亞金南洋茶室 (元朗廣場) (已結業)

金記冰室而家開埋做南洋風味嘅餐廳，叫做亞金南洋茶室，雖然政府而家開返堂食，但係對餐廳生意都係大受打擊，計埋我地坐低都係得3枱客，唔知係咪因為咁，所以店員嘅服務係特別好。招牌叻沙嘅湯底有好重嘅椰香味，小小辣得黎好惹味，而呢碗叻沙入面材料有蝦、蟹柳、魚片頭同豆卜，豆腐吸收晒叻沙湯底嘅精華，正。至於碗面嘅面底係有兩種，分別係米粉同油面。檳城炒貴刁類似我地香港嘅炒河粉，貴刁炒得彈牙，唔錯。芭堤雅海鮮炒飯有半個菠蘿底，飯粒炒得乾身唔油膩，總括黎講都OK 。用煉奶黎沖嘅奶茶味道係唔同D。