京笹居酒屋 (已搬遷) 新店位置

星期六和朋友一行八人去食飯, 入到去感覺都似很地道的居酒屋.芝士餃子 ~ 餃子裡包著的全都是芝士, 偏咸三文魚刺身 ~ 很肥美蟹子沙律 ~ 無特別雞軟骨 ~ 無特別三文魚軟殼蟹壽司 ~ 大大件, 不過飯偏淋泡菜烏冬鍋 ~ 唔算辣, 但烏冬不夠滑壽司飯 ~ 魚生新鮮, 不過依然係飯偏淋鰻魚飯 ~ 最好食, 唔腥, 啖啖肉總括黎講, 味道還算OK, 不過價錢偏貴, 八個人黎講算order很少野了.

今次揀左呢度....尖沙咀阿士里道既京笹來呢度主要都係聽blog友有酒飲又好味所以來試下﹗日本居酒屋，小店格局，座位比較迫狹，不過卻係咁樣先有氣氛﹗見到有好多日本人及西餅來吃呢﹗(隔離枱半唐番仲係吳彥祖既同學，在偷聽下佢地大數佢既往事添﹗)慶祝活動當然要點番支酒啦﹗呢支野叫 "醉心" ，個名正合吾意﹗凍飲飲落清清地有0的米香，不辛好醇，收結點點酸，以為無咩料到，點知兩杯到肚wing wing地，不可睇少﹗先來個芥辣八爪魚，好彈牙煙韌，辣度適中有水準，好味﹗工友開心死，因為點左鱲魚刺身佢唔洗兩分鐘已經食哂成條，大叫好味，話好新鮮好正﹗我都係咁易試左一塊，真係一0的腥味都無，第一次食魚無腥味呢﹗入口好清，有少少魚既鮮甜味，當然我都係唔太欣賞0個陣味啦﹗不過第一次見工友食魚食得咁開心都知係正野﹗個魚骨可以揀用來整麵屎湯定係清湯，我地要左清湯﹗(又係開正我最唔食0個一瓣....)鹹左0的﹗不過都係無腥味，平時魚湯我掂都唔會掂，不過今次我都飲左兩碗﹗再試左佢既牛肉蔥卷，好好味呀﹗厚厚既牛肉裡面包住勁多蒜頭同蔥粒，咬落去牛肉香嫩，肉汁豐富，滿口蒜香，我的最愛﹗再來一個蝦膏炒飯，未食已經聞到陣陣蝦膏

走出文化中心，電影節的聲光影畫依然在腦內徘徊。會合在城大辦事完畢的男友，又沒有什麼午餐心水選擇，在亞厘士道走著之際，看見這家放在to-eat list上的居酒屋，加上門口帶有日本口音大嬸的招呼便進去了。店裡貼滿日語的酒牌和餐牌，加上餐前遞上的小熱毛巾，感覺置身日本。午前定前$50-60不等，天氣炎熱，點了中華冷麵，男友則點一客燒豚肉定食。燒豚肉定食－－有漬物，麵豉湯，白飯和大大碟的豚肉。豚肉切得薄，感覺上烤得有點乾，不過底下有肉汁，也不算太難吃。中華冷麵份量大，有紅薑、蛋絲、青瓜和火腿，芝麻汁冷冰冰的很開胃，麵條口感也好。中途有一對中日夫婦帶著小朋友入來。父親要求煮一碗更淋的烏冬給小朋友，侍應也順應要求，而且還代為清洗小朋友食具。定食味道不算上佳，可能燒物會更好。環境日本味足，而且服務也不錯，來這裡總比一般連鎖居酒屋好。

上星期，與友人們到此一試。不算太餓，便胡亂點了幾款居酒小吃，辛薯、納豆(在港式日本餐廳是不會出現的)...等作配搭的小吃。見侍應熱情推介，便叫了針魚刺身，其實，居酒屋吃刺身是不明智的，果然，不叫也罷。其他如日式薄燒，燒酎等尚算合格...在此想說的是，該店最差的乃是侍客之道，友人中也有幾位光顧此店好些日子，總算熟客吧。他們異口同聲說侍應們服務還好，老闆的服務就相反了，其實應該說老闆(日本男士一名)從不招呼香港人客，他只會殷勤服侍他的同鄉，招呼香港人就落在手下的身上，就算我們招手請他落Order，他都只會叫手下做。聽說他能操流利廣東話，這真令人費解...最不可思議的是友人曾不滿地問其一侍應，何解老闆從不招呼或過來聊幾句，就連笑容也欠奉！？其侍竟私底下細語「老闆其實好鬼日本佬性格，睇唔起中國人架，你都唔係第一個問」(不知該伙記是否與之有仇)。今日一見，我也深信他的話...回家途中，細想...不可思議的不是那侍應的答案，而是我的友人，既有咁多不滿，為何還繼續光顧更推介給我。還有，不可思議的老闆，咁睇唔起中国人，因何又在中國人的地方賺中國人錢，除自己外，請的全是中國人員工...只怪我們常有錯覺，

三刻不多的時間，本打算到熟食檔吃個炒飯，但有些事要想想，又下意識地摸到這裡。埋位瞬即點了鈉豆飯，是配冷麵的定食，未幾送來一塊暖毛巾，暖和的感覺多好。配套是一碗砌得靚靚仔仔的鈉豆飯，一碟冷蕎麥麵及一碟漬蘿蔔、漬青瓜。先來吃口冷麵，放在微甜木魚湯中，撈些蘿蔔蓉、蔥粒吃，微冷微爽再加少少蘿蔔蓉的質感，也很清爽，交來貨不期待有超水準表現，當然總不會失望，若然蘿蔔蓉再辛口一點，蔥粒新鮮一點會更理想。間場時吃了兩口漬物，漬蘿蔔已有「滲水」情況出現，漬青瓜也不夠爽脆，是放得太久了？吃了口清新蕎麥麵後，嚐嚐鈉豆飯，白飯上平舖著軟糯的魷魚，上面是一層黏黏糯糯的納豆，光澤一般，要靠鵪鶉蛋帶起些色水，飯是濕濕暖暖、雲雲吞吞的，若非金黃蛋黃帶起色澤，其實難以叫人提起食慾。納豆味道一直覺得不怎麼差，加點醬油，再將碟上剩下的蘿蔔蓉、蔥粒撈來吃，味道也很豐富，軟糯的魷魚絲也恰如其分地令人覺得這就是地道風味。吃畢，說不出的「陌生」徐然而至，畢竟非「mother food」，異鄉味道還得花些時間及功夫體會。走前，身傍的日籍女士將暖毛巾整砌地放好，茶是安放在檯中央，蘸壽司豉油般姿勢以筷子反手夾著炸蠔蘸豉油的動作，也看多了

不是人人都能接受納豆，但我就從來都不抗拒，其實只要吃得其法，納豆也可以好吃的。下一點醬油，拌以芥未，下大量的蔥花，講究一點，可以加一只鵪鶉蛋，佐以熱辣滾燙的日本米飯，絕對無以尚之，是絕對地道風味的日式早點。約了午膳，來居酒屋也是正頭正路。年多沒來，這裡也是老樣子，暗昏的環境，貼滿牆上的紙皮餐牌，只是感覺上好像是多了一點中文而已。來這裡，不用問日替，也不用理燒的是什麼魚，直接叫我自己的選擇~魷魚納豆飯便行。納豆混上了魷魚絲，舖滿飯碗，上面還加一隻鵪鶉蛋，賣相是非常的正宗。照舊的下醬油，拌勻，便開始吃。這裡的納豆用上了小豆，鹼澀味更重，對胃口。可惜是日的飯不夠熱，生魷魚吃落也不太軟糯，縱使有美味的納豆在力挽狂瀾，但也不得不說一句，是比以前差了。希望只是偶有失手，因為始終這味是我最喜歡的日式食物之一。隨餐附送還有冷麵，但煮得略過火位，腍了一點。不過連同一碗納豆飯，是絕對的夠飽肚。雖然是日吃得不太滿意，但感情分搭夠，我還會給予「OK」面。但始終在香港，有水準的居酒屋越來越多，如果下次來還是如斯的水準，相信也很難找到理由再來。

25 May 2007 (Fri) - 晚飯加國朋友返黎渡假，想食串燒，我帶咗佢黎呢度食，因為我都未黎過，相信居酒屋一定會較多款燒物，不過入到黎睇完menu都有啲失望，因為串燒種類居然唔係太多，早知同佢去南蠻亭，真係多好多！唉！叫咗個雜錦串燒，其實只係有兩串雞肉，兩串雞肉丸，一串青椒仔，一串冬菇，再叫咗燒雞軟骨，炸軟殼蟹，燒多春魚，燒鯖魚，枝豆，見天氣熱熱地又叫咗個凍蕎麥麵！最好食都可數鯖魚，多肉少骨，雖稍油，但係味道一流！最唔好食係凍蕎麥麵，因為一啲都唔凍，冇用冰放喺下面，食時只係涼，好似熱食灘凍咗咁，怪怪的，唔多好味，如果下面有冰，相信會清涼可口啲！而其他食物則較為普通，有啲後悔揀咗呢度！

起初見到呢間鋪個門面同埋廚窗Ｄ食物幾吸引，咁就入左去食。一入到去就覺得Ｄ位好迫迫夾夾咁，侍應Ｄ態度又唔係咁好，坐埋位度放低餐具後茶都無杯，坐左好耐叫埋野食先問你"駛唔駛飲Ｄ野呀"．．．之後叫左個滑蛋黑豚飯、拉麵同埋小食。黎到個樣都幾吸引，點知．．．完全係貨不對板\./"Ｄ飯同豚肉淡宜無味，拉麵就普普通通，，不過不失啦～！！之後埋單果時諗無二百蚊都夠啦，但係黎到張單竟然差唔多成三百蚊＠＠，我都嚇左一跳。兩個人食都要咁貴！？又唔係咩高級餐廳。睇返張單先知來個爛鬼三文魚碎粒既前菜都要收錢，仲要係隔硬迫你食既，一埋到位就會比你！Ｄ飯都個麵又唔係話太好食但係又貴到死，成８０蚊碗飯同７０蚊碗麵！！同一間好普通既日本餐廳水準差唔多囉。仲意為Ｄ咩酒屋會幾咁好食，點知．．．．．．總結，下次一定唔駛再去幫襯佢！！

在H記出血過後,順道在亞士厘道找點吃,這間居酒屋已在亞士厘道多年,一直擦身而過,這一夜終能有緣相聚.對面一壽司幾十人在門口,反而這間京,兩個人直入直坐.貼在牆上的中日對照菜單,令人花多眼亂,不知如何是好.來到居酒屋,總沒可能以刺身壽司作首選,一本通書不能睇到老.單憑這一番說話,友人想吃壽司刺身的念頭,頓時打窒.叫些燒煮炸物,還是方為上策.前排才一起去南蠻亭,串燒不必了,麵豉燒茄子,夠咸,似我.送啤酒佳品.鹽燒五花腩,切到一片片,耍些鹽來燒,燒得恰到好處,吃落肉味夠濃,亦不會燒到過乾.過火少少便會變煙肉.炸軟殼蟹很香脆,汁煮五花腩,肥位夠稔夠甘香,瘦位鬆化,炆得入味.口痕想來個熱食蕎麥麵,用這一個來"埋齋",理所當然,友人就以個魚春茶漬作終結.飯後一同研究購自H記的戰利品,小弟呢隻碟風格folk味幾重,幾個大人扮細路唱歌.下次見面不如借比你慢慢聽.)V小姐好呀.你順手借埋隻Bloc Party比我丫.)本來可以用MSN傳送,不過有件實物在手,無非都係比多個機會下次一起食餐飯.諗起都老土.

友人有事要臨時轉陣，幸好地方無變還是尖咀，要吃似樣的居酒屋也不難。迫澀、大煙、嘈吵唔成問題的話，這裡是感受居酒屋氣氛的好地方。想吃什麼最好望望牆上的手寫餐牌，檯上的餐牌可以掉開不理。來了這裡三數次，感覺是煮物好過燒物。問友人想吃什麼，又是model answer，隨便的點了薯仔沙律、汁煮五花腩、雜錦串燒、蘿蔔煮魷魚。侍應介紹點刺身，耍偶乎？局酒屋吃刺身感覺怪怪的，真的搵鬼叫，哈！隔離檯的「鬼」真的叫了一檯壽司、刺身。累得要命，幸好今晚是聆聽者，還過得去。喜歡這裡的煮物，日式醬汁甜甜地，煮蘿蔔夠入味，是每次來到都要一試之物。而汁煮五花腩，吃不完，一個人唔會叫，兩個人的話又要睇對手，幾難搞的，幸好大家都有quota，終於試得到，炆得軟腍入味，若再肥一點的話，更好。最後的燒物，幾一般，加上是晚睇得唔飲得，有燒物無燒酌幾無癮的。做人是幾辛苦的，但笑吃一番之後，咁咪又一日？難過都總會過的，加油。

呢度食物係幾好,價錢唔算過份,但好迫好焗,下次都唔再來.

昨晚同朋友聚舊，成日行過呢間地道小店，卒之的起心肝入去試o下，店員都係日本人，不過會講廣東話(口音仲cute cute o地，哈哈！) 態度誠懇有禮，我o地叫o左佢推介o既馬肉刺身，入口香甜，加埋薑蓉、特製蒜蓉，咪覺刺激一流，之後叫o左我最鍾意o既鹽燒牛舌、多春魚、軟殼蟹、魷魚燒，全部都係水準之作，吞拿魚魚生飯不過不失，最尾一碟牛仔骨仲正，醬料味濃郁，切成細粒，肉質肥瘦度適中，唔會太膩，好欣賞呀！成晚仲飲o左5大支Asahi，Yummy Yummy！其實Fine Dinning唔係吓吓要講裝修同食o的懶特別o既菜色o既，呢度就絕對顯示倒實力，不過都幾貴呀~~~~

It was about 3 months ago for my last visit of this restaurant because the other JP restaurant cross the street is FULL, and I didn't want to spend more time for waiting. This is a small, but family feel, restaurant. All food was excellent with outstanding service by waitreses. I don't recall what special orders I made, but you shouldn't have any complain about this place in terms of the food quality. I am sure they have a lot more special dishes hidden from the menu, but too bad that I didn

日本同事提議到Kyozasa吃飯, 他們覺這間間居酒屋好吃而且很道地, 於是一行人五人下班後便立刻居酒屋. 到達居酒屋時只是6點半, 那時只有一張枱有四位日本客人正在飲酒談天, 那裡不是很大, 但感覺真的很日本居酒屋style. 牆上貼滿了菜牌, 日本店員態度殷勤, 感覺很好. 我們5人點了很多食物, 有些食物我也記不起是什麼. 由於我是第一次來, 所以大部份食物都是由日本同事們Order. 未Order之前, 店員已為我們上了前菜, 那是三文魚粒伴洋葱及葱粒. 加入醬油及Wasabi十分好吃.店員推介煙牛舌, 牛舌切成薄片配洋蔥絲及介茉, 口感不錯. 另外炸芝士及生牛肉卷也很十分好吃. 炸芝士熱騰騰的, 不會覺得很油膩. 而日式燒餅就一般, 感覺餅底厚了一點. 薯仔牛肉很入味, 同事們說這個是日本的家庭料理, 很有"家"的感覺...另外點了枝豆及很多漬物, 邊吃枝豆, 邊喝啤酒, 感覺是"perfect match"! 有些漬物鹹了一點, 但也很好吃. 納豆卷比想像中好吃, 而且不臭. 燒飯團很特別, 外面脆脆的. 整體上食物很好, 和平常香港style 的居酒屋真的不能比較. 居酒

原本想同太座去呢間野對面間壹壽司,但係太多人,又肚餓,見到呢間都係日本野,於是試下。入到去見間野好細,坐得都幾迫,不過裝修都有d日本小店feel,由於好肚餓,無咩研究個menu,就叫左個雜錦壽司同一個拉面食o下!!碗面都ok ,湯底係醬油底,好清,塊叉燒亦不過失,夠入味,至於個雜錦壽司,用料新鮮,最想講o既係d飯同三文魚,因為係香港終於食到一間同係日本食到三文魚壽司差唔多o既店舖,真係唔錯。其實食o既時候都覺得呢間日本餐廳唔錯,可以再幫襯,但係埋單o既時候發現多左四十蚊,原來d前菜係廿蚊一位o既,計落仲貴過d酒樓茶介,我同太座都覺得唔低,兩碟菜仔,邊值四十蚊呀,所以都唔會再幫襯咯。