亞萊泰 (黃大仙中心北館) (已搬遷) 新店位置

自從屋企附近既黃大仙中心開左亞萊泰之後，由開張食到而家， 平均一個月都去食一兩次， 貪佢幾好味又唔洗加一。不過最近覺間野水準越黎越差啦。當初開張d海南雞又大碟，肉嫩滑。而家斬到大大舊， 上檯係熱既， 好似白灼雞咁， 好鞋。特價鐵板無骨豬手， 預左多人叫， 冇咩期望。但冇諗過只係暖， 鐵板上唔係要熱先岩架咩？還好豬手夠滑， 啖啖肉， 尚可接受。咖哩農夫包保持水準，仲係多料多汁， 面包外脆內軟， 好香牛油味， 索埋d咖喱汁仲香。 食完硬係覺得差左d野， 就叫左個芒果糯米飯。 成晚最好食係佢， 糯米飯熱辣辣， 加埋椰汁又香又濕潤。美中不足係芒果有少少酸。二人埋單未洗三百五， 泰菜黎講ok平架啦。