亞金南洋茶室 (元朗廣場) (已結業)

見呢間係元朗新開嘅餐廳， 裝潢不錯， 價錢同一般茶記相當， 又懷念新加坡美食， 就抱著一試嘅心態入黎。 先叫了個招牌叻沙， 包活蝦，蟹棒，魚片頭，魷魚圈，豆卜。湯底好濃， 海鮮新鮮仲好爽口。招牌無骨海南雞飯，油飯包醬汁同埋湯，賣相吸引，雞皮稍厚，但雞肉好滑， 唔會太軟身。 油飯好香。小食叫咗個香茅雞翼， 炸到脆卜卜。唔會太乾身。加埋個泰式辣漿， 更好味。好耐冇去新加坡，試吓呢個南洋奶茶，煉奶底偏甜，南洋奶茶夠滑，茶味夠濃。友人叫了個椰香沙冰， 椰香味濃，唔似街邊啲多冰多水嘅。整體黎講， 餐廳乾淨，食物不錯， 最重要價錢夠平民。