京林屋 (明宮閣) (已結業)

一大班女生聚在一起，第一時間一定想起甜品，我們也不例外，對於綠茶，焙茶的甜品更是沒有免疫力，一提到綠茶甜品，京林屋絕對是必吃綠茶甜品店之一。昨天只有我這個異類者，站在焙茶甜品那方，與她們的綠茶方對壘。焙茶芝士蛋糕這蛋糕的顏色，很適合秋天，入口時一開始是微冰的涼意，接著焙茶的香味順著這股涼意出現，最後是芝士的味道作個紮實的收尾，接著配上一口焙茶雪糕吃，不會膩，很適合我吃。朋友A的香港限定芭菲看起來也挺吸引，芭菲上桌後，她最先吃的是抹茶軟雪糕，口感滑溜，加上雪糕薄薄脆脆的吃更為滋味。忌廉上面撒上綿密的紅豆蓉和鋪下新鮮的士多啤梨不膩口，反而讓人一口接一口。抹茶卷蛋相當完整，抹茶果然香氣優雅，微微甘甜的抹茶味，卷蛋濕潤抹茶忌廉更顯清爽，以爆甜的紅豆蓉點綴吃，或是搭配香噴噴的抹茶雪糕及白玉吃，更顯美味。吃完抹茶卷蛋，再喝一杯熱騰騰的焙茶，可謂人生一大樂事，焙茶的口味比較重烘焙，朋友蠻喜愛這種重烘焙的茶感，喝起來十分芳香。朋友大愛特製林屋抹茶餡蜜，深綠色的抹茶凍吃起來相當純甘滑溜，而抹茶蕨餅還保有抹茶粉沙沙的口感，軟糯味美。倒上黑糖漿，啫喱瞬間變得甜美，還不錯，吃起來沒太大的負擔感。抹茶牛奶顏色討

暑假尾聲與囝囝去太古城的誠品睇書和買文具行經明宮閣的時候眼利的囝囝見到他至愛的抹茶甜品店 ... 京林屋由於時間尚早 ... 11:30AM仍未到午飯時間，店內未有食客，唔須等位 ... 當然入去食個晏先京林屋香港店推出了三款焙茶料理 ... 林屋和食料理、京式鰻魚飯和金目鯛定食我點了一客 ... 林屋和食料理 HK$88 +HK$20 配自選茶『桃味焙茶』我的 ... 林屋和食料理先到，可以揀凍或熱的之前在希慎店都飲過，鍾意它有陣陣桃香又有焙茶的甘香食物未到，悠閒地嘆著桃香撲鼻的焙茶，邊欣賞外面的風景，蠻寫意的熱的焙茶很抵飲的，附上一壺熱水，可以續飲 ... 大約可以泡 3 次茶如果第一次飲的話，可以跟著店員講解或者附上的泡茶跟引就可以囉 !!!我的... 林屋和食料理配菜有北寄貝沙律、豆腐漢堡、芝士腐皮卷和原粒帆立貝麵豉湯和主菜『汁煮鯖魚』，醬汁甜甜地拌飯一流新推出的焙茶料理都有一碗焙茶飯以焙茶代水去煮飯，煮出來的日本珍珠米吸收了焙茶香食落去的焙茶飯有淡淡的茶香，很特別囝囝的 ... 讚岐冷烏冬 HK$68兩個為食怪，這日特別好胃口食了咁豐富的料理，仲要食埋甜品囝囝的 ... 抺茶

印像中去過希慎廣場嘅京林屋，主要係食抹茶蕎麥麵同埋芭菲/雪山甜品，身邊好多鍾意食抹茶的朋友都提及過呢一間，不過太耐無到訪了。。今次去左太古果間，聽講佢添加咗主食，選擇多咗（可能我太耐沒更新），一於去試下佢啲套餐。同朋友都嗌咗兩款定食，成個set咁上。我嗌嘅係金目鯛定食＄88 金目鯛魚皮的脂肪非常多，肉質軟林，配上鹹鹹哋嘅醬汁非常好食，必定要送上是有紫菜茶漬飯，非常淡得很，配上這個魚就最好不過了。朋友點的是林屋和食料理$88 大約有魷魚沙律，乾魚仔，帆立貝，雞肉串燒同埋芝士條。。。。。。定食同時配有麵豉湯和酸蘿蔔前菜，還不錯，就是不太飽肚。飲品方面，選擇都好多，有暖飲，忌廉奶，沙冰等。朋友叫咗一杯宇治茶冰＄98 ，佢話綠茶味好重，點頭仲有一球抹茶雪糕，非常滑身，我都忍唔著試左啖。原來其他飲品有'暖'嘅選擇，但係呢個只有凍，沙冰嚟㗎嘛。玉露玉艷＄78 而我就嗌咗呢一壺茶，見佢最貴，一試便知龍與鳳。茶味非常濃烈之餘非常澀，杯子只有一口的分量，好厲害，這不就要品茶之類高級動作嗎XD? 最後還可以撈旁邊的茶葉來食，味道好像菜，非常特別，是新的體驗。最後兩個人share一客甜品：甘栗抺茶紅豆白玉甜

係太古城行街餓餓地上openrice見到新開咗間京林屋，見到好多甜品食，就決定去試試晚飯時間唔算多人，不過越夜越多依度啲甜品主要都用咗抹茶&焙茶而制，另外仲有飯，麵等野食提供。環境闊落，乾淨企理，適合慢慢傾計慢慢食京式鰻魚飯 $98因為喺米飯烹煮嘅時候加入左焙茶，所以令飯粒有茶香亦夠煙韌鰻魚味道濃郁，上枱時已經切好件，飯嘅份量唔多，不過同鰻魚份量成正比林屋和食料理 $88共八款小食再加焙茶味嘅飯，有傳統嘅和式家庭料理風味，我覺得比較好味嘅係海鮮沙律，送飯一流，另外木耳絲，芝士腐皮卷都唔錯林屋抹茶芭菲 $88份量超級多，鍾意食抹茶雪糕嘅一定超鍾意呢個中間全部都係抹茶雪糕，不過實在太多，所以最後食唔晒中間亦都有小丸子、紅豆、啫哩等等，口感味道都唔錯法式聖馬克抹茶蛋糕 $88賣相唔錯，抹茶蛋糕味道非常濃郁，而且鬆軟配抹茶雪糕加埋紅豆一齊食，perfect match焙茶牛奶忌廉 $48濃郁嘅茶味，加左牛奶忌廉都唔會太甜，反而橙味最明顯，味道非常唔錯，上枱嘅時候唔算太熱啱啱可以飲到

之前行銅鑼灣都見過京林屋，好想入去食，但次次都係食完飯先經過，一直未有機會食。最近有朋友係面書share太古城開左間分店，又了起我條引，近近地就決定去試下！地點好方便，一出太古站行兩三分鐘就到。店舖好闊落，唔會為左擺多幾張枱就逼到行都行唔到。店內光線好足，米米地色既裝修令人好舒服。職員有禮，話說隔離枱有位孕婦入座，女職員好細心甘分咐同事要準備杯暖水，好窩心！講返食物先！我地先叫左兩份主食:金目鯛定食，有麵豉湯、焙茶飯、漬物同超正既金目鯛！！第一次食金目鯛，愛上了！肉質好好好嫩滑！，厚肉，應該係腩位，有少少肥肉，食落好滑，皮好厚，好多骨膠原！哈哈個汁唔咸，limlim地，甜甜地，正到爆！京式鰻魚飯都係有麵豉湯同漬物。飯面有蛋絲同紫菜絲，鰻魚好林好滑，無骨，成碗熱辣辣！鰻魚有啲汁，濕濕地，撈埋飯食，好正！焙茶沙冰雪糕雪糕好creamy，好香滑既奶味，中間夾住清清既茶香味！沙冰都好濃，唔會因爲係沙冰就淡晒。正！焙茶卷蛋卷蛋好"海棉"，好林，好香焙茶味。清清地，中間啲cream甜度剛好，食完都唔會好流。好soft！抹茶芝士蛋糕抹茶味較芝士味重，好滑溜！餅底好香，咸咸地，有少少似肉桂味，好特別，

京林屋一向都係我嘅最愛。我真係好鍾意佢地嘅烏冬！佢地嘅湯底係冇其他家可比得上！魚餅又好食！好食到我完全唔記得影相😂😂😂😂😂一上菜就即食！湯底都比我飲曬，顛左！差d想叫多碗tim, 但要留肚食甜品老公食曼魚飯！曼魚肉厚冇骨 ，啖啖肉！飯又好味！日本米永遠都係最好味！好香好香嘅葡萄香！可以沖到4杯茶第一次食佢嘅熱甜品！以為咁多紅豆會冇綠茶味，omg, 原來綠茶味都係會搶左紅豆味！好正，湯丸係冇饀嘅。但同埋熱糖水食真係岩岩好。cream 好香！好有層次！

京林屋係百年老店之一，於1753年創立！太古城開左京林屋，而銅鑼灣同圓方都有分店，之前幾次都係食抹茶甜品，今次決定食下佢地既熟食。鐘意食鰻魚既我，點左京式鰻魚飯，鰻魚份量好足，切粒嘅鰻魚，好肥美，醬汁不會過多，鰻魚有油香，上面蓋滿蛋絲同紫菜絲，味道非常豐富，有湯有前菜，好滋味。金目鯛定食，樣貌有D乾身，食落先知大錯特錯，肉質嫩滑有彈性，好肥美，只係對比鰻魚下冇咁肥，一d腥味都冇，汁有少少甜，送飯一流，都係有湯有前菜！個人覺得比京式鰻魚飯有驚喜！見到限定就不由自主地選擇左！抹茶雪糕特多，加入丸子，厥餅，脆米，紅豆蓉，忌廉，底層有草莓，黑糖啫喱。勁多料，非常豐富，京林屋既抹茶雪糕非常「日本」，多苦少甜，甘醇之餘又濃郁，超滑溜同creamy！出色之作！抹茶冰沙有好濃抹茶味，抹茶雪糕係一球球，消暑佳品。茶香都好突出，芝士味都有， 球焙茶雪糕有好濃既茶味，蛋糕細細舊，岩岩好，小丸子＋紅豆真係正！

太古城是東區大型屋苑，有商場、各式食肆，自成一格。講到太古城食肆，東西南北美食都有，選擇很多，而且食肆組合亦常有變化，以保持食客新鮮感。我喜愛吃的烏冬和甜品店-----京林屋，最近也在太古城開了新分店，當然要去試試。我吃過銅鑼灣京林屋的烏冬和甜品，水準不錯，而且價錢合理，今晚想輕食，就去家附近的太古城新分店，先吃為快。京林屋太古分店有年輕人格調，佈置簡約，照明充足，店面一排落地玻璃，視野開揚，環境舒適。至於食品選擇方面，有各式烏冬、和食料理、定食、多款煎茶、焙茶、紅茶、焙茶蛋糕等。因肚子不餓，今晚輕食。點了熱讚岐烏冬配自選茶 ($88)，甜品點了焙茶卷蛋 ($88)，再要了焙茶沙冰雪糕 ($58)淺嚐一下。熱讚岐烏冬的扁圓烏冬以熱湯浸著，面頭放上兩片大魚餅、鳴門卷、玄米及碎紫菜。烏冬入口滑溜，面條有彈性，配上清甜湯底，味道不錯。除烏冬外，另附上醃漬蘿蔔一小碟，開胃可口。隨烏冬配了自選玄米茶，玄米茶用特色小茶壺裝載，賣相吸引。玄米香味濃郁，茶味清新，跟茶附上簡單泡茶小貼士和計時漏斗，認真窩心。 甜品焙茶卷蛋 ($88)，有焙茶雪糕、紅豆和小丸子伴碟。焙茶卷蛋，焙茶味豐富，蛋糕鬆軟，奶油忌

筆者雖然並唔算係個抹茶迷，但有時見到好姊妹喺公開平台分享抹茶甜品嘅相片，都會心思思想去品嘗吓。上星期在住處附近閒逛，發現創立於 1753 年，在日本京都宇治擁有 264 年歷史的抹茶老字號「京林屋 Kyo Hayashiya」，原來喺太古城中心屋苑樓下開設咗第二分店，嘩！咁就腳，梗係要同屋企人嚟試吓喇！選了星期四晚到訪，沒想到雖然係平日晚上，店子都竟然坐滿食客，惟有先去 APITA 地庫超市入貨。回程時，見客人已經走得七七八八，馬上入座。細看四周，一如銅鑼灣店，設計以柔和的淺木色為主調，配上一室和式裝潢及開揚嘅落地大玻璃，令整個用餐區添上清幽雅致的氣氛。翻開餐牌，甜食嘅選項和銅鑼灣店分別不大，同樣分為甜點、雪糕、雪山、芭菲和蛋糕等，不過鹹食選擇就比之前更加豐富，除了麵食外，還新推出咗三款焙茶料理，包括京式鰻魚飯、林屋和食料理及金目鯛定食。反正三款都未試過，就一於每樣點一客，先填飽肚子，再掃甜品。率先送上的京式鰻魚飯 ($98/單品、$118/配自選茶)  同平日食開嘅蒲燒鰻魚飯有點不同，鰻魚先烤香切粒，並加入以鰹魚和昆布熬製的芡汁及蛋絲等作配料。另外托盤上亦附有麵豉湯、醃漬蘿蔔、醬油及

今天很高興應朋友之約去太古城京林屋吃午飯。原來是日式料理，這裏環境優美，令人感到很舒服，服務甚佳。我們叫了兩個京式鰻魚飯，賣相和味道很好，還配了一碗麵豉湯。抹茶捲蛋糕只是微甜，有抹茶雪糕球，紅豆和糯米粒，色香味俱佳。還有抹茶芝士蛋糕，蛋糕小巧，也有抹茶和芝士的味道，也配上紅豆，抹茶雪糕和糯米粒，清涼可口。這是五星級酒店也不能吃到的，最後是玉露玉艷，原來是日本茶，飲完茶之後，茶葉可加上柚子醬油當作菜吃，味道特別。如果不是朋友的邀請，我也不能吃到這麼美味的午飯。非常感恩。

還記得剛在銅鑼灣進駐的京林屋經常大排長龍，因此使不少食客卻步，還好最近在太古開了分店。抹茶和焙茶甜品屬店內人氣商品，但也有主食，如飯/蕎麥麵/烏冬的套餐，因此午市都吸引不少人來朝聖。今次特意來品嚐焙茶卷蛋，沒有苦澀味，帶有陣陣濃郁細膩的茶香。配特軟腍的紅豆蓉和焙茶雪糕，為夏日帶來一陣涼意。烏冬湯頭調味剛好，食畢整個烏冬都不會太咸，烏冬有讚岐傳統風味，烏冬有口感和彈牙！配上昆布和炸魚餅，簡單好吃有魚香。烏冬有一小碟的嘖醃蘿蔔，酸酸地幾開胃。跟配的葡萄茶聞起來好甜，飲起來會有少許甘味，香味和茶味都可以用來中和甜品一掃煩悶心情。京式鰻魚飯 跟味噌湯 這客蒲燒鰻魚飯的醬汁香濃、香氣四溢，皆因是由新鮮鏗魚製成，一口飯一口鰻魚更添口感和層次。不用遠赴京都，都可以體驗日式料理！抹茶沙冰雪糕 抹茶控大嘆口感濃郁的抹茶冰淇淋，尤其喜歡其甘而不苦澀的抹茶香味。香港限定芭菲的抹茶軟雪糕濃郁奶滑，味道夠正宗，蕨餅、紅豆蓉、啫喱層層疊疊，看得人心花怒放。最愛入口香濃又軟的紅豆蓉，口感豐富。

京林屋系太古城附近新開ge分店終於開咗啦,終於可以系屋企附近食到正ge抹茶甜品~食完晚飯之後就黎咗試下.迫不及待地系餐牌上揀咗幾款甜品,秘製抹茶蕨餅 ($88)蕨餅整得唔錯,口感都幾滑,而且抹茶味夠濃郁,配埋距ge黑糖漿同點小小抹茶粉食,真係令人停唔到口.抹茶半月布丁($56)食完就係一個感覺!如果個布丁可以再大d就好啦):真係好好食,creamy之餘,口感又滑,抹茶味又濃,而且都幾清新,唔會好流ge感覺,真係好唔錯.香港限定芭菲($98)基本上系黎呢度必食ge甜品之一,濃滑ge抹茶雪糕,加上彈牙軟糯ge小丸子,抹茶味濃郁ge闕餅,仲有d紅豆,一齊食,完全系享受,每一款配料都系咁夾,好好食~~!!焙茶沙冰($48)焙茶味幾香,沙冰都夠滑,但奶味重咗dd我個人就覺得,但夏天飲都係非常唔錯ge選擇~好正ge抹茶甜品店,幾啱口味,而且價錢都唔算好貴,一定會再來的!!

今日，喺太古城新開嘅京林屋食晏，呢度裝修同銅鑼灣差唔多，一貫嘅日式清雅素淨，而且已經兩點幾，過咗午飯時間，食客比較疏落，空間好清爽，坐得好舒服。睇完餐牌，決定叫林屋和食料理，由四款食物組成，先食前菜八爪魚沙律，八爪魚夠爽彈，有口感，配埋沙律醬，味道好醒胃。飲番啖濃郁嘅味噌湯之後，就食煮物，豆腐雜菜漢堡，厚切嘅豆腐，賣相似漢堡扒，裡面加咗D雜菜，一啖咬落去，好軟熟，暖暖哋，有豆香，底下仲有D好惹味嘅醬汁豬肉片，同埋爽口嘅木耳絲，細細哋嘅份量，好好味。芝士魚蛋條，口感彈牙，好有芝士味，伴碟有帆立貝同埋日式魚乾，鹹鹹哋，送飯一流。呢碗淡啡色嘅飯，唔係一般嘅日本飯，好奇之下，問咗經理，原來佢哋加咗焙茶落D飯裡面一齊㷛，所以白飯變成啡飯，入口飯香之中夾住D茶香，我都係第一次食，夠晒有心思。燒鯖魚，加咗燒汁，帶住甜口嘅魚鮮味，同D焙茶飯，味道好夾。朋友食京式鰻魚飯，大大碗，個樣好吸引，切粒嘅鰻魚，微微煎過，香噴噴好軟滑，加埋蛋絲同紫菜，同樣係焙茶飯，味道豐富，好滋味。飯後，一定要飲番杯我至愛嘅玫瑰蘋果綠茶，花香加果香，好飲又養生。葡萄煎茶，茶色清透，一啖入口，茶香之中混住葡萄嘅淡甜，味道好清新。甜

上星期同咗抹茶控嘅朋友去完太古城行街後，去咗京林屋太古分店食晚餐餐廳裝修帶日式風格，感覺時尚同環境很舒適喜歡食鰻魚飯的我，點咗京式鰻魚飯，鰻魚份量很足，飯上面蓋滿蛋絲同紫菜絲，味道非常豐富，而且d飯係有味道，好食。朋友點咗林屋和食料理，料理賣相非常精緻，有帆立貝、海鮮沙律、鯖魚、魚乾等，朋友話好味道好滿足。跟餐配理蘋果玫瑰煎茶。店員會隨茶附上飲用說明書同講解一下程序。未飲已經聞到茶香味，飲到第三杯，茶味還很香我就點咗抺茶牛奶，抹茶味很濃，好飲食完熱食同飲品，當然要食理甜品，先係完美的一餐點咗香港限定芭菲，賣相非常靚，抺茶味雪糕很香濃，配上紅豆、綠茶啫喱、白肉、脆米等、囗感非常豐富，食完非常滿足抹茶芝士蛋糕蛋糕非常滑身、有很香很濃的抹茶味，同時也有很濃的芝士味，非常好食。旁邊的抺茶雪糕很軟滑，清清的抹茶味，再配白玉、清甜的紅豆一齊食，令到味道更有層次感

銅鑼灣嘅京林屋成日幫親 估佢唔到會選太古城做分店 哪麼就方便帶媽媽去飲下煎茶同食野 今晚約媽媽七點半集合一齊行過去 位置係太古城中心出面近唐宮閣 門面光猛 得兩三枱客 可能還早 被安排近埋邊坐位 Menu都大至一樣 夜左反而一家大細黎享用甜點 我仍然首選林屋和食料理 $88 有麵豉湯 醃蘿蔔 多款小食 配埋珍珠米飯 飯帶點硬但硬得黎有咬口 最鐘意甜甜魚乾 salad蛋角 青魚 餸份量剛好 送飯一流 湯又夠熱 媽媽選擇左京式鰻魚飯 $98 + 熱玄米茶 $20都幾多鰻魚粒 同蛋絲 d汁亦好夾 好好味 不過帶點腥 媽媽就話鰻魚係會有呢種味 個人口味太不同 侍應奉上玄米茶 細心介紹點樣沖泡 第一杯由他們準備 之後跟指示 添8成水泡30秒 就可再倒第二杯 約可沖三杯啦 還提供圖文並茂說明細心位有沙漏計時 無倒轉一次為30 秒 剛剛好香港限定芭菲 $88抹茶軟雪糕真係佢地招牌 滑又淡淡抹茶香 味道唔會過甜 還有好多配料 白玉 厥餅 紅豆 脆米通 真係賣相靚味道正 下次都係同媽媽share都夠 焙茶卷蛋 $98卷蛋好鬆軟 淡淡茶香 京林屋甜品恰到好處 控制甜度適中 配紅豆同白玉真係出色