京林屋 (已搬遷) 新店位置

京林屋在香港開業之初，肯恩早已篤定這是一間終歸要去拜訪的食店。最近食店新增了抹茶蕎麥麵食，仮面兵團又剛加入了新成員，給了很好的理由讓肯恩選擇晚飯的時間到訪。七時前來到門口，全院滿座。幸好外邊等位數不是太多，很快便有位子入座。食店不算很大，我們被安排到一張很特別的單邊餐桌用膳。餐桌上方被和室糊紙屏風圍間，由天花一直垂至客人站立時的胸口位置，食客進入這個餐桌前必先需要躬低上肢繞過屏風才可入座。很有趣的設計。好處是自成一隅私隱度大，但也有其弊處，後話。看一看餐牌，提供的抹茶蕎麥麵只有冷及熱食兩種選擇。由於繁忙時間用饍的限定時間是90分鐘，甜品的選擇也太令人眼花瞭亂，我們便以九秒九的速度先點過主食，再來慢慢選擇甜品。由於和室屏風的設計遮擋了視線，食客是看不到服務員的臉龐，召喚服務時基本上是向服務員的下半身揮手，看來這種餐桌設計還是需要配合呼喚鈴會較恰當。為了有眼神交流，服務員不得不躬下身子去替我們下單，不好意思了....除了點單，食物上桌時也顯然有點難度。傳菜員更差不多要把半個身子傾前才能把食物送到內座位客人前方，也真替傳菜員感到辛苦。分別點了冷及熱的蕎麥麵，到來後發覺冷及熱蕎麥麵所用的食材都

和式的小廂給人休閒舒適的感覺, 讓人放鬆心情, 享受一頓抹茶甜品盛宴。香港限定芭菲 $98芭菲足足有8層, 軟雪糕茶味還可以, 但未至濃郁, 沒有香濃回甘的感覺, 奶味較重, 質感軟滑細膩。蕨餅和白玉煙韌軟滑, 寒天爽口, 還有甜美的紅豆以及香滑的忌廉, 而底層草莓就帶來酸甜的終結, 調和了芭菲的甜膩。不過蛋糕放底被浸濕, 影響口感。芭菲整體味道層次無庸置疑十分豐富, 滿足人多個願望。抹茶芝士蛋糕 $88抹茶芝士蛋糕綿密軟滑, 不會鬆散, 芝士味比茶味更突出, 香濃的芝士味成為主角, 抹茶味淡淡滲出, 我會喜歡茶味濃一點。配上的抹茶雪糕軟滑, 但茶味稍弱, 奶味軟重, 沒有回甘。抹茶卷蛋 $88抹茶卷蛋的海綿蛋糕層未夠鬆軟, 不太綿密細膩, 略為乾身, 抹茶忌廉軟滑, 但整體茶味不太濃郁, 與茶之環的抹茶卷蛋相距甚遠。秘製抹茶蕨餅 $88抹茶蕨餅非常軟滑帶彈, 有點煙韌, 淋上黑蜜, 沾上抹茶粉, 抹茶味頗濃, 帶點黑蜜香甜, 都不錯。抹茶半月布丁 $56半月布丁質感像慕絲, 軟滑細膩, 抹茶味頗濃但未至回甘。抹茶蕎麥麵 $78吃完那麼多冷品, 結尾來一個抹茶蕎麥麵暖一暖身。湯底有不少

系銅鑼灣食完野之後想食甜品，上openrice search完見到呢間好似幾吸引咁二話不說上左黎啦。番到屋企先知呢間系京都抹茶百年老店之一，佢地系1753年創立，而希慎分店系佢地海外第一間分店黎 見d人話要排晒隊咁，我地去果陣系閒日下午....人都算多，但咁岩一入去就有位😁😁我同兩個朋友叫左兩樣野share食：呢碗野有各種抹茶product（雪糕，蕨餅，啫喱）....另外仲配有白玉同抹茶既好朋友----紅豆。食之前先淋上甜甜既黑蜜，咁就冇咁dry啦😌😌 👉抹茶雪糕軟滑，茶味吾算十分濃郁，但系佢系有抹茶既回甘嫁...苦苦地咁，個人幾中意呢種味 👉蕨餅黏黏軟軟，入口即溶，表面沾滿左抹茶粉，食落口一陣濃郁既抹茶味即刻湧左出黎，正呀！👉抹茶啫喱就有少少失望，食落去系冇咩味，同蕨餅相較之下，呢個失色好多。不過佢既口感吾錯，吾會太硬，幾爽口~呢個真系不得了，個size系超巨大~一上台即刻惹來隔離台既目光。建議人多少少食會好d, 我同朋友三個人食都覺得多呀~~~個冰呢都算系幾細幾綿，吾會話食到成舊冰果種😗😗 不過就覺得有d太甜，食落一大陣糖水味~而個人覺得抹茶味就吾系幾夠，完全比陣甜味搶過左。而冰既

#京林屋 係一間係#京都 有過百年歷史既老店。無耐之前係銅鑼灣開分店😘。店內裝修亦幾有風味！香港限定既芭菲(7/10)($98)香港限定既芭菲，黎到京林屋無理由唔試下。上面有抹茶雪糕，中間有蕨餅同白玉，加上紅豆，蜂蜜蛋糕，底層有士多啤梨，抹茶啫喱，香桃。雪糕質感唔算好結實，但抹茶味足夠，奶味亦重，而且唔易溶真係值得一讚。下面不同食物層次，食落層次感豐富，但要數foodki 最鍾意，絕對係佢地隻蛋糕，蜂蜜味好出，質感亦好特別，加上雪糕，其他食物撈埋黎食口感相當豐富。半月布丁(7/10)($58)抹茶味好香，加上好有奶味，比想像中好食。咬入口比較似cream 既口感。茶味香濃好味！蕨餅三種盛(6.5/10)($98)呢個就比較岩咩都想試下既人試，呢個有蕨餅，雪糕，紅豆，白玉，加埋可以揀$42既茶。一個就可以滿足曬自己想試既野。蕨餅比較煙韌，味道清淡，唔算有好濃既抹茶香。雪糕抹茶味夠，奶味重。而紅豆好甜，白玉煙韌好食。茶就幾好飲，而且呢到有好多款茶可以選擇，例如桃茶，抹茶等等。奉上時仲附有說明書同埋30秒沙漏。教客人自己都可以泡出好茶。焙茶雪山(7/10)($98)呢個#焙茶雪山 真係好大好

上星期日去希慎行街, 行到六樓見到一間好日系既食肆, 突然有股沖入去既衝動, 因為之前响糖街榮記食完車仔麵仲好肚餓, 兼且近排喜好甜品. 時間係中午1點多, 唔駛等位而入面只得3成入座率, 心諗d嘢好唔好味架, 價錢絶對係唔平架, 不過既然佢打正 "KYOTO" 旗號, 應該唔會差得去邊既.一打開menu, 就比”香港限定~芭菲”吸引, 總之有抹茶雪糕就係我杯茶, 其後叫多個“法式聖馬克抹茶蛋糕”, 大約等3-5分鐘, 兩款甜品都到齊, 一到當然要相機食先啦…香港限定芭菲 ($98) – 個抹茶雪糕同响京都食既差唔多, 抹茶味勁香濃, 蕨餅同白玉同佢就最夾, 紅豆好香軟, 中層既蛋糕口感好得意, 唔覺食蛋糕咁, 而最底層類似大菜糕既就最敗筆, 無乜味道兼雪糕流唔到落去, 所以我食到最後放棄咗.法式聖馬克抹茶蛋糕 ($88) – 無論蛋糕定雪糕配搭, 我都覺得好滿意. 蛋糕有多種口感同層次, 面既焦糖唔似出面焦糖布丁硬崩崩, 而係為整件蛋糕點睛, 少少爽脆襯托蛋糕鬆化, 入口即溶既感覺好正, 而旁邊雪糕, 紅豆同白玉同樣好味, 唔駛幾分鐘已消化咗整碟甜品, 絶對值得推介 !一定會再嚟架,

臨緊年尾，節日氣氛濃厚，當然趁機相約一眾好人。為了等待好友瑜珈班結束在銅鑼灣晚飯，其餘三人只好到希慎逛逛，經過一店外擺放著綠茶食品，原來就是登陸香港不久的京林屋！不用排隊，當然快快利用小小的空檔品嚐一下。一行三人，店員安排了店內緊有兩個的"茶房"，真有幸運，充滿日本風情。 京林層屋已有兩百多年歷店，是著名的日本綠茶老點。由於即將晚餐，只點了兩款食物淺嚐。 香港限定版芭菲最上層的綠茶香糕茶味香濃，不重奶味，質地偏軟，不太厚身。雪糕下有多個由不同食物組成的層次，包括蕨餅、抹茶啫喱、白玉、紅豆、士多啤梨、蜂蜜蛋糕等等，絕對可以滿足多個味蕾慾滿，跟綠茶雪糕相配，非常滿足。 抹茶茶蕨餅蕨餅質地柔韌，抹茶味非常濃郁，香而不澀。蕨餅配以抹茶粉及黑蜜另上，可以先試原味，再自行按喜好加上抹茶粉及黑蜜的份量。配上抹茶粉後茶味更香更突出，黑蜜甜味清甜，味道相配，甜蜜滋潤。

香港越黎越多日本開過黎既餐廳, 呢間亦係數一數二食抺茶既, 今日終於有機會黎試, 唔洗點等就入得.入面格局都似日式風格既木制枱同牆, 感覺乾淨舒服好悠閒, 天花設計亦都花左唔少心思, 最特別係有一排位係捐入去坐, 坐低左人地望唔到你個樣, 你又望唔到人.要左個香港限定抺茶芭菲, 配玫瑰蘋果煎茶$98, 面層濃濃既綠茶雪糕, 好香好滑. 旁邊有綠茶JELLY同小丸子, 煙煙韌韌, 下面仲有芭菲+什果, 整體食落好清新, 唔會覺得太甜太漏.而玫瑰蘋果煎茶就有D花茶香味, 蘋果帶少少甜, 幾特別.仲有法式聖馬克抺茶蛋糕$98, 個蛋糕綠茶味夠濃, 蛋糕好鬆好軟熟, 而綠茶雪糕好滑, 味道夠濃, 旁邊D紅豆帶少少甜味, 兩者中和一下, 口感一流.呢度最值得讚既係有說明教你點樣焗茶黎飲為之最香最好味, 解釋得好好, 等人可以慢慢嘆茶.

每次都只差一點點先食到呢間今次九點半去到排隊 前面有四個人排其實都幾驚舖頭會截龍好彩店長好有禮貌咁話會俾d客入晒先等左15分鐘就入得 決定叫兩個推介既甜品 呢個真係冇得頂！蕨餅既抹茶味濃而不苦不澀小丸子係我食過最好食既只可惜雪糕溶得有點兒快同寒天既味道麻麻地份量幾多 最好留肚食先食得落 同埋呢個既設計不太好會整到隻手痴笠笠 整體都好好食個唯一敗筆在士多啤梨都幾酸有d破壞左個芭菲 食到十點三左右要埋左單先下次一定再早d去！

呢一陣子除咗韓風勁之外，仲有一股抹茶風。個間未開門已經排晒長龍嘅，我仲未有心情去排，呢一間 京林屋香港店 Kyo Hayashiya 都係日本過江龍，又係好出名嘅百年老店，竟然好好彩比我唔使排隊，直行直入咁試咗，真開心！舖頭唔大，不過menu選擇都唔少，可惜生病中嘅我今次都係唔好食甜品啦，下次啦。所以我就揀咗熱嘅抹茶牛奶。對於病緊嘅我，呢杯奶都算係嘅comforting ，暖暖地好適合剛剛轉涼嘅天氣，杯奶好滑，綠茶味又好香，可惜嘅係無得走糖，如果有得走糖就好啦，我諗綠茶味會再香啲。佢嘅甜度，當甜品嚟講都可以，當飲品我會話有少少偏甜，不過係一個可接受嘅甜度。抹茶雪糕啫喱 係朋友點嘅，生病嘅我只係食咗一啖雪糕，同一粒啫喱，所以只有一啖嘅感覺。我會話比起city super 個個綠茶雪糕無咁重奶味，多啲啲綠茶味，以雪糕嚟講唔算甜 （不過我只係食咗一啖，可能食晒成杯又唔係咁諗），個啫喱應該就冇乜糖喇，食落冇乜甜味，有少少綠茶味，啫喱嘅質地算唔錯，爽口得嚟又唔係話好硬，幾鍾意呢一種啫喱texture.黑豆茶，都係朋友點嘅，我就無試過啦，不過就有聞過，有啲咖啡香，又有啲茶香，幾得意，不過朋友就話飲

唔知點解今年好興芝士同綠茶呢兩樣菜色咁趁得閒放假就同同事去試下呢間出哂名嘅京林屋啦有幾出名?睇下要排幾耐隊就知啦由攞飛到入座足足40分鍾，不過星期日就正常嘅，冇所謂啦入到去見到餐牌幾乎所有野都係 綠茶XX 花多眼亂3個人,最後揀定左一個綠茶冰 一個綠茶雪糕配綠茶jelly 同埋一個綠茶芭菲雪糕??唔係好記得個名，睇圖啦第一道就係我講嘅綠茶芭菲,錯左請留言更正唔好意思我好鐘意食底層嘅紅豆同啲丸子，好咬口撈埋啲雪糕簡直係一流!!!而第二樣要介紹嘅係綠茶冰 重點我諗係個份量。多到望唔到個碗就咁食啲冰可能會冇乜味道，但加埋面頭嘅雪糕就夠哂皮，綠茶味好濃,同埋我會mix埋啲丸子一齊食真係當正餐咁食!!!同埋啲冰好綿，唔會硬骨骨最後一樣就看似普通，食落都有驚喜㗎jelly多就唔洗多講。雪糕都好濃，加埋附送嘅醬就正喇，唔會話得綠茶味咁寡, yummy yummy老實講我地3個人都算食得多，細食嘅可以叫少一樣唔好浪費

香港限定芭菲 (HKD98)嗚呀! 我終於食到啦 記得之前中村排隊排到痴晒線呢間京林屋絕對絕對可以媲美到中村上面既抹茶雪糕超級超級濃郁 偏少少苦而且雪糕好嫩滑 堅挺 唔易溶另外 我極愛抹茶啫喱 質感超好而且「入口即溶」一試真係愛上😍重點係唔洗排隊😚😚😚特濃焙茶雪山 (HKD 98)咁凍既天氣食咁大座冰 覺得自已真係玩命 不過唔好以為真係得冰食 其實佢加左好多焙茶味既sauce 加上上面有一球好濃焙茶味既雪糕 食每一口都入口即溶 茶香味濃 食到最底仲有驚喜 小丸子同紅豆 增加口感 甜味 😳 絕對係陪綠茶控食甜品但自已又好憎食綠茶既朋友仔😂

星期2晚向hyson 食晚飯8點，經過舖，見冇咩人排隊，梗係要入去一試啦。坐位有d 迫，唔係坐得好舒服。 其實晚飯食得好飽，唸住入去兩個人食一個甜品，但如意算盤打亂左。。因為一定要每人叫一個野食，所以叫左我最愛既嶡餅，同比較平既培茶味雪糕啫喱。嶡餅，附有綠茶粉同埋黑糖漿。 店員教我地，第一口試左原味(咩都唔好加)，再分別試加綠茶粉同黑糖漿。原味既綠茶味很重，但唔係好鐘意佢既texture，好似好"林"咁， 加左綠茶粉之後，更重味， 但個口感會無咁"林"，好食d。最後，黑糖漿最唔鐘意。。。搶哂d綠茶味。一口要$10 幾蚊，梗係要慢慢食啦。另外，培茶雪糕啫喱，培茶雪糕既茶味好重，微甜，好好味， 但無mud 特別，啫喱都無mud 特別。 

估不到這小小店是抹茶新地及焙茶的發源地。首次光顧，先點了蕨餅三種盛套餐，因這套餐包含了蕨餅，丸子，綠茶雪糕及焙茶，亦因分開擺放，更能讓人品嘗清楚每款的味道。蕨餅柔軟有黏性，上面撒了綠茶粉，入口清新不澀，像在和口腔做Momi Momi按摩一樣，質感做得十分出色。丸子也做得軟熟，不過下面的紅豆蓉則太甜，拌綠茶雪糕吃就好些，雪糕單吃就有點苦澀。焙茶是我其中一種喜愛的茶，皆因無論吃得多膩，飲下熱熱的焙茶，便感到無比舒，口腔又蘊藏着碳烤咖啡的餘韻，是很多日本食店提供的茶種。這兒更加入不同水果香味，我點了香桃味。整套一人前泡茶工具，有茶壼，茶杯，熱水瓶及時計，令喝茶時更風雅及有玩味。茶葉可泡兩，三回，冲出來時也有淡淡的桃香，不過就沒有一般的的焙茶濃郁回甘，我想最主要是水温不夠高。為免再來時的排隊之苦，也試多一款綠茶甜品的經典，抹茶啫喱軟雪糕，軟雪糕的份量足，抹茶味濃，奶味也相輝映，較之前吃的雪糕球好吃，加上粒粒茶味足的啫喱，雖然不像蕨餅的質感Q彈，但也給人清爽的感覺。可能名聲太響，吃時期望會高些，吃入口反而沒有太大驚豔，以上試過的只有蕨餅做到出色的程度，其餘就中規中矩。不過，地方已盡量設計得有襌

法式聖馬克抺茶蛋糕今日經過希慎，發現此店竟然無人排隊，所以拿拿淋放蛇試下依間京都的百年抺茶老店。抹茶雪糕好濃郁，好重抹茶香味👍紅豆不是太甜！而主角抹茶蛋糕抹茶濃度不及抹茶蛋糕，但勝在夠鬆軟和夠甜！有小小的砂糖味道，甜中帶一點點抹茶味！價錢HK78(單品)98(連茶）配指定茶加20元，這裡的茶很好喝，必試！Hojicha Latte潮勝百年茶店，除了試抹茶外，也必試他們的焙茶產品。這杯焙茶鮮奶不但茶味不足，沒有焙茶香。鮮奶更喧賓奪主！奶味比茶更濃，而且味道過甜，甜到起痰難飲過starbuck!價錢HK44

某日食完晚飯行過希愼廣場發現開左新既甜品店, 見唔洗排隊當然要入去一試啦!餐廳佈置得好有日式風味,店中亦有兩個好和式既座位, 感覺好舒服由於食完晚飯已經好飽, 我同呀鼻點左焙茶餡蜜同抺茶啫哩雪糕焙茶味好香, 因為平時都好鐘意飲茶, 所以好鐘意呢杯雪糕, 而丸子亦都好煙”UN”抺茶啫哩雪糕, 抺茶味濃, 啫喱都好爽下次可以再同朋友黎試下其他種類