京笹居酒屋 (已搬遷) 新店位置

今晚同女朋友兩個早左放工, 諗住去呢間居酒屋食飯, 我地八點去到, 門口大約有兩組人在等緊位, 都係2-3人咁, 侍應小姐同我講要等10-15分鐘, 叫我留電話同貴姓, 我留低左資料俾佢, 然後就同女友週圍行下, 逛下新開既HMV, 臨走都有問侍應有位係咪會call我, 佢話會.過左三個字, 8:15, 我地番到去居酒屋門口, 都仲要等兩張檯, 無法啦, 就行左去新港果邊行街. 期間我一直有保持電話有網絡, 我時不時有看電話有無斷線, 但係根本就無人call我.8.45分, 我地又番到居酒屋門口, 發覺已經過左我地既登記, 問小姐, 小姐話頭先入面既伙記打左俾我, 搵唔到我就俾左檯下一個; 話要下一張先可以補番俾我.心情不太好之下又等, 5分鐘後有3個客人走, 然後見到有個貎似日本人的師傅出左泥, 指指點點後俾左張檯跟住既三個客... 我興興地, 走去問侍應小姐, 佢就話:"唔好意思, 呢張係三人檯, 要俾佢地... 你等多一陣, 執緊檯架喇." 跟住我追問, "執緊檯即係要等幾耐?" 小姐先認真咁望一望入面, "呀, 唔好意思, 依家未有人埋單."好... 講多徒氣, 去左呢間"匠日

We (4) tried this restarant on last Friday. The food & environment is really good. It is a regular 居酒屋. When we glanced through the door, we think this was the right choice, as nearly half of all customers are Japanese.We ordered the assorted sashime, assorted tampura, assorted bbq food, a pizza, a salty beef torgue, toro sushi, california sushi, 青瓜sushi, oyster, sake. The best is the day special "池魚". We ordered too much food, we cannot finish all...Total costs around $1100, not too expensiv

亞士厘道近排大執位, 巡左一轉, 最後都係揀番黎呢間食.一行三人, 點左:清酒煮蜆—見好多檯都有叫, 我地都唔執輸, 蜆好細隻但好鮮甜, 酒味亦夠.唔知咩魚餅—唔錯.半生熟牛肉—初時以為係外邊燒熟左而裡面生既牛肉塊, 點知係好似cold cut果種咁既牛肉片, 伴蔥同蘿蔔蓉再蘸汁食, 都ok既.雜錦串燒—蔥雞肉串、雞肉丸子、冬菇同青椒仔, 熱辣辣, 食得過.蠔粥—好似稀飯咁, 有六隻幾大既蠔, 仲有大量蔬菜, 所以都幾甜.中華冷麵—賣相有點”削”, 但麵條好彈牙喎.要左枝1.8L既醉心, 由於做緊特價($350) 所以不設儲酒, 除非另外加錢, 不過飲唔晒都可以拎走.基本上呢度既食物唔會有大驚喜, 但保持一定水準, 以小店黎講選擇算多, 價錢又唔貴, 係一間稱職既居酒屋. 唔計枝酒, 平均每人消費$140 (好似星期六、日有九折).

小店型式, 老闆係日本人, 亦有好多日本人幫襯, 都唔太差...叫左個雜錦魚生, 都幾新鮮; 炸豬扒, 好family style, 不過我都係鐘意食causeway bay tonkatsu 多啲...牛肉串燒, 幾好味, 好香口, 中間夾左啲青椒, 都幾野味; 送sake 一小樽, 都ok la..可能我唔識食啦, 呢個價錢, 當見識囉...

同媽咪係尖沙咀閒逛，咁見到呢間日本野個樣幾地道，我地兩個日本痴就入左去食喇。當時近九點，店內都仲有幾多人。侍應禮貌幾好，幾nice我兩個人叫左三碟刺身，一個冷麵，一個燒油甘魚頸同埋一碗生吞拿魚碎壽司飯。刺身幾好，有佢推介既池魚，另外仲有油甘魚同章紅魚。池魚個魚尾好鮮味，但係其他肉就麻麻。個油甘魚好正，好肥美。章紅魚還可以。冷麵味道ok，但係麵唔夠凍，麵比較軟。但係冷麵汁可以，所以整體還可以。燒油甘魚頸原來係個魚頭。唔太特別，好似一般燒魚。壽司飯過軟，飯唔夠熱。不過還是過得去。整體黎講，呢餐主要係個刺身比較好。魚好新鮮，但係其他都只係一般。

星期四，因為要去拿西裝，一個人走左去尖咀。走左入阿士厘道搵食，呢條街又真係多野食，隨心選擇，見呢度有位靚姐姐在招徠，仲俾左張十蚊卷我。諗諗下，居酒屋一個人來也可以，試試這裡的午餐。暗暗的環境，掛滿牆、用手寫的菜牌，還差那個開放式的清酒吧，就是正宗的居酒屋風格。午餐有幾多選擇，數數埋埋都有十幾款。思前想後，揀了納豆魷魚飯麵定食，靚女姐姐不忘問我吃過納豆未，我當然無問題。話說如果人在日本，我每天都會吃的，不是刺身壽司，也不是拉麵燒餅，是每天早餐的納豆熱飯，是最能勾起在那裡的前塵往事的一道日食。定食有冷麥麵及一個納豆魷魚飯，唔使驚唔夠飽。碗飯舖滿納豆同魷魚刺身，加點紫菜同隻生鵪鶉蛋，賣相好對辦。吃納豆基本法，就是加蔥加芥辣加醬油，混和熱飯，美味無比。可惜這裡的飯不太夠熱，可能給舖面的配料弄涼了。納豆撈飯，仍然好味，魷魚刺身是不太夠新鮮，不過當然靚刺身又不會拿了來做定食，整體來說，味道不錯，是有風味的一個日式飯。如果想吃真正日食的，也可以試試這個；納豆飯以外，還有冷麥麵，不過味道一般，只是填肚之物。吃完是非常的飽，亦滿足。呢度四位侍應，男的兩位日藉，女的兩位講廣東話，溝通沒有問題。幾位都招呼唔

今天，朋友約食午餐，一口便應承，落去亞士厘道睇下邊間未食過，就走去試試。行到這裡，看看餐牌，又給門口的侍應話有什麼優惠，即管試試。這裡不算大，但就滿牆掛滿日文餐牌，相信這裡以日本人客人居多掛。坐低後，女侍應就話先要解釋今日的午餐，其實都冇乜心機聽佢講乜，都係睇番餐牌見岩就叫。自己叫左個秋刀魚定食，朋友就叫左個燒牛柳定食。我的一個秋刀魚，味道麻麻，燒得太乾，落了檸檬汁都解決不到問題。在乾乾沒有味道的秋刀魚配著下食著白飯，就覺得只是食著沒飯一樣單調。朋友的牛柳定食，聽說亦只是過得去而已。埋單時，才知道原來朋友早有預謀想請我食飯，我亦老實不客氣的接受吧，但都要說：早知食豪d啦，哈哈！

姑仔生日, 奶奶請客, 去了姑仔推介的"京"居酒屋. 一坐下先來Calpis酒、梅酒soda、炸軟殼蟹、炸獅子狗芝士作前菜. 炸獅子狗芝士可能香港只得呢度有, 姑仔去日本時食一條300yen, 呢度收$58兩條係就係貴好多, 但佢又真係炸得好好味, 而且只此一家, 冇辦法.另order蟹子沙律, 生碎吞拿魚飯, 蒸蛋, 炸豬扒蛋飯, 牛油果蟹子春卷. 蟹子沙律是即製, 是食店中食過最合格, 卻不及我們自製的美味. 生碎吞拿魚飯普通, 不夠長蔥, 令我對此店其他壽司及刺身一概失去興趣.蒸蛋略老. 牛油果蟹子春卷是越式春卷製法, 不用炸, 合keep fit女士食.炸豬扒蛋飯(日文讀音是"ka-tsu當")是重頭戲, 姑仔每次必order. 分量與味道剛好, 不太油, 夠熱辣又唔鹹, 味道帶少許mirin的甜, 用上黑豚肉做豬扒, 收$80一d都唔過分. 味道與我在涉谷誤打誤撞走入的一家家庭式"當"店一樣, 好懷念~~反正消費與和民差不多, 下次在尖沙咀又多一個晚飯好選擇. (星期六及日全單10% off )

其實係由個日本朋友帶我來，之後都來過幾次。舖面暗暗的，檯與檯都坐得頗密，所以多人的時候都幾嘈，加上煙霧濔漫，唔慣的見倒會調頭走，但其實好有正宗居酒屋feel，亦有唔少架仔幫襯，好似番左日本咁。大大隻手寫日文菜牌寫在紙皮上掛滿牆壁，食物款式夠多不易吃厭。最喜歡吃這裡的平凡菜色，如薯仔煮牛肉、汁煮魚頭、清酒蒸蜆等。手卷則時得時唔得，主要係塊紫菜時脆時唔脆，但Toro手卷就真的是Toro碎而非一般Tuna。各類刺身亦不差，但價錢唔平，我就寧願飲多兩杯或叫多碟野。串燒及燒物都只一般水準，唔試都無損失，照燒魷魚是其中較為好的。印象中有個日本仔侍應，幾得意的，用我的三腳貓日文order佢會用番佢歪歪地的廣東話來confirm order。另外都有唐人侍應，所以唔驚唔識order。連埋飲酒每人二百多塊，唔係平，但勝在搵番真正居酒屋的味道，絕對正過去一般港式扮日式料理多。值得一提這裡的食物碟頭不大，但居酒屋就係咁，大家只在放工在此飲酒吹水，不是食正餐的地方。

我諗我以前都唔會再去，一來入到去覺得地方細比較迫夾，二來我o地一行有五人，其中有三個f遲來(其實遲了15分鐘)，d waiter成日問我o地其他人幾時來，而個老闆當住我o地面前用日文同另一waiter講，再問其他人幾時黎，一d禮貌都無。講番正題其實一d都唔抵，食o左差唔多成千銀，不過都唔係好飽o個隻，除了炸露荀同炒雜菌好食之外，其他沒有特別。所以其他人未黎食試過，都唔係損失。

前些時候光顧, 炸露荀沒有以前好吃, 其他食物ok啦. 三文魚魚生始終不俗.

早前聽聞這裏的日本菜很正宗，那知，去過之後失望非常。<br>沒錯，這裏有不少日本人幫襯；可惜，魚生不新鮮，碟頭也太細。首先，問waitress 這店有甚麼菜式推介，佢居然答我係燒雞翼，心裏已知不妙。我們三個人order 了Uni 和Hamachi shashimi；Uni太腥，Hamachi又完全無魚甜味。南瓜tempura，照燒銀雪都OK 啦，但份量很少。最離譜係個燒矮瓜，燒到'火農' 曬，同佢地講個陣重俾佢話"小姐，燒矮瓜係'火農' 家嘛，乜你無食過咩？！"，激鬼死！<br>埋單三個人食左四百一十蚊，真係唔抵呀！

間野既門面就唔算光鮮,不過入邊既座上客好多都係日本人,d侍應全部都操半咸淡廣東話架喎!野食方面,入邊冇定食供應,只有日本最傳統既小菜我同bf叫左:1)滑蛋豬扒飯豬扒好脆蛋又滑,又好大碗,絕不欺場!2)薯仔煮牛肉D薯仔煮得勁入味,好家常小菜feel呀!3)蜜桃汽酒飲落亦冇咩酒味,似果汁多過酒,岩我飲!4)雞軟骨串燒勁抵死,淨係得d骨,我從未見過咁型既雞軟骨串燒5)冷麵同平時食開既質感好唔同,d麵係"扁"身既,個冷麵汁都做得幾好,幾鮮味雖然叫左唔係好多野,都要成$3xx...仲要已經discount左,真係頗貴,但係又可以體會另一番風味,都值得既!

今天除了吃不能錯過的炸露荀和三文魚刺身外,又嘗了炸雞球.雞肉十分嫩滑,味道不俗.除了餐牌上的食物外這居酒屋的餐前小食水準亦十分高,不要錯過.服務則越來越好!

呢度食o既係日本家常風味,炸露筍係好好食,另外好味o既仲有薯仔牛肉(好入味),串燒鰻魚肝(個邊脆脆地好甘香),白瓜海鮮(清甜爽口),炆籮白(好惹味)特別D 可以試鰻魚淮山卷,好關西風味,鱔肉又爽口又甜,唔膩好清新.仲有蒸烏頭麥麵,一樣咁掂