地點好方便，一出太古站行兩三分鐘就到。店舖好闊落，唔會為左擺多幾張枱就逼到行都行唔到。
店內光線好足，米米地色既裝修令人好舒服。職員有禮，話說隔離枱有位孕婦入座，女職員好細心甘分咐同事要準備杯暖水，好窩心！
講返食物先！
我地先叫左兩份主食:
金目鯛定食，有麵豉湯、焙茶飯、漬物同超正既金目鯛！！
第一次食金目鯛，愛上了！
肉質好好好嫩滑！，厚肉，應該係腩位，有少少肥肉，食落好滑，皮好厚，好多骨膠原！哈哈
個汁唔咸，limlim地，甜甜地，正到爆！
京式鰻魚飯
都係有麵豉湯同漬物。
飯面有蛋絲同紫菜絲，鰻魚好林好滑，無骨，成碗熱辣辣！鰻魚有啲汁，濕濕地，撈埋飯食，好正！
焙茶沙冰雪糕
雪糕好creamy，好香滑既奶味，中間夾住清清既茶香味！沙冰都好濃，唔會因爲係沙冰就淡晒。正！
焙茶卷蛋
卷蛋好"海棉"，好林，好香焙茶味。清清地，中間啲cream甜度剛好，食完都唔會好流。
好soft！
抹茶芝士蛋糕
抹茶味較芝士味重，好滑溜！餅底好香，咸咸地，有少少似肉桂味，好特別，好好味！抹茶雪糕都係抹茶味較重，好濃，唔會太甜。底既紅豆好林，好沙，相比雪糕甜少少，撈丸子食剛好！
超正！唔捨得甘快食晒
1
食甜品梗係要食杯茶啦！
會有張紙仔教我地點沖，仲有個沙漏幫我地計時
呢杯叫朝薰，比玫瑰蘋果茶濃茶味，好香茶味。
我呢杯係玫瑰蘋果煎茶
好香，飲得出有玫瑰同蘋果既香味，兩者好夾。清清地俾我既感覺好fresh，relax
我地沖左幾次都仲有味。
一路食甜品一路嘆杯茶真係好正！最佳享受！
加上呢度位置坐得好舒服，好適合情侶或好姐妹一齊黎談心，食件餅。
今晚好滿足，食物係厄like之選！哈哈！
一定會再黎！
