亞萊泰 (黃大仙中心北館) (已搬遷) 新店位置

今日同朋友去食尼間下午餐，其實本身我都冇留意過尼間野，不過朋友住係黃大仙，佢話同我去食好野，咁見肚餓就醫下肚咁啦！入到去睇間餐廳個樣都幾好，個牆有泰文的牆身，都幾得意，光透出黎令成個氣氛都幾好，店面幾乾淨，我地坐卡位都唔會有垃圾係角位。之後我地一人叫左個飯同麵，平均$40左右，食到個好味的泰國菜真係抵第一個係泰式喇沙海南雞湯河$40，尼個我真係好鐘意，佢個湯頭真係好香濃，一上枱未食陣香己經上黎，湯很稠，有一點點辣，對於食得辣的我可以再多d , 我朋友話完全冇辣添！但係個湯配河粉真係好味，出面好多都係拉麵，河粉食起身順口好多，而且湯好似更加突出而且個海南雞係佢地公司招牌，真係幾滑，好話平時的雞絲好多。另外一個就係馬沙文咖哩豬扒飯$39，尼個就普通左d，似平時食到的黃咖哩飯，豬肉應該有用香矛浸過，炸完都幾香，味道唔差，中等水平，想食咖哩過口癮都可以試下，不過單咖哩入面材料唔係好多幾塊洋蔥同薯仔咁，但一個下午茶黎講，飽曬！！！

今日同媽咪慶祝下母親節去完睇戲之後想食d重口味的野食，見到係龍翔中心有間泰國野好似唔差咁，睇起身都幾大，就行入去試下啦！（兩個睇外表的女人🙈🙈）我地兩個人唔係食到好多野，叫左3樣野第一個係冬陰公，尼個完全係我的至愛，為左佢我一定會再返黎食，冬陰公的湯底無平時咁酸，辣味夠，而且奶味重得黎又好清新，真係對一個冬陰公的期望，佢都比到曬我，差唔多成碗飲曬，而且佢好足料蕃茄仔，大蝦都比其他餐廳多，雖然我就唔係好識分正唔正宗，但係真係好好飲，簡直俘虜我的心🤤🤤🤤相比起冬陰公其他味道都係水平位，不過個我尼d鐘意試新野的人，就叫左佢地個咖哩牛腩，見到人地上台連埋火爐好似好勁咁，我一於都叫返個先得啦！食落去都幾香椰奶味，牛腩炆得好'林'，而且一份的牛腩數量好多，兩個人食都食唔曬，不過我就覺得可以再辣D，唔夠重口味🌶🌶如果唔食得辣的人返而會鐘意。最後就係個泰式鮮蝦金邊粉，佢上面有好多花生碎，同埋d青檸，我就咩都落曬黎食，口感好豐富，疏菜好爽脆加上花生同埋彈牙的金邊粉真係唔錯！！之後我仲將剩左的咖哩汁加入去，將重口味實行到底，食起身又係另一種感覺，無咁乾身，濕潤好多，我自就鐘意食加左咖哩的味多d，不過最好笑

下午喺黃大仙區搵食，便嚟到黃大仙中心睇吓，呢度都算係多嘢食，價錢有平有貴，呢間《阿萊泰》價錢算平，仲有套餐～午餐有飯有麵，而且有學生餐，$36包埋嘢飲即刻抵哂～好彩早少少嚟到，1230就開始多人，差唔多坐滿。點咗個咖喱豬扒香米飯，但係等咗好耐先有。咖喱汁多，唔係好辣，但淨係得幾舊薯仔在內～金邊粉用個 pan 裝住上幾得意，份量都唔少，有好多芽菜同青蔥，仲落咗啲花生粒有啲口感，但雞肉就比較大舊，如果切成細條一絲絲會更好～

放工番到屋企樓下已經8點幾9點，超肚餓，為左吾好中伏，我揀左比較多人排隊嘅亞萊泰。我平時好少食泰國野，因為我個人是不太能食辣，所以我今次都只係叫左炒貴刁加個泰國鮮椰青做今晚嘅晚餐。炒貴刁幾夠獲氣，配料又唔少，最緊要係唔油！咁夜食飯都無咁大罪惡感。泰國鮮椰青就不過不失啦，椰水都夠清甜。最令我開心係D椰肉只要輕輕一挖就與椰殼分離，可以做埋甜品，滿足！本來想叫個前菜，但一個人食始終試吾到太多樣野，有點可惜。

今天和同事到黃大仙做嘢， 都午餐時分, 便揀了這間泰國菜, 見他的價錢也很大眾化，平均40幾元至50幾元一個午市套餐，附送普通熱飲和免加一。我們叫了菠蘿炒飯拼串燒和喇沙豬頸肉肉丸湯河。 菠蘿炒飯拼串燒的串燒醬很惹味， 波蘿炒飯也很有鑊氣， 分量也唔少， 另外喇沙豬頸肉肉丸湯河的湯味濃郁，湯底有濃濃的椰香味， 也不會太辣，口味大眾化，豬頸肉就不過不失，如果能烤得再香d會更加好吃 !以這個價錢的泰菜, 水準也就已經不錯了 ! 難怪五餐時間座無虛席 !

很少有機會來黃大仙食嘢，今日行獅子山後落到黃大仙中心，看到這一家平價的午餐店。店舖不大但座位設置緊密，無需等很久便可入內。根據推介落單豬手飯同埋炒牛河。豬手量非常大，肥瘦相間處極為美味，但香米好似一般米飯，不如加多幾元換為姜米更加入味。食客很多，環境一般，是便餐的不錯之選。

今日同媽咪食晏，忽然想食泰國菜，咁啱嚟到黄大仙北館，見到呢間泰國菜館好寬躺，由於未夠12pm好多位，於是就試試呢間。招呼好，不過……好烏龍，又落錯單，又成日比錯嘢食，好彩……有叫嘅都嚟齊，比多咗嘅，話佢知，即刻攞返走。我哋人少，只係叫咗兩個餸，一杯熱飲，兩個白飯。好彩早坐低，坐落唔洗十五分鐘，就已經爆滿。泰式……唔記得係焗定炆豬手,味道Ok,D皮夠(淋),馬拉盞炒通菜都係一般，都算不過不失啦！不過，坐得舒服，服務員態度好，可以再幫襯。

星期日晚上約左位好耐無見既朋友，朋友表示佢屋企附近有間泰國野好吸引，於是就跟左佢去黃大仙中心一樓既亞萊泰餐廳！餐廳環境感覺舒適寬敞，完全無迫既感覺~ 而且環境唔算嘈，食野之餘仲可以享受傾計既過程，同埋店員好好安排左二人卡位俾我地睇餐牌睇到選擇困難症發作，因為實在太多野都想食所以最後決定搵店員介紹。店員根據返我地既食量同喜好揀左三款野食俾我地首先係芭提雅燒雞🐔一上枱已經聞到香燒雞味，外脆內軟，而且食落唔肥膩，點埋佢個甜酸醬汁食唔停口跟住就係泰式脆香盲鰽配金柚子沙律🐟上碟嗰刻其實都幾驚喜，因為佢係另外再起肉去炸香，配埋金柚子沙律同埋少少辣椒，酸酸辣辣，食落感覺幾新鮮。再加埋因爲本身條魚起左肉無骨，自己本身又鍾意食啲無骨既魚，所以都幾岩我胃口之後就到招牌菠蘿炒飯，夠份量之餘仲要好足料，數落起碼有6款材料，口感豐富之餘仲好襟飽，幾乎每枱都有叫這個菠蘿炒飯另外叫左杯椰汁紅豆冰🍹椰汁味濃，紅豆很多，值得一試大家去黃大仙食飯可以考慮呢間泰國餐廳

話說放工同父母食飯，通常都係黃大仙鑽石山，勝在方便佢地翻展企🙂今日又輪到呢間亞來萊泰喇～店鋪面積幾大，座位闊落，幾啱一家大細去😀我地一行四人，個個都餓餓地，叫左6樣野～炒貴刁-呀媽最中意就係呢個炒貴刁，貪佢酸酸maymay好開胃，配料又唔少，最緊要係唔油，係開胃之選～香芒蟹肉炒飯-賣相唔錯，份量又足夠，要留意嘅係佢用咸蛋王碎炒！唔食咸蛋嘅我⋯⋯比唔到comment😃咸肉炒椰菜苗-呢個係我每次都會叫嘅菜😁椰菜苗自己好少煮，加上咸肉(似燒腩仔)可吊味，成碟菜都幾惹味～招牌海南雞- 叫得招牌菜，唔多唔少都會令人有期待～不過，呢隻海南雞就遜色左少少喇，d肉有少少梅，雞味唔夠，似一般白切雞。不過海南雞精髓係個醬～呢度d醬雖然唔能夠令碟雞起死回生，起碼都令佢攞翻少少分。糯米釀雞翼- 驚喜終於泥喇～呀媽話試下呢個釀雞翼，因為功夫多自己唔會整😂上菜前估唔到係炸雞翼，咬落脆卜卜，裡面d糯米飯唔會太硬，神奇嘅係無食到成口油～但話哂都係煎炸野，一人兩舊嘜都夠👍🏻燒豬頸肉-呢個係我的推介😋😋一碟豬頸肉份量好夠，4個人食唔會一人得2塊～我最怕d豬頸肉切到紙咁薄，咬落去無口感，呢度就唔會～切嘅厚度剛好，而且燒得足

黃大仙，對於一個住新界地區的人來說，真是很陌生。巧遇今日相約朋友聚舊，她推薦這間店很好食，不妨試試。先來就是泰式生虾，肉質很鮮甜，彈牙。配上特製得醬汁，酸辣汁，很開胃，但怕辣的朋友要小心，汁後辣都勁。菠蘿炒飯，眼見差不多枱枱都有叫，想必滿好食，材料都算豐富，有大虾，腰果，提子乾，鮮魷魚，肉鬆等，口感豐富。優惠價點之豬手，我們都覺得太肥膩，不是太合適我們。。。。甜點，芒果糯米飯，賣相一流，椰漿香濃，糯米飯整得很煙un，熱騰騰的糯米飯，混合了椰汁，每一口都充滿濃郁的椰子味，在口中停留不散，一口接一口完全不會覺得很飽肚，芒果又香甜，超讚！

第一次來，感恩節放工同媽咪來試一下呢間泰國菜館，環境乾淨企理，每張枱都有人坐，卡位都坐滿了。好想食海南雞，就先點了半隻同黃薑飯，估唔到咁好食，肉身微暖，肉質嫩滑，鷄皮就未夠脆，不過好味。配黃薑飯，好有薑味，但唔太辣，味道剛好，份量大，同媽咪share夠食。跟著點了金柚子沙律，是辣的，酸酸meimei好醒胃。見隔離檯兩人食好多款菜式，有四五個菜式，八卦問是否套餐定散叫，那位女士說散叫的，看見其中有一個明爐烏頭好似好正，再看餐牌原來呢個菜叫泰式青檸檬明爐烏頭有優惠半價$78好大條，一邊著火煮一邊吃好溫暖，青檸好香，好味到不得了。呢間我想會下次再來光顧。

今日真係好勇敢，因為我叫了炒飯！炒飯是高脂肪食物，但又忍不住想食菠蘿炒飯，又想食串燒，所以就叫了這個。等了十分鐘，飯來了，賣相唔差，個樣好似唔太油，飯量夠，我一定食唔晒。飯的材料算多，有菠蘿，雜菜粒，仲有好多提子，不過，我唔食提子乾架。。。如果多些菠蘿就好喇。飯好像沒有好多味，串燒有兩枝，是豬肉黎，有些肥，又有幾多肉，但肉質有些實，無乜特別味道。我見有些汁的，但不多，所以唔覺好濃味。反而，成個飯最好味係拼碟的青瓜和酸菜，吃完胃口大開。

Lunch時間一個人去，無咩人排隊等，聽到知客話要撳飛攞位，但係之後有兩個人走過去就直接帶佢地入去。咩料？！即刻叫知客帶我入去啦！坐低叫左喇沙豬頸肉肉丸湯河同埋酸辣無骨鳳爪加熱柚子蜜。好快碗湯河就上黎，但係嗰個女侍應唔知做咩係咁痴到好鬼埋，攞個肚腩頂左我幾下膊頭，之後用啲好唔正嘅廣東話問我係咪要豬頸肉。我聽唔明問佢講乜嘢，佢發老脾問：你係咪要支頸肉啊？你係咪唔知自己嗌乜嘢啊？我火都黎！無端比個陌生操鄉音既中年女士痴身痴勢，仲要喝我！我來食飯都要受氣，有無搞錯！食完成碗湯河之後，碟無骨鳳爪都仲未上，要再催另一個女待應先整俾我。食物係一般，價錢一般，服務態度真係好差！

依間泰國餐廳平日很喜歡來吃午餐或晚餐，因為全日都免收服務費，實係慳番唔少錢呀！重點係食物質素唔錯，份量又夠足，可以講得上起平靚正呀！今既同媽媽兩個撐台腳，就出黎吃吃泰國菜吧！辣炒豬肉生菜包嘅魔力相信無人能夠抵抗！豬肉碎炒得香口，味道帶有小小辣，配上新鮮爽口既生菜，絕對係一流！泰式芒果蟹肉炒飯份量非常多，兩個人吃都爭點吃不完，吃得很飽呢！芒果肉同蟹肉份量平均，能夠吃到蟹肉的鮮甜和芒果的果香。飲品order了椰青，吃泰菜就是要飲椰青吧！椰青肉很多很嫩，椰清水清甜解膩！

晚飯時間餐廳內人頭湧湧，好彩都唔洗排隊就入左去食！餐廳全入免收加一服務費，實在太吸引了。先點了個椰青...椰青清甜又多水，椰肉很容易就刮到出黎食，十分解渴！牛油果軟殼蟹紙米卷我最喜歡的菜式，當然是必點唷！上檯見到宜碟牛油果軟殼蟹紙米卷時真係令人blingbling眼呀！晶瑩剔透的紙米卷，內裏包煮豐富的蔬菜，入口口感層次非常豐富。牛油果夠晒熟，果香味濃郁口感軟滑。配上脆卜卜炸軟殼蟹，非常香脆！食泰國菜當然唔少得食炒金邊粉！宜碟泰式鮮蝦炒金邊粉好有水準，蝦隻夠大又夠多，好食又抵食！味道甜甜酸酸，很開胃！飯後甜品係芒果糯米飯！芒果香甜多汁，而且足足有成一個芒果份量，實在令人滿足！糯米飯口感，配上香濃椰漿，甜而不膩呀！