亞金南洋茶室 (元朗廣場) (已結業)

今日係年廿八，一早做完清潔，就出去行吓街辦下年貨😅我去到元朗廣場，見到亞金，望吓餐牌睇吓今日有乜嘢食先⋯，當然都順便睇吓多唔多人排隊等位，好快地唔洗3分鐘已經有位。今日試吓雞扒撈檬和熱咖啡先，落單大約5分鐘左右，先來一杯咖啡，咖啡係即磨咖啡，但係點解好似冇落煉奶😳唔緊要落啡糖啦，都好味。跟住嚟左碟「豬扒」撈檬😳乜⋯唔係雞扒💢我問一問侍應，單係落咗「豬扒」😔算啦，照食唔換啦。塊香茅豬扒係完全冇香茅味，又唔切開一件件，如果切開一件件會比較容易食，塊肉只係有少少咸味同少少熱，味道一般。個撈檬粉和配菜係好食而且份量一定夠食，個撈檬汁亦都好味，拌勻食真係唔錯😋侍應態度都好，上菜速度也快，店面乾淨。