五月星牛肉麵

营业中

休息中

跟住朋友去觀塘工廈搵好嘢食👍🏻假日都有午餐套餐，包主食，小食和飲品，非常滿足推介台灣紅燒牛肉麵湯底非常濃味，少辣惹味麵身有咬口，而且夠粗身，加上湯底咁厚身，可以掛到湯，perfect 👍🏻 同行兩個朋友，一個叫左個清燉牛肉麵，口味清淡啲嘅朋友就最岩食！另一個叫左五月星撈麵，試過吓，湯底帶酸，加上青瓜，夏天非常岩食！套餐配嘅小食同飲品同樣出色一啲都唔hea百香果汁絕對有驚喜👍🏻 加冰後，味道都無變淡，食完牛肉麵再飲，非常清新如果鐘意周圍搵嘢食嘅朋友，可以試吓

去親觀塘，想食台灣野就一定會去五月星！😍 第一次去食，已經比啲前菜深深吸引！只要點一個餐，加$32就可以加前菜放題👍🏼 前菜種類好多，黃金皮蛋，手拍青瓜，茄子，蒜泥白肉，鴨血等等…😋😋😋豬軟骨滷肉撈麵🤪台灣腸滷肉拌麵🤪每一樣嘢嘅份量都好多，好足夠。味道唔會過鹹過淡。豬軟骨唔會太肥，而且好入味，酸酸地好開胃！台灣香腸即叫即炸，食落啖啖肉，好好味呀！逢親晚餐都好多人排隊，想食嘅要早啲去😜

來了香港四年，除了豪大大雞排是台灣的，我都沒有在香港吃過臺菜，因疫情關係，沒法回台灣，太想吃牛肉麵，網上看的觀塘有家主打台灣牛肉麵的，中午去試試，店面不大，走黑暗路線，填寫菜單的時候，不是很明白，問了服務生阿姐，態度爛到不行，不知道是新手還是本身態度，不過，一碗麵加小菜跟珍奶總共$81，我覺得是還能接受的價格！小菜蒜泥白肉是還不錯，紅燒牛肉麵上來的時候，樣子給8.5分，但牛肉好軟像真空包，沒有嚼勁，麵條可以，不過湯就太甜了？！甜到懷疑人生，珍奶正常，整體給6.5分，就一次性的餐廳，畢竟還是台灣好吃，等疫情緩和立馬回台灣吃！

去工廈覓食見呢間店都多人等 就試下啦 等左大約半小時終於到我地 地方少都要搭枱 點了刈包加滷肉飯 涼拌茄子 招牌牛肉麵 加麻辣菇派對 另叫試管鹽酥雞 其實旁邊有不同調味料既試管 同鹽酥雞一齊食先上滷肉飯 肥豬肉拌飯加小青瓜食真係好正 刈包真係超愛 好少地方有得食 肥豬肉入口即溶加埋花生粉食真係超正 涼拌茄子我都好鍾意 牛肉麵 麵質彈牙 而且牛肉淋身 個湯好有牛肉味 飲完唔口渴 果然係招牌 鹽酥雞加芝士粉or辣味粉都好夾 其實我覺得呢間小店既野食岩我口味 侍應都好有禮貌見我地有消毒酒精 都會話可以用佢地枱面既 見到枱面濕會主動清潔 唯一要講就係食物上菜要等一陣先有 唔會好快上菜 例如牛肉麵同鹽酥雞都等左一陣先有 整體都ok既價錢唔算貴 可以一試

本身想食慢煮屋但太多人排隊見五月星無乜人就入左去食叫左三個主食紅燒牛肉面$73牛肉唔太新鮮，湯底偏甜，面無乜特別蜂巢牛肚面$73同一個湯底，牛肚係粉面鋪頭味道台灣腸拼花枝丸拌面$63正常三個小食試管🧪鹽酥雞$48算係好食既，份量偏少手拍青瓜$15無味蒜泥白肉$32啲肉鞋到笑三杯野飲，化學味不過廿幾蚊杯就無乜要求啦總結:以咁既價錢，咁既味道，真係無下次全部賣相都唔太吸引網上圖片只供參考室內燈光比較暗希望撐香港人既鋪頭都要注意質素

原本約咗朋友食西餐點知被飛機咁就唯有周圍睇吓有咩啱一個人食見到呢間五月星係黃店加上未夠1230已經坐滿人咁濟就決定試下😋78蚊一碗招牌紅燒牛肉麵+一款小食同飲品唔算好平 但都合理不愧係招牌牛肉麵一上枱已經俾大大塊的牛肉吸引試一啖牛肉湯係前所未有的濃稠 淡淡的藥材味中滲出一絲香甜食落無味精 因為我就快飲晒碗湯都無口渴🥰份量相當大 一般女仔應該食唔晒成碗小食揀左黄金皮蛋 比起皮蛋 我更鍾意皮蛋個汁有啲甜辣甜辣 好惹味😋

星期六晚飯決定到駱駝漆11樓食，因為上網睇到都有幾間黃店，所以嚟支持下！一出𨋢口，就見到五月星牛肉麵，响門口見到餐牌突然間好想食台灣野，台灣腸、魯肉飯、珍珠奶茶....可能我哋去到都算早，6點半，所以無咩人等位，我哋就直入坐低左。一入去就見到好多文宣，又好感觸😢Waitress 都好好招呼，簡單介紹左餐牌，仲話每位大人加$32就有無限小食、任食！不過多數都係辣嘅小食，所以我同爸爸都無加$32 (雖然都抵）😅個招牌紅燒牛肉麵好正！少辣得嚟又無搶左個牛𦟌嘅味，個湯好濃👍🏻個古早味鹽酥雞滷肉飯都整得有超地度嘅味道！最後叫嘅台灣腸拌麵都好好味，啲台灣腸大大嚿🤪

駱駝漆大廈出名多野食，今日就嚟咗11樓五月星牛肉麵🇹🇼食lunch。鋪頭標榜冇味精，唔會食到頸渴！lunch 有好多選擇，可以揀主菜，小食同埋飲品。之前食過招牌菜紅燒牛肉麵🙈，所以今次我就嗌咗個名好趣緻嘅👍試管鹽酥雞，麻辣鴨血同埋珍珠奶茶。呢個餐有得揀白飯/滷肉飯。食台灣菜緊係要試下滷肉飯啦😌。試管鹽酥雞真心好食👍，食落好鬆化（呢個形容詞好似形容緊餅乾😂）外層炸漿薄，雞肉食落唔會太鹹，但會令你keep住想食🤤🤤🤤小食同飲品就中規中矩。麻辣鴨血好辣🌶️🔥，辣到要飲多幾啖奶茶解辣。如果唔係好食得辣嘅人可以直接嗌其他，因為我呢個平時食開辣嘅都唔係好頂得順🤣。講返杯珍珠奶茶，唔太甜，但珍珠煮得有d淋。滷肉飯冇預期中好食。酸青瓜唔錯，可以中和滷肉嘅油膩！滷肉加入肥瘦豬肉，但甘香有餘，份量不足，食到一半變左食白飯，如果有多d汁撈飯會好d🙈。

📍 五月星牛肉麵 🎗📍 觀塘 • 駱駝漆大廈3座11樓F室星期天，本來想吃阿元來了，可是原來星期天休息；來觀塘駱駝漆大廈打算吃烏冬，可是沒有開門。看見這家《五月星牛肉麵》，都是台灣菜，都是黃店，就進去了～招牌紅燒牛肉麵 ($73)他們家招牌的紅燒牛肉麵，湯底牛肉味濃厚，有一點點辣。紅燒牛肉入味，質感夠軟👍試管鹽酥雞 ($48)試管🧪裡裝著不同味道的味粉，讓客人可以灑在鹽酥雞上。我們最喜歡的味道是芝士和孜然粉。除了可以灑味粉外，餐廳還有提供甜酸醬給客人沾喔。鹽酥豚肉滷肉飯 ($73)這個有待改進喔～鹽酥豚肉有點紅，怕他其實沒有熟透，所以沒有吃太多；滷肉方面，酸菜比滷肉還要多，滷肉香味不太重🙈任食小食 ($32/位)每位加$32就可以任吃小吃了，也太划算了吧！！蒜泥白肉這個很好吃，我們點了三碟XD其他小吃的味道都很好喔！不過以這個地段跟裝潢還有食物的質素，個人就覺得偏貴了一點點～-Menu:

午餐喺駱駝漆附近搵食，見到五月星餐牌在這區來說算中等，又有小食和飲品，就決定這家了。叫了五月星拌麵，味道有少許辣, 後來越食越辣，適合愛食辣既人。小食選了蒜泥白肉，好好味，白肉肥瘦適中。飲品凍柚子蜜，甜甜的剛好平衡麵的辣味。剛踏入餐廳就感覺十分親切。牆上也貼滿十分車站的照片，像重臨台北灣似的，在現在不能去旅行的時刻，也算是聊以安慰吧。沒怎麼等就被安排入座了，店員的效率很高。在下單的人沒空時，其他人會幫忙招呼客人，感覺很好。上菜速度也很快。共清花了73元，沒有加一。

環境頗靜，上次去吾洗特登等位，位置都好容易搵到。好多文宣癡左係鋪頭入面。餐廳衛生有待改善，樓面都還好，但係餐具都幾油，要洗同抹下。服務好好，員工好好人，不斷介紹同埋講解，每次送菜黎都好有禮貌。食物方面，叫左牛肉麵，滷肉飯，味道無好驚艷，都係普普通通牛肉麵。滷肉飯就吾夠滷肉，食到最後變左白飯。另外加左錢任食小食，都好多選擇，當中甜不辣係最好食！鹽酥雞有好多吾同味道既粉可以落，啲粉放系試管入面任落，好玩得黎又幾好食！

招牌牛肉麵好好食！少少辣但超級開胃😻 牛肉完成唔韌，好好食！！試管鹽酥雞好特別 有唔同粉比你落，雖然得6舊雞但岩岩好比你試哂唔同味，芝士味最夾個人覺得👍🏻 蒜泥白肉就麻麻地，不過有啲青瓜係底都幾好食！

屬於香港人💪🏿的🟡🟡五一黃金周🟡🟡其中一餐飯，原來駱駝漆有很多良心食店，要去多幾次。11樓食店很多香港人幫襯，紅假期間，每一間也要等一陣子才可入座，是好事。 裝修佈置是香港人的店👇🏿武漢肺炎疫情期間，每一枱也有搓手液供乘食客使用，很細心很大方。進到店子便是一陣濃烈的台灣牛肉麵味道，不得不叫一份紅燒牛肉麵試一試。是很大路的台式味道，麵質有咬口，肉亦夠稔。另一份是雞肉古早味伴麵，很多雞肉食品容易有冰鮮的腥味，這裏沒有，放心叫。由於沒有泡著熱湯底，所以麵質更加嚥嚥韌韌，更爽口，吃得清新。套餐是包主食、飲品及小食各一，我們沒有用心閱讀餐牌，只是按喜好剔上餐單。最終店員主動溫馨提示我們可加一份小食。

「五月星牛肉麵」位於觀塘駱駝漆大廈，工廠大廈內的台灣菜，全部食品無添加味精。晚市加$32任食小食優惠。餐廳有表明立場，門口有連濃牆，店內有大量文宣。⁣⁣🔸招牌紅燒牛肉麵⁣ $73湯底濃郁，有少許辣，粗麵條，牛肉淋夠入味。⁣⁣🔸試管鹽酥雞⁣  $48即叫即炸，香脆可口。⁣試管的意思是有六款調味料在六支試管內，有香草、蒜鹽粉、梅粉、芝士粉，辣粉等大家可以隨意調味。⁣⁣———————————————————⁣⛳️五月星牛肉麵 (觀塘)⁣觀塘開源道60號駱駝漆大廈3座11樓F室⁣⏰星期一至五 12:00-15:30，18:00-22:00⁣⏰星期六 18:00-22:00⁣⏰星期日及公眾假期 13:00-22:00⁣

51黃金週去食午餐。假日多人排隊、最好開店前一早到。叫左午餐「紅燒牛肉面餐、前菜：拍青瓜、配泡沫綠茶」「試管鹽酥雞滷肉飯、前菜：黃金皮蛋，配青蘋果茶」紅燒牛肉連軟骨炆得好林入味，粗面質彈牙煙un 煮不會過時，湯底少辣味夠香濃。鹽酥雞放得久還脆脆，配有多味味粉「芝士、辣、紫菜、楜椒等」一次可試混！滷肉飯肉粒較大好入味不太肥，汁味香甜配飯一流每個餐都只是$70-80，好抵食，下次會試清湯牛肉。