美味！讚岐風撈烏冬味道普通，散叫的話一定不會選，可是吃御膳呢！總會配搭上一兩樣不喜歡的，這就是吃御膳的缺點。牛肉烏冬香蔥吞拿魚生飯御膳 $118牛肉湯烏冬OK，牛肉香嫩，烏冬彈牙；香蔥吞拿魚生飯份量亦不了，吞拿魚蓉鮮味，不錯！