五月星牛肉麵

营业中

休息中

這天到了堪稱觀塘最旺的地方， 駱駝漆大廈三座，裏頭找好吃的。在11樓有一家台灣牛肉麵 - 五月星， 聽說是罕有的不放味精的牛肉麵，就來一試究竟。主角當然是牛肉。 餐廳用上牛腱， 淆煮得軟淋， 又帶一點煙韌吃起來很過癮，我最喜歡吃這口感的牛肉。此外，我發現這裏有一個新優惠， 就是不計成本的讓客人 小吃吃到飽！ 就是放題嚕！小吃包括是蒜泥白肉， 蒜拍青瓜， 爽脆雲耳等等的小吃。 真的是花個幾十塊就在這可以大快朵頤，不得了！ 極力推薦。 特別是蒜泥白肉， 吃起來跟某家米線的絕對不同， 這吃起來的感覺比較厚實， 但蒜味不會過盛， 喧賓奪主；而白肉有該有的肉香，有咸香味。

星期五我和同事們一起吃午餐，有人提議吃台灣菜。就去試下這間五月星牛肉麵！五月星牛肉面係觀塘工廈區，十分就腳。LUNCH時間已經有唔少人，小店十分有台灣風味。招牌紅燒牛肉面$73份量夠曬! 牛肉紅燒後十分入味，湯底好濃郁。湯底係用過百斤牛肉骨熬製而成，而牛肉口感鬆軟，絕無添加味精，真材實料。另外點了推介的刈包，用秘製方法炆的焢肉，肥而不膩，再配上自家製的酸菜、青瓜片、花生碎，食落酸酸甜甜，口感層次豐富。其他點的主菜都是大路的台灣菜！飲品是台式特飲珍珠奶茶。

今日放工同男朋友到工廈食新開既台灣野入到去 店員問有無訂位？仲以為哩啲食店唔可以留位tim店員服務態度好好 係香港有咁既服務態度已經絕跡了 值得加許一下！ 每位人客點左主菜後可加$32/人頭任食小食。小食大約有八款左右哩間台灣野值得一試

晚上去了觀塘工廠區3樓的一間樓上台灣餐廳，餐廳名字叫五月聲牛肉面，主打是台灣牛肉面和滷肉飯，餐廳雖然細細，可以坐約 30人他們有一個好特別的調味架，上面有孜然粉，紅椒粉等特別配料，任由客人自選添加，我們選了兩款主食，第一款招牌紅燒牛肉湯麵，呢款湯麵的 牛腩絕對是呢間店的首選，因為牛肉非常嫩滑絕對沒有久煮之後的柴皮感覺，加上略帶甜味的湯底，非常合適的配搭。另外一款是花枝丸滷肉飯，花枝 片非常之爽口，加上自家制的滷肉，味道非常之好，另外點了兩款小食，第一款是蒜泥白肉，薄薄的一塊豬肉，加上青瓜和蒜汁，十分之醒胃 ，另外一款是芝士炸雞塊，這一款真的是非常出色的製作，雞塊經油炸後油而不膩，加上芝士淋上去，內院多汁的雞肉和外皮的鬆脆， 令到食指大動，跟住叫了兩款飲了，分別 是黑糖薑茶，和珍珠撞奶，這款珍珠撞奶，黑糖味十足，甜到剛剛好，加上非常有咬口的珍珠，正整杯飲了完美。

又嚟工廈搵食喇～呢度真係驚喜處處，今次我地決定食台灣嘢手拍青瓜$20青瓜夠凍夠酸夠入味，夏天食一流白灼時蔬$15係蠔油西生菜，一樣好新鮮招牌紅燒牛肉麵$73呢度嘅牛肉麵有辣同唔辣揀，湯底會有唔同架，紅燒湯底係加入湖南香料熬製，微辣，食落啱啱好，牛肉係牛𦟌，好淋好入味，我啱啱去完台灣旅行，呢碗同台灣老字號食到嘅味道不相伯仲。宜蘭蔥油雞$63呢碟雞真係超級嫩滑，問過店員原來係慢慢浸熟，唔止一般蒸熟嘅做法，有心機得多。蔥油亦都好香，可以食到幾碗白飯～百香果綠茶$22 右茶味清香，好解渴，我好鐘意！水蜜桃多多$25左酸酸甜甜，好開胃

上星期係觀塘上完堂後, 順便係附近覓食, 今次去了工廠大厦裡的五月星牛肉麵食飯.小食點了試管鹽酥菇.主菜點了清燉牛肉麵.飲品點了黑糖珍珠撞奶. 試管鹽酥菇. 枱上放了六款不同的調味粉, 客人可以因應自己的喜愛混入菇中.我選了海苔, 芝士. 我特別鍾意海苔粉.而菇的粉漿唔算厚身, 而且放耐咗仍能保持脆身.這個是相當重要.黑糖珍珠撞奶.賣相幾靚.珍珠夠煙韌, 而且唔會太甜, 入口有淡淡的奶味, 啱晒我口味.清燉牛肉麵. 牛展的份量比我想像中多.而且夠大塊, 偏向厚身, 所以口感較佳. 肉質夠稔身, 完全唔覺得硬身和乾. 麵質軟硬適中. 估唔到個湯底咁香濃, 又鮮味.原來用了大量的骨頭煲出來, 完全無精味, 飲晒所有湯都無問題.觀塘的工厦真係有好多好味的食店.

其實駱駝漆有很多好的餐廳！今天來試試這個台灣菜餐廳人流是頗多的，幸好我們今天有訂位！餐牌上有各種台式小食、飯麵及飲品，由於很多款也很吸引，我們點了很多！招牌紅燒牛肉麵上菜時已嗅到那陣牛肉麵的香味，湯底十分濃郁惹味，牛肉及蘿蔔也十分入味，麵質煙韌，而且份量也是頗多的！清燉牛肉麵這個湯底十分清甜，帶有淡淡的牛肉香味，喜歡清淡一點的人一定喜歡這個！試管鹽酥雞我是被試管吸引的！其實就是可以選擇很多不同的調味粉，有香草、蒜鹽粉、梅粉、芝士粉、辣粉等。這個實在是十分有驚喜，鹽酥雞被炸得脆脆的，而且雞肉肉質鮮嫩，再配上不同口味的調味粉，令味道提升！而我最喜歡的就是蒜鹽粉及梅粉！白灼時菜今天的時菜是玻璃生菜，加了蠔油不錯刈包這個不是每個地方都有，所以我們也點了。這個是用蒸籠上的，很特別，也記得要趁熱吃！這個包的口感十分特別，又爽又甜又鹹，值得一試！黑糖珍珠撞奶這個也是有驚喜！本以為是最近很興起的黑糖珍珠奶茶，但味道及口感及不同！這個撞奶有一種攤銷的香味，而且珍珠是混珠，有不同的口感，喜歡奶類製品的人一定喜歡這個！菊花蜜這個真是名正言順的菊花蜜，帶有十分濃郁的菊花味整體來說，餐廳的食物質素不錯，而且款式

復活節假期同媽咪去左轉台北一趟今日約左兩位好閨蜜👭1齊食個晚飯 派手信好友係觀塘番工 推薦黎食呢間台灣小店入面環境充滿著台灣風味蒜泥白肉醬汁酸酸地 幾開胃招牌紅燒牛肉麵女闆娘同我地講 紅燒牛肉麵既湯底用左騸牯牛餚, 四川湖南香料去熬左廿個鐘製成的 湯底有著膠質既口感飲左一啖就已經飲得出 真材實料無味精 而且味道仲好濃郁牛展份量都唔少 件件都好厚但又件件都煮到好腍 好入味 又帶少許嚼口麵條仲幾彈牙Tim!鹽酥雞鹵肉飯🧂🐔老闆娘溫馨提示 檯上有唔同口味既調味粉配埋鹽酥雞1齊食有”椒鹽”, “芝士”, 海苔”, “梅粉”, “辣椒🌶️”同”孜然”鹽酥雞外層鬆脆每一小條既五花肉條 層次分明 但又唔算油膩滷汁好香 配飯食一流寶島口水雞🐔麻辣汁夾埋白芝麻 花生碎加埋超嫩滑既雞肉 好好食試管🧪鹽酥魷魚🦑一上菜 個份量嚇親我 件件都超大熱辣辣又好香口 炸到岩岩好 又唔油膩配埋甜酸醬食 無得彈三個人share 食左咁多野都唔過$300, 超抵食!我覺得呢間小店比我係台灣街邊既小店更好食好少可仲食到咁有誠意既食物下次再黎 可以試埋佢地既 “清燉牛肉麵”老闆娘話佢地用左蘋果🍎雪梨🍐去燉湯的 聽見都漏口水了

👍👍👍誠意推介小店:😋📣😋📣😋📣趁這週末地鐵小童價優惠，又來觀塘食嘢，買完零食，就上來試試這台食店，店舖主打牛肉麵及特色刈包，跟我說若點吃的話，1定有驚喜，可惜我不吃豬肉，所以沒緣試了。冇滿漢牛肉麵，唯有試招牌紅燒牛肉麵🍜。廚師端上麵來時，囑我可吃辣的話，可以加點辣椒醬吃，更滋味。我先嚐湯底，發現湯底超濃，牛肉味很夠，還有微辣呢😻👍～飲得好過癮😍😋😋😋，所以食到最後當然是把湯都喝光了。相片看到麵很大碗🍜，料也足的。（牛肉牛是8小時熬煮的，相當腍及入味。😋👍👍👍這是聽到廚師回答食客問雞為何可以煮得這麽滑時得悉的，雞也是像其他大師教的大火煮1會後，滾水浸1下，再浸在冰塊內，所以絕對是心機來的😻👍）吃著吃著，真的感到廚師煮麵的用心，所以很好吃。😋😋😋廚師曾到台灣學廚藝，所以更有說服力。午餐套餐優惠更抵呢～店舖亦是台式懷舊風裝修，簡單得來令人懷舊。珍惜這樣有心的小店，撐~!👍💪💪💪

係呢區工廈搵食已經唔係新鮮事，但食台菜次數唔多過1隻手，今晚由駐觀塘"扮工"友人介紹去呢間食物選擇以小店黎講係岩數，每款價錢唔超過3位數字，唔收加一，相當抵食!見到餐單呢個刈包($32)係必食，就即管試一試係咩料子!  以蒸籠上枱，打開就見到呢個唔細個嘅刈包軟軟微甜味包內夾住五花肉，酸菜及花生粉，五花肉唔算太肥，咬落食到肉汁流出，再加上有唔太酸嘅酸菜作緩衝作用，香口花生粉及糖又增加左味道嘅層次，果然係必食呀!食台式食物，鹽酥類食物當然要叫，幾款選擇，叫左呢客試管鹽酥菇 ($48)，試管即係呢幾支唔同口味嘅味粉，包括椒鹽，芝士，海苔，梅粉，辣椒，孜然除你口味加落去炸菇，又或者可以單食，點甜酸醬亦得，炸得乾身唔油膩飲品選擇唔算太花巧，基本上係會搵到岩飲嘅我就搵到呢杯水蜜桃紅茶 ($22)，飲落有香桃味道，甜度唔太甜，夠凍無加冰粒，一杯份量都夠成餐飲!喜歡食台式鴨血，呢份麻辣鴨血 ($32)作為小食都唔錯，鴨血唔會一夾就散開，口感滑中有點煙韌，麻辣味比例麻味偏強，唔算辣，而底下嘅大豆芽及菇亦沾上麻辣味，唔好漏左佢地呀!另一個皇牌係呢碗招牌紅燒牛肉麵 ($73)，湯底係以大量騸牯牛餚製而成，餚

我地不時都黎觀塘工廠區行街買野，發現樓上有間台式小店，主打係我鍾意既牛肉麵，於是入去試下我地要左紅燒牛肉麵 & 清燉牛肉麵紅燒牛肉麵，好大碗，第一啖當然要先飲湯湯頭非常濃郁，比較重口味，比我地係台灣食既牛肉湯更濃，更帶少少藥材味，而且無味精，飲極都唔會口渴老闆出黎同我地講，推介加辣油，果然令味道更濃，層次感提升，不過落少少辣油都已經幾辣，建議落得輕手d老闆同我地傾偈，在台南學師，堅持每日用勁多牛骨淆湯，用料由唔同地方入貨，睇得出老闆好有堅持，對食物有要求麵條煙韌彈牙，吸收左牛湯，由頭食到尾麵條都保持煙韌而牛展厚切而軟腍，好好食，份量又多而清燉牛肉麵，麵條同牛展同紅燒牛肉湯係一樣湯頭雖然係叫清燉，但都好濃味，牛骨味重，清澈唔油膩，而且飲到絲絲清甜味，老闆話因為落左蘋果雪梨小食類，貴妃醉豬手，酒味濃郁，豬手非常軟腍，有不一樣既口感，好容易食到豬手既筋位手拍青瓜，非常爽脆，酸酸地好開胃黑糖珍珠撞奶，奶味比例較重，加上黑糖，幾好飲，珍珠煙韌q彈黑糖薑茶，薑味濃而不辣，飲完喉嚨幾舒服

反正經常觀塘、尖沙咀、港島一帶出沒，係時候要分類一下了。今次又係**觀塘篇**駱駝漆工廈集中了不少食店，今次試既係第3期既台灣牛肉麵。請店員介紹一下幾款牛肉麵。最後點了清燉牛肉麵，湯底用咗騸牯牛既牛骨熬製廿多個鐘，再加入蘋果雪梨一齊煲。先呷一口，清甜順喉，每一口都係精華，我成碗湯飲哂都唔口乾口渴。牛腱肉牛肉味重，煙韌入味。蘿蔔係用最中心既位置，所以特別清甜透亮無渣~以蒸籠盛住刈包，白麵割包包住鹵五花肉入味，柔軟易咬。酸菜爽口而不咸，無果種酸酸既刺鼻感，花生粉係店主以原粒紅衣花生炸香磨粉，糖提升左肉香，味道非常融合~跟我上次台中食既有八九成相似🥙糖醋豬軟骨滷肉飯 豬軟骨充斥著鎮江醋既味道，酸酸甜甜，軟骨被炆至軟綿，寧舍開胃，飯都食多D吖!滷肉飯滷汁香，味道唔太濃但散發出油蔥酥，蒜酥既香味~一條條五花肉條，層次分明送進口裡不油不膩　麻辣鴨血，滷得入味又不失麻麻辣辣既味道 滑潤帶彈性。試管鹽酥雞試管係指 1 set 6枝既調味粉，可隨自己喜好加上。鹽酥雞外層鬆脆，又唔會因為凍左而變淋~黑糖撞奶，唔甜，奶味濃，黑珍珠Q彈🥤店主寧願成本貴少少都要比客人食到最好、健康既野~從言語間亦感受到店主一種

好耐冇黎過觀塘區呢頭搵食，朋友話想食下台灣野，於是搵到呢間網上有好評既地道台灣菜。五月星牛肉面係觀塘工廈區，十分就腳。晚飯時間已經有唔少人，雖然係隱世小店但十分有台灣風味。招牌紅燒牛肉面$73份量超大! 牛肉炆得好林，紅燒後十分入味，面既軟硬程度剛好，湯底好濃郁。鹽酥雞肉鹵肉飯$68鹵肉唔同一般食到既細細粒，呢到係厚切，加埋炸雞肉，仲有甜酸醬Tim, 飯既汁都幾夾。白灼時蔬$15叫碟菜比較健康桂園紅早茶飲品都好清新，食到桂圓，甜度都ok.

駱駝漆11樓，現在好像變左美食街，而且每一間都無令人失望，今次就試埋依間台灣店清燉牛肉麵因為喉嚨唔舒服，小小辣都唔係太多，雖然清湯，但飲得出係由牛骨淆成，而且無味精味，所以清淡得黎牛香味都足，台灣牛肉都無失望，厚度岩岩好，有咬口得黎亦不韌五月星拌麵（古早味）拌麵同湯麵的麵都是用同一款，都十分彈牙爽口，除了古早味仲有辣味，咁古早味就酸酸甜甜，滷肉碎增加鮮味，仲有菇類平衡番d味不得不說，兩碗麵都好大碗，食完都已經好飽，早知唔叫小食芝士鹽酥雞食台灣野當然唔少得鹽酥雞，剛剛炸起仲熱騰騰，外皮脆脆地，上面仲有熱溶可以拉絲的芝士，咬落肉汁都湧出黎，肉都幾嫩，枱上仲有幾款調味料，隨喜歡配合彰化焢肉第一次食，感覺有點像東坡肉,但無咁肥，味道就少少肉紅燒牛肉的感覺，肉都易入口，未食過都可以一試黑糖珍珠撞奶唔似好多店鋪，是但落黑糖加牛奶，得個死甜，少少黑糖味，其實都已經幾好飲

逢星期五我們公司就會全公司一起吃午餐，而今個星期同事就提議吃台灣菜！而這間五月星牛肉麵我都是第一次吃的！我個人來說是非常滿意，下次都會想再來喔～😃首先很喜歡一個餐包了主菜，小食，飲品！主菜都是大路的台灣菜，小食有10款可以選擇不錯的！飲品並不是普通的檸茶奶茶，而是台式特飲喔～ 以一個餐70多元來說是不錯的！寶島口水雞+鹵肉飯+麻辣鴨血+奶蓋綠茶（+$3） $81口水雞份量超多的，還挺辣的！肉質算滑，很滿意👍🏻鹵肉飯就一般般啦！鹵肉份量不多，汁也不多！麻辣鴨血，沒有很滑口感一般，但味道不錯很入味！