京林屋 (已搬遷) 新店位置

蕎麥麵可以選擇冷或熱食，我就比較喜歡凍食! 第一次食尼度嘅蕎麥麵，麵質煙韌且彈牙，唔需要好濃嘅抹茶味，淡淡的抹茶香已足夠，冷麵仲會增添爽口感。輕輕蘸上醬油、wasabi、蘿蔔蓉一齊食，清清地已經好好味！尼個半月布丁通常都被人冷落，可能係因為布丁相對感覺上無乜特別，而且看價錢亦會諗不如食個雪糕仲好啦！所以應該唔係多數人嘅心水選擇。不過論其味道同質感，其實都做得唔錯！

身為抹茶迷嘅我地早就想試試呢間餐廳，但驚佢新開業會大排長龍所以遲遲未食。隔左幾個月，今日終於決心一試。雖然已經開業左一段時間，但食客對佢嘅熱情未有減退，我地星期六晏晝3點左右去到，都有10個人等位，不過唔使等好耐，約15分鐘就可以入座。餐廳裝潢擺設落足心思，充滿日式風情，令人置身日本一樣。Menu圖文並茂，簡潔有致，選擇頗多，每樣甜品、麵食都好吸引，幾經掙扎終於揀左以下幾款。1. 特製林屋抹茶餡蜜 $98 .蕨餅每日新鮮製造，茶味甘香清新，口感滑嘟嘟的，加上黑蜜同抹茶粉食已可，配上抹茶雪糕更順口，混合紅豆蓉同mochi食口感同味道更豐富😋 2. 抹茶芝士蛋糕 $88呢個抹茶芝士蛋糕質地好扎實，好綿密，芝士味非常突出，可惜抹茶味淡左少少。雖然蛋糕份量細細，但食完都好飽足，配上紅豆、mochi 同抹茶雪糕食口感更豐富！3. 桃味焙茶 $42呢一set茶設備齊全，仲付上詳細指示（guidelines) 教你點泡茶。仲遞上計時器，好細心，感覺好一絲不苟。茶有淡淡嘅桃味果香，而每啖茶都有回甘，焙茶味濃唔會苦，怕茶苦澀味嘅朋友可以試試！餐廳位於hysan商場入面，非常就腳，行街行攰左可以去坐坐食個

作為抹茶控的我，當然要趁著放假到京林屋拜會一下！ 今天人不多，所以可以和朋友慢慢坐在這裡嘆抹茶甜品。 店員服務態度很好，不時會講解食品的資料。從京都新鮮運來香港的抹茶芝士蛋糕質感柔滑、輕盈, 兼頗挺身, 香濃既抹茶味帶點回甘。 碟上的紅豆份量十足, 甜度適中, 再配上煙靭的丸子和濃郁兼軟滑的抹茶雪糕, 口感豐富, 甜而不膩。但個人認為蛋糕的芝士味可以再濃郁一點特濃抹茶日式刨冰柔細兼軟綿綿, 雪糕帶點奶香。倒了附上的抹茶漿後, 抹茶味更香濃突出抹茶冰內還藏了煙靭既白玉、香甜的紅豆同抹茶寒天凍卷蛋軟綿濕潤, 抹茶味香濃兼帶點回甘, 抹茶忌廉幼滑, 內裏還有原粒紅豆增添味道同口感聽說抹茶卷蛋是由日本新鮮空運抵港, 卷蛋質感軟綿， 帶點抹茶香，吃的就是那日本的風味~

京林館係京都已經有超過兩個世紀既歷史今次黎到香港繼續主打抹茶食品食材每日由日本新鮮運到架！抹菜蕎麥麵 (冷) $78 京林館唯一既非甜品蕎麥麵過左冷河比熱食爽口彈牙不過雖然加入左抹茶但有形無實 抹茶味唔算突出醬汁加入wasabi 蘿蔔蓉同香菇用麵點黎食 天氣熱熱地吃這個還不錯吧抹茶紅豆年糕甜湯 $68呢個會係一個最適合冬天既宵夜因為佢暖笠笠 湯圓有飽腹感而紅豆為綠茶湯加添甜味三樣野配合得非常好食完令人覺得好窩心好溫暖不過咁既portion 價錢真係貴左少少抹茶卷蛋 $78 你會問 點解一片卷蛋可以咁貴都要食？我會答 因為佢真係超級好食佢既蛋香係非一般咁濃郁而且中間嘅綠茶忌廉係幼滑到無得頂茶味香濃之餘仲要一d都唔會膩人一世物一世呢一個食過返尋味既卷蛋真係值得一試地址:銅鑼灣軒尼詩道500號希慎廣場6樓603-604號舖

抹茶芝士蛋糕 (HKD88)京林屋既抹茶絕對唔差得過早前排晒長龍既中村 而且款式都比較多樣化 第二次光顧既我試左呢個抹茶芝士蛋糕 芝士味偏重 而且質感好厚實 再配上抹茶雪糕、紅豆、小丸子 令口感更加豐富☺️秘製抹茶蕨餅 (HKD 88)呢個秘製抹茶蕨餅係我係京林屋既最愛！😍 佢清甜中帶濃郁既抹茶味 而且口感好特別 食落去一開始幾有咬口 慢慢就有半溶既感覺😚 加上少許黑糖 令抹茶味更加突出抹茶紅豆年糕甜湯 (HKD 68)除左抹茶蕨餅之外 我亦好欣賞呢個 「抹茶紅豆年糕甜湯」 ☺️ 呢個好適合係冬天食 因為呢個係熱食 食完真係成身暖笠笠😳 呢個湯係真真正正既「抹茶湯」味道濃郁 攪勻後更發現式下藏有好多紅豆 增加口感同甜度 而且湯裡有三件年糕 有咬口好煙韌😚 三樣野加埋真係perfect match!!

京林屋在日本是相當有名氣的抹茶店，除歷史悠久外，其抹茶產品更受伊勢神宮賞識已成為每年的指定貢品。近期京林屋在香港開了首間分店，落戶銅鑼灣希慎廣場。店中絶大部份的食材均由日本新鮮直送到港，保證質素卓越地道。筆者數星期前已想造訪一試，但遲遲未能成行，最後要到今午才抽到時間一嚐御用貢品的味道。作為來自日本的過江龍，店裏店外也充滿和式風格，感覺雅緻舒適。安座後翻過餐牌，可見抹茶甜品與茶品均是店中的主打，焙茶則是另一名物。在指定時間內，餐廳更有抹茶麵食供應。麵食的出現，正式標示餐廳成功將甜品茶館的定位，進一步擴展至能滿足食客正餐需要的餐廳。美食備製需時，等候時間最合細意品嚐一道雅緻的茶品。只論質素，店中鎭店之寶的「天下之昔」相信是不二之選，但計及性價比，則其餘茶品或許更富優勢。在云云茶品款式中，筆者與好友分別挑選了葡萄煎茶與玫瑰蘋果煎茶兩款。日本人處事的態度一向一絲不苟，尤其對產品美食的賣相更甚有要求。每一道茶品均由一套小巧別緻的茶具焗製盛載，為保成品品質，店方對泡茶的過程與時間也有相關的建議，更附上一只沙漏供計時之用，安排細心。一杯即泡的葡萄煎茶，茶色通透泛綠，葡萄果香突出撲鼻。拿近隔杯品評，

吃過晚飯，卻又意猶未盡，皆同友人一齊去食個甜品，於是走到樓下的京林屋，食個日式甜品咁又如何？店子充滿著和風風味，以淺木色的裝潢，營造成一個時尚又具有日本風味的氣氛，令人有種很舒適的感覺。入座後，店員隨之附上餐牌，打開後，有著各款以綠茶抹茶做的甜品，亦有煎茶等供應，當然亦有抹茶蛋糕和雪糕供應，亦有培蘑和煎茶，讓顧客點選。除了單點外，亦可以點來套餐，當中以芭菲或蛋糕配以煎茶或培茶。芭菲之中，吃得最多的是抹茶芭菲，而這個芭菲是這店香港獨有的。當中有抹茶雪糕，十勝紅豆，士多啤梨蛋糕等食材。吃的時候，當然是把匙羹完全插入杯裡面，然後把杯中食材舀起，一次過吃到不同的食材，有不同的口感層次：雪糕和紅豆的幼滑，士多啤梨的酸甜，的煙靭，實是豐富。抹茶蛋糕配上雪糕與紅豆，蛋糕除了富有抹茶味外，當中亦不乏柔軟若綿，而中間層的忌廉亦富幼滑之感，雪糕亦富幼滑香濃，唯獨紅豆較甜，而且甜度猶如和菓子一樣的甜，很膩。故另需要一杯茶，以解甜膩。煎茶本身亦是綠茶之一，是經過蒸菁搓揉和焙乾的製作過程。杯子中的茶非常清香，而且富有甘甜和輕澀味道，茶壼內有茶葉，只要把熱水倒，然後把長長的沙漏倒轉，待漏完後就可飲用。茶壼裡的茶可

今日在銅鑼灣逛街，行到希慎6樓時，發覺有一間日式店舖，佈置非常清雅，又因為有點肚餓，就索性坐下來填補一下自己的五臟。看了餐牌發覺唯一較為可以填飽肚的是抹茶蕎麥麵，一般我會選擇冷的蕎麥麵，但今天天氣較寒冷，就決定嘗試熱的蕎麥麵，看看有什麼分別！我發覺熱的蕎麥麵麵質比較腍，麵裏面有很多迷李小香菇，配上大量紫菜絲，湯味清甜，非常暖胃。吃完麵打了底後，當然要嘗嘗其他抹茶食品，秘製抹茶蕨餅， 蕨餅一客有六件，隨之而上還有黑糖和扶茶粉，首先是倒黑糖在蕨餅上，跟著便輕輕放上抹茶粉，因恐防灑上太多的抺茶粉便令味道變得太甘香，幸好手勢也不錯，嶡餅口感煙靭，抹茶味道甘香，配上黑糖的甜，味道口感都配對得恰到好處。跟著來個香港限定芭菲，原來芭菲是一個大集會，裏面有紅豆、白玉、抹茶啫喱、士多啤梨，當然唔少得抹茶軟雪糕，所以㚈貌變得色彩繽紛，絕對增添大家的食慾。最後我點了一個煎茶來個總結，店舖非常細心，恐防客人不懂怎樣泡茶，便附上一張説明書，詳細指示所有的步驟，讓客人自己沖泡，由其能滿足喜愛茶道之人，泡出來的茶很清香，店員建議只泡三次，因沖泡太多，茶味會變得太淡，我當然照辦。喜愛抹茶食品的愛好者，不需要長途拔埗去

同朋友仔係銅鑼灣食完飯就梗係搵地方食dessert la咁啱見到Hysan 有間好日本既抹茶甜品店，身為抹茶控既我地當然諗到唔洗諗就入左去試左先啦，佢好多dessert都有得加錢轉set,即係多杯野飲，我覺得呢熱茶同甜品不嬲都係prefect match所以就係咁我地就order左2個set la,係云云既選擇當中我地揀左抹茶芭菲+蘋果抹茶，抹茶芝士蛋糕+玫瑰抹茶抹茶芭菲-雪糕有香濃既抹茶味道，甘甘甜甜，同係京都食既雪糕係一樣既，厥餅就淋得黎有咬口，有抹茶味得黎好清爽，丸子軟硬度都合格，芭菲下層就係cream同蜜桃冇咩特別，總括黎黎呢杯野係可以滿足到花心乜都想試既人 抹茶cheesecake+ ice cream-濃味既抹茶雪糕再加埋微甜既大粒紅豆蓉,2者甜度match得啱啱好，至於個cheesecake 都有好濃既抹茶味，甚至蓋過左芝士既味道，我個人認為可以甜返少少同埋可以落番d lamon juice令到個口感冇咁heavy,呢個cake 食到至尾真係有d漏 2個茶都一樣有個漏斗仔係隔離，佢會比滾水你自己沖，當d沙漏完之後就可以沖落個杯度飲，佢話可以沖2次，蘋果綠茶就酸酸地幾

剛剛遊完日本回來, 身為一個抺茶控, 在未出發之前已先做足功課, 不斷搜尋在日本的大大小小的抹茶專門店, 可惜......在九州找不到的抹茶專門店 (可能我不懂), 只知大板有不少。遇不上也沒有辦法, 只好在各大日本便利店尋找不同的抹茶食品, 試了期間限定Royce的杏仁抹茶雪糕批、有名的八女茶出品的抹茶雪條和Glico宇治抹茶鮮奶。 老實說, 一點都不滿足, 決意回港後相約愛吃抹茶的朋友仔來一場抺茶之夜, 放肆盡吃, 務求彌補日本之旅的遺憾 (好似好誇張咁, 哈!) 。近期有不少抺茶店過江龍, 由來自台灣, 亦有來自日本, 在友人推介來到一間剛剛上年10月在希慎廣場開幕的《京林屋》, 據網上資料所得, 它是一間京都百年老店, 在日本超過262年歷史, 日本全國有10間分店。看來來頭不少, 一於去試試。全店以木材設計, 門口和櫃枱均放了多款產品的模型, 賣相非常吸引。走進內裏, 燈光柔和, 設計簡樸優雅, 中間設有一張木長枱, 可坐約十人, 還有數張二至四人枱連一張長沙發座, 最特別是設有有兩個獨有的仿茶室和座, 滿有和風彩色, 為客人提供一個的寬敞舒適的私人空間 。慶幸安排坐在其中一

聽聞老字號名店黎左香港，一早就已經想潮聖了，終於約到友人一齊黎試食！不知是否中午時段，不是太多人等位，好忙就入左去！諗都唔諗就叫左叫個抹茶啫哩雪糕哈哈，一上枱，雪糕已經傾斜抹茶雪糕顏色好像幾靚，但味道一般，並不是太濃郁，回甘味不明顯，而且冰感好重，好易溶化。反而啫哩就有好香抹茶味，味道較雪糕為佳！雖然細細份，但兩個人食都好飽，好像幾抵食喎

1753年創立的京林屋，比中村藤吉還要老，在日本有超過10間分店，終於在上年10月進駐香港。媒體報道的幅度、抹茶粉絲的瘋狂，都不及中村藤吉開業時誇張。自詡超級粉絲的我，足足等了三個多月才來朝聖。選址希慎的百貨公司層，有點隱世埋名的神秘感。淺木色系的裝潢，未內進已感受到陣陣和風。最著名的款式，都鑲在玻璃盒子裡，有如抹茶博物館。經過門口旁的玻璃櫃，高貴得像珠寶店的首飾櫃，看真才發現全是供外賣的京林屋出品。內設兩個和式茶座，在香港也可以感受到茶室的氛圍，而且私隱度高，嘆茶一流。抹茶蕎麥麵（熱）吃麵純粹為了墊底，吃甜品的目標堅定不移。抹茶麵的份量竟不少，一定比宏的海藻麵多。不及宏配加州卷和沙律的麵豐富，只有一小碟醃蘿蔔。可是，賣相卻優雅得多。或者是湯沒有浸過麵，加上紫菜和菇的點綴，又或是大小適中的瓷碗跟宏過大的膠碗對比的效果。從不相信深綠的麵條有抹茶味，事實亦的確如此。偏腍的抹茶蕎麥麵說不上驚喜，但它稍帶抹茶味，成功改變我一貫的想法。簡單的麵，只配紫菜和菇。細細粒的菇，滑溜溜的，邊咬邊走。終於把它咬中，牙齒合上的一剎，就感受到它「POP」的一下爆開，口感煞是有趣。湯底清徹不帶油份，高湯濃郁清甜

香港人真係無甜品不歡，甜品店越開越多。特別是waffle及抺茶是近年大熱。繼「中村藤吉」後，又有間日本過江龍「京林屋」登陸香港。「京林屋」在日本京都原名為「京はやしや」，於1753年在金沢市創立，至1878年將茶園遷至京都宇治，直至1967年才在京都三条開設首間茶室；整體來說，在日本有二百多年歷史。在京都宇治設有自家茶園種植茶葉，以確保茶葉品質。論歷史及名氣，雖然比不上「中村藤吉」，但在日本的權威飲食網站 tablog.com 的茶屋組別， 排名也在前列位置。在日本擁有10間分店的「京はやしや」，今次在香港開設首間直營海外分店，並用上了漢字，正名為「京林屋」。最可喜的是並非採用專營權模式，實屬非常難得，因為絕對可以控制及保證出品的質素。為確保味道及品質跟總店無異，店方的抹茶粉、糖、蕨餅粉等原材料從日本空運到港，再由香港店的廚師每日即場製造，做出來的食物不會留過夜，保證新鮮。「中村藤吉」自開業以來，每逢假日都有長長的人龍，一直沒有機會光顧。「京林屋」門口的人龍沒有「中村藤吉」那麼誇張，反正都是在Hysan Place 閒逛，先拿個籌號等候入座……大約等了半小時便輪到我們。一貫日本料理店的

開業之時已經來過一次，當時有不少人排隊，雖然一直比尖咀另一來自京都的老字號少，但個人卻偏好這間！而且現在平日下午來，店內的人客都不多，真正提供了一個舒適的享茶空間。上次試過的，大部份我們都沒再叫，因為想試試新東西，不過就是再次翻啅了蕨餅！因為別處吃不到同樣的風味。蕨餅可以自行淋上黑糖、抹茶粉，口味自訂🤗軟糯冰凍的口感很不錯。上次沒吃到這個他們的招牌必點甜品！就是非常動L的半月布甸，平平無奇的賣相，但有入口即溶的口感，濃濃的甘香抹茶味徘徊口腔牙縫之中，很高質！大力推介！想一次過試幾款食物，胃又不夠大，可以點抹茶餡蜜，內裡就已經有蕨餅、寒天、白玉、紅豆。但我不太喜歡底部有些透明的寒天，口感似大菜糕的爽口，沒什麼味道，不是我喜歡的口感。上次試過香港限定芭菲，又試過抹茶雪糕，這次就點黑蜜芭菲。其實這個比較平凡吧！就是以雲尼拿雪糕為主，材料跟餡蜜的沒差多少，就是再加入了點粟米片令口感更富豐，而且抹茶啫喱換了焙茶的味道，不過其實嚐不出有焙茶的蹤影。雲尼拿雪糕的香味很出，但比較單調，所以淋上黑蜜，可以令層次更分明，不過兩者加起來，自然是比較甜的。鹹食方面，京林屋亦有提供麵食，抹茶麵有冷麵及湯麵兩款。