京林屋 (已搬遷) 新店位置

特濃焙茶雪冰 (8/10) $98趁天氣轉涼食翻碗雪冰先！呢間之前講過啦，係上星期新開既日式甜品店。呢碗雪冰份量勁大，面頭灑左焙茶糖醬，深入一層既雪冰係冇味既，建議邊食上面既焙茶雪糕邊食裡面既沙冰，咁就啖啖都有味。焙茶雪糕做得相當有水準，焙茶味濃郁且回甘，奶味相對吾重。整體上不錯，作為甜品甜度控制得相當好，個人覺得呢到既焙茶出色過抹茶，所以推薦大家一試。-香港限定芭菲 ( 7/10 ) $98又一間老店由日本開過黎香港啦🎉10月8日已正式開左幕嚕，我地今日排左1個鐘就有位，唔算等左好耐。我地食左兩款，圖中係其中一款，係香港限定，日本無架！抹茶雪糕抹茶味較淡，唔夠濃郁，奶味比茶味出，個人就麻麻。Toppings款式都幾多，抹茶啫喱無乜味，白玉唔夠煙靱，底下有士多啤梨，寒天，紅豆同桃，味道不過不失啦，驚喜不大。-京林屋 (銅鑼灣)銅鑼灣軒尼詩道500號希慎廣場6樓603-604號舖