京林屋 (已搬遷) 新店位置

繼中村籐吉後，又一間京都抹茶老字號京林屋 Kyo Hayashiya，在香港開設首家海外店，位於希愼廣場6/F。可能是平日中午，人流沒有很多，12:30 到達無須等候，直接入坐。我同友人各點一客。我比較喜歡軟雪糕，選了香港限定芭菲($98)，有抹茶雪糕，綠茶蕨餅，白玉，寒天，紅荳同最底嘅生果。抹茶軟雪糕好滑，茶味不算十分濃郁，但亦算清新，值得一提的是白玉丸子，淡淡香甜，沒有粉味，糯軟適中 友人點了林屋抹茶餡蜜($88)抹茶寒天味道偏啖，抹茶蕨餅屬一般，沒有驚喜，還是白玉丸子較好。似乎香港店跟日本店在味道上仍有一段距離，若果是一般甜品店是很不錯的，但若以抹茶老店來說，的確有點名過其實。 

名氣很大，價錢不低，味道呢...那杯玄米茶是新鮮綠茶配玄米，比元氣的貨色好。吃著那些小丸子和蕨餅時，忽然想起以前路邊新鮮蒸出來的糯米糍，亂混一堆花生椰蓉，比這個更糯更軟滑。蕨餅像溝了抹茶的涼粉，好像簡約版貓屎藤。其實真係冇乜嘢食。雪榚還不錯，密度高，空氣少，夠滑，夠濃。吃一口，已沒有。88元吃過一次就夠了。這樣就䇄立了京都兩百年，覺得好神奇啊。想起來，屋企附近賣糯米糍的老伯，也剪了三十多年糯米糍。

又多一間抹茶老字號登陸咗香港，無理由唔去朝聖嘅。星期日約埋2個老友，朝早11點半去到，以為會排長龍啦，點知無乜人排隊，不過裡面咁啱full咗，我地等咗一陣就有位喇。第一樣我地揀咗香港限定芭菲，話晒都係得香港先有芭菲賣相唔錯，層次亦好鮮明。抹茶雪糕幾幼滑，但奶味偏重，抹茶味唔夠出，有少許回甘。配料幾多吓，面頭有抹茶啫喱同白玉，中間有士多啤梨、寒天同紅豆，底層有香桃。整體只屬一般，無乜驚喜。既然嚟到，梗係要試埋蕨餅啦。尼度嘅抹茶蕨餅的抹茶粉係留返比你自己加，加多加少自己隨意。但抹茶蕨餅本身抹茶味好淡，味道完全只係靠抹茶粉 口感係爽軟滑潤，不過唔係好感覺到蕨餅應有嘅煙韌咬口食落感覺同抹茶凍無太大分別囉唯一好處係尼度嘅蕨餅並無標明每日限量供應，隨時去到都可以叫。

京都百年抹茶老字號 京林屋終於開喇！京林屋嘅食物款式選擇都幾多，而且呢度仲係抹茶芭菲始祖🍨🍧，抹茶控點可以唔黎朝聖呀！星期日十點五十五分去到京林屋，前面大約有十五人等開門，人潮並唔多。餐廳無限用餐時間，但要人齊先可以入座。香港限定芭菲 ($98) 上面係奶味偏重嘅綠茶雪糕，雪糕香軟幼滑，但綠茶味唔濃郁，好似我呢啲唔係太好綠茶嘅就幾欣賞個雪糕。雪糕上到枱大概兩分鐘開始溶，但唔算溶得好快，總算可以影到一張滿意嘅照片。雪糕旁邊同下面有好多配料，例如：白玉，蕨餅嗰啲綠茶凍，cream, 草莓，寒天，桃等。秘製綠茶蕨餅 ($78) 味道淡淡既綠茶蕨餅旁邊有黑糖糖漿及綠茶粉配搭食用，蕨餅本身只有淡淡的綠茶味，無回甘既感覺，質地有一點Q彈， 像綠茶啫喱，但無一般蕨餅的煙韌感。如果想增加綠茶味，可大量加入綠茶粉，味道會更佳。另外，可按個人喜好加入適量既糖漿，蕨餅表面是滑滑的，不容易黏住糖漿，所以就算糖漿落得重手一點，也不會覺得過甜。味道未見驚喜，價錢略貴，不過如果幾個朋友一齊黎朝聖，又唔駛排好耐隊，都可以一試。 

特濃焙茶雪冰 (8/10) $98趁天氣轉涼食翻碗雪冰先！呢間之前講過啦，係上星期新開既日式甜品店。呢碗雪冰份量勁大，面頭灑左焙茶糖醬，深入一層既雪冰係冇味既，建議邊食上面既焙茶雪糕邊食裡面既沙冰，咁就啖啖都有味。焙茶雪糕做得相當有水準，焙茶味濃郁且回甘，奶味相對吾重。整體上不錯，作為甜品甜度控制得相當好，個人覺得呢到既焙茶出色過抹茶，所以推薦大家一試。-香港限定芭菲 ( 7/10 ) $98又一間老店由日本開過黎香港啦🎉10月8日已正式開左幕嚕，我地今日排左1個鐘就有位，唔算等左好耐。我地食左兩款，圖中係其中一款，係香港限定，日本無架！抹茶雪糕抹茶味較淡，唔夠濃郁，奶味比茶味出，個人就麻麻。Toppings款式都幾多，抹茶啫喱無乜味，白玉唔夠煙靱，底下有士多啤梨，寒天，紅豆同桃，味道不過不失啦，驚喜不大。-京林屋 (銅鑼灣)銅鑼灣軒尼詩道500號希慎廣場6樓603-604號舖

 晚飯過後經過這抹茶元袓店，記得雜誌也曾介紹過，加上看到像真度100% 的食品模型，雙腳便不由自住地排隊。可能仍是晚飯時間，只有8，9 人在店外排隊，而且人流速度快，我們只等了10分鐘左右便可入座。店鋪限每人點一份食品或飲品，我們點了抹茶啫喱雪糕($48)和抹茶芝士蛋糕($78)抹茶啫喱雪糕，雪糕下鋪滿了啫喱，一放下雪糕便歪斜了。抹茶雪糕的味道跟日本吃到的差不多，超濃郁的抹茶味，帶點點苦澀回甘，香濃幼滑，是我暫時在香港吃過最好吃的抹茶雪糕。抹茶啫喱更有驚喜，每一口都是實實在在的抹茶味，口感介乎蒟蒻和布丁之間，跟平常的啫喱大不同，配上雪糕同吃，滑溜非常，令人停不了口。以往，雪糕吃到最尾都會變成了奶昔，是我最討厭的，通常我都不會再吃那些奶昔，但這次跟以往不同，溶了的雪糕成為了啫喱的醬汁，令我把整份甜品清得乾乾淨淨。相比雪糕，芝士蛋糕變得失色了，芝士蛋糕的抹茶味不突出，都被芝士蓋過了，只餘下淡淡的抹茶香。蛋糕配上抹茶雪糕，白玉和紅豆蓉。抹茶雪糕同樣地充滿抹茶味，但我比較喜歡軟雪糕多一點。白玉的質感結實，少了點煙韌，多了分麵粉香，我喜歡。紅豆蓉味道偏甜，若與抹茶同吃便能中和它的甜。

聖，是立即要潮的！首天開業就來到初嚐芭菲及焙茶元祖的功架，落單上菜方面有些少混亂，但服務態度良好，絕對可以體諒的。而店內位置亦不多，大約只有30座，用餐又不設時限，所以等位可能需要較長時間。幸好是可以拿號碼牌等的，可以拿了號碼牌再慢慢逛逛。芭菲有好幾款的，但想吃軟雪糕的話，就只有香港限定芭菲了。一杯材料豐富的香港限定芭菲，抹茶軟雪糕超正！非常軟滑，茶味甘香濃郁，回甘醇香，餘韻悠長！還有煙韌的白玉、甜蜜的紅豆及寒天、水果等。一口一件濕潤軟糯的蕨餅，口感Q彈，沾上抹茶糖粉，再淋上少量黑蜜，味道就剛好。好處是沒有每天限量多少份，想吃就有了！而比較不滿意的，就是這焙茶刨冰。冰未算非常幼細，而且糖漿分佈不均，甚至不足，大部份的位置都很淡。而焙茶糖漿的焙茶味亦不突出，感覺就是冰水加點糖漿而已。而值得注意的是面頭的焙茶雪糕，挺身柔滑，帶清香茶甘，比起底下的冰濃郁得多了！還幸冰內藏了紅豆蓉，為整體加了點甜味。最底層亦埋着啫喱，可惜啫喱的味太淡，我們根本嚐不出它有甚麼味道。吃了這麼多又甜又冷的，總想要來杯熱茶暖暖身！茶的種類有幾款，富貴點的可以嚐嚐進貢皇室的天下之昔，價值$208一碗，是用茶刷打的抹茶，

來潮勝下。星期四晚上，8點來都要排30分鐘，而且會有些產品已經買哂。所以決定排隊前要先睇menu,再問職員有無自己想食既甜品，如果無，唔洗排，下次請早。蕨餅，$78 (店員講話係比綠茶啫哩更濃綠茶味)，但我唔覺好濃。而且係凍食。蕨餅本身無咩特別。仲有配料綠茶粉，因綠茶粉 本身好苦，所以綠茶粉加左白糖，諗住可以中和下無咁苦。但我覺得係破壞哂綠茶粉本身苦味，反而甜得濟，之後再加埋黑糖食，甜上加甜，not good。 綠茶雪糕配蛋糕，$78，蛋糕本身好讚。因為味道好有層次，第一口食落既味，同之後吞落去前既味都唔一樣。好特別。有啲似食雪糕味。值得一試。而綠茶雪糕比起出面食既濃。總括。我自己本身唔係特別話鍾意食綠茶，所以黎潮勝一次無妨。但應該唔會有下次。因為無咩特別有加一服務費