亞萊泰 (黃大仙中心北館) (已搬遷) 新店位置

自從屋企附近既黃大仙中心開左亞萊泰之後，由開張食到而家， 平均一個月都去食一兩次， 貪佢幾好味又唔洗加一。不過最近覺間野水準越黎越差啦。當初開張d海南雞又大碟，肉嫩滑。而家斬到大大舊， 上檯係熱既， 好似白灼雞咁， 好鞋。特價鐵板無骨豬手， 預左多人叫， 冇咩期望。但冇諗過只係暖， 鐵板上唔係要熱先岩架咩？還好豬手夠滑， 啖啖肉， 尚可接受。咖哩農夫包保持水準，仲係多料多汁， 面包外脆內軟， 好香牛油味， 索埋d咖喱汁仲香。 食完硬係覺得差左d野， 就叫左個芒果糯米飯。 成晚最好食係佢， 糯米飯熱辣辣， 加埋椰汁又香又濕潤。美中不足係芒果有少少酸。二人埋單未洗三百五， 泰菜黎講ok平架啦。

唔少香港人其實都好鐘意食泰國菜，基本上耐唔耐都想食返一餐。有時朋友住係黃大仙附近都會去試呢間泰國菜餐廳，特別印象深刻係經理服務非常周到，介紹咗好多泰國菜特色。一坐底店員就拎咗個蝦片嚟，蝦片脆身、店員貼心，唔錯。餐牌內都有好多唔同類型泰國菜選擇，最後就見到有個２人套餐非常抵食，就揀咗佢啦。套餐包括：串燒＋主菜一款＋炒菜＋飲品泰式沙嗲串燒，豬肉及雞肉各３串。串燒最靚嘅係食落無渣，而且咬落去肉香多汁真係好好味。而我就特別鐘意佢個雞肉串，表面特別甘香，加埋個沙嗲汁一齊食真係無得輸。泰式海南雞海南雞肉嫩滑，連埋雞皮一齊食都唔會覺得肥，加埋海南雞醬食唔錯。馬拉盞炒椰菜苗食咗咁多肉當然要食吓菜啦，馬拉盞炒椰菜苗份量都算多，而且有濃濃馬拉盞香味，食咗一半已經好飽。最後就係冬蔭功湯，呢個係２人份內，每人都飲到２－３碗左右。入面材料都好豐富，好似料多過湯，哈哈。味道方面都唔錯酸辣方面都夾得好好，飲完仲暖粒粒。

忽然想食泰國野係學校搭兩個站去黃大仙試下間新野一兩點去到可以已經過左lunch hour所以餐廳無乜人 叫左個沙律 主菜 同一大堆小食😛首先黎的係原條酥炸魚鬆金柚子沙律原條魚大得驚人 嚇一嚇魚肉拆晒出黎酥炸 炸得好香口加埋啲酸酸甜甜的汁好開胃仲有啲金柚好甜好醒胃之後係泰式生蝦 一碟有六隻好大隻肥美 感覺好新鮮😛再黎泰式串燒 豬同雞各兩串燒得好香唔會太老 個人黎講中意雞多啲！再黎個軟殻蟹米紙卷 有四件入面除左有主角軟殻蟹仲有牛油味 芒果 粉絲 青瓜同菜 口感好豐富 菜同青瓜中和左炸軟殻蟹的油膩感 粉絲都增加口感食完埋小食已經好飽 但仲有泰式金邊粉即係Phad Thai 有幾隻蝦 調味幾好 最後黎的係鐵板蠔仔煎蛋份量十足 絕無偷工減料 但個味就略淡 最後食到飽飽 四個人埋單五百幾 都幾抵食

食到最後 甜品控哪有不點甜品的道理點甜品拼盤就所有款式都可以試曬非常有驚喜呢～出色的甜品泰式甜品拼盤 椰汁西米糕、椰汁千層糕、芒果西米椰汁糕、綠豆糯米𥔵、椰絲糯米𥔵你知道這是什麼嗎？係綠荳糯米糍！仲要係熱的超特別 真係第一次食本身無甜味 純去殼綠豆黏左糯米糍上 灑點砂糖係上面 微甜的 簡單而美味好粉糯既綠豆美味分數: 4/5椰絲糯米糍最喜歡和推薦的一款!!!這不是平時很甜的椰絲，而是真正的椰子絲，沒有甜味 但能增加口感！入面煙韌的糯米糍包住似椰子糖的內餡，非常美味！真令人意想不到美味分數: 5/5椰汁千層糕這款較甜，不太吃到椰子味，可能因為甜度較高 但也是夠煙un的美味分數: 3/5椰汁西米糕 椰汁西米露的糕點版！椰汁味重而且還帶點咸香的糕點，入面還吃到芋頭呢美味分數: 4/5芒果椰汁西米糕芒果味濃 甜度適中 椰汁味被芒果味蓋過 但西米煙un 整體不錯 美味分數: 4/5吃完幸福感馬上湧現～～!絕對係值得一試的泰式甜品

第一次來到Aroi Thai，店員非常熱情的招待！大家都很有禮貌和耐心的介紹特色菜式黃大仙分店環境寬闊，坐都坐得特別舒適！泰式明爐青檸蒸盲鰽$142 （5/5）辣度適中 吾敢食辣既我都接受到！有d似冬蔭公湯底 青檸味好出 好多蒜頭增加口感 魚肉非常鮮甜嫩滑非常推薦！泰式海南雞 $85(半隻)（3/5）中規中矩 肉質不會鞋 但味道不夠？不算太出色 但也不差～芭提雅燒雞 $85(半隻) (3/5)與海南雞的分別就是 這個燒得較乾身 但因加入醃料去燒 所以也較為香口 兩種不同的口感 各有特色～鹹魚炒椰菜苗$68 (4/5)調味非常適中 不會過咸或過油！鹹魚份量也很足夠 不會像其他餐廳只有一兩小舊淨比個樣你睇蒜蓉炒芥蘭 $58 (4/5)炒菜炒得出色 吾會超油又乾鞋鞋 好鮮嫩的芥蘭炭燒原隻魷魚 $68 (4/5)估吾到甘嫩滑都吾洗點咬 超新鮮的魷魚鐵板鹵水無骨豬手 $85 (2/5)依家做緊優惠$58鹵得非常入味 但有點愈食愈咸的感覺同埋真係要趁熱食！凍左就會變到好un喇！泰國鮮椰青 $35食泰國菜當然要飲椰青！超超超清甜！真係吾飲吾得仲叫左出色的甜品拼盤下篇介紹

去完黃大仙廟拜完神就去呢度試下首先我地嗌左一杯菠蘿冰一杯菠蘿梳打結果黎左2杯菠蘿冰 仲要落錯單 甘樣我覺得好小事冇乜問題然後我嗌左一個豬頸肉一個札肉 結果係黎左2個札肉 黎左一個札肉嗰陣我以為另一個係豬頸肉 淨係食左小小麵 甘黎錯左正常都會要求比翻嗰岩嘅我甘有個札住頭髮嘅女人過黎 我地就話出錯左 要換翻 但係佢就用勁差嘅態度講 你食左喇喎 冇得換 真心嗰下覺得茶記嘅服務都好過佢我見其他侍應都笑笑口ok嘅，唯獨係佢嘅態度同語氣 五知以為自己去左澳州牛奶公司

又到午飯時間，今日就選擇左位置北館覺得唔錯嘅aroi Thai食個泰午餐。之前最鐘意係度叫海南雞飯，今次試下無骨豬手飯。同事就叫左泰式鮮蝦炒金邊粉。無骨豬手飯 $50 飯量很多，豬手外皮Q彈 肉質都算稔，但咬落有少許痴牙。另外略嫌煮豬手嘅醬汁唔似泰式，似港式。鮮蝦炒金邊粉 $58金邊粉炒得乾身，唔會痴埋一堆，蝦仁都幾大隻爽口，調味酸酸甜甜 ，不錯

同屋企人 (6大人+1小朋友) 食生日飯，由於有小朋友，唔想佢咁遲先食完飯，所以近近地晌屋企附近揀啲特別菜食咗，最終都揀咗呢間泰國嘢餐廳門口寫到明逢星期一至五8:45PM後入座有85折，不過等唔到咁晏，所以正價入去食晚飯時間嚟講餐廳都80-90%坐滿，都幾好生意呀最後我哋點咗以下嘢食：青木爪絲沙律——個沙律汁幾好，入面中花生脆，但感覺可以辣多啲啲招牌咖喱軟殼蟹——講到喺招牌但感覺比較失望，嚟到軟殼蟹同咖喱汁分開上，蟹還蟹，個咖喱汁好普通，同農夫包個一樣，完全唔覺得有咩特別同成為招牌菜咖喱海中寶農夫包——有青口、鮑魚、蝦等配料，個包好大，不過感覺汁唔太夠，多啲會好啲，去到包底層有唔夠汁情況出現青咖喱雞——雞幾嫰口，入面仲有泰式茄子作配料，送飯一流 (飯要另外叫，可叫白飯$12, 黃薑飯$15，黃薑飯個味幾好，唔太油)無骨豬手——餐廳做緊特價，豬手好「林」，味道都可以泰式生蝦炒金邊粉——配料多個粉，唔特別大碟，酸啲會再好啲泰式拼盤——春卷4舊、蝦餅4萏、魚蛋4粒等…多人食就OK，個人感覺春卷最好味最後埋單609蚊，除番每個人100蚊到，唔太貴，同埋個個都係食到好飽走，住附近嘅想食泰國嘢都可

偷到半天見面，先一起吃午餐再去hea熱暖中情侶自然是很黏身要時常見面的。Mr sqaure以前一個孤家寡人來吃，他介紹我吃海南雞。看一半客人也點它，絕對萬無一失。醬油膏，薑泥同酸辣醬，有板有眼的，用來蘸雞肉一流更香，當然雞肉也很嫩滑。湯沒喝，因都知是味精湯居多，撈了入面的青紅蘿蔔吃補充一下蔬菜就算了。雞湯油飯對味，粒粒都有雞湯精華同油香雖然我兩小時前才吃了豐富早餐，還是被我扒光光。四方果先生遷就我，放棄了最愛的牛腩咖哩，改做豬扒咖哩，經常取笑我是豬要以形補形，用心良苦啊！豬扒帶骨比較乾身，但那咖哩汁可以令人一滴都不放過的魔力。咖哩不會辣，加入了蛋混成更香更滑，就似是咖哩炒蟹那汁一樣，撈白飯一流，不要豬扒已可以令人吃光光飯了本身包熱飲，但加8元轉特飲 心繫紅豆椰汁冰，紅豆沒加糖煮有點草腥且不夠腍身，而椰汁比較甜，飲品真的比較一般人均消費60來元，吃飽飽沒難度。

星期日6點去到，個場都好吉。我地4個人。好多臺同卡位都未有人坐。入去個下要求坐卡位，佢話只可以安排坐中間，其中一個就叫我地坐住先。咁之後隔離檯卡位埋單走，我地話可唔可以轉卡位檯。佢就話：'外面有人等緊位，出去摞飛好嗎？'我地當堂傻佐，我話：'你既意思叫我地全部出去拎飛重新排隊'。佢即刻推話要外面侍應安排，當堂火都黎埋。即刻一行人要求埋單走人。第一次食飯食到咁嬲

早幾日中午經過黃大仙中心北館，看見一間格調不錯的泰國菜館，於是決定試下這裡的泰菜。午餐選擇多，最後選了泰式扎肉雞絲凍檬，這道菜式不算特別，但十分足料，味道也不錯，大大碗$43, 倘可接受，而 加$8 可以有"芒果椰汁特飲" ,  大滿足。這間泰國菜館店內裝修有點簡潔時尚，不像在九龍城傳統的泰國菜館，估唔到在黃大仙區有間格調不錯的泰國菜館。稍稍看過a la carte 餐牌，頗多選擇，咖喱海中寶農夫包幾特別， 看相片包內有多種海鮮，可以下次來試下晚餐。始終下午食午餐時間比較趕，服務一般，但普遍店員也有禮貌  。而且這裡全日不收加一，以份量、價錢及食物質素來說，加上環境不錯，總算是性價比不差的泰國菜館，值得一試。

第一次寫食評，人少唔駛等位原來有原因!服務差都唔緊要，餐牌上我點親既，同我地講未有貨，算，散叫個豬手飯等左半粒鐘先黎話廚房話無貨，我忍唔住話點解要半個鐘後先通知，個侍應答廚房無通知佢，好一間不知所謂既餐廳!同父母食到勁掃興，走既時候見到上海婆婆，再入去食過!

叫咗個炒米, $58, 得三隻蝦, 其餘全部都系豆腐乾, 侍應話有雞肉, 無！冇泰式風味。其它飯可接受！..............................

無咩影相 唔好意思因為平時無寫開食評 今次係太難食先寫叫左海南雞垃沙湯河湯底就普通 d啲雞大部份係雞胸重點唔係成個都熱 似係煮好翻熱仲叫左咖哩軟殼蟹無記錯要108點知得幾舊 仲要係咖喱同軟殼蟹分開仲跟埋好硬嘅檬粉我寧願你比多少少軟殼蟹同咖喱好過同埋又好似係煮好翻熱咁生蝦就普普通通 正正常常無下次

新開張，又是港人最愛的泰國菜，未夠七點已排長龍，裝修樸素風味，感覺高級，而價錢是中游，不算貴但也不平宜說回菜式，本人最愛的辣肉碎生菜包，講真又好難煮得差，不過生菜的確是新鮮而另一個海鮮炒飯味道亦中上，炒得乾身，不會炒得油淋淋。最差要數豬扒河粉，雖然賣相吸引，但是豬扒厚而乾身且最致命的是硬，河粉是厚河粉，一般用黎炒果種，這個真的不合格，其菜式整體ok