亞萊泰 (黃大仙中心北館) (已搬遷) 新店位置

今日扮sick請左個leave，哈weekday嘅午餐，整番個濃湯醒神下先落咗樓下商場， 試下佢哋嘅海南雞， 雞件明顯呢就係overcook左， 都幾鞋㗎至於個湯太濃味令到雞味亦唔夠突出， 不過就份量十足， 雖然只係 細細嘅一碗粉唔知點解係咪因為可分多得滯每一條可分係搭住變咗一條厚河粉， 不過有幾得意呀有少少煙煙韌韌嘅感覺冬陰功湯底好似係現成嘅味精湯開出嚟咁，不過真係好好味，但唯獨是就係油咗少少，可能佢哋湯底嘅辣味就係來自呢啲辣油啦，河粉好多嘅關係食左一半湯就已經比河粉索咗唔少， 食到尾差唔多就覺得有少少咸，跟機lemon water, balance下

晚飯於亞萊泰 Aroi Thai進行 環境氣氛不錯 待應亦有禮貌但食到途中 這裡的一位中年黑衫男待應(~50歲)於餐廳中心位突然向另一位落錯了單 大概18歲的男待應高聲破口大罵 令人感到如雷冠耳 大聱地說了不少侮辱性的說話 更說廚房內的泰國師傅會惡得用刀把他的頭砍下來 小男孩道歉後他亦罵了半分鐘 令人深感不安及影響食慾 其他食客亦面有難色 小孩子用餐後亦感不安及事後哭訴這次我第一次來 不知道這餐廳是否每日都有同類事情發生 待應文化是否一直這樣 與伴侶或是一家大細 有老有嫩來的朋友真的認真考慮 說說食物吧 春卷和蝦餅味道都很好 很大份馬拉通菜味道不太辣而且很野味炭燒魷魚味道適中 很有泰式風味咖哩海鮮包咖啡館味道不太夠咸和辣 但賣相十分吸引

亞萊泰下午茶喺黃大仙食左呢間餐廳，唔洗等位，即刻入去試一試。叫左個冬蔭公扎肉湯河，好快就到左。黎到聞到個冬蔭公湯既香味就知道係犀利，睇一睇個湯底顏色咁鮮艷，就明白係一個挑戰呀；飲啖湯試一試，酸辣味非常濃郁，食多幾啖已經分唔到自己食緊D咩野喇，一路流晒汗一路食，其實係辣得幾爽既，個湯係好香同味道好濃，好好飲既，不過如果唔食得辣就真係唔好揀呢樣喇。

晨早起床，做完運動到龍翔中心吃早餐，選擇了亞泰萊吃泰式湯粉，點咗泰式香茅猪扒雞中翼金邊粉加$4要冬蔭功湯底，即磨咖啡，泰式粉是正宗泰國人泡制，湯底惹味，吃得出有泰國風味，猪扒和雞翼是即炸的，香茅味濃夠嫩滑。

呢個商場開左差不多半年，同以前真係差好遠，而家多左好多各式各樣的美食！今日經過見到呢間新開的泰國餐廳，2:30-5:30 pm係下午茶時間，睇完個餐牌覺得幾吸引所以入左去試，裝修好靚好泰式好似去左泰國咁而且呢個鐘數都已經滿坐了！最後叫左個泰式喇沙海南雞湯河 $45 ，包一杯熱飲仲全日免加一👍🏻雖然係喇沙湯底但唔算好濃味，好有椰奶香味，河粉好完整唔會斷開晒！

老實講⋯只不過是家普通不過的泰國餐廳 不過可能地理位置優勢？加上裝修不錯？表姐話經常都大排長龍，今日我順道又痴下餐。 食泰國菜必點椰青或泰啤～清甜又解熱 還有最後記得刮清椰肉食別浪費！我個個略生，肉好痴殼，如果熟一點會更甜更易刮。下單時店員提醒客人較多，下單後要等15至20分鐘左右。不過轉眼已經陸續上菜，實際等了10分鐘左右而已。 生蝦是我另一泰菜必點菜式，不過似乎真的並非每間都高質素⋯⋯這家的生蝦尚算新鮮，不過少了膠著感和甜度，而且配汁又不夠突出，實在沒有再食的理由。其次上枱的有海鮮農夫包及無骨鳳爪。 這個農夫包味道偏甜，椰香味重，小朋友都食得到，所謂海鮮其實就是上面多了幾塊裝飾，反正重點不在這裡，普通就是了～重點是滲透椰香咖哩的面包磚，要快食，不然包會太淋。 無骨鳳爪都算幾爽口，不過份量太少了。今晚最推介的一味～ 豬手惹味煙韌，又不如徳國豬手太重口味。大家都可以補充下骨膠原。 馬拉盞通菜又是必點，不會有任何差池之選。不過份量不太夠。 最後點了菠蘿炒飯和炒金邊粉，金邊粉因為太多人點的關係，等又等都未有最後食完飯就取消了。不過這個菠蘿炒飯實在

因為之前黎食過海南雞，覺得好正，所以今日本身係去新蒲崗點貨，但都搭左一個站黎食午餐。本身諗住個海南雞咁正，其他都應該冇死，於是試左另一款都係都係推介食品，泰式炒金邊粉，見佢隔離張相影得都幾靚，飲品就要左凍啡。先上凍啡，正路野，多冰夠凍，正！到金邊粉，一黎我真係呆左一呆，忍唔住問個侍應呢碟係乜黎，因為都真係同張相差相當遠！我明圖片只供參考，但起碼個形狀都應該係相似的吧！但呢碟野冇蝦都算喇，你俾兩條香茅同塊檸檬我，擺返咁上下樣我都收貨，但。。。呢碟。。。真係差好遠！幸好食落味道唔差，不過份量似係下午茶既size, 小弟食到乾淨到可以照鏡。睇黎呢度只有海南雞係正。

以前讀書係呢頭，所以對呢區都幾有感情，以前既商場冇咁光鮮同闊落，依家就行得好舒服下。多左好多商鋪同食肆，有耳目一新既感覺。正值食飯時間，見到呢間Ario Thai價格比樓下一品螞蟻平左十幾蚊，精明既女人就梗係拉我上黎食呢間啦，佢話兩個人就平左一個下午茶既價錢wor.咁以係，難得搵到個咁為你荷包慳住既女人，真心幸福。講返個海南雞，估唔到五十蚊仲要唔使加一既情況下竟然份量有如此十足！絕冇欺埸！油飯係滿滿的一碗，形成一個小山丘但形狀，好甘香。冬瓜湯係熱熱辣辣送上的，重點到個海南雞，好滑溜，肉質好細嫩，因為係雞脾肉，仲要好細心咁去左骨，啖啖肉最岩我呢d懶人(樓下嗰間如要雞脾仲要加多十蚊，計起上黎，我同女人兩個食唔止平左個下午茶，直頭係平左個午餐tim!) 因為份量真係唔少，女人食唔晒d飯，順理成章我包底。食完個飯，仲要慢慢嘆埋個檸茶先斯斯然離開，好滿足。