亞萊泰 (黃大仙中心北館) (已搬遷) 新店位置

我今日點了海南雞飯、綠咖喱飯同豬頸肉凍檬。海南雞完全好似放了一日都無人買嗰啲雞。例湯咸到不能入口，綠咖喱無料只係好似係泰國買返嚟嗰啲即冲包。凍濛啲醋酸只係得白醋加辣椒籽得個酸字，冇糖，冇魚露。同蒜蓉一啲都唔正宗。奉勸各位依家超難食。

唉公假都要返工真心奴性重, 唯有lunch time食返餐好既慰勞下自己啦, 同事話有間泰菜唔錯就一於試試佢啦叫左個牛丸麵同個泰式鳳爪小食同同事share, 個牛丸幾彈牙又唔太腥, 而個湯底都幾濃, 但d麵就少左d (可能我太大食) 反而個泰式鳳爪份量都幾多, 辣辣地酸酸甜甜好開胃其實呢間以泰菜黎講唔算太貴, 都幾抵食, 臨埋單見到隔離枱叫左d特飲都好靚, 最衰m到所以要飲熱野! 下次會黎試埋其他款!

泰國菜係我其中一個幾中意的菜，因為好香口。上次食過一次亞萊泰覺得幾好食，所以今次再尼過!我地叫左炭燒泰式豬頸肉，泰式蝦餅，冬陰公，蝦頭油海鮮炒飯炭燒泰式豬頸肉，幾大舊燒得好香，但略有點乾，所以咬落有少少韌泰式蝦餅，外皮脆卜卜，熱辣辣，炸皮亦唔會好厚，食落去幾彈口冬陰公辣辣地幾開胃，份量都多，我地4個人食都食唔晒蝦頭油海鮮炒飯食完翻尋味，上次食過一次已經覺得唔錯，所以今次再叫，佢個飯炒得好香，唔會好濕一舊舊咁。蝦肉都好大隻，唔會好梅。仲有少少花生碎增加左飯的口感。

今天中秋節，公司4點就俾我們早收工，男朋友都有得收早！今天我們想食泰國野，於是揀左亞萊泰食。時間尚早，5點幾仲食到下午茶！泰式海南雞配黃薑飯雞是雞脾肉，非常嫰滑，而且雞不肥，連雞皮一齊食，好好味！黃薑飯煮很香，份量都多。配湯夠味，仲有冬瓜。泰式炸魚餅這個魚餅，完全食唔出係魚肉！肉質好梅，口感好差。泰式生蝦生蝦爽口，沒雪味，也沒蝦味，沒什麼特別，不過點配醬食，都不錯。泰式鐵板煎蠔仔蛋煎蛋？應該係炸蛋吧？食得出落左好多粉漿，而且非常油膩！蠔仔是新鮮的，但份量不多，性價比低！涷檸茶少甜，茶底不錯。侍應服務態度不太好，有點敷衍。除了海南雞飯，其他都麻麻，有待改善！

放假去黃大仙行下，親戚話要食泰菜，即刻上openrice search，發現黃大仙中心只得呢間。呢間野之前喺九龍灣既分店食過一次，認真麻麻地，所以都無咩期望。因為好肚餓，又有隻大食積，咁啱又兩點，於是由lunch set 食到tea set，除左價錢唔同之外，食物質素同份量都一樣，好一般 😅嗌左泰人香葉炒烏冬，完全係港式茶記嘅口味，同泰國菜無關。另一個係泰式叉燒炒金邊粉，因為有叉燒，所以一隻蝦都無。味道同是但一間泰餐廳嘅金邊粉無太大分別，都係酸酸甜甜咁。不過豆腐干說好鬼硬，而且成碟嘢唔夠熱，無咁好食。每個lunch set 都有飲品，分別嗌左椰汁冰同椰汁紅豆冰。兩款都只得甜，毫無椰汁味，同甜稀水無差別，好難飲 😖另外餐可以加錢要小食，原本想要雞翼同雞串燒。點知落漏單，無落雞翼 🤦🏻‍♀️食晒發覺唔夠食，已經係tea time，唯有嗌tea set~ 價錢平D，嗌左魚柳薯條。魚柳同薯條都好熱好脆，不過有少少油膱味 😕另外嘅問題就係服務。叫十次先認得一、兩次。個個都扮睇唔到 😡 做生意咁做法，真係乞人憎。亞萊泰... 聽都名都怕。

成日食中菜好悶?有時都要轉下口味，risotto，pasta又食得多? 咁就試泰菜。亞萊泰 蝦頭油海鮮炒飯，炒飯好香，份量好大好足料，蝦都有好多，冇雪味，d肉亦唔會梅。魷魚唔韌，挺易咬開的炒飯亦乾身，飯唔會一舊舊咁海南雞，隻雞好滑好嫰，好重味，佢有比三種醬，但唔點醬會好味d，味道會較新鮮泰式甜品大拼盤食物不可貌相，睇個樣以為唔好食但係相反，椰汁味好重。右邊黃色果個口感似糯米糍，煙煙韌韌咁e個係鐵板泰式滷水無骨豬手，果然係減價的食品，佢的汁太濃，但唔係滷水味，而且蓋左原本豬手的味，只係食到汁的味，唔太吸引。但d肉係好腍好易入口

颱風將至，街市d菜超貴~ 又懶得煮~ 最後決定去左黃大仙中心北館食泰菜！其實我之前同同事黎開呢邊做野食過一次lunch，印象不錯！這次便來試試佢地既晚餐！7點鐘到，不用等便能入座(可能因為颱風既關系) ，入到去都有8成滿~招牌咖喱海中寶(推介)點這個的時候，待應提醒這已不用麵包磚，改用法包了~ 一上台已經好香~ 比想象中大分量~ 前後的法包沒沾上汁，仍然很脆，沾上黃色偏甜的咖喱汁，很是滋味！中間的法包沾滿汁，包吸收了汁變得軟軟的~ 仲好味！ 海鮮有：蝦、炸魚、魷魚。還有一些洋蔥！ 食哂成個都飽左一大半~見到這鐵板泰式鹵水無骨豬手在做優惠價$78，爸爸就叫了~賣相不錯，分量頗大，略嫌偏咸和肥！ 不過係抵既。龍眼冰：冰夠多，偏甜青檸梳打；Fresh!泰式鮮蝦金邊粉好味！花生碎夠！惹味！不辣！馬拉盞炒通菜少少咸到開眼~ 無飯好難搞！有隻烏繩飛黎飛去！😰Menu:

姨姨生日，一同住喺黃大仙區既我地除左酒樓都想搵下其他野食下😊打黎book 位時，有兩個時間選擇：6:30/8:30我地揀左6:30，一行7人去食😋去到既時候，安排我地坐左在起角落位既房仔，好有自成一角既感覺😙由於懶惰的關係，見到佢有個set餐牌for4-6人用，於時決定點一個，而$688 餐有以下食物：1️⃣柚子沙律👍🏻👍🏻👍🏻 - 係好食既，不過我地叫左少辣，都仲係勁辣😛2️⃣海南雞👍🏻👍🏻👍🏻👍🏻 - 好食，滑滑雞肉，附上三款醬料俾你揀住點3️⃣ 冬蔭公 - 七個人分都絕對夠分，湯入面俾左數隻蝦俾我地，眼見都幾足料，同都夠辣4️⃣馬拉盞炒芥蘭 - 不過不失，呢款算叫無咁辣4️⃣蒸鱸魚 - 家人都表示呢條魚就麻麻地，無乜魚味，同條魚唔夠新鮮，不過用個爐興住俾我地食keep 住條魚熱辣辣，係有誠意既👍🏻5️⃣ 泰式金邊粉 - 呢個去到必食應該都係無得輸架喇～ 近乎係泰國菜必吃7️⃣ 泰式甜品 - 跟餐仲有糕點👍🏻👍🏻👍🏻8️⃣同芒果糯米飯👍🏻👍🏻👍🏻 - 都係不過不失咁啦～💡跟餐點泰式飲品買一送一，以及啤酒半價- - - - - - - - - -以上都係跟餐有既- - - - - - - - - -下面既係我地

第一次食泰式早餐水準OK，不過不失豬扒&雞扒餐$37雞扒👍雞皮幾脆口，雞肉滑，多汁，唔會好乾身香茅豬排👍幾大份，鬆軟麵包腸仔火腿正常水準可惜炒蛋又細份又老同埋，茄汁豆可以多返少少豬扒扎肉湯金邊粉👍$36湯底幾濃，唔係淡味清湯金邊粉沾左D湯好好味但係豬扒浸左落D湯度，外皮淋曬呢個價錢 咁嘅質素 可以再去😌😌😌

昨晚，跟朋友去商場逛街，看見一間好有設計嘅泰國餐廳，於是便入內品嚐泰國菜 ， 餐廳內很有泰國feel ，感覺係好似在泰國度假， 環境非常舒服 。我跟朋友叫咗個泰式鮮青檸蒸明爐烏頭 、菠蘿炒飯、泰式豬手 、西米椰汁糕……等。可能人太多，我哋要約等半個鐘頭才有食物上枱。青檸蒸明爐烏頭味道很不錯啊 !佢有啲香茅帶出個烏頭嘅味道，同埋好熱食囉，好味。泰式豬手都唔錯，啲皮好脆，好惹味 。但菠蘿炒飯就一般啦，唔夠多菠蘿。下次要再次品嚐明爐烏頭魚👍

話說同老爸食飯，想近近地又試吓新野。見呢間亞萊泰都好似幾好，咁就嚟試一試。有個套餐$668 （4-6位） ，有前菜有兩樣主菜揀吓，有個羹又有菜，仲有甜品同芒果糯米飯。見都OK抵食又唔駛左諗右諗，咁就叫咗呢個餐。老婆大人話想食蝦餅但係又唔想淨係試一樣野咁少，咁就另外叫咗個小食拼盤。一上菜竟然唔係上前菜（青木瓜沙律），而係上主菜先（烏頭魚）。雖然拎出嚟嘅時候都有煙，但係水未滾，大家都係只係可以坐晒喺到望住條未食得嘅魚。隨後飛天通菜同小食拼盤都上埋，先見到"應該"係前菜嘅沙律被送上枱。再之後海南雞（第二個主菜）都到咗，另外粟米魚肚羹都上埋菜，成枱都係野食。 （手忙腳亂咁幫侍應哥哥/姐姐安排位置放野食，之後都冇影相就開始食）青木瓜沙律 （青木瓜原來係裝飾）烏頭魚 （鮮，滑）海南雞 （都係鮮同滑）粟米魚肚羹（足料，唔係飲緊生粉獻）小食拼盤（份量略少）飛天通菜（不過不失）甜品 & 芒果糯米飯 （其實太飽，冇認真試）

食早餐，想坐得好，必然去shopping mall幫襯啦。呢間泰國鋪，最鐘意係食豬扒雞翼金邊粉，加個咖啡。30幾蚊，三件豬扒(細件)，兩隻雞翼，都係抵食。而且粉的份量又多。真係食完，唔駛食午餐。我最怕就係，食左等如無食果啲早餐。食完唔夠飽，但食多個又多得滯，超煩。呢間就唔會，超飽。所以，都值得去嘆吓個早餐。食物一般，但服務唔錯，坐位唔算迫，你知啦，假日想游閒，唔想同人迫。至於，呢間鋪既下午茶都唔錯㗎，海南雞飯都可以，算便宜，份量適中。可試。

今日係黃大仙四圍行，諗吾到有乜特別想食，男友話想食湯粉，見到商場有間泰國野就望下啦。甘下午茶又吾算太貴就試下啦。一入到去見到左邊有卡位，另一邊有啲梳化位，少小暗甘，有啲泰國擺設，都舒服既。下午茶吾算好多人，都大把位我地點左個豬頸肉金邊粉，粉可以改其他款，河粉都可以既。豬頸肉吾係炸過，但有醃過入味，又幾好食。個金邊粉係好滑，有泰國feel~嘻嘻🤭海南雞喇沙檬粉，個湯底覺得吾夠濃味，小小淡，而雞得3舊，無海南雞感覺，吾滑既，吾太好食我加左個椰汁珍多冰，超甜！好彩無叫小冰，可以中和一下。。好普通

星期六早起，同家人食個豐富早餐，就腳又平價早餐，我必選-亞萊泰。早餐我必點B1-仿鮑魚火腿絲通粉配粟米火腿奄列+厚多士($32)。 呢度份量好足料，鮑魚絲火腿絲又多，通粉都好多，湯底冇味精，通粉淋上亞萊素辣椒粉，好惹味！ 但落小匙就夠，我食得辣都覺得夠辣。奄列&多士又係絕不求其，奄列包落粟米&火腿，多士已經加上牛油，好味！幫襯餐廳好多年，雖然價錢逐小逐小加上去，但比起整個領展商店d餐廳，個人已經覺得呢度算係高質。

天氣悶熱，真的會讓人想食東南亞菜，辣辣地酸酸地，開胃一點所以晚餐選擇了食泰國菜點解揀黃大仙北館，原因都好簡單，因為停車場夠大餐廳裝修富熱帶風情，原木系列但又加了一點另類的風格，metalic 質感的馬賽克餐桌墊兩個人簡簡單單，點了一兩個小食再加一個主菜便剛剛好了泰式鳳爪以一個大玻璃杯盛載，滿滿的一杯，看起來份量頗多不足之處是，汁料都沉到杯底去，既酸帶辣，而且辣度十足，大家要有少許心理準備不過辣得來也很開胃串燒分別是2串豬及2串雞串燒上已塗了少許醬料，是帶椰香的咖喱汁串燒醃得十分入味，而沙嗲醬的花生香味甚濃，值得一讚，不可點太多，會比較"漏"主菜選了大蝦粉絲煲一上菜以為怎麼不見大蝦，只有粉絲，於是心急的我便在粉絲堆中把大蝦翻找出來原來食這個粉絲煲絕不能心急，因為大蝦在粉絲底中，餘熱才能把大蝦焗至熟透像我這麼心急，結果弄至大蝦中間的部份還未熟透還呈晶螢剔透狀態大蝦蝦膏不少呢，甚為甘香配菜竟然有叉燒整體而言，粉絲煲比較油膩，也略為鹹了一點，中途需要飲多幾啖水，可能作為一道菜，配白飯會比較適合