京林屋 (明宮閣)

京林屋係百年老店之一，於1753年創立！太古城開左京林屋，而銅鑼灣同圓方都有分店，之前幾次都係食抹茶甜品，今次決定食下佢地既熟食。

1

京都鰻魚飯

$118

鐘意食鰻魚既我，點左京式鰻魚飯，鰻魚份量好足，切粒嘅鰻魚，好肥美，醬汁不會過多，鰻魚有油香，上面蓋滿蛋絲同紫菜絲，味道非常豐富，有湯有前菜，好滋味。

金目鯛定食

$118

金目鯛定食，樣貌有D乾身，食落先知大錯特錯，肉質嫩滑有彈性，好肥美，只係對比鰻魚下冇咁肥，一d腥味都冇，汁有少少甜，送飯一流，都係有湯有前菜！個人覺得比京式鰻魚飯有驚喜！

香港限定芭菲

$98

見到限定就不由自主地選擇左！
抹茶雪糕特多，加入丸子，厥餅，脆米，紅豆蓉，忌廉，底層有草莓，黑糖啫喱。勁多料，非常豐富，京林屋既抹茶雪糕非常「日本」，多苦少甜，甘醇之餘又濃郁，超滑溜同creamy！出色之作！

抹茶沙冰雪糕

$58

抹茶冰沙有好濃抹茶味，抹茶雪糕係一球球，消暑佳品。

焙茶芝士蛋糕

$108

茶香都好突出，芝士味都有， 球焙茶雪糕有好濃既茶味，蛋糕細細舊，岩岩好，小丸子＋紅豆真係正！