五月星牛肉麵

营业中

休息中

呢間小店晚市時段柯打一個主食，之後加$32可以任食9款台式小食，勁吸引！先講主食，我們都沒有選滷肉飯或拌麵，但原來牛肉麵除了湯底也分了兩種！招牌紅燒牛肉麵 $73 牛肉有筋，幾有嚼勁，但唔會痴牙。仲有好腍既蘿蔔，唔錯！滿漢牛肉麵 $93 隻碗大一倍（睇對筷子就知幾大碗）料都多好多，有牛肚牛丸（粒牛丸好似係醬爆，好好食！）不過我選麻辣湯底就唔係好覺辣，反而有點偏甜。台式小食方面，首推甜𣎴辣，即炸需時，熱辣辣，外脆內煙韌，正！次推黃金皮蛋，賣相好似一般，但口感同醬汁都好食喎，我地一人食左幾隻！麻辣鴨血同麻辣豬耳都唔錯，Encore左兩次。蒜泥白肉塊肉偏瘦，醬汁唔夠譚仔好食。蔬菜方面，麻辣菇菌派對同涼拌茄子幾好食，手拍青瓜同涼拌海帶就正常普通，白灼時蔬就無叫到。本身想請試店家另一招牌試管鹽酥雞，不過食台式小食食到飽，都係下次有機會再試。飲品叫左杯巨峰提子益力多 $25，雖然睇住水吧即時加益力多落攪拌機整，但見杯飲品分左兩層，味道唔算濃，攪匀飲覺得味道有少少怪...。

呢款🐂紅燒牛肉麵🍜湯底非常濃郁，與出面其他牛肉麵有少許唔同，湯頭帶甜和微辣🌶️，而且有點稠杰身，每啖麵都可以食到啲湯，最適合重合味人士😋！牛肉大概有5塊，厚切且帶點牛筋，非常入味👍！份量非常之多，一般女仔會食唔曬，男仔就一定好滿足😙。午市套餐仲包埋小食同嘢飲！鍾意食台灣麵嘅朋友可以一試喔🤙～價錢望落雖然好似有啲貴，但包嘢飲同小食，碗麵亦好大碗，整體都算抵食嘅～店員服務態度都好好，好有禮貌！

講起化學堂，大家應該好快會諗到'做實驗'，而講起實驗，相信你地會聯想到test tube。今次帶大家重拾令起test tube嘅感覺，不過唔係做實驗，而係幫鹽酥雞'上粉'😂招牌紅燒牛肉麵$73🍜果然係招牌，同我試過嘅紅燒牛肉麵完全唔同，個湯底好濃，仲飲到d菜味，texture亦比出面嘅厚，但一d油膩嘅感覺都無。牛肉入味得來唔會過鹹，蘿蔔亦好清甜😆蜂巢牛肚拌麵$68🍝見大家推薦五月星拌麵或豬軟骨拌麵，所以點都要拌拌佢嘅，不過配菜就揀左我最愛唧牛肚🤤牛肚淋得來仲補留翻少許彈牙唧口感，而且好入味。拌麵方面，味道酸酸地都幾開胃，但因為係椒麻，所以會越食越辣😆試管鹽酥雞$48🌡揾test tube裝調味粉，幾有gimmick😍雞件本身都幾脆，但大舊左啲。試左5種粉之後，感覺都係梅粉同芝士粉最夾。芝士粉會令鹽酥雞更惹味，梅粉就可以帶出鹽酥雞本身嘅雞味同鹹味。不過呢，test tube就bug bug地，好難先chok到d粉出來😥青蘋果紅茶$22🍏巨峰提子益力多$25🍇

觀塘駱駝漆大廈有好多良心小店，第一次嚟到就揀咗依間五月星牛肉麵💛招牌紅燒牛肉麵湯底好濃，牛肉湯帶甜味而且微辣，牛肉好腍仲有蘿蔔酸菜幾豐富。試管鹽酥雞好有新意，可以自己隨意落唔同口味嘅調味粉，鹽酥雞炸得酥脆，我都係鍾意加番辣鹽酥雞粉，還原番平時食開嘅椒鹽味，另外仲有孜然粉、海苔、梅粉等等。鹵肉飯不過不失，加咗啲蝦米仔食落香啲。最開心嘅係午餐小食有得揀麻辣鴨血，鴨血幾嫩食落真係幾麻又惹味。珍珠奶茶係細個飲開最經典嘅味道，雖然唔會話茶底特別香或者珍珠特別好味咁，但都滿足到想食台灣嘢嘅癮～

想去台灣而不能去的時候便會去食台灣菜，這次就挑選了這間工廈裏的台灣菜小店試試。我們叫了兩份套餐：- 試管鹽酥雞滷肉飯：試管是指有幾枝試管盛著香料，隨個人喜好加進鹽酥雞，鹽酥雞炸得幾鬆化，而鹵肉飯就沒什麼特別- 紅燒牛肉麵：這個必食，牛肉很淋身很入味，湯底少少辣也不錯套餐配以兩碟小食及飲品，欣賞麻辣鴨血，很惹味。這間店值得推介，性價比高！

lunch set 是一個價錢：小食 + 主食 + 台式飲品兩個人來食，可以叫兩款不同的小食黃金皮蛋第一次見透明的皮蛋！原來是用雞蛋醃製的不是灰黑色那種用鴨蛋醃製的皮蛋好溏心因為透明皮蛋的化學味比黑色的淡所以可以食蛋黃的蛋味麻辣蘑菇派對蘑菇處理得不錯帶有爽口感，又無菇菇那陣 up 味不過調味辣左少少天氣凍凍，想即時食碗熱野招牌紅燒牛肉麵是碗大麵！牛肉好淋，味道濃郁湯底係紅燒，有少少辣味但係辣得來帶有甜味令人愈食愈想食阿姨擔心唔夠食，盛意拳拳地說：可以加麵加麵，真係好多麵麵最後都有食曬！古早味豬軟骨拌麵一樣很大的一碗麵從廚師的擺盤，明顯地區分出豬軟骨、青瓜、滷肉配料多到只能讓部份的麵條露出來呼吸豬軟骨是硬左 d，咬得有 d 辛苦 調味方面除了甜味，還加了醋，味道像極糖醋排骨滷肉比其他台灣風味餐廳有點不同一來切得粗身，不是變成肉碎的滷肉是會見到有豬皮，有肥膏，超有咬口感，食起來有陣豬仔味二來不是深色的滷，反而是淺色的不濃味不鹹所以與其說是滷肉，不如說成迷你腩肉啦同樣是粗身麵條，拌麵的會更有咬口感掛汁力都不錯，小心醬汁彈到自己就是今次麵條是熱的(不熨口)，攪拌時見到麵條出煙！今次拌麵的汁份量

話說老公要試西裝🤵🏻大概試左半個鐘左右就走，去咗附近行吓行到肚餓為止作為屯門🐮嘅我哋真係唔知呢度工廠🏭大廈進駐咗好多餐廳架喎～🤭.我好鐘意食牛肉麵，加上老公又想食肉燥飯，啱晒～毫無懸念就入咗去呢間食我哋嘅晚餐～🤤.兩個人餓👻咁嗌到一枱都係嘢食😂😂💛清燉牛肉麵 $73湯底用咗騸牯牛嘅牛骨配合埋蘋果雪梨一齊熬製，清甜唔油膩，店員姐姐叮囑咁叫我一定要飲嗰湯～牛係牛腱肉，啱晒我，牛肉味重，大大嚿，夠腍～👍🏻😋.💛細碗肉燥飯 $25老公話要嗌細碗，所以佢就可以嗌多啲其他嘢食咁話🧐雖然細細碗，但啲飯嘅份量都好夠，啲滷肉亦夠晒去撈呀撈呀撈埋啲飯一齊食，汁醬夠惹味～😋.💛試管🧪鹽酥菇 $48一擺低，食咗嚿就停唔到～呢個時候試埋佢唔同試管調味料，試晒咁多款，都係鐘意梅粉同芝士粉～.💛必食刈包 $32真係要襯熱食，老公又喺餸一上枱就擺落口，店員切開一半比我哋～食落鹹鹹甜咁，加埋酸菜夠爽口，再夾雜咗啲花生🥜味，嗰包係鬆軟嘅，味道食落好特別，有啲似片皮鴨～.💛試管鹽酥雞粒 $48食到最後先嗌，但掛住食無影到相😔老公話好想食好想食，新鮮熱辣擺落口又差啲辣咀仔🥴炸得好脆好脆，但肉質仍然好juicy，唔同嘅調味粉將

🐮招牌紅燒牛肉麵 $78 (7/10)⠀湯頭紅紅的，確實做到紅燒嘅感覺😗，飲左一啖有黏口感亦增強到掛湯力，但湯就偏甜左啲唔係好飲到牛骨同香料味🤔。⠀配料方面牛𦟌肉同酸菜爽口而且比得都多，如果酸菜有加少少辣炒更香😮。⠀⠀🐔試管鹽酥雞滷肉飯 $63 (6/10)⠀整體普普通通🙈～⠀「試管」係每枱有幾支試管裝住唔同調味比客人自己加，咁岩我地枱冇試管同冇人提我地，埋單先知有試管哩回事🥲🥲🥲，大家記住食之前要問店員攞試管喇！⠀⠀🐖刈包+$10 （8/10）⠀刈包裡夾著五花肥肉、鹹香嘅酸菜、香口嘅花生粉，口感味道互相配合🥰，係今餐最滿意嘅一道菜。

根據我觀察, 在香港的台灣牛肉麵店, 相當大的比例是黃店, 藍店比例比其他中式餐廳相對少. 今次介紹的五月星又是一例, 在觀塘的駱駝漆大廈, 附近有著如六兩三這是同樣是主打台式牛肉麵的餐廳, 自然會比較起來. 同樣是紅燒牛肉麵, 五月星比六兩三在湯頭上味道較為輕盈, 帶著更多來自蔬果的天然鮮甜, 相對起來六兩三的湯頭比五月星更濃重, 辣味也更明顯, 各有特點. 牛肉方面同樣是牛𦟌, 五月星的肉量較多, 鹵得也頗入味, 但肉質偏韌, 這點要多加留意了. 除了牛肉麵, 刈包也是五月星的名物, 連同蒸籠上枱, 熱氣騰騰冒出那一刻相當治愈. 配料如酸肉及花生相當豐富, 肥瘦均等, 甜香味重的五花腩肉與味道純樸的饅頭, 是簡單但飽足的配搭, 相當有傳統台菜的純樸味道.

呢間餐廳位於觀塘工業大廈，其實唔係好難搵，而且門面已經棟左好多塊大餐單。餐廳主打紅燒牛肉麵，湯底相當濃郁，另外佢嘅面底比較特別，唔係一般嘅米線或者刀削麵。而係自己手打出嚟嘅！有少少似烏冬，但係比烏冬更有彈性！另外餐廳第二個主打就係晚市加$38可以任食小食，平時食一碟小食都已經係呢一個價，更何況而家可以任食！推介皮蛋，同埋蒜泥白肉！餐廳係每片白肉上面加咗自己自家製嘅蒜蓉醬同蒜泥，超級惹味（但食完小心會口臭）其餘小食好似青瓜、海蜇、雜菇就中規中矩啦～

最後一日觀塘返工，比我搵到喱間台灣野「五月星」！地方位於工廠大廈入面，食飯時間真係好多人，排隊搭lift, 等位佢地嘅午餐包括主食、小食同飲品。$58-$98 不等，價錢方面就唔算貴。今日我地就試左「試管鹽酥雞配滷肉飯，紅燒牛肉麵」，小食就「麻辣鴨血、麻辣菇菌派對」，飲品就是「黑糖撞奶同芝士奶蓋」。試管🧪鹽酥雞其實係幾件雞粒，自由加上旁邊用試管裝住嘅調味粉，今日見到有5個味道，我最鐘意就是紫菜同孜然粉味，麻辣一點都唔辣，岩鹽太普通所以沒有試，雞炸得幾好，唔會好油，好脆。而碗滷肉飯真係好台灣口味，用左五花腩肉碎而不是肉碎，幾好味，可惜雞（5粒）同飯份量都唔算多。紅燒牛肉麵湯底好濃，飲落有少少辣，牛展好霖，有幾舊好入味嘅蘿蔔，整碗麵相當唔錯小食就是小食，小小一碟，雖然小但麻辣鴨血都幾好味，而麻辣菇菌就比較淡唔麻又唔。而兩杯飲品就比較一般，好淡，飲唔到本身嘅味道，黑糖撞奶唔夠黑糖，芝士奶蓋更差整體佢地嘅食物但飲品就.......

觀塘放咗工之後諗唔到食咩醒起駱駝漆呢一邊好多良心小店於是就去返駱駝漆第三期11樓呢一度呢度嘅服務十分之好個侍應會係咁問你需要啲咩我估應該係家庭式經營朋友遲咗嚟佢跑過嚟個侍應見到自動俾咗杯水佢👍👍個服務真係一流再講下啲嘢食我哋分別一人叫咗個主食之後再每人加$38換一個任食小菜個小菜真係十分之抵食味道好好之餘而且唔係敷衍你剩係得幾條如果下次大家嚟食都建議大家可以加$38有蒜泥白肉黃金皮蛋仲有啲菇再講下啲麵食囉真係十分之有台灣嘅味道 並唔係根據香港人嘅口味調味唔知大家明唔明我講咩呢

而家疫情邊度都冇得去🥺好彩香港仲係一個美食之都邊個國家既美食都可以係香港搵到！！今次介紹岩哂鍾意台灣既朋友！一入餐廳就見到有台灣風格既牆壁！小木枱😌 午餐選擇非常多一個主食+小食+飲品今次試左最出名既試管鹽酥雞配魯肉飯+麻辣鴨血+青蛙撞奶🤤麻辣鴨血：鴨血爽口彈牙、麻辣味香濃！但如果食得辣既朋友可以加辣🤣🤣試管鹽酥雞配魯肉飯 ：個名咁得意 原來係用試管裝住唔同味既 調味粉、有梅粉、咖哩粉、芝士粉、辣椒粉！我自己最鍾意梅粉 酸酸地好開胃！雞炸到好酥脆！肉唔會好乾！鹵肉好入味！唔會太油 而且出面好多地方轉鹵肉飯要錢、呢間唔洗 勁開心！！青蛙撞奶：即係黑糖珍珠鮮奶 一黎到就好吸睛 黑糖掛杯做得好靚、又有厚奶😍😍珍珠好重黑糖味、不過如果少D冰更好👍🏻整體真係唔錯！！下次想試牛肉麵🤤🤤

唔好食，咁既價錢唔值得，叫左個鹽酥雞滷肉飯同唔知咩鹽酥豚肉滷肉飯，很普通，兩樣野食落冇分別，豪大大d雞都好食過佢，價錢又唔係平，63蚊既午餐，配一個小食，一杯野飲，小食叫左鴨血，點知隔離枱遲過我地到但早過我地食🙄然後仲要同我哋講賣晒，揀過第二樣，仲要等左半個鐘先上到菜，唔明咁普通既野點解會整咁耐，加左3蚊叫左杯珍球奶茶，都係無特別既珍珠奶茶，希望黃店注意下d水準，冇下次

五月星牛肉麵同朋友喺附近行街, 行到6點靚又係時間搵野食. 朋友比佢門口d 相吸引咗, 行到攰攰地, 又唔洗等位, 就咁就入去食啦. 我地叫咗: 招牌紅繞燒牛肉面, 刈包同試管鹽酥雞.招牌紅繞燒牛肉面 ($73): 牛肉係用牛展位, 有4-5小塊, 仲有幾舊白蘿蔔, 2樣都好入味. 好好食.  湯都好濃, 但朋友話d 湯似係買番黎多過自己整. 我就唔care, 好食緊要d.  刈包 ($32): 個包好好食, 好鬆軟. 而裡面就夾咗d 鹹菜, 一舊腩肉, 同有一層薄薄嘅糖, 用黎唔洗個包食落咁油膩. 如果舊腩肉可以瘦少少, 可以好食得黎健康d 我會鐘意多d.試管鹽酥雞 ($10) - 有6種調味粉選擇, 有香蔥粉, 梅粉, 辣椒粉, 海苔粉, 孜然粉同芝士粉, 放咗喺試管裡面, 想落邊種同落幾多都可以適隨專便 .  我最鐘意落梅粉點鹽酥雞, 甜甜鹹鹹咁, 好好食. 開頭無諗住叫鹽酥雞 , 後來服務生話而家做緊優惠, $10 一份.  真係好抵食呀.