亞萊泰 (黃大仙中心北館) (已搬遷) 新店位置

今日同全家去食泰國野。。。環境都唔錯。。。都叫左幾款野食.....份量都幾適中。。。。。。服務員介紹我哋飲品買一送一而我自己就叫咗個凍咖啡你飲。 味道好一般可以稱得上唔算好飲。有一條魚啲肉都幾滑但係就唔係好夠鮮味啦。嗌咗兩份串燒但我覺得啲肉唔太滑啦。。。因為做緊優惠我哋嗌咗隻燒春雞嚟食， 燒得個顏色都幾靚， 味道都可以有八分㗎！！！！最好食嘅就係個生菜包。。。。。 真係忍唔住食都幾啖。另外最值得一試嘅係個長型麵包～ 外面脆裡面軟

想去泰國，但無假，又無錢，唯有食個泰菜安慰下自己啦😭🤣呢間野成日經過都無食過，今次試一試佢:一入去比我感覺係: 好嘈。唔係係咪個設計問題佢啲聲困住喺入面，耳仔好多回音🤣第二個印象分係比經理哥哥，見我地有bb, 見到姐姐比張枱我圓枱，即刻阻止，帶我入啲比張卡位我，呢啲就係侍應生姐姐，同經理哥哥既分別。👀你懂的。睇睇餐牌，呢個其實真係幾啱，所以唔多諗鐵板無骨豬手有啲怪既，竟然上佢先，次序亂左，不過豬手都滑馬拉盞芥蘭普通啲，有小小凍冬陰功湯而家先上，可能要煲返掛，味道可以，隻蝦霉小食拼盤呢個我反而覺得最好食加50蚊菠蘿炒飯，個飯太甜，好似食緊甜品咁。。。算啦，咁既價錢，都無乜期望，都抵食既，所以合格啦～

呢間泰國野喺黃大仙港鐵站上蓋，見到門口有優惠4人套餐，誤打誤撞入去試，原來都幾抵食同幾好食。4人餐包沙律1份，湯1窩，主菜2款，蔬菜1碟，粉麵飯1款，同埋甜品拼盤。另外可以用半價加飲品4杯，可選珍珠奶茶，龍眼冰或泰式飲品珍多冰等等。我地一行人都覺得個大頭蝦冬蔭湯好好飲，好香好濃。另外主菜叫左海南雞同明爐烏頭，雞肉好滑，明爐烏頭煮魚個湯底好好味！酸酸地咁好開胃。仲有原個菠蘿海鮮炒飯，帶少少甜味，幾特別。最後不得不提甜品，芒果糯米飯好好食，甜品拼盤就一般般。

好少去黃大仙搵食，見到鋪面寫住全日免加一，即管試吓一坐低見到個$298餐，原本費事諗，都諗住食佢！但突然見到有張餐牌寫住美食優惠！有個花膠海鮮粉絲煲，$92！想試就放棄咗個二人餐$92都算幾足料，又幾大煲！味道偏濃，屬於重口味！花膠都有幾舊，算係咁啦細拼盤，無特別，其中魚餅嘅質感有啲怪，平時食係實嘅，佢呢舊好鬆散$78咸肉炒椰菜苗$65，啲苗有啲老！但都幾大碟，啲咸肉有啲似燒肉大頭蝦冬陰公$82，實在太辣，但隻蝦幾大，肉質爽嘅，都好飲飲品買一送一堅抵，$29兩杯兩個人食咗$359，都算ok

領匯場食泰國菜呢個價位同質素算係咁啦年初三，唔加價，係份量減細比你，食過嘅就知道。生菜包 不過也不失豬頸肉，好似呢個算最好味海鮮金邊粉，質素拍得住出面街，係唔夠辣小食併盤，份量一般般，不過都算新鮮豬肉炒芥蘭，嗯，一般馬拉盞通菜，水太多，唔夠其他泰菜館香口咖哩魚柳，熱住上以為好嘢，叫埋中東包、蒜蓉包嚟食，汁唔夠，魚太淋，期望太高了菠蘿海鮮炒飯，不過不失香辣炒蜆，唔夠辣、蜆唔甜、得九層塔味，請我都唔食！！海南雞，得雞脾肉位最嫩滑燒魷魚，係個辣汁好味，魷魚一般大頭蝦粉絲，大頭蝦煮過龍，味道怪怪地，蝦膏味唔夠鮮整體嚟講，一般般

椰汁冰原來唔係沙冰係椰汁糖漿水，甜到pk。冬陰功海南雞湯河得個酸字，雞肉好梅。泰人香葉豬頸肉炒烏冬，好鹹食咗幾啖就好頸渴而且非常油。 圓肉紅棗杞子蜜亦都非常之甜完全唔知呢間嘢啲廚師喺度做緊乜嘢。。。 兩個人食咗110蚊都覺得浪費金錢。。。 同waiter反映椰汁冰原來唔係沙冰, 結果態度極之惡劣， 呢間嘢除咗嘢食唔得之外，服務態度都有非常之大嘅問題，實在非常之唔建議各位去黃大仙嘅朋友或者住黃大仙嘅街坊食。 永不錄用!!!

每次聖誕係屋企開PARTY 唔係叫PIZZA就叫KFC食都食到悶不過今年咁啱發現亞萊泰既外賣 所以就決定一試我地叫左個$1098既8人餐 食物質素都算唔錯 而且總類都算多而我個人最欣賞既就係佢地既串燒喇佢地既串燒燒得啱啱好 唔會好乾 食落好juicy  而且佢地既沙嗲醬整得幾好 好惹味其他野食都好好食 份量又夠又唔貴食泰國野過聖誕都係第一次 感覺好特別 以後大時大節開party又多一個選擇

見到團購好抵, 75折, 就趁活動折上折既時候入手幾張試試佢! 去到見到附近既食店都幾多, 不過都唔滿座, 而呢間高峰期時間居然要攞飛等位, 即刻信心滿滿!好彩等左一陣都好快有位, 服務員面帶笑容咁帶我坐響舒適既卡位, 又送了一碟脆蝦片, 好食!食物好多選擇, 我地擇左脆炸盲鰽拼柚子沙律, 細冬陰公, 咸魚炒椰菜苗, 燒豬頸肉, 款款都好味, 尤其是柚子魚, 大條又起晒肉去炸, d魚片無骨又夠滑, 好刀功, 柚子分量多又鮮甜, 食完回家都唔駛再食水果了冬陰功湯好足料有1隻大蝦同菇菇......, 好好飲, 細湯分到3小碗, 都幾辣的, 好正宗!椰菜苗就真係咸左少少, 不過整體味道都唔錯, 配了2碗黃薑飯$16/@, 當堂餐飯都滋味左!最後經理話比我地團購外, 仍可再"買1送1"飲品優惠, 我地就叫左珍多冰同紅豆冰, 唔太甜, 叫少冰真係少冰, 呢間野真心唔錯!

同朋友去亞萊泰試下個下午茶我就叫左泰式喇沙海南雞湯河湯底既椰汁味好濃喇沙平時夠唔夠濃味就係好睇佢既椰汁但個人認為美中不足既係海南雞係放埋係D湯入面因為海南雞係有佢自己獨特既味道浸左落湯到就索左D喇沙味就有D損害左海南雞本身既味道而我地亦都加錢轉左飲椰汁冰椰汁味好濃郁 而且份量都算多 都幾大杯既

週五晚約咗人係屋企附近食晚飯，又唔想食啲大型連鎖港式快餐店，泰國嘢就係另一選擇。其實以前都幫襯過亞萊泰，那次只係午市，今次就食晚餐。按飛仔等就得。 都係等咗10分鐘左右。點咗個金柚子沙律($75)，醒吓個胃先，不過份量有啲小，味道還可以。另外叫返個主菜，冬日火煱拼盤連椰汁雞湯底，價錢都係($168)，非常好抵食。個拼盤有牛、丸、青口、蝦、金菇、粉絲、菜，食晒之後，自己可以俾錢追加其他火煱配料。嗰份量兩個人食都已經足夠，何況我哋三個人，都係只追加了墨魚丸($48)，唔通大家都細食咗。講返個湯底，濃濃嘅椰汁使煱內已有嘅雞肉沾滿椰香。店員叫我哋早啲食咗啲雞先，避免煮得太耐會太韌，牛肉同蝦都正常。個湯襯熱要飲多幾碗。另外，煲到唔夠湯，店員斟嘅也是椰汁湯，並非普通湯底，可以講話個湯底長飲長有。椰汁湯底，使人飽肚，我哋三個人都好快飽肚，所以只係追加一樣嘢。朋友都叫咗杯椰汁紅豆冰，宜家 做緊買一送一($29)。整體食物都OK，係屋邨算係咁啦，又可以hea住吹水，坐耐啲都唔會趕你走。

平時食開下午茶多，宜次試下食夜晚。試左無骨豬手同咖哩包仲有其他。好入味又大份，我地四個人share幾個dish每人好平就食到飽一飽。黃大仙唔多泰國野揀，宜間會係個幾好唔伏既選擇。

午飯時間食過亞萊泰覺得比較普通，沒有什麼鑊氣。今次晚餐再來試一試！睇下仲有無下次！晚市餐廳人頭湧湧！沒有預先訂枱，等位都差不多等了1個鐘！真的超級多人，很熱鬧啊！餐廳的佈置都不錯，燈飾很美啊！一行5人，看到這個餐牌好像不錯啊！4至6人餐，選擇都很多，不會只局限2-3款選擇，感覺可以一試！招牌咖哩海中寶賣相非常吸引法包十分大條看見都想即吃海中寶有蝦和魷魚等份量十足法包外脆吸滿鋪在包面的香濃咖哩汁非常好吃真的十分推薦啊泰式鮮蝦金邊粉炒得不會太濕或太乾鮮蝦大大隻味道不錯香草仿蟹肉雞絲魚肚羹因為不吃得辣所以點了魚肚羹羹內有竹笙冬菇等食材羹不會太杰味道普通飛天通菜這菜很辣啊不吃得辣的朋友應該頂不順呢芒果糯米飯芒果除了杯面有之外還夾在糯米飯的中間椰漿香甜夠滑略嫌糯米飯份量太多芒果和椰漿不夠配合來吃總結，晚餐的廚師真的煮得不錯！鑊氣回來了！下次會再來吃咖哩海中寶呢！*餐廳不用加一呢

除左香港野之外最中意就係食泰菜 (可能因為中意佢夠重口味HAHA!)而講到泰菜, 雖然見到近年都多左好多fusion野但我始終都係中意返傳統既而傳統既泰式小菜就梗係唔少得串燒啦,不過其實串燒我會覺得d肉間間都咁上下, 最重要既都係個沙嗲醬!!今次試左豬既串燒, 上枱係熱既應該都係即叫即燒,雖然比我想像中細串, 但值得apprciate既係肉身都算juicy唔太乾,而d沙嗲醬睇得出好濃郁, 食落都好惹味, 唔太鹹, 同個肉配合得都幾match不過美中不足既係可以多返少少醬咁就perfect池喇!

今日午餐時間經過此餐廳被它的泰國菜餐牌吸引而入去，我点了個菠蘿炒飯配串燒雞套餐連飲品，落左單5分鐘左右個炒飯便到了，賣相唔算好吸引，食落個炒飯有点凍冰冰，菠蘿炒飯既菠蘿成兜加埋都係得5粒，有点少，飯旁邊配有些酸紅蘿白及菜，味道很好，兩串燒雞份量比較大，醬汁多，雞肉嫩滑及吃進口是熱的，餐廳內的地方很大，佈置得很有泰國氣氛，可惜服務員態度麻麻，每一個都完全毫無笑容，加上我在進食的時候他們要換下午茶的餐牌，他們竟毫無提示下快速地將餐牌飛落在我進食的飯旁，完全漠視人客正在享用美食會將客人嚇親的狀況。

買左十幾張團購, 除開7折左右, 唔駛食套餐都食到套餐價, 可以選自己喜歡的菜式, 實在不錯! 今次就點左炸蝦餅, 香口彈牙, 唔油膩, 幾有蝦味而且新鮮, 算大件而且有3件, 唔錯! 之後就來左芒果炒牛肉, 唉, 呢個可算係成餐飯既敗筆, 雖然芒果新鮮, 但係牛肉就好多筋, 又la過, 仲要份量好少, $80得個幾片, 有無攪錯呀仲要d汁令到全碟餸濕漉漉, , 好唔掂!好彩叫左個炸柚子盲鰽, 魚肉一片一片起左肉, 炸得香脆而且有好多鮮柚肉, 溝埋酸辣甜蝦汁, 連我80歲既爸爸都食到唔停口兼食到lam lam脷呢p.s.期間有幾款特價餸及買1送1飲品, 可惜團購不能叫呢