亞金南洋茶室 (元朗廣場) (已結業)

金記冰室而家開埋做南洋風味嘅餐廳，叫做亞金南洋茶室，雖然政府而家開返堂食，但係對餐廳生意都係大受打擊，計埋我地坐低都係得3枱客，唔知係咪因為咁，所以店員嘅服務係特別好。招牌叻沙嘅湯底有好重嘅椰香味，小小辣得黎好惹味，而呢碗叻沙入面材料有蝦、蟹柳、魚片頭同豆卜，豆腐吸收晒叻沙湯底嘅精華，正。至於碗面嘅面底係有兩種，分別係米粉同油面。檳城炒貴刁類似我地香港嘅炒河粉，貴刁炒得彈牙，唔錯。芭堤雅海鮮炒飯有半個菠蘿底，飯粒炒得乾身唔油膩，總括黎講都OK 。用煉奶黎沖嘅奶茶味道係唔同D。

元朗想吃泰菜不難找，可是想念地道馬來西亞風味的話，這家可滿足一下。一進店就有一種出國度假的感覺，今天就要放縱吃起來！先來一碗特色蝦湯麵，材料除了蝦以外，還有腩肉、魚皮頭跟豆卜。最喜歡他用上通菜，那種爽脆和湯汁簡直一口停不了！地道叻沙也是不能錯過，油麵加上米粉夾附的鮮香濃郁嘅秘製叻沙湯汁叫人每口都很滿足。椰香撲鼻，加上大大塊香茅豬扒，棒！招牌的無骨海南雞配油飯哪能不點，雞嫩油飯香！喝一口檸檬薏米水，裏頭還有糖冬瓜的微甜呢！

叫左個海南雞，葱多雞少跟湯同飯最後等左20分鐘先到，問左2次都冇黎隻雞仲要油lap lap,仲好鹹，真心唔會再去食。 服務態度又差，叫極個飯同湯都黎又冇人理。最後比錢時d人都懶懶閒咁

新春雖限聚，都要見下朋友嘅... 又去阿金南洋，今次下午茶餐印尼炒飯 炒大大碟，嗱！見圖有隻「 燶邊太陽蛋」又有塊手掌大龍蝦片，都脆，OK炒飯夠味 都算多料，起碼食到彈牙蝦5-6隻 奄尖小小挑剔啲：飯炒得有啲啲肥膩啦餐飲： 檸檬冬瓜薏米水x5越色豬扒撈檬一上枱「嘩」咁大塊嘅見圖一個大人雙手垂下坐，隻碟幾大塊香茅豬扒就幾大,唔係講笑....下午茶嚟咋醃得夠味，炸到金黃色好靚，肉質夠嫩隔離個 雞公茶壺其實係 酸汁魚露每人$50有找，又好食又夠飽 坐到6點，可以頂埋晚餐，學人168 啱曬

今日係年廿八，一早做完清潔，就出去行吓街辦下年貨😅我去到元朗廣場，見到亞金，望吓餐牌睇吓今日有乜嘢食先⋯，當然都順便睇吓多唔多人排隊等位，好快地唔洗3分鐘已經有位。今日試吓雞扒撈檬和熱咖啡先，落單大約5分鐘左右，先來一杯咖啡，咖啡係即磨咖啡，但係點解好似冇落煉奶😳唔緊要落啡糖啦，都好味。跟住嚟左碟「豬扒」撈檬😳乜⋯唔係雞扒💢我問一問侍應，單係落咗「豬扒」😔算啦，照食唔換啦。塊香茅豬扒係完全冇香茅味，又唔切開一件件，如果切開一件件會比較容易食，塊肉只係有少少咸味同少少熱，味道一般。個撈檬粉和配菜係好食而且份量一定夠食，個撈檬汁亦都好味，拌勻食真係唔錯😋侍應態度都好，上菜速度也快，店面乾淨。

新開半年已來過幾次啦！只是每次不是專注與波友聊天，就是急急腳，未有拍照寫食評。今天一個人（疫情不是一就是二人）做完運動，又想起亞金... 疫情限聚，大約午12時到達不需等位。 一樣都是掃碼點餐，發現電子餐牌內有多款新飯餐... 今日一心想食海南鶏飯，一看有好幾款，真係令我患上『選擇困難症』啊 終於決定試試「怡保芽菜雞飯套餐」；因本人有鶏翅驚恐症，問一下靚仔服務員如何在電子餐牌註明“走亦”。原來必須服務員下單，終於電子餐牌沒用上安安靜靜等餐一會，飯到 ：嘩啦啦...賣相好好，全部去骨，鷄肉全部望落 滑又嫩，入口都一樣噃配角芽菜新鮮，爽口油飯也不俗，入口不覺油膩 湯就一般，“師父”稍為多了，不過因運動完畢，清了！餐茶要了普通咖啡，茶餐廳水準可以啦。個人口味：可選南洋咖啡看看手機慢慢食，一樂也！$66找數,抵！疫後相信沒有這樣的時候了...

由於疫情關係，十點鐘食市一定要閂門，我同友人行街行到8點半，拿拿林搵間野填肚見呢間岩岩新開，又食東南亞野幾岩胃口，決定一試。一入門口，例牌檢查體溫，一坐低，職員已經力推二人餐🤔🤔我望過下餐牌，的確二人餐係一個幾好選擇。龍蝦叻沙勁大碗！！賣相已經好吸引，隻龍蝦都算新鮮。初時都驚唔夠兩個人食，但最尾都夠。叻沙湯底好夠味，唔算太辣，好惹味😋香茅雞翼拼豬扒一煎完就即上台，熱辣辣好香口，配埋叻沙一齊食，一流。椰汁紅豆冰 (少冰）呢杯紅豆冰可以話係估你唔到咁好飲，外面d 紅豆冰通常係好多冰，飲到一半之後都淡而無味，但呢杯紅豆冰 d 冰量岩岩好，最重要係飲到後尾仲好甜好好飲！熱南洋奶茶中規中距，幾香幾滑。另外加左個生菜，都係普通。總括黎講叻沙同紅豆冰好有驚喜，二百蚊黎講都算還可以，如果諗唔到食咩都會再黎。

喺南生圍，耗盡晒所有體力，好肚餓！睇完啱聽我去元朗睇吓有咩食！去咗元朗廣場行咗陣發覺有呢一間東南亞菜，餐廳環境幾大而且感覺幾乾淨於是就去咗呢間度食晚飯!揀咗個肉骨茶豬手雞腳配埋白飯豬手同雞腳，煮得非常之入味好香濃肉骨茶味道！食完之後就特別掛住馬來西亞！味道都幾正宗！我連個肉骨茶嘅湯都飲埋送飯真係一流！另外叫咗個小食拼盤裏邊有香茅煎雞翼、煎春卷同埋沙嗲串燒等等！而且每樣都有四件， 份量都幾多！全部都新鮮整起嘅香脆得來特別好味！簡簡單單兩個主菜加兩個白飯已經食飽！後來先發現原來呢間餐廳仲有幾間分店下次都可以去食下😋

上兩星期同同事行開元朗，經過見到呢間食南洋菜既餐廳，好似有啲吸引，就入去試吓喇，我地8個人就分兩張枱坐，叫左個六人餐，再另加小食，同飲品，除返開每人都係百幾蚊咋，但就真係食到好飽，好扺食，先講個六人餐，有拼盤，肉骨茶，咖哩牛腩，炒面，菜，海南雞，我地再加左個印尼炒飯，炒貴刁，同埋手撕雞，特別推介個海南雞，非常嫩滑，加埋醬汁一流，拼盤既蝦餅，串燒同雞翼都好好食，肉骨茶都ok，炒飯同貴刁有鑊氣得黎炒得又乾身，一啲都唔油膩！😋飲品我會推介沙冰系列，好香果味又唔太甜，成班同事都覺得呢間餐廳野食好食，地方坐落夠晒寬躺，環境又夠光猛，職員無論上菜定收野，都好有禮貌👍🏻，上菜又快，我地一定會再去幫襯！👍🏻👍🏻👍🏻

元朗美食多，但南洋餐廳選擇則不多，這天跟爸爸到元朗逛街，在元朗廣埸有所新餐廳，是吃海南雞，叻沙。這樣怎麼可以忍到口，爸爸點了肉骨茶，我當然點了海南雞和叻沙。用電話掃qrcode 下單的一字骨肉骨茶 配白飯和油條用上砂煲上菜可以保持熱度，湯頭濃郁中藥味，順口不會太攻鼻，骨的肥瘦比例合適，肉嫩易咬。米粒分明，油條尚算脆身。無骨海海南雞配地道喇沙海南雞雞皮如啫喱般滑溜，雞肉嫩口，去了骨更好吃，喇沙份量也不少，叫了滲滲，米粉和油麵兩種口感。玻璃魷魚通菜魷魚彈牙爽口，通菜清甜。香茅雞翼雞翼有點油，香茅味並不算太重，味道一般。下次該試下他們的棒棒蝦，看似很特別。另外服務態度很貼心，所以細節也能顧慮到客人，本身人客太多坐在迫挾的二人坐，另一枱走了，把我們安排到四人卡位。

見呢間係元朗新開嘅餐廳， 裝潢不錯， 價錢同一般茶記相當， 又懷念新加坡美食， 就抱著一試嘅心態入黎。 先叫了個招牌叻沙， 包活蝦，蟹棒，魚片頭，魷魚圈，豆卜。湯底好濃， 海鮮新鮮仲好爽口。招牌無骨海南雞飯，油飯包醬汁同埋湯，賣相吸引，雞皮稍厚，但雞肉好滑， 唔會太軟身。 油飯好香。小食叫咗個香茅雞翼， 炸到脆卜卜。唔會太乾身。加埋個泰式辣漿， 更好味。好耐冇去新加坡，試吓呢個南洋奶茶，煉奶底偏甜，南洋奶茶夠滑，茶味夠濃。友人叫了個椰香沙冰， 椰香味濃，唔似街邊啲多冰多水嘅。整體黎講， 餐廳乾淨，食物不錯， 最重要價錢夠平民。

招牌亞金無骨海南雞配油飯，海南雞啖啖肉之餘加上雞肉嫩滑，另外仲附有三款醬料分別係甜豉汁，酸辣醬同薑蓉，油飯亦煮得好好，每一口都有雞味。香茅豬扒併椰漿飯，豬扒肉質唔”鞋”，香茅味適中，而椰漿飯味道唔太濃，濃D 會比較好。喇沙湯底濃厚帶椰味 ，而且材料豐富 ，有蝦、魚片頭、蟹棒、魷魚圈、豆卜等等 ，魚蛋又好彈牙 ，無挑剔啊！招牌叻沙滲滲係材料有蝦、魚片頭、蟹棒、魷魚圈同豆卜，而滲滲係米粉同油麵嘅組合，所以每一啖都會有兩種唔同嘅口感，湯底有濃厚嘅椰子味，而辣度唔算高，就算係唔食得辣嘅人都可以食。鮮牛油咖央多士香氣十足，中間夾住大大塊牛油，食完一定要去跑步跑多兩個圈先得！味道又咸又甜，唔錯

今日逛下元朗廣場行完打算食埋晚飯先返屋企，見到有間食馬來西亞菜就去試吓，我地差唔多六點入去好彩未夠六點仲可以叫到下午茶。點左兩個餐輕怡招牌亞金叻沙和招牌無骨海南雞飯。輕怡招牌亞金叻沙（滲滲），滲滲即是米粉和油麵，有蝦好爽彈，蟹棒鮮甜，魚片頭彈牙，仲有雞蛋魷魚圈又彈牙，湯底又唔辣又有淡淡椰香湯底又濃郁好好味。招牌無骨海南雞飯招牌無骨海南雞飯，雞皮又唔會好肥膩，雞肉嫩滑又香，油飯又好香濃。跟餐加$32玻璃魷魚通菜，水魷魚好爽口，通香又好味道。跟餐加$38炸蝦餅炸到金黃色，蝦餅又有蝦肉又彈牙好美味可口。星加坡摩摩喳喳有我最鍾意芋丸，芋丸好煙韌喳喳又夠淋又唔會太甜榴槤波波內里淡淡榴槤肉好香又好好味。跟餐加$16芒果沙冰冰打到好幼滑。

屋企附近新開的，餐廳面積非常寬闊，座位坐得好舒服，最值得讚嘅就係員工招呼十分周到，又有禮貌又細心，抵讚👍食物方面意料之外，抵食又好味，用具亦別出心裁，公雞碗係我最鍾意😍總有一份懷舊感覺，有種人情味嘅親近..........今日只有我同老公兩個人，實在太肚餓，除咗個二人餐，我哋怕唔夠食，再叫多個海鮮炒飯，點知見到個二人餐已經呆咗😄超大碗嘅龍蝦喇沙，賣相吸引，真係原隻龍蝦👍二人餐仲有個小食拼盤，雞翼加豬扒，炒通菜，足夠二人食，價錢只係$198，相當實惠，喇沙淡淡椰香味又不太辣，連湯都飲晒豬扒和雞翼醃得好入味👍海鮮炒飯，有提子乾菠蘿鮮蝦等等...酸酸甜甜，出色最終全部食曬😄👍

我又去咗一間新開嘅餐廳位於元朗廣場2樓!餐廳環境都唔錯!坐落感覺都幾好!.輕怡檳城炒貴刁招牌AKAM無骨海南雞飯*油飯鮮牛油咖央多士配迷你南洋熱即磨白咖啡椰汁珍多冰肉鬆煉奶油酥餅香芧雞翼玻璃魷魚通菜炸蝦餅.招牌AKAM無骨海南雞飯*油飯*海南雞望落冇乜特別🤔🤔🤔!雞味都幾香😙😙😙!食入口都唔覺得油!雞肉都好嫩滑!去嘅油飯好香又夠味!都算唔錯!.輕怡檳城炒貴刁:賣相都唔錯!食入口貴刁好又口感軟硬適中!又唔會好腍身!味道都好好味!都好有水準!.肉鬆煉奶油酥餅:賣相好吸引!睇見都想食😋😋😋!食入口好香肉鬆味道😙😙😙!咬入口好烟韌!好有口感!咸咸甜甜味道好特別!真係好正👍👍👍!值得試吓!.鮮牛油咖央多士配迷你南洋:這件牛油咖央多士十分香口!食入口外脆內軟!好大塊牛油夾住咖央多士!食入口咸咸甜甜!味道好特別!配埋碗迷你南洋真係唔錯!.香茅雞翼:雞翼聞到香茅嘅味道😙😙😙!外脆內軟!味道都唔錯😋😋😋!.炸蝦餅:賣相好吸引😍😍😍!外皮十分之金黄!外脆內軟!食入口好香蝦嘅味道!味道十足😋😋😋!.玻璃魷魚通菜:魷魚咬落去好爽口!味道又唔錯😋😋😋好有口感!通菜又夠脆綠!食入口好爽口!.價錢大眾化又唔貴!食物