影片
更多
2018-05-09
1582 浏览
勢估唔到元朗都有澳門野食，話說星期5經過yoho town揾食，見到有供應澳門美食既亞薩爾，個名好得意，睇多陣發覺原來係賣澳門美食既餐廳餐廳環境舒適，空間感極好，似高級餐廳多過似茶餐廳！餐廳提供既食物種類眾多，由小食到澳門傳統食品，到甜品如葡撻都有供應，應該話應有盡有！我同同事今日叫左兩個set lunch嚟食，+$12 有餐湯跟，忌廉味濃郁，帶點粟米甜味，加埋個香脆又極重蒜蓉味既包，真係非常開胃！第一個set lunch沙甸魚多士好快送到，賣相吸引，完全唔似傳統葡菜感覺，沙甸魚打碎左喺同埋d酸酸甜甜沙律醬一齊上，配埋d蒜蓉包食，唔會覺得滯！而且唔駛擔心唔夠食，因為仲有香辣既薯角，配埋兜幾辣既肉醬汁，十分惹味！份量足夠一個人食！另一個咖哩牛筋腩飯都好快送到，咖哩味香濃，未食都知會偏辣，食落牛筋腩更出色，不但軟稔，而且牛味十足，咖哩亦十分入味，薯仔相信都煎過，比較香口！餐飲我就叫左杯熱奶茶，茶味香濃且滑，屬水準之作同事就叫左杯荔枝梳打，甜味適中，帶點荔枝香味！而今日最驚喜既就係最後order既葡撻，熱辣辣送到，除左原味外，我哋都專登多叫一個佢哋既招牌燕窩試下！先嚟試食一下原味焦糖葡撻，蛋
餐廳環境舒適，空間感極好，似高級餐廳多過似茶餐廳！
餐廳提供既食物種類眾多，由小食到澳門傳統食品，到甜品如葡撻都有供應，應該話應有盡有！
我同同事今日叫左兩個set lunch嚟食，+$12 有餐湯跟，忌廉味濃郁，帶點粟米甜味，加埋個香脆又極重蒜蓉味既包，真係非常開胃！
第一個set lunch沙甸魚多士好快送到，賣相吸引，完全唔似傳統葡菜感覺，沙甸魚打碎左喺同埋d酸酸甜甜沙律醬一齊上，配埋d蒜蓉包食，唔會覺得滯！而且唔駛擔心唔夠食，因為仲有香辣既薯角，配埋兜幾辣既肉醬汁，十分惹味！份量足夠一個人食！
另一個咖哩牛筋腩飯都好快送到，咖哩味香濃，未食都知會偏辣，食落牛筋腩更出色，不但軟稔，而且牛味十足，咖哩亦十分入味，薯仔相信都煎過，比較香口！
餐飲我就叫左杯熱奶茶，茶味香濃且滑，屬水準之作
同事就叫左杯荔枝梳打，甜味適中，帶點荔枝香味！
而今日最驚喜既就係最後order既葡撻，熱辣辣送到，除左原味外，我哋都專登多叫一個佢哋既招牌燕窩試下！先嚟試食一下原味焦糖葡撻，蛋味香濃且滑，酥皮都幾脆，牛油味香！另外個燕窩葡撻其實同原味差唔多，不過就多左層少少甜味既燕窩喺頂滿滿咁覆蓋住，而燕窩應該係上檯前先加在葡撻面！
最後要特別讚下餐廳，服務好不在話下，好耐無見過待應會咁細心喺度用布抹餐具，睇見都對佢哋d餐具衛生有信心！
张贴
