亞萊泰 (黃大仙中心北館) (已搬遷) 新店位置

今晚約咗喺黃大仙住嘅朋友食飯， 平時一直都覺得黃大仙中心好大，好似好多嘢食都唔知揀邊間好~ 今次呢間阿來泰喺連朋友都未食過嘅，所以就一齊嚟試下啦~ 餐廳喺黃大仙中心嘅北館, 我哋大約平日七點鐘嚟到，唔需要等位， 因為餐廳都幾大坐位好多。 餐廳 門面同埋裝修都好有傳統泰國風味~ 我哋入到去坐卡位， 夠曬鬆動舒服。 值得一提嘅係啲姐姐服務都幾好~ 泰式小食拼盤 有四款小食每款有四件~ 啱曬我呢啲樣樣都相試🤣 蝦餅都打得幾香口，夠彈牙。 魚餅味道都幾特別， 似係自家製， 魚肉分量比較多所以質感林少少。 串燒係我每一次食泰菜必點嘅菜式~ 今次試咗雞同埋豬， 串燒雞肉都醃得幾入味， 唔需要點太多醬都ok。 呢個青檸明爐烏頭喺夏日優惠嘅menu度見到，先$98 ， 好抵~ 因為有一個朋友唔食辣，所以我哋就 揀咗唔辣~ 上菜嘅時候可以再等條魚側邊嘅汁滾咗再起筷 ~魚肉唔會太硬， 青檸汁 都幾清新, 下次會想試下辣味~ 海鮮炒飯都唔錯~有幾多配料， 唔會太鹹， 炒飯帶少少煙韌嘅感覺。

話說今日去左我阿哥黃大仙屋企同佢個仔玩，玩左成個下午就開始肚餓搵野食啦，上網搵下原來而家黃大仙都有好多餐廳選擇，咁就諗住食d惹味d辣辣地既野食啦，所以就去左呢間泰國野食，都幾好食好滿足。餐廳位置非常方便，就喺龍翔中心，好就腳，環境都唔錯，乾淨企理。食物方面，首先叫左個泰式小食拼盤，個拼盤份量好多，蝦餅肉好多又彈牙，魚餅口感唔錯，鳳凰丸都幾特別，春卷炸得好香脆，整體都唔錯好滿足。去食泰國野又點少得咖哩呢，叫左古法馬沙文咖哩牛腩配蒜蓉包，個咖哩好香，唔算好辣但都好惹味，d牛腩份量算多，好入味，夠淋，咖哩汁配蒜蓉包真係幾時都咁好味，食到停唔到。另外鹹肉炒椰菜苗我覺得都好正，椰菜苗好甜又夠淋，少油感覺幾清爽，鹹肉用黎吊味都幾正。最後係炭燒泰式串燒，肉汁幾juicy，肉質夠滑又入味，仲食到陣炭燒既味，下次要叫多幾串先得。

黃大仙北館二樓，亞萊泰超級抵食！6點左右到可以坐舒適嘅卡位，位置寬闊舒服。野食味道好，特別係冬蔭公湯（比較適合香港人食，唔似泰國個D咁辣，唔係咁食得辣個人都接受到，而且海鮮好足）馬拉盞炒通菜好好味，唔會死鹹，味道岩岩好。雞肉嫩滑，唔錯喔

今日黎左黃大仙中心既呢間泰國菜餐廳都食晚飯，6點半左右黎到，人唔多，好快就安排到坐位俾我地～泰國菜都離唔開果啲野～所以我地睇完餐牌之後就決定小食、飯、菜、飲品都每樣叫啲咁食😆馬拉盞通菜粉得好惹味，香得黎油又唔算落得多，而且味道均勻分布係成碟通菜到😚海鮮炒飯嘅飯炒得粒粒分明，而且都好足料，蝦有好多粒，而且全部都好彈牙！蝦餅都絕對係必食！外層炸得香脆美味，食落蝦味都好出～沙嗲串燒就有雞肉同豬肉，兩種都一樣好食，沙嗲醬亦都好香濃～最後飲品方面，我飲左芒果椰汁特飲，芒果味同椰汁味都係一半一半，互相唔會搶左大家既香味，反而係互相配合，味道好夾亦唔會太甜～

話說有一段時間無去曼谷了，突然很想食泰國菜，朋友戴我去她家附近的泰國餐廳，她食開的，說ʏᴜᴍᴍʏ ʏᴜᴍᴍʏ ~~這裏有很多優惠套餐，有二人、四人套餐優惠，又有夏日優惠精選，優惠多多餐牌菜式嘅選擇種類都多食泰國菜生蝦和冬陰公湯都是我必叫的菜色💛🔹生蝦 $68生蝦係夏日優惠精選之一生蝦好爽口👍🏽食落好彈牙又新鮮大大隻喔🔹大蝦冬陰公湯 （細） $82冬陰公湯入邊嘅材料十足，飲落辣又酸又辣，食嘢前飲會好開胃👍🏽仲有半隻大頭蝦，好新鮮而且有蝦膏🔹泰式鮮蝦金邊粉 $85以前讀書嘅時候lunch成日都會食金邊粉會有花生碎灑上面，食之前撈一撈！唔會抄得好乾身，有少少濕潤👍🏽蝦嘅數量都有好多，都大隻的味道酸酸甜甜，而且也有少少蝦米仔。食飽飽都要叫甜品喔不能放過這裏的芒果糯米飯 $58芒果好大嚿，而且好甜落了滿滿的椰漿，白糯米暖暖，咬落煙韌十分滿足

朋友之前長住泰國一段日子！ 翻到香港都仲好掛住泰國菜見今日dayoff 一終帶佢去搵翻泰國既味道啦泰國菜必點既炭燒豬頸肉呢度既豬頸肉燒到恰到好處不會太乾咬落去可以感受到肉汁滲出黎既瞬間而且仲要大大碟啵！！ 正啊飛天炒通菜朋友話係泰國個陣餐餐都會食炒通菜喎唔知佢有無誇張啦！！ 但試一試又真係同香港大排檔既炒法有d唔同啵~ 辣辣地真心可以試一試泰式鐵板滷水無骨豬手豬手真係估唔到咁大碟！！ 一上枱仲聽到鐵板發出‘炸炸炸’既聲音 真係超級熱啦啦啊 豬手滷到好淋身軟綿綿係入口即溶既感覺啊~~ 龍眼冰+ 青檸梳打🍴龍眼冰我第一次試架炸以前食泰國野我都剩係會叫椰青飲 而家發現龍眼冰原來都好好飲架！ 甜甜地之餘仲有淡淡既龍眼味！咁熱既天氣飲落去真係透心涼啊而青檸梳打朋友都話唔錯！ 酸酸地方食飽飲正啊

今日我朋友鐘意泰國菜所以我就推介我樓下既泰國菜餐廳，個名都好泰國feel叫亞萊泰。環境好舒服好乾淨，一入到去好有泰國風情而且好多卡位有私隱，啲擺設都好舒服。一坐低就睇下個餐牌，個店員仲好細心推介，於是我地好快就點咗三個菜加一個羹，但係原來佢上菜既速度都十分快 ，十幾分鐘就上齊，啱晒心急既同香港人值得一讚。一上來就黎咗最地道既椰奶芒果汁同龍眼特飲，真材實料既野真係好正，啖啖肉 唔似出面咁多冰，價錢又公道一定要試。過咗一陣個魚肚羹上場了，係碗仔翅底加大量魚肚，真係魚肚仲多過羹，鐘意食魚肚既朋友記得要點。再上就係我都幾鐘意既柚子沙律，柚子新鮮多汁，雖然有啲澀但配上佢地既汁就唔多覺，酸酸甜甜好開胃。之後上係大蝦粉絲煲，啲蝦開邊上十分入味，一人半邊都好夠食，誇張到似波士頓龍蝦咁，粉絲又索晒啲味真係極力推介。最後上咗個粉，本來本來想叫金邊粉但最尾因為朋友想食河粉就叫咗泰式河粉，但我都係覺得可能要就翻香港口味，似茶記既乾炒牛河少油版，味道賣相都唔錯

因為有朋友好中意食泰國野，而且我本身住黃大仙呢區，身為地頭蛇既我知道呢邊有間好好食既泰國餐廳，😎😎 所以就極力推介呢間黃大仙龍翔中心既亞萊泰泰國美食餐廳。餐廳位置近地鐵站，好易就搵到，而且餐廳地方十分大，坐位舒適，亦都適合一大班聚會聚餐。呢度人客很多，店員安排好位置後，見到餐牌美食種類繁多，每款都非常吸引令人食指大開。首先就當然係先來一道頭盤泰式小食拼盤，入面包括有泰式春卷，蝦餅🦐🦐 (超好食，淡淡蝦肉)，魚餅，鳳凰丸！！而主菜方面就推介比較地道既炭燒泰式豬頸肉 🥓🥓 ，并搭上秘制泰式醬汁，2者絕配。另外點了鐵板泰式鹵水無骨豬手，豬手鹵得好入味，一試就知火喉好到位，入口即熔既感覺。最後就係至尊泰式海南雞 ，一個字形容，肉質鮮嫩，非常滑。中意食海南雞飯的朋友一定要來試下亞萊泰既海南雞。呢度每一度菜分量十足，而已亦都有各式特飲，椰青，龍眼冰，珍珠奶茶等！！！ 食飽各類主食後，就可以一嚐泰式甜品拼盤和芒果糯米飯甜品好有特色，非試不可呀 ！！

呢間上個月都食過早餐 三十幾蚊有靚裝坐得舒舒服服真係唔錯 今次就忍唔住再同朋友試下晚餐嘞難得出糧日 哈哈首先就叫咗個我地都鐘意食嘅生蝦啦, 好大隻同鮮甜 配埋酸辣汁 正再叫串燒 豬同雞 好味 如果個沙嗲辣少少更正檸檬汁烤烏頭-酸酸地好開胃, 魚肉煲到夠哂冧而又鮮甜海鮮炒金邊粉- 好好味 炒得香嚟唔會好油 夠哂泰式風味再嚟冬蔭功湯, 辣度啱啱好, 每次食泰國嘢一定要叫, 真係堅good我地又叫埋甜品拼盤, 夠哂豐盛, 最鐘意個椰青糕, 清清地唔會好甜最後, 芒果糯米飯, 正整體都好好味 同朋友又食咗餐好好嘅夜餐 下次會再食

晚餐同家人來試這間泰國餐廳，在黃大仙中心應該開有好幾年了，可是每次經過都沒有機會試試，今日剛好家人也想試試，所以就進來了。鋪面還算大的，坐的還是比較舒服的，昏暗的燈光還挺有情調的，不過可能比較多客人，還是有點嘈雜的。這裏的侍應有些應該是退休人士，他們都比較友善的，會主動問客人食物到齊了沒有。小食拼盤，味道還好，如果食物可以在熱一點上就更好了。海南鷄，賣相不錯香茅龍眼     太甜了椰青水  好飲虎蝦  馬拉盞通菜   有點咸

突然心血來潮想食泰國野，咁就近近地去黃大仙中心呢間食啦，加上男朋友推介⋯⋯我地兩個人叫左3個菜：無骨鐵板豬手，冬陰功大頭蝦湯，馬拉盞炒通菜鐵板豬手最早黎，由於我地餓底既關係，初頭食係覺得好味，不過佢冇左食泰國野果種惹味，係普通既鹵水汁，豬手係夠膠既，所以食食下都有d漏至於冬陰功湯，我地叫左個細既，有一隻大頭蝦開邊，可惜吾知隻蝦係吾新鮮定煲得太耐稔曬，一d都吾爽口，同埋冇膏，但個湯係整得幾好飲又吾會太辣,而材料只係得d菇而個通菜係好好味，一擺上檯已經聞到好香，又冇炒到黃曬，仲好青綠，但又吾會太硬，好惹味👍🏻👍🏻👍🏻環境方面，大部份都有卡位，同埋坐得闊落既，適合同長輩黎食吾知係味個大老細係度，員工服務好好，不停加水，態度又好不過如果下次再食泰國野就會食其他了😅😅

又貴又難食! 今日係年初二， 同個朋友去食晚飯。 叫咗蝦頭油海鮮炒飯，咖哩蝦球，椒鹽軟殼蟹配青木瓜沙律 。炒飯好普通，海鮮只係得魷魚同蝦。咖哩蝦球好唔新鮮好唔爽口。 軟殼蟹好少肉好厚粉。 青木瓜係咁多樣野入面最正常。上菜安排都做得好差， 印度薄餅嚟到之後隔咗半個鐘 咖哩先上， 最後只係用微波爐幫我哋翻熱。 成餐都冇畀過水我哋， 去到最後我哋問佢先畀好熱嘅水， 根本飲唔到。又貴又難食，以後都唔會再食!!!!!!!!!!!!

今日去到黃大仙，去到見到原來都有不少餐廳就同朋友話不如在這裡吃午餐，我地行完都有好多不同國家選擇，最後就選擇了一間裝潢不錯的泰國餐廳而且免收加一，入到去燈光都幾舒服，而坐位都幾大空間感夠，我地二人一人叫一個午餐，香茅雞扒飯$56，醬汁有點怪又未至於難食，但最後都放棄冇食到，雞扒煮得不錯但沒有香茅味，飯份量都幾大。綠咖哩豬扒黃薑飯$59，黃薑飯加了三蚊但失望，味偏淡而且都幾濕，綠咖哩味道不錯入面配菜不多，而且豬扒偏凍身味道偏淡。咖啡味道不錯如果酸度再少點更好，以不用$60價錢而且坐得都舒服都不錯。

見呢間 都開左幾耐，但都未試過，就決定晚餐一家人去 食，5大2細1個bb 車，所以都等左一陣先有大台，但侍應既服務都好好，好快幫我地放好架bb車等等，我最鍾意食個菠蘿炒飯，另外個青咖哩 豬都好食， 我地仲叫左金邊粉 ，串燒 等，串燒 好乾..麻麻地。整體都ok 會再黎食。

叫咗個套餐都未食過一間野好似佢地咁無論叫咩都係同一樣味道咸態到差爆員工好似好似餓鬼咁食住野嚟serve 原全未食過一間餐廳可以咁見個經理反映意見凈係講會跟進下希望大家唔好再中伏