五月星牛肉麵

营业中

休息中

逢星期五我們公司就會全公司一起吃午餐，而今個星期同事就提議吃台灣菜！而這間五月星牛肉麵我都是第一次吃的！我個人來說是非常滿意，下次都會想再來喔～😃首先很喜歡一個餐包了主菜，小食，飲品！主菜都是大路的台灣菜，小食有10款可以選擇不錯的！飲品並不是普通的檸茶奶茶，而是台式特飲喔～ 以一個餐70多元來說是不錯的！寶島口水雞+鹵肉飯+麻辣鴨血+奶蓋綠茶（+$3） $81口水雞份量超多的，還挺辣的！肉質算滑，很滿意👍🏻鹵肉飯就一般般啦！鹵肉份量不多，汁也不多！麻辣鴨血，沒有很滑口感一般，但味道不錯很入味！

食過一次後，成日都掛念這裡的食物。好好味的台灣刈包，甚至覺得比台灣的更好吃，哈哈，餡料多到滿瀉，喜歡她甜甜的花生碎，下午茶食一個已經飽飽。 這裡的店員也很友善，會與你閒聊，十分親切。

五月星開在工廠大廈，相信舖租相對便宜，午市有11款選擇，包小吃、主食及飲品，價錢由$58起，最貴的滿漢牛肉麵索價$98，少許貴。與好友分別點了刈包拼鹵肉飯及紅燒牛肉麵，小吃則是茄子及蒜泥白肉，飲品就點了黑糖薑茶及加$3的黑糖撞奶，額外再點一份鹽酥雞，埋單就$202了。主食食物份量不少，紅燒牛肉麵有多件厚切牛肉，煮得夠腍，味道尚可，但湯底偏鹹，少了台灣牛肉麵湯頭的甜味，麵質一般。朋友說刈包内的焢肉有點肉臊味，不討喜。鹵肉飯、餐前小吃一般。鹽酥雞跟6款味粉，又稱試管鹽酥雞，可惜跟雞塊不算太夾，gimmick 罷了。餐飲方面，我選的是黑糖撞奶，內有珍珠，即等近期大熱的台飲黑糖珍奶，第一口都頗有驚喜，跟名店喝到的差不多，但吃過主食後味道變了，有點怪怪的像壞了的牛奶，所以沒把它喝完。我們是下午茶時間到訪，一個客人都沒有，但店主就要求我們坐二人桌，一點彈性都沒有，故我們的食物堆滿枱面，吃得得侷促。整體來說，環境、服務，食物均一般，不如其他食評所說的勁讚，只可一試，未必再試囉！

刈包好好味 , 重點係侍應們態度良好有耐性係香港可以話好難得查詢餐點好有耐性講解講下餐點刈包當中有花生碎甜甜地撞埋唔會過油同肥既豬腩肉包既質地軟熟當日重點左小食黃金皮蛋辣味濃郁雖然食完就一直打「絲egg」但我仍然係不能停呀之前食過豬血可惜當日無貨百香果綠茶亦都好好味雖然只係同糖精溝綠茶但絕對唔會死甜希望店家可以不忘初心繼續努力繼續保持呢一種態度經營 如果硬係要講缺點就係店內抽風欠佳食完滿身油煙味「繞梁三日」地點嘅升降機，比較耐不過都係不可抗力

一行四人來到駱駝漆大廈搵食，因為同長輩一齊食，所以諗住搵返岩佢地食既口味，結果揀左呢間店。我地分別點左四個餐，包括：試管鹽酥雞：我老公見佢餐牌寫住推介，咁就揀左，點知..是一款普通的炸雞球，份量有五件，味道十分淡口，就算落埋試管粉都是沒有味道招牌紅燒牛肉麵：牛肉用的是牛𦟌肉，都大件，食落無渣，麵質一般宜蘭蔥油雞：味道還可以寶島口水雞：最好味呢個，麻、辣兼備前菜揀左-貴妃醉豬手、涼拌茄子、蒜泥白肉、白灼時蔬*魯肉飯或白飯可免費添加*服務友善

老公生日前夕，一家三口出街食晚飯慶祝，我地選了位於觀塘的五月星牛肉麵台灣餐廳，其實係因為女女中意食台灣菜。我地叫左好多野，吃得飽飽，也只是二百多元，價錢十分實惠，而且每樣食物都好好食，老公呢餐好滿意。我最喜歡黑糖珍珠鮮奶，奶味香濃，加上黑糖的甘甜和彈牙的珍珠，女女不斷搶著要飲。食物方面，刈包最令我留下深刻印象，包裡的肥豬肉肥美，酸菜不過鹹，中和肉的膩，甜甜的花生碎更是亮點。食完餐飯，好似去左轉台灣旅行，因為食物正宗，是台灣的味道。店員姐姐好友善，還經常問我們對食物的意見。她說，全店食物不加味精，所以好多家長帶子女來吃東西。她又建議我們下次可點清燉牛肉麵，好適合小朋友。

午餐有主菜+小食＋飲品，選擇都很多，服務員態度有善泡沫紅茶可以走甜，唔錯巨峰提子綠茶無乜提子味，唔算太甜都幾好既紅燒牛肉面，牛肉夠淋，湯較淡，加左酸菜配搭幾新鮮又開胃刈包同肉燥面係一個Set Lunch, 本身以為份量會比較少，送到上台都幾驚喜，兩者份量都唔細，肉燥面我覺得湯底好油，面質較硬身，中意清淡者會幾抗拒，雖然本身肉燥一定油，但呢個算係過份油；反而刈包好好食，一舊肥瘦適中既腩肉配上涼拌青瓜酸菜，完全無肥膩感覺，包熱辣辣，整體包比面出色

係官塘打滾咗十幾年，而家官塘真係越嚟越多好嘢食！趁小b爸放假，嚟官塘買嘢兼搵食！今次就嚟咗間隱世台式小店 - 五月星牛肉麵 ，幾抵食，有驚喜！手拍青瓜 - 跟平時食開嘅唔同，用檸檬汁取代醋去浸，唔太酸，青瓜入味爽口！黃金皮蛋 - 晶瑩、溏心香濃，配上微辣汁底，好惹味！連一向唔喜歡食皮蛋嘅我都一食再食！試管鹽酥雞 - 外脆內嫩滑，皮唔會跟肉分離。枱上有個試管架，一支支試管放入不同嘅調味粉，自己調味，幾得意！宜蘭蔥油雞 - 雞肉做得十分之滑，老公大讚！上面仲有放咗好多配菜，很香口，好餸飯。刈包 - 必食推介！嗰包好軟熟，中間夾住酸菜、青瓜、厚切五花腩、花生碎，份量十足、口感豐富！食落一啲都唔覺得膩！今次叫咗一個同老公share，唔夠喉！下次我自己要獨食一個！五月星拌麵、豬軟骨拌麵、鹵肉飯 - 拌麵好大碗，麵彈牙; 鹵肉係手切豬肉，有咬口，味道唔會過濃。青蘋果益力多 - 老公評語: 清甜，好飲。黑糖珍珠撞奶 - 香濃嘅黑糖味，珍珠Q彈，小b搶住飲。我哋食到捧住個肚走，好滿足！無味精，食完唔會口渴！下次要encore刈包！仲要試埋招牌紅燒牛肉麵同試管鹽酥魷魚！

呢間鋪既地點都幾易搵係觀塘站B2岀口落樓梯直行就到架啦行過去5分鐘都唔洗 幾方便我地都叫左幾多野食 埋單都只係$2xx🤩❤️重點推介❤️🍞刈包入面有青瓜+酸菜+花生粉+東坡肉口感比我想像中好 舊肉夠哂肥 但唔會膩🧪試管鹽酥菇有成9種唔同口味既粉可以自己隨意灑落d菇到我地試哂所有既味孜然粉 芝士粉 椒鹽粉都好值得一試有得玩有得食 好有新意🤩🍜🍜🍜🍜🍜🍜🍜🍜🍜🍜🍜🍜🍜🍜🍜🍜🍜

五月星牛肉麵💕早前同靚女#馬欣澄BB 去完觀塘Casting, 跟住一齊去觀塘工廠區搵食！嘩！今次去嘅「五月星牛肉麵」真係不得了👍🏻！.本來，都只係諗住近近地又經濟同埋可以坐耐啲傾下計！點知😱，呢度嘅菜式真係令我哋非常驚訝😱！！❤️ 先介紹一下相中嘅「招牌紅燒牛肉麵」，啲牛展很厚厚的，但一入口堅QQ彈牙，又非常入味，唔似出面食嗰啲薄薄一塊成碗油立立！再講啲充滿牛味嘅湯，我真係無誇張，一入口真係好！香！好好味！..原來老闆要用成200斤嘅牛骨再加上不同嘅材料去肴制湯底，但一點都不油膩！而最緊要係冇用味精！！！仲有個籮白，老闆唔係就咁將個蘿蔔切成一嚿嚿然後放落個湯度，而係只用蘿蔔心，所以蘿蔔唔會有渣，而且非常入味！當中嘅心機真係唔少㗎❤️..*手拍青瓜想揀啲開胃嘅前菜💕呢度嘅手拍青瓜同平時食到嘅唔同,青瓜調味係用上檸檬取而代之醋，老闆話每碟青瓜係用一個星期是檸檬榨汁😳，好足料，酸酸甜甜酸好開胃比平時食到嘅吃到的手拍青瓜口感更香脆。..*鹽酥魷魚試管鹽酥魷魚，有多種試管調味粉俾你選擇,有海苔、辣粉、孜然…生炸好新鮮好脆，炸粉係老闆搜尋咗好耐，希望客人食第一啖及即使放了一陣放凍咗，仍然同第一口吃嘅

眾所週知，觀塘已經變成一個美食天堂，有好多隱世美食等大家去發掘，而係駱駝漆大廈3座入面就有間隱世台式的牛肉麵——五月星牛肉麵。入到去環境都幾大，坐落都舒適，室內裝潢設計成大排檔。點了老闆娘推介既刈包、招牌紅燒牛肉麵、清燉牛肉麵、貴妃醉豬手，同點左杯黑糖薑茶。刈包，係台式漢堡包，長橢圓扁形饅頭夾住餡料，白饅頭鬆軟，味道可口不錯！貴妃醉豬手以紹興花雕酒同小量中藥烹調而成，豬手入味夠腍，酒味亦不會太濃。黑糖薑茶味道適中，薑味不重亦不過甜。招牌紅燒牛肉麵及清燉牛肉麵分别以粒狀同片狀牛肉拌白麵條。招牌紅燒牛肉麵味道適中，不會太鹹，而清燉牛肉麵拌以新鮮蘿蔔，感覺清新，味道不會很淡。而最重要的是，食物都是不添加味精的。

今日放工，到極少去既地方@觀塘食晚餐。觀塘好多工廈，入面都有唔少食肆。👨‍🍳👩‍🍳食物質素：招牌牛肉麵，老闆用左百斤牛骨整個湯底，冇味精，所以飲埋湯底都得。個麵就搵左香港的麵廠整，食到尾唔會變左糊仔咁。五月星拌麵，有菇，肉燥，青瓜。汁加左少許醋，酸酸地，開胃。肉燥係肉粒，唔係一pat pat。黃金皮蛋，有少少糖心，比平時皮蛋，鉛味冇咁重，適合一些怕鉛味既朋友仔。l試管鹽酥雞，其實係有6種唔同粉比食客選擇。雞有6件，我就每件配一種粉。雞用左雞腿肉，完全唔嚡，裏面仲有少少肉汁。脆皮唔會因耐左先食而變得淋左。我最鐘意梅粉配鹽酥雞，夠特別。🛋️🛋️環境：唔算迫，會播著歌比大家邊聽邊食。👦👧適合人數：2-4人😋好食指數：4/5😍Souffle 舒服指數：3.5/5

(小店系列）觀塘五星的牛肉麵工廈美食，近年大行其道。香港，租金昂貴，地舖更貴，所以很多餐廳，為了減低租金負擔，只能在工廈開店，因此工廈臥龍藏虎。今天，我就在觀塘，其中一幢商廈，叫駱駝大廈，跟一間臺灣餐廳相遇了。其實，這間餐廳，是在臉書上找到的，這些小店，因為資金有限，只能採用這些免費平臺宣傳。收工後，由九龍灣到官塘，搭巴士，只需20分鐘，但等女朋友就用了一小時。等待期間，幫襯了一家很有趣的奶茶店，在這裏不多說了，會在另外一篇跟大家分享。由觀塘創紀之城，走過去，需時十分鐘。在觀塘，駱駝大廈是很有名的，內裏餐廳商鋪林立，五月星牛肉麵正是其中之一。五月星牛肉麵，在駱駝大廈第三座十一樓，乘升降機上去，很快便到，店鋪門口有點兒簡陋。進入門口，店鋪內燈光有點暗，客人不多，但店中間，有一臺人，大約十個左右，一家大細，配合店中環境，很有家庭式的感覺。店牆上，有一些臺灣的相片，例如，十分火車站。菜單上，臺式食品為主，但亦有川式小菜，例如蒜泥白肉，麻辣鴨血等等。我要了一碗招牌紅燒牛肉麵，五月星拌麵，及一份小食，黃金皮蛋。可能因為，人手太少，所以等候頗長，大約半小時才上菜。菜式的味道，平凡紮實，先講招牌紅燒

今晚來到觀塘睇波鞋outlet後，試左這間台式餐廳，老闆「真」心對出品好有要求，「真」款款食品好有質素！👍🏻👍🏻😍..店舖小小，店內簡單放上主打食品相及台灣特色景點相，播住周董的歌😍⋯真心已很有台式小店味🙌🏻..今次我們叫了：..必食 刈包 ⭐️⭐️⭐️⭐️⭐️外貌特別，包住厚切醃過的五花腩（但不油膩）、酸菜、小青瓜、花生碎，一口咬下層次很豐富😙。要趁熱食才品嚐到最佳味道。..海馬仔食左整個包包🤣 ..招牌紅燒牛肉麵 ⭐️⭐️⭐️⭐️⭐️湯底用十多斤牛骨🐮及時令蔬果熬製而成，無添加味精，每啖湯都清甜濃郁但不油膩。$73 有6-7塊牛腱！而且塊塊都入口鬆軟但又保持到有嚼勁！麵底由老闆找廠特別攞貨，食到尾，麵身都仍然有彈性！..試管鹽酥雞 ⭐️⭐️⭐️⭐️鹽酥雞🐔外脆內軟，除了配上酸辣雞醬外，枱上仲有一排6支試管🧪調味任你用，適合不同客人口味！..糖醋豬軟骨滷肉飯 ⭐️⭐️⭐️⭐️豬軟骨肉厚鬆軟但咬落有膠質又彈口😋 ！滷肉🐷是老闆親手用刀切碎，不是用攪肉機攪碎，半肥瘦質感不錯！🙌🏻..手拍青瓜 ⭐️⭐️⭐️⭐️青瓜用檸檬汁取代醋來醃，食落有檸檬清香果味但除去了醋帶來酸澀的after taste，老闆細心的烹調手法💕..這裡也有供應臭

*清燉牛肉麵牛肉牛展炆得剛剛好！而且是極厚切~!蘿蔔只選用蘿蔔芯,所以保證冇渣用牛骨燉多個小時,湯底同時加入創新的蘋果雪梨,養顏入口更為清新~*鹽酥魷魚試管鹽酥魷魚，有多種試管調味粉俾你選擇,有海苔、辣粉、孜然.魷魚係生炸,並非翻炸產物,所以會幾新鮮,*糖醋豬軟骨軟骨被炆至軟綿容易入口，咀嚼一點也不費力，完全吸收晒糖醋嘅味道*鹵肉飯滷肉醬汁油香豐腴，肉質軟腍，啖啖都有豬肉的鮮味及醬汁的濃郁味道*刈包包身軟綿香甜,控肉花生酸菜青瓜五花肉多種食材共冶一爐,味道具層次~~*蒜泥白肉醬汁入味,肉質豐厚,底部有青瓜,可一同進食*珍珠奶茶奶茶香滑~ 珍珠口感煙韌，味道香甜