影片
亚士厘道餐厅云集， 京笹居酒屋就在街口的楼梯旁边。 门面是传统日本居酒屋的设计， 晚上亮起红色的灯笼， 非常抢眼。 侍应非常有礼， 会主动开门迎接客人，更会热情介绍是日精选菜式。原来这间餐厅大部份侍应都是日本人， 餐厅内亦有不少日本客人，令到整个氛围都非常日本！ 坐下后， 侍应立即上前菜。 前菜 是日式沙律，材料有仿鱼翅、带子裙边和青瓜， 非常有咬口，味道开胃。听说日本人到居酒屋用餐，必定会叫一杯Hi Ball，我只好入乡随俗。热锅非常暖胃，除了牛肉和豆腐，还有弹牙的粉丝，汤底甜了一点。清酒汤底香浓， 蚬多肉鲜甜。第一次吃神田卷， 是加了鱿鱼和紫苏叶的黄瓜小卷。但口感丰富多了， 鱿鱼烟韧，黄瓜爽脆，紫苏叶香。多春鱼烧得刚刚好，外皮香脆，鱼肉多汁。野菜炒得野味， 家常的味道，可是份量比较少。食物固然不错，但最深刻的是餐厅的服务及气氛。 日本人的细心和有礼，令我都变得有礼起来，不断点头和微笑回应侍应。 餐厅墙上挂满日文餐牌、日本侍应和客人、及日本家常的口味，就像穿越空间， 来到日本的居酒屋 。
继续阅读
尖沙咀平价位于亚士厘道的日本高质午餐。一个鱼生饭午餐，90蚊都唔洗! 尖沙咀黎讲 ，绝对系一个又平又底的选择。京笹系我公司同事我饭堂之一，不论香港或者外国同事都钟意去。唔岩食鱼生的话有好多熟食选择。 老板系日本人，所以日本菜非常正宗。 通常我都系叫角切鱼生饭，都食过佢哋嘅吞拿鱼蓉饭但我觉得好流。 由于我唔食牛所以不能评论但我同事话个sukiyaki set 好食, 眼见到好多其他枱都会嗌sukiyaki set的。
继续阅读
亚士厘道不嬲都好多嘢食，今日嚟到呢一间日本餐厅，平时日日都好多人排队，今日好彩咁啱有枱，等左都冇5分钟就有得入，一于试吓点解佢咁受欢迎。依间餐厅原来系日本人开嘅，staff有部份都系日本人，不过佢哋都听得明广东话，所以叫野食系冇问题。佢平时有一张固定既lunch set menu，另外一张系每日都唔同嘅定食，不过今日就试咗set menu上面嘅嘢食。我叫咗个牛肉寿喜烧，份量都几多，又配左面豉汤、饭、同埋一只生蛋。只蛋系捞落去个锅度嘅，锅入面嘅蔬菜同牛肉都好多，不过味道就偏咸，食多几啖就觉得越嚟越咸。不过$72都几抵，尖沙咀来讲都食得过嘅。
继续阅读
居酒屋嘅门口唔系大马路旁边，比较隐蔽，但系却十分有名气～店主同佢老婆都系日本人，打过去book 位𠮶下好惊喜，因为店主会好热情咁讲一大段日文开场白，然后听到你唔系日本人，就会用佢独特发音嘅广东话好过瘾咁同你讲嘢，重复你电话号码𠮶d 资料，好得意😂😂每次嚟都会叫必点三宝；明太子捞乌冬、盐烧花鱼同刺身沙律。前菜系店家免费提供嘅肉碎芽菜，味道不错。盐烧花鱼 $88好厚，鱼肉好juicy 嫩滑得嚟有口感😍食到鱼嘅咸香味同鲜味，好味明太子捞乌冬 $78乌冬好弹牙，捞左紫苏叶碎同紫菜碎，食嘅时候除左浓郁creamy 有d 似沙律酱味嘅酱汁外，仲有紫苏叶嘅香味～～加上明太子独有嘅咸香，配搭弹牙嘅乌冬，真系好夹！食完一啖又一啖！好好味！但系份量太少啦。刺身沙律 $78个汁酸酸辣辣，辣度系普通人可以接受～～几清新过瘾～～入面有好多唔同嘅刺身，例如吞拿鱼、鲷鱼、蟹肉、章鱼、三文鱼、鱼子、昆布、沙律菜等等～好丰富满足，但食耐左觉得有d 腥。今次觉得必点三宝都系保持水准。
继续阅读
餐厅乞立于尖沙咀多年，一直只食过其午餐，早几日终于有机会一尝其晚餐。我本来就特别喜欢餐厅的气氛，餐厅面积不算大，内部布置得充满传统日式居酒屋的格调，店长更系日本人，走入餐厅令人彷如置身于日本。我地一行三人行叫了8道菜，每一碟菜的水准都意外地高，其中酒盗芝士($48)我认为系餐厅必食之选! 起初听落名字怪怪的就抱着一试心态，原来酒盗芝士系指羊奶软芝士配以腌制鱼内脏，味道竟出奇地配撘，可能因为本来我就很喜欢芝士，这道酒盗芝士简直叫我食到停唔到手! 另外其杂锦鱼生(小) ($330) 亦系必叫的另一选，共有6款鱼生加海胆，而小的份量刚好每款3块，鱼生的材料全部都十分新鲜，尤其海胆更系极为鲜甜，难得系香港可以食到如此新鲜的鱼生，价钱而言更是物超所值。烧物方面，烧鸡棒($48)同盐烧牛舌($59)都烧得香口，牛舌更系烧得外脆内软，食得满口充满牛肉鲜味。鸡肾炒芽菜($49)份量虽比想像中少，材料简单但炒得充满镬气，又是令人惊喜的一道菜。另外野菜沙律($78)份量颇大食材新鲜，海胆牛油果天妇罗($78)同日式鸡泡鱼干($70)亦系不过不失，只系鸡泡鱼干略嫌酱汁甜味盖过了鱼干原来的鲜味。整餐饭而言，每道菜都叫我地赞口不绝，唯独餐厅店员忙中都出了不少错，又上错菜到邻枱又漏结帐，但撇除此因素，这间餐厅都值得再三到访。
继续阅读