京笹居酒屋 (已搬遷) 新店位置

同媽咪係尖沙咀閒逛，咁見到呢間日本野個樣幾地道，我地兩個日本痴就入左去食喇。當時近九點，店內都仲有幾多人。侍應禮貌幾好，幾nice我兩個人叫左三碟刺身，一個冷麵，一個燒油甘魚頸同埋一碗生吞拿魚碎壽司飯。刺身幾好，有佢推介既池魚，另外仲有油甘魚同章紅魚。池魚個魚尾好鮮味，但係其他肉就麻麻。個油甘魚好正，好肥美。章紅魚還可以。冷麵味道ok，但係麵唔夠凍，麵比較軟。但係冷麵汁可以，所以整體還可以。燒油甘魚頸原來係個魚頭。唔太特別，好似一般燒魚。壽司飯過軟，飯唔夠熱。不過還是過得去。整體黎講，呢餐主要係個刺身比較好。魚好新鮮，但係其他都只係一般。